ဂျုံခင်းပေါ်က ကျီးကန်းများနှင့် အယ်လ်ဘမ်မထွက်ခင် ဖုန်ထကြခြင်း (သို့မဟုတ်) Dusty Way နှင့် အကြိုအင်တာဗျူး

 

ဂီတအကြောင်း သောင်းပြောင်းထွေလာ

 

ဂျုံခင်းပေါ်က ကျီးကန်းများနှင့် အယ်လ်ဘမ်မထွက်ခင် ဖုန်ထကြခြင်း
(သို့မဟုတ်)
Dusty Way နှင့် အကြိုအင်တာဗျူး

အညာသားတစ်သိုက်ရဲ့ ဖုန်ထူသောလမ်းကလေးအပေါ် ဒီနေ့ လမ်းလျှောက်ထွက်ခဲ့မိတယ်။ စကားတွေ တပြောပြောနဲ့ပေါ့။ ကျနော်တို့ကလည်း သိလိုတာမေး၊ သူတို့ကလည်း မေးသမျှဖြေနဲ့ ခရီးဆုံးကို ရောက်မှန်းမသိရောက်ခဲ့ကြတယ်။

Q - ဂျိုဂျိုးအနေနဲ့ ဂီတလောကထဲကို ဘယ်အချိန်လောက်က စတင်ရောက်ရှိခဲ့တာလဲ
A - ၂၀၀၆ ခုနှစ်လောက်ကပါအစ်ကို၊

Q- Dusty Wayကို ဘယ်နှခုနှစ်မှာ ဖွဲ့စည်းခဲ့တာလဲ
A - ၂၀၀၆ ခုနှစ်ကပါပဲ။ ဒီ လူစာရင်းတော့ မဟုတ်သေးဘူးပေါ့။

Q - ၂၀၁၆မှ ပထမဆုံးအယ်လ်ဘမ်ကို ထုတ်နိုင်ခဲ့တယ်။ ကြားကာလ ဆယ်နှစ်မှာ ဘာတွေလှုပ်ရှားခဲ့ကြသေးလဲ
A - ဟုတ် ...... မန်းလေးမှာ ၂၀၁၂ ထိ ပရဟိတ ရန်ပုံငွေပွဲတွေရော၊ UG ပွဲတွေရော တီးခဲ့ဆိုခဲ့ကြတယ်၊ ၂၀၁၂ ကုန်လောက်မှာ Solo Albumအတွက်ဆိုပြီးတော့ ကျွန်တော်တို့တတွေ ရန်ကုန်ကို ဆင်းခဲ့ကြတယ်၊ YGN ဂီတလောကမှာ အတွေ့အကြုံမရှိသေးတာရော ကိုယ့်ကိုယ်ကို အားမရဖြစ်တာရော၊
တခြား နေရေး စားရေး အခက်အခဲတွေရောပြီး ခု ၂၀၁၆ ထိ ရောက်သွားတာပါ။

Q - အခုလက်ရှိ Dusty Way တို့ရဲ့ line up က
A - VOCAL - ဂျိုဂျိုး
GUITAR - ညီငယ်
BASS - ဖိုးသား
DRUM - S.E
လိုအပ်တဲ့ K.B ကိုတော့ဖိုးသားကပဲ တီးတာပါ။ BASS/KB ဖိုးသားပေါ့၊

Q - အားလုံးက မန္တလေးအခြေစိုက်တွေပဲလား၊
A - မန်းလေးက ဂျိုဂျိူးနဲ့ဖိုးသား ၊ SE က စစ်ကိုင်းသား ၊ ညီငယ်က မုံရွာပါ အညာသားတွေ

Q - အညာသားတွေ ဖုန်ထကြတာပေါ့
A - ဟုတ်ပါ့ အစ်ကိုရေ ဟဲဟဲ

Q - အွန်လိုင်းပေါ်မှာ လူငယ်တွေကြား ပျံ့နှံ့ခဲ့တဲ့ away call ရော ဒီအခွေမှာ ပါမယ်မလား
A - မပါဘူးဗျ။အဲ့ဒီသီချင်းက တခြား GROUP ခွေမှာပါမယ်ဗျ။

Q - Wanted တို့နဲ့ ဂရုခွေမှာလား
A - ဟုတ် ...WANTED /SARAH/DUSTY WAY ခွေမှာပါ။

Q - အဲ့အခွေကိုလည်း လူငယ်အများ စိတ်ဝင်စားကြတယ်၊ ဘယ်တော့လောက်ထွက်မှာလဲ
A -ဒီနှစ်ထဲ ထွက်မယ်လို့တော့ ပြောတယ်ဗျ။

Q - ဂျုံခင်းပေါ်က ကျီးကန်းများမှာ တေးရေးတွေက
A - ဂျိုဂျိုး နဲ့ ကိုဖော်ကာပါ။ ကိုဖော်ကာနဲ့ဂျိုဂျိုး တွဲရေးထားတာ တပုဒ်။ `ထားခဲ့ပြီးသွား´ သီချင်းက ဂျိုဂျိုးနဲ့ ကိုဖော်ကာ ကျန်တာက ဂျိုဂျိုး ပဲရေးတာပါ။

Q - တေးရေးနာမည်မှာ Dusty Way Player တွေနာမည်လည်းပါနေတော့ ဘယ်သီချင်းများလဲ မသိဘူး၊
A - ဟုတ်တယ် Lyrics နဲ့ Composed ကို အားလုံးကိုပေါင်းလိုက်တာပါ။

Q - ဖော်ကာနဲ့ဂျိုဂျိုး ဆက်စပ်မိသွားတဲ့အကြောင်းရော သိခွင့်ရနိုင်မလား။
A - ၂၀၀၄ -၀၅ ကတည်းက ရင်းနှီးခဲ့ကြတာ။သီချင်းစရေးတော့လည်ဲးကိုဖော်ကာပဲ နားထောင်ပြီးဝေဖန်အကြံပေးပြုပြင်ပေးခဲ့တာ။ဒီမြူးဇစ်လာကထဲကို ကျွန်တော်တို့Dusty Way ၀င်လာဖို့အတွက်ရော ကူညီပေးခဲ့တာပါ။

Q - ဂျိုဂျိုးက ဖော်ကာအပြင် ဘယ်သူတွေအတွက် သီချင်းရေးပေးခဲ့သေးလဲ၊
A - ဟုတ် ရေးပေးခဲ့ပါတယ်။အခုနှစ်ပိုင်းထွက်ထားတဲ့ အထဲကတော့ ကိုမင်းသွေး၊ ကိုမင်းမင်းဟိန်းပေါ့၊အဲ .မထွက်သေးတဲ့ သီချင်းတွေတော့ မပြောတော့ဘူးအစ်ကိုရေ၊

Q - နေညိုချိန် (သို့) အရက်သမားက ဂျိုဂျိုးရေးတာလို့ သိရတယ်။ အဲ့သီချင်းကို ပြန်ဆိုဖို့ အစီအစဉ်ရှိပါသလား
A - မရှိပါဘူး အစ်ကို။

Q - Dusty Way အနေနဲ့ ဒီအခွေကို အနုပညာအတိုင်းအတာအရ ဘယ်လောက်အထိမျှော်လင့်ထားလဲ၊
A - ကျွန်တော်တို့ လေ့လာကြိုးစားထားသမျှကို မျှော်တော့ မျှော်လင့်တာပေါ့ဗျာ၊ ဘယ်လိုပြောရမလဲ
ကျွန်တော်တို့(ဂီတ) ဖန်တီးသလောက် ကျွန်တော်တို့ ပြန်ရဖို့တော့ မျှော်လင့်တာပေါ့ဗျာ။

Q - ဒီအခွေထဲမှာ တီးရ ဆိုရတာ အကြိုက်ဆုံးသီချင်းလေး ပြောပြလို့ရမလားမသိဘူး....တစ်ယောက်ချင်းစီရဲ့အဖြေပေါ့၊
A - အင်း တယောက်ချင်းဖြေမယ်နော်
(ဂျိုဂျိုး) -အလင်းဖြစ်စေနဲ့ နောက်ဆုံးပေါ်
(ညီငယ်) - တစ်ပုဒ်နှစ်ပုဒ်တော့ မဟုတ်ဘူး။ သီချင်းတိုင်းရဲ့ ရစ်သမ်ကို ကြိုက်တယ်။ ထားခဲ့ပြီးသွားနဲ့ မင်းနဲ့ငါ အဲ့ဒီနှစ်ပုဒ် တည်ကြတုန်းကတော့ အမှတ်တရပါပဲ။
(ဖိုးသား) - ထားခဲ့ပြီးသွားနဲ့ မြင်ပါလှည့် နှစ်ပုဒ် 🙂
(S.E) - မင်းနဲ့ငါ နဲ့ မြင်ပါလှည့်

Q - တစ်ဦးချင်းစီရဲ့အကြိုက်ဆုံး အားအရဆုံးသီချင်းတွေလည်း သိရပြီဆိုတော့ ဒီအခွေကို နားထောင်မယ့်သူတွေ အကြိုက်ဖြစ်မယ်ထင်တယ်လို့ စိတ်ထဲတွေးထားတဲ့သီချင်းများ ရှိမလား၊
A - BO BO Entertainment ကနေ အမြည်းအနေနဲ့ သီချင်းတစ်ပုဒ်တင်မှာပါ။ အဲ့သီချင်းက ထားခဲ့ပြီးသွား သီချင်းပုံစံက အသစ်လည်းဖြစ်တယ်။ ပရိသတ်တွေ ကြိုက်ကြမယ်လို့လည်းထင်တယ်။

Q - ဒီခွေမှာပါတဲ့ သီချင်းပုံစံတွေက
A - ကျွန်တော်တို့က ROCK သီချင်းကြိုက်တာချင်းတူကြတော့ Rock ပုံစံကို ကျောရိုးထားပြီး ကျွန်တော်တို့ လွပ်လွတ်လပ်လပ် ဖန်တီးထားကြတာပါ။
Alternative Rock /Indie Rock အဲ့ဒီနှစ်ခုထဲက တစ်ခုခုတော့ ဖြစ်မယ်ထင်တယ်အစ်ကိုရေ။

Q - ၂၀၁၂တုန်းက အင်တာဗျူးမှာလည်း မန်ဘာက ဒီလူတွေပဲ၊ခုလည်း ဒီလူတွေပဲ၊ ငါးနှစ်လောက် ဝိုင်းသားအပြောင်းအလဲမဖြစ်ခဲ့တာ ဘာကြောင့်လို့ထင်လဲ
A - အဓိကကတော့ နားလည်မှုပေါ့ဗျာ။ ကျနော်တို့တတွေ မန်းလေးကတည်းက
တယောက်အကြောင်း တယောက်သိဆိုတော့ကာ အားလုံး အတူတူပါပဲ။

Q - ပရိုမိုးရှင်းပွဲ ကျင်းပပြုလုပ်ပြီး ပရိသတ်တွေကို ဖျော်ဖြေဦးမှာလား
A - လောလောဆယ်တော့ လုပ်ဖို့မရှိသေးဘူးဗျ။

Q - MTV ရော
A - ဟုတ်။ လောလောဆယ်တော့ ခွေထဲမပါတဲ့ သီချင်းအသစ်တပုဒ်ကို MTV (free download)တင်မှာပါ။

Q - လေးနှစ်တာတွေ့ကြုံခဲ့ရတဲ့ အခက်အခဲတွေက
A - အစစအရာရာ အခက်အခဲတွေကတော့ အများကြီးပေါ့ဗျာ။ မှတ်မှတ်ရရကတော့ ဂစ်တာတွေကားယားကားယားလွယ်
ဘတ်စ်ကားတိုးစီးပြီး စတူဒီယိုကို ခဏခဏ သွားခဲ့ရဖူးတယ်။ ပွဲတီးအပြီး taxi ခ မကျန်ကြတော့လို့ ကန်တော်ကြီးမျှော်စင်ကျွန်းက ခြေလျင်လည်း ပြန်ခဲ့ရဖူးတယ်။အများကြီးပါဗျာ

Q - ရှေ့ဆက်သွားမယ့် အစီအစဉ်တွေလည်း သိပါရစေ
A - အနီးဆုံးပြောရရင်တော့ Groupခွေတွေ / ခုထွက်မယ့်ခွေရဲ့ MTV ရိုက်ဖို့။ ပြီးတော့ နောက် solo album အတွက်လည်း သီချင်းတွေ စလုပ်နေပါတယ်။အဝေးဆုံးပြောရရင်တော့ ကျနော်တို့ လုပ်နိုင်စွမ်းရှိနေသမျှ ဖန်တီးနိုင်စွမ်း ရှိနေသမျှ အသစ်အသစ်တွေ ဖန်တီးသွားမှာပါ။

Q - Wanted/Sarah/DustyWay 3 bands showတွေကျင်းပဖို့ အခွင့်အရေးရလာခဲ့မယ်ဆိုရင် လက်တွဲကြမလား
A - အတူတူတွေပဲဟာ တွဲမှာဆွဲမှာပေါ့ဗျ

Q - ခွေစထွက်တဲ့နေ့မှာ အွန်လိုင်းပေါ်တင်မယ့်သူတွေကို ဘာပြောဦးမလဲ။ အခုတောင် မထွက်သေးဘူး လင့်ခ်တောင်းနေသူတွေ ရှိနေတယ်လေ....

A - ဂီတကိုဖန်တီးထားကြတဲ့
ဂီတသမားတွေရဲ့ အခက်အခဲတွေကို
နားလည်စွာ /ကူညီစွာ/တန်ဖိုးထားစွာ/ရိုင်းပင်းစွာနဲ့ ဘယ်သီချင်းခွေပဲဖြစ်ဖြစ်
မူရင်းခွေကို အားပေးကြပါလို့ပြောပါရစေ။
ပြီးတော့ ခု ကျနော်တို့ခွေကို
ဝယ်ဖို့ခက်ခဲနေတဲ့ နေရာတွေအတွက်လည်း
Online Distribution
လာမှာပါ။

ဖြေကြားပေးသွားတဲ့ Dusty Way ဝိုင်းတော်သားများအားလုံးကို ကျေးဇူးတင်ပါတယ်၊
ခွေထွက်တဲ့အခါမှာလည်း အားပေးကြပါဦးလို့ ပြောကြားချင်ပါတယ်။ ၈ ရက်နေ့နော် မမေ့ကြပါနဲ့။

👇👇👇 Dusty Way´s page
https://m.facebook.com/Dusty-Way-281202598593333/

အင်တာဗျူးသူ
ကိုလောက်နှင့်မိငြိမ်း