လူငယ်တိုင်းလုပ်လို့ရတဲ့ အချက် (၄) ချက်...

ဘဝကိုတိုးတက်စေမည့်စာစုလေးများ

 

လူငယ်တိုင်းလုပ်လို့ရတဲ့ အချက် (၄) ချက်...

၁- ပုံမှန်ပိုက်ဆံစုပါ
၂- ပုံမှန်စာဖတ်ပါ
၃- အင်္ဂလိပ်စာလေ့လာပါ
၎- စည်းကမ်းတကျအမှိုက်ပစ်ပါ

၁- #ပုံမှန်ပိုက်ဆံစုပါ

ဝင်ငွေရှိတဲ့ လူငယ်က ဝင်ငွေကိုစုပါ
မုန့်ဖိုးရတဲ့ လူငယ်က မုန့်ဖိုးကိုစုပါ
အနည်းဆုံး ရသမျှပိုက်ဆံထဲက
၁ဝ ရာခိုင်နှုန်းလောက်ပဲ ပုံမှန်စုကြည့်ပါ
ပိုများများစုနိုင်ရင်တော့ ပိုကောင်းတာပေါ့
ပိုက်ဆံစုတတ်တဲ့အကျင့်လေးစွဲသွားတဲ့အခါ
ပိုက်ဆံရဲ့တန်ဖိုးကို နားလည်လာပါလိမ့်မယ်
စုထားတဲ့ပိုက်ဆံလေးတွေကိုကြည့်ပြီး
ပီတိဖြစ်လာတဲ့အခါ ပိုပိုစုချင်လာလ်ိမ့်မယ်
မလိုအပ်တာတွေကို ကုန်ရမှာ နှမြောတတ်လာမယ်
တကယ်လိုအပ်လာတဲ့အခါ သုံးစရာပိုက်ဆံက
အဆင်သင့်ရှိနေမယ်
သုံးတာနဲ့ ဖြုန်းတာကို ခွဲခြားတတ်သွားမယ်
ပိုက်ဆံစုတဲ့နေရာမှာ
ပညာရှိတွေရဲ့စကားကို ယူသုံးရရင်တော့
စုပြီး ပိုတာကိုပဲ သုံးပါ၊ သုံးပြီး ပိုတာကို မစုပါနဲ့တဲ့
ပိုက်ဆံစုတတ်တဲ့အကျင့်လေးတွေ
လူငယ်တွေမှာ ကူးစက်လာတဲ့အခါ
လူငယ်တွေအတွက်ရော နိုင်ငံ့အတွက်ရော
မရေမတွက်နိုင်တဲ့ အကျိုးအမြတ်တွေ ရလာပါလိမ့်မယ်...

၂- #ပုံမှန်စာဖတ်ပါ

တစ်နေ့ကို နာရီဝက်လောက်ပဲ အချိန်ပေးပြီး ဖတ်ကြည့်ပါ
ဂန္ထဝင်စာပေတွေဖတ်မှ မဟုတ်ပါဘူး
စာကြည့်တိုက်သွားပြီးဖတ်မှ မဟုတ်ပါဘူး
ပေါ့ပေါ့ပါးပါးစာအုပ်လေးတွေ ဆောင်းပါးလေးတွေလည်း
ဖတ်လို့ရပါတယ်
စာအုပ်ကိုင်ဖတ်မှ မဟုတ်ပါဘူး
အွန်လိုင်းပေါ်မှာလည်း ဖတ်လို့ရပါတယ်
ဖုန်းထဲမှာလည်း ဖတ်လို့ရပါတယ်
စာဖတ်ဖို့ မအားတဲ့သူတွေက
Audio book လေးတွေလည်း နားထောင်နိုင်ပါတယ်
ဒါပေမဲ့ မြန်မာဘာသာနဲ့ audio book ကတော့
တော်တော်ရှားပါတယ် ဒါမှမဟုတ်
ဟောပြောပွဲတွေ၊ အလုပ်ရုံဆွေးနွေးပွဲတွေသွားပါ
ကိုယ်လေ့လာလိုတဲ့ ကိုယ်အားသာတဲ့
စာပေအမျိုးအစားတွေကို ရှာဖတ်ပါ
ဖတ်ရင်း ဖတ်ရင်း စာဖတ်တဲ့ခံစားမှုကို
သဘောတွေ့ပြီး တခြားကဏ္ဍက စာပေတွေကိုပါ
မြည်းစမ်းချင်စိတ်ပေါ်လာပါလိမ့်မယ်
အနည်းဆုံး သုတ၊ ရသ ဘာမှ မဖတ်ချင်ရင်တောင်
ကိုယ့်ကျောင်းစာ၊ ကိုယ့်အသက်မွေးမှုနဲ့ ပတ်သက်တဲ့
စာပေတွေကို ရှာဖတ်ရင် အကျိုးရှိပါတယ်
စာဖတ်လို့ရလာမယ့် အကျိုးကျေးဇူးတွေကတော့
များလွန်းလို့ အသေးစိတ် မရေးတော့ပါ...

၃- #အင်္ဂလိပ်စာလေ့လာပါ

ကျောင်းနေဖူးသူတိုင်းတော့ အင်္ဂလိပ်စာနဲ့
ရင်းနှီးကြတာပါပဲ၊ ဘွဲ့ရတိုင်းလည်း
အင်္ဂလိပ်စာကောင်းကောင်းသင်ဖူးတာပဲ
ဒါပေမဲ့ အာရုံစိုက်မလေ့လာရင် ဝါသနာမပါရင်
တော်ရုံတန်ရုံဆေးညွန်းတောင် မဖတ်နိုင်ပါ
နောက်ပြီး ဘာလို့ အင်္ဂလိပ်စာအရေးကြီးလဲဆိုတော့
သူက ကမ္ဘာသုံးဘာသာစကားဖြစ်နေလို့ပါ
အနည်းဆုံး အင်္ဂလိပ်လို မပြောနိုင်၊ မရေးနိုင်ရင်တောင်
ကောင်းကောင်းဖတ်နိုင်တဲ့အဆင့်လောက်တော့
လူငယ်တိုင်းရှိနေအောင် ကြိုးစားသင့်ပါတယ်
မြန်မာဘာသာနဲ့ ရှိနေတဲ့ အရာဆိုတာက
အင်္ဂလိပ်ဘာသာနဲ့ ရှိနေတဲ့ အရာနဲ့ ယှဉ်လိုက်ရင်
အဆပေါင်းများစွာနည်းပါတယ်
ဆိုလိုတာက အင်္ဂလိပ်စာကို ကောင်းကောင်းဖတ်နိုင်သူရဲ့
သိမြင်နိုင်မှုနယ်ပယ်ကြီးက သိပ်ကိုကြီးလွန်းပါတယ်
ဥပမာ မြန်မာလိုရေးထားတဲ့စာအုပ်က တစ်အုပ်ရှိရင်
အင်္ဂလိပ်လိုရေးထားတဲ့စာအုပ်က တစ်သိန်းရှိပါတယ်
နောက်တစ်ခုက ဒီနေ့ခေတ်လို လုပ်ငန်းခွင်ထဲမှာ
အင်္ဂလိပ်စာတတ်တဲ့လူနဲ့ မတတ်တဲ့လူ
အလုပ်၊ လစာ၊ ရာထူး စသဖြင့် ကွာသွားပါတယ်
ဘာသာစကားလေ့လာတယ်ဆိုတာ
သင်တန်းသွားတက်မှ မဟုတ်ပါဘူး
တစ်ယောက်တည်းလည်း လေ့လာလို့ရပါတယ်
လက်ထဲမှာ အင်တာနက်ရှိနေတယ် ဖုန်းရှိနေတယ်
ကြိုက်တဲ့အချိန် အင်္ဂလိပ်စာလေ့လာလို့ရပါတယ်
တစ်နေ့ကို နာရီဝက်လောက်ပဲ အချိန်ပေးပြီး
လေ့လာကြည့်ပါ သေချာပေါက် အကျိုးရှိပါတယ်
အင်္ဂလိပ်ကားတို့၊ အင်္ဂလိပ်သီချင်းတို့၊ အင်္ဂလိပ်စာအုပ်တို့
ကြည့်တာ၊ နားထောင်တာ၊ ဖတ်တာလည်း
အင်္ဂလိပ်စာလေ့လာတာပါပဲ
အင်္ဂလိပ်မှ မဟုတ်လည်း ဂျပန် တရုတ်ဆိုစတဲ့
ဘာသာစကားအသစ်တွေကို လေ့လာတာလည်း
အကျိုးရှိတာပါပဲ...

၎- #စည်းကမ်းတကျအမှိုက်ပစ်ပါ

ဒီအချက်လေးက ထွေထွေထူးထူးပြောဖို့ မလိုပါ
သို့သော် လူငယ်တော်တော်များများ မလိုက်နာကြပါ
စည်းကမ်းမဲ့ အမှိုက်မပစ်နဲ့ဆိုတာ
သိပ်ပြီး တင်းကြပ်လွန်းတဲ့ ကျင့်ဝတ်မျိုး မဟုတ်ပါ
လွယ်လွယ်ကူကူလိုက်နာလို့ရပါတယ်
တချို့က အမှိုက်ဆိုတာကို အရွယ်အစားနဲ့
ဆုံးဖြတ်ပြီး ကြီးရင်တော့ မပစ်ဘူး
သေးရင်တော့ ပစ်တယ်ဆိုပြီး လုပ်ပါတယ်
တကယ်က ကြီးကြီးသေးသေး အမှိုက်က အမှိုက်ပါပဲ
ဆေးလိပ်တိုလေးပဲမို့လို့၊ သကြားလုံးခွံလေးပဲမို့လို့
တစ်ရှူးလေးပဲမို့လို့ ပစ်တာပါဆိုပြီး လုပ်လို့မရပါ
နောက်တစ်ခု အမှိုက်တော့ပစ်ပါရဲ့
ဘယ်သွားပစ်လည်းဆိုတော့ မြောင်းထဲပစ်ကြတယ်
လမ်းမပေါ်တော့ မပစ်ဘူး
လမ်းဘေးတော့ ပစ်တယ်ဆိုတာမျိုးတွေရှိပါတယ်
တချို့က အမှိုက်ပုံးမှ ထားမပေးတာဆိုပြီး
ဆင်ခြေပေးပါတယ် တကယ်က မဆိုင်ပါဘူး
ကိုယ့်ဆီက ထွက်လာတဲ့အမှိုက်ကို တာဝန်ယူရမှာ
ကိုယ်ကိ်ုယ်တိုင်ပါ အမှိုက်ပုံးမရှိရင်
ရှိတဲ့နေရာအထိ အမှိုက်ကို သယ်သွားပါ
အပန်းမကြီးပါဘူး၊ လူငယ်တွေအနေနဲ့
အမှိုက်ပစ်တဲ့ စည်းကမ်းလောက်ကို လိုက်နာနိုင်မှ
သူ့ထက်မြင့်တဲ့ စည်းကမ်းတွေကို
ဘဝတစ်လျှောက်မှာ လိုက်နာနိုင်လာမှာပါ
ဆိုတော့ ကိုယ့်ကြောင့် တစ်ရှူးလေးတစ်စတောင်
ကမ္ဘာပေါ်မှာ ပရမ်းပတာ ပြန့်ကြဲမနေမိပါစေနဲ့...
အခုရေးပြခဲ့တဲ့ အချက် (၄) ချက်ဟာ
လူငယ်တွေအတွက်
အချိန်တွေလည်း အများကြီး မပေးရပါဘူး
ပိုက်ဆံတွေလည်း အများကြီး မကုန်ပါဘူး
လုံ့လဝီရိယတွေလည်း အများကြီး မစိုက်ရပါဘူး
တခြားအပျော်တွေကိုလည်း မစွန့်လွှတ်ရပါဘူး
လက်ရှိလုပ်နေတာတွေကိုလည်း မထိခိုက်ပါဘူး
ဘဝနဲ့လည်း မရင်းရပါဘူး...
သို့သော် ပုံမှန်လုပ်ဖြစ်နေမယ်ဆိုရင်တော့
ရရှိလာမယ့် အကျိုးကျေးဇူးတွေက
ကိုယ့်အတွက်ရော
ကိုယ့်မိသားစုအတွက်ရော
ကိုယ့်ပတ်ဝန်းကျင်အတွက်ရော
ကိုယ့်နိုင်ငံအတွက်ရော
နောက်ဆုံး ကမ္ဘာကြီးအတွက်ပါ
သိပ်ကိုအကျိုးကျေးဇူးများသွားမှာပါ...
ဟုတ်ကဲ့ လူငယ်တော်တော်များများလည်း
အခုပြောခဲ့တဲ့အချက်တွေကို ဒါမှမဟုတ်
အခုပြောခဲ့တဲ့အချက်တွေထက်ပိုပြီး
ကြိုးစားရုန်းကန်နေကြမယ်လို့ ယုံကြည်မိပါတယ်...

Wai Phyo Maung
29.7.2016