များများကြီးကိုလွဲနေတယ်

Myo Nyunt Thein added 2 new photos.

များများကြီးကိုလွဲနေတယ်
မနေ့ကတည်းက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ကယားပြည်နယ် ဒေသခံ လူငယ်များ ဆွေးနွေးချက်ကို တိုက်ရိုက်ထုတ်လွှင့်မယ်ဆိုတာ သိပေမယ့် ထိုင်ကြည့်ပြီး နားထောင်နိုင်ဖို့ အချိန် မပေးခဲ့ဘူး။ နေ့လယ်လောက်ရောက်တော့ မိတ်ဆွေတစ်ယောက်နဲ့ အတွေ့မှာ

“ဆရာရေ … ဆရာ့အကြိုက်ပဲ … ဒေါ်အောင်ဆန်းစုကြည် ပြောသွားတဲ့ ပညာရေးအမြင်”
ပိုပြီးတော့ စိတ်ဝင်စားမိပြန်တယ်။ ဒီနေ့မနက်တော့ သတင်းစာသွားယူပြီး အလောတကြီးရှာ ဆွေးနွေးချက် တွေကို အားရပါးရ ထိုင်ဖတ်မိပါတယ်။ တွေ့ပါပြီ
“ပညာရေးနဲ့ ပတ်သက်လို့ ဒီနိုင်ငံဟာ သိပ်ပြီးတော့ အဆင့်အတန်း နိမ့်သွားတာ အကြောင်းနှစ်ခုရှိပါတယ်” တဲ့ဗျာ။

ဘာတွေကြောင့်လဲ
၁။ ပညာရေးစနစ်ကိုက မကောင်းလို့ နိမ့်သွားတာ
၂။ ငြိမ်းချမ်းရေးမရှိလို့
နယ်စွန်နယ်ဖျားဒေသတွေမှာ နေထိုင်ရတဲ့ တိုင်းရင်းသားတွေက မငြိမ်းချမ်းလို့ စာမသင်နိုင်ဘူး။ ဒါကြောင့် ပညာမတတ်နိမ့်ကျနေတာ။
ဒါပေမဲ့ ရန်ကုန်နဲ မန္တလေးလို မြို့ကြီးတွေက ကျောင်းပိတ်ထားရတာမှ မဟုတ်တာလို့ ဒေါ်အောင်ဆန်းစုကြည် ကထောက်ပြတယ်။ ကျောင်းမပိတ်ရတဲ့နေရာတွေ ရှိနေပါလျက် ဘာကြောင့် ပညာရေး နိမ့်ကျနေသလဲ
“ကျောင်းမှာ သင်တဲ့ ပညာရေးစနစ်က မမှန်လို့”
ရှင်းပါတယ်နော် … ထပ်ပြောလိုက်ဦးမယ်
“ကျောင်းမှာ သင်တဲ့ ပညာရေးစနစ်က မမှန်လို့”
“မြန်မာနိုင်ငံရဲ့ ပညာရေးစနစ်က အရှေ့တောင်အာရှမှာတင် မဟုတ်ဘူး။ အာရှတိုက်တစ်ဝန်းမှာဆိုရင် နံပါတ်တစ် ပြေးတာပဲ။ အခု အဲဒီလို မဟုတ်ဘဲနဲ့ နံပါတ် နောက်ဆုံးလောက်က ဖြစ်နေတယ်။ အဲဒါကတော့ ပညာရေးစနစ် မမှန်ကန်ခဲ့လို့”
ကဲဗျာ … ရှက်တတ်ရင် ပြင်ပြီးတော့ ညာခဲ့သူတွေ သက်ရှိထင်ရှား ရှိနေသေးတာ။ လဲသေလိုက်ကြပါတော့။ အေးလေ မွေးတုန်းက ရှက်ကြောနဲ့ ချက်ကြော မှားဖြတ်တာ မခံရပေမယ့် “ပေါင်းစားရင်း အရိုးမကိုက်ရတဲ့ အရသာတွေသွားလို့ ရှက်ကြောကို ကိုယ့်ဘာသာကိုယ်ဖြတ်ထားသူတွေ” ဆိုတော့ လဲသေချင်လောက်အောင် နာမယ်လည်း မထင်ပါဘူး။
ဒေါ်အောင်ဆန်းစုကြည်က ပြောသေးတယ်ဗျ
“တချို့တွေက ဒီကာလရဲ့ ၁၀ စုနှစ်တွေ ကြားထဲမှာ ကျောင်းသား လူငယ်တွေ ခံခဲ့ရတဲ့ ကိစ္စကတော့ အစမ်းသပ်ခံ ဖြစ်သွားတာပေါ့”
ကျွန်တော်တို့ သားသမီးတွေကို ကြွက်ကလေးတွေ၊ ဖားကလေးတွေလို ရင်ခွဲပက်လက် အသက်ထွက်အောင် စမ်းသပ်ခြင်း ခံခဲ့ရတာလေ။ ဆက်ပြောသေးတယ်
“ပညာရေးနဲ့ ပတ်သက်လို့ မူတစ်ခု ချလို့ရှိရင် တကယ်တော့ အနည်းဆုံး ၁၀ နှစ်လောက်တော့ ဦးတည်ပြီး ကြည့်ရမယ်”
ဒေါ်အောင်ဆန်းစုကြည်က ခုတစ်မျိုး၊ တော်ကြာတစ်မျိုး ပြောင်းချင်တိုင်းပြောင်း၊ စိတ်ကူးရ အမိန့်ကောက်ထုတ် နေတာတွေကို ရည်စူးပြောပုံရပါတယ်။ တစ်နေ့တစ်မျိုး မရိုးနိုင်အောင်သာ အမိန့်တွေနဲ့ ပြောင်းနေတာပါခင်ဗျာ။ သူတို့ မပြောင်းချင်တာတွေကိုတော့ ခုထိ မပြောင်းပါ။ သင်ရိုးနဲ့ဖတ်စာဆိုတာမျိုးတွေပါ။ ပြောင်းလိုက်ရင် အများကြီး ပုံနှိပ်ထားတာတွေ ထိခိုက်ကုန်မယ်လေဗျာ။
ဆက်ပြောသေးတယ်
“အားလုံးသိတဲ့ အင်္ဂလိပ်ဘာသာစကားမှာ ညံ့နေတဲ့ကိစ္စ။ အားနည်းနေတဲ့ကိစ္စ။ အခု အင်္ဂလိပ်ဘာသာစကားက မသုံးချင်လို့ မရဘူး။ တစ်ကမ္ဘာလုံးမှာ သုံးတယ်။ တစ်ကမ္ဘာလုံးနဲ့ ယှဉ်ပြီးတော့ လုပ်မယ်ဆိုလို့ရှိရင် ဘာသာ စကား ကျွမ်းကျင်ဖို့လိုတယ်။ ၁၀ စုနှစ်ပေါင်းများစွာ အင်္ဂလိပ်ဘာသာစကား သင်ကြားမှုဟာ အားနည်းတဲ့ အခါကျတော့ သင်နိုင်တဲ့ ဆရာ ဆရာမတွေတောင် မရှိတော့ဘူးဖြစ်နေတယ်”
ဒေါ်အောင်ဆန်းစုကြည်ခင်ဗျား စိတ်မပူပါနဲ့ ကျွန်တော်တို့ ပညာရေးစနစ်မှာ အင်္ဂလိပ်လို မသင်နိုင်တော့တဲ့ အတွက် ပညာ့ ပညာရှင်တွေက အားလုံးကို မြန်မာမှုပြုပြီးတော့ သင်ပေးရေးဆိုပြီး လုပ်နေကြပါတယ်။ အင်္ဂလိပ်စာ မတတ်လို့ ဘာမှမဖြစ်ဘူးလို့ပြောလိုပြော၊ By name နဲ့ ဖိတ်ရင်တောင် နိုင်ငံခြား မလွှတ်ရဘူး ဆိုလိုဆို ထင်သလိုလုပ်နေပါတယ်။
“ဆရာ ဆရာမတွေ ကိုယ်တိုင်က အားနည်းတဲ့ စနစ်ထဲမှာ ကြီးလာပြီးတော့ ပညာသင်ယူခဲ့ရတာဆိုတော့ ဘယ်လို လုပ်ပြီး မှန်မှန်ကန်ကန် ပြန်သင်နိုင်မလဲ”
လက်ခံလိုက်ကြပါ ဆရာတို့ ဆရာမတို့။ မပျက် ပျက်အောင် ဖျက်ခဲ့တဲ့၊ စနစ်တကျဖျက်ခဲ့တဲ့ ပညာရေးစနစ် ဆိုးမှာ ကြီးပြင်းလာကြရပြီးတော့ အပျက်အဆိုးတွေကြားထဲမှာ အနေကြာ သေရွာပါ ပညာရေး ဖြစ်သွားတာ လက်ခံလိုက်ကြပါ။
ဒေါ်အောင်ဆန်းစုကြည် ထောက်ပြသွားတဲ့ အထဲမှာ အကြိုက်ဆုံးက
“အဓိကအစိုးရအနေနဲ့ အလေးထားတာက အသက်မွေးဝမ်းကျောင်းပညာ။ ပညာဆိုတာဟာ ကိုယ့်ဘဝကို ကိုယ်ကျောင်းနိုင်ဖို့ ပညာသင်တာပဲ။ ပညာတွေ သင်ထားပြီး ဘာမှ မလုပ်နိုင်ရင် စာအုပ်ကြီးတွေကိုင်ပြီးတော့ တစ်နေကုန် အိမ်မှာပဲ ထိုင်နေရင် ဘာမှ အသုံးမကျဘူး။ ကိုယ့်ဘဝ ကိုယ်ကျောင်းနိုင်အောင်လို့ဆိုတော့ အသက်မွေးဝမ်းကျောင်းပညာဟာ အင်မတန် အရေးကြီးပါတယ်” တဲ့ဗျာ။
ဒေါ်အောင်ဆန်းစုကြည်ခင်ဗျား
ကျွန်တော်တို့ ပညာရေးဝန်ကြီးကတော့ အောင်ချက်ညံ့ပြီး D ဖြစ်တဲ့သူတွေအားလုံးကို ဝိဇ္ဇာပြောင်းဖို့ အားပေးနေပါတယ်ခင်ဗျာ။
နည်းနည်းလေး မဟုတ်ပါခင်ဗျာ … များများကြီးကို လွဲနေပါတယ်။
တင်ညွန့်
၃၀.၁၂.၂၀၁၇