လက်တွေ့သိလိုက်ရသူတို့ရဲ့ အတွေ့အကြုံတွေပါပဲ။
ကိုယ်တိုင် အိမ်ထောင်ပြုလိုက်မှသာ သိနိုင်မယ့်အရာအချို့ရှိပါတယ်။ အောက်ဖော်ပြပါ အချက်တွေကတော့ အိမ်ထောင်ရေးနဲ့ ပတ်သက်ပြီး မှားယွင်းတဲ့အယူအဆတွေရှိခဲ့သူတွေ သိလိုက်ရတဲ့ သင်ခန်းစာတွေ ဖြစ်ပါတယ်။ သင်လည်း သူတို့ရဲ့အတွေ့အကြုံကနေ အိမ်ထောင်ရေးအကြောင်း လေ့လာနိုင်ပါတယ်။
၁။ သာယာတဲ့ အိမ်ထောင်ရေးဖြစ်ဖို့ အချစ်တစ်ခုတည်းနဲ့ မလုံလောက်ဘူး
ကိုယ့်အိမ်ထောင်ဘက်ကို ချစ်ရုံသာမက သဘောကျနှစ်ခြိုက်ရမယ်၊ လေးစားမှုရှိနေရမယ်။ အချစ်ဆုံးသူငယ်ချင်းလို ဖြစ်နေရပါမယ်။ ဘဝတစ်သက်တာ ရဲဘော်ရဲဘက်ဖြစ်ဖို့လိုပါတယ်။
၂။ သင်ဒေါသထွက်ရတဲ့ စိတ်ပျက်စရာအကျင့်တွေဟာ လက်ထပ်ပြီးတာနဲ့ ပျောက်သွားမှာ မဟုတ်ဘူး
လက်ထပ်ပြီးတဲ့အချိန်မှာ သူ့မှာရှိတဲ့ သင်စိတ်ပျက်ရတဲ့အကျင့်တွေက အဆပေါင်းများစွာ ဆိုးရွားလာမယ်။ ချစ်သူဘဝမှာ သင်စိတ်ပျက်သွားမှာစိုးတဲ့ စိတ်နဲ့ ထိန်းချုပ်မှုတွေ ရှိနေသေးတဲ့အတွက် သင်မြင်ရတဲ့ ဆိုးရွားမှုတွေက နည်းတောင် နည်းနေပါသေးတယ်။
၃။ အမြဲတမ်း အတူရှိနေဖို့ မလိုအပ်ဘူး
အိမ်ထောင်သည်တွေဖြစ်တဲ့အခါ စီးပွားရေး အတူလုပ်တာတို့၊ ဘယ်သွားသွား အနားက ကပ်ပါနေတယ်ဆိုတာ ကြာရင် တစ်ဦးကိုတစ်ဦး ငြီးငွေ့စရာဖြစ်သလို အပြစ်တွေလည်း ပိုမြင်လာနိုင်ပါတယ်။ လူတိုင်းမှာ ကိုယ့်ဝါသနာကိုယ်လုပ်ဖို့ အချိန်ရှိသင့်ပါတယ်။
၎။ သင့်အိမ်ထောင်ဘက်က တစ်ခုခုကို စိတ်ညစ်နေတယ်လို့ သံသယဖြစ်ရင် အကြောင်းရင်းကို သိရအောင် လုပ်ပါ
ဘာမှမဟုတ်ဘူးလို့ လျစ်လျူမရှုပါနဲ့။ ဘာမဟုတ်တာလေးတစ်ခုအပေါ် သူက စိတ်ညစ်တတ်တယ်ဆိုရင်တောင် သူဘာအတွက် စိတ်ညစ်တယ်ဆိုတာ သင်သိထားဖို့ နားလည်ထားဖို့ လိုအပ်ပါတယ်။
၅။ လက်ထပ်စာချုပ်က ဘာမှ သိပ်ပြောင်းလဲမပေးနိုင်ဘူး
လက်ထပ်စာချုပ်ရှိနေလို့ သူ့ကို သင်ပိုင်တယ်လို့ ယူဆနေပါလိမ့်မယ်။ လူတစ်ယောက်ရဲ့စိတ်ကို စာရွက်တစ်ရွက်က ပြောင်းလဲပေးနိုင်စွမ်း၊ ထိန်းချုပ်နိုင်စွမ်း မရှိပါဘူး။
၆။ စိတ်ပျက်စရာအိမ်ထောင်ရေးမှာ အတင်းကြိတ်မှိတ်နေစရာမလိုဘူး။
ငါ့ဘဝတော့ဆုံးပြီဆုိုပြီး ဘဝကို ရေစုံမျှောစရာ အကြောင်းမရှိပါဘူး။ ခိုင်မြဲတဲ့ အိမ်ထောင်ရေးဖြစ်ချင်တာ အိမ်ထောင်သည်တိုင်းရဲ့ဆန္ဒဖြစ်ပေမဲ့ အဲဒီအိမ်ထောင်ရေးက သင်လိုချင်တဲ့ သင်ဖြစ်ချင်တဲ့ သင်နဲ့ထိုက်တန်တဲ့ အိမ်ထောင်ရေးမဟုတ်ဘူးဆိုရင် သင့်မှာ ရွေးချယ်စရာတွေ အများကြီးရှိပါတယ်။
၇။ နှစ်ဖက်ဆွမျိုးတွေက သင့်ရဲ့အိမ်ထောင်ရေးကို စမ်းသပ်လိမ့်မယ်
မိသားစု ပြဿနာတွေဆိုတာ လူတိုင်းမှာ ရှိကြပါတယ်။ အိမ်ထောင်သည်တွေရဲ့ အဓိကပြဿနာတွေကလည်း ဆွေမျိုးမိဘတွေကြောင့် ဖြစ်ရတာများပါတယ်။ တစ်ယောက်နဲ့တစ်ယောက် နားလည်မှုနဲ့ မဖေးမနိုင်ရင်၊ ဆွေမျိုးမိဘအပေါ် လိုအပ်တာထက် ဂရုစိုက်ရင် အိမ်ထောင်ရေးမှာ အက်ကြောင်းထင်လာနိုင်ပါတယ်။
Source & Photos : Life
http://www.duwun.com.mm
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။