ငေါင်း ဆိုသော သတ္တ၀ါ
=====
ဒီကနေ့ပဲ ကမ်မ္ဘောဒီးယား Page တစ်ခုက နေ ပြန့်လာတာ ခပ်ဆန်းဆန်း လူလိုလို သရဲလိုလို နဲ့ သတ္တဝါ တစ်ကောင် ပုံကို တော်တော်များများက ဘာကောင်းလဲ သိချင်ကြပြီး ၊တစ်ချို့ ကတော့ သစ်သားကိုထွင်းထုထားတာ လို့ ဆိုကြပါတယ်။
တကယ်တော့ ဒီသတ္တဝါ ဟာ မျိုးတုန်းလုနီးပါး ပျောက်ကွယ်နေသော ငေါင်းဆိုတော့ သတ္တဝါ သာဖြစ်ပါတယ် ။
ရှေးအခါက ဒေါနတောင်တန်းတွင် အများအပြားတွေ့ရတတ်ပြီး ၊ ယခုအခါမှာတော့မရှိသလောက်ကို
ရှားသွားပြီဖြစ်ပါတယ်။
လူတော်တော်များများက ငေါင်းဟူသော သတ္တ၀ါကို ယုံတမ်းစကား သို့မဟုတ် နာနာဘာဝအကောင်လို့ ယူဆ ကြပါတယ်။
ဒီဘက်ခေတ်မှာတော့ သိသူတော်တော်နည်းသွားပါပြီ။
ငေါင်းကောင်သည် လူနှင့်တူသောသတ္တဝါဖြစ်ပြီး ဆံပင်အလွန်ကောင်းပါတယ်။
ငေါင်း၏ဆံပင်ကိုဆံစု (ဆံတု)လုပ်ပါကဆံပင်ကောင်းသည်ဟုအယူရှိသဖြင့်ရှေးခေတ် အမျိုးသမီးများ ငေါင်း၏ဆံပင်ကိုဆံစု(ဆံတု)လုပ်ကြလေ့ရှိပါတယ်။
မြန်မာနိုင်ငံမှာတော့ ဟုမ္မလင်းနယ်စပ် ၊ ဗန်းမောက်နယ် ၊မြစ်ကြီးနား ၊ မိုးကောင်း တို့ဘက်မှာတွေ့ခဲ့ရဘူးပါတယ် ။
ဒါအပြင်
ဆရာ မောင်ကြည်သန့် ရေးတဲ့မြန်မာ့ဖြစ်ရပ်(၁၀၀)စာအုပ်မှာတော့ငေါင်းအကြောင်းကို …
"" ငေါင်းသတ္တ၀ါသည် ကိုယ်ခန္တာပြားချပ်၏၊ လက်နှစ်ဖက်ပါကာ လက်မောင်းများထွားကြိုင်း၏၊အရပ်ငါးပေ
တစ်လက်မခန်ရှိသည်၊ဒူးဆစ်မရှိ ။ခြေတစ်ချောင်းသာပါ၏ ၊ခြေဖ၀ါးသည်အနောက်ဘက်သို့လှည့်နေပြီး
ဖနှောင့်သည် အရှေ့တွင်ရှိသည်။ ခါးတစ်ဆစ် ခြေမျက်စိ တစ်ဆစ် နှစ်ဆစ်သာပါ၏၊နဖူးသည်ခြောက်လက်မ
ကျော်ကျယ်၍ပြောင်၏၊ မေးကောက်သည်၊ခေါင်းနောက်စေ့တွင် ပေါက်ချွန်းပမာအမောက်ပမာ အရိုးကြီးပါ
ရှိသည်၊သစ်ပင်ထူထပ်သောတောနက်ကြီးမျာတွင်နေထိုင်တတ်သည်သစ်ပင်တစ်ပင်မှ တစ်ပင် ကူးပြောင်းသွား
လာတတ်၏ ဟု့လေလာတွေရှိချက်အား ကချင်ပြည်နယ် နန်းမွန်ရွာအမတ်ဟောင်းတစ်ဦးမှ ရေးသားဖူး
ကြောင်း ငှက်အမျိုးအနွယ်လဲမဟုတ် ပါ အတောင်မပါရှိပါ။" လို့ ပါရှိပါတယ်။
ငေါင်းသတ္တ၀ါကို တော်တော်များများကတော့ တကယ်မရှိတဲ့ အကောင်(သို့) ယုံတမ်းစကားအဖြစ်သာ ယုံကြည်ထားကြပါတယ်။
သို့သော် ရှေးခေတ် မှတ်တမ်းတင်ထားခဲ့တဲ့ အချက်အလက်များအရ ဒီသတ္တ၀ါရှိခဲ့ တာကိုတော့ ငြင်းလို့ မရပါ။
ငေါင်းနှင့်ပတ်သတ်လို့ အခိုင်မာဆုံးအထောက်အထားတွေအနေနဲ့ တွေနိုင်တာကတော့
ကုန်းဘောင် ခေတ် ရွေတိုက်တော်တွင်ထားရှိရတဲ့
ရွှေနန်းစဉ်လက်သုံးပုရပိုက်ဖြူ ဖြစ်ပါတယ်။
ဒီပုရပိုက်ဖြူထဲမှာ
"လူမျောက်ငရွှေမောင်၊ ကိန္ဒရာအသေ
ခြောက်၊ နဂါးဂဠုန်အသေခြောက်၊ ရေသူမ၊နဂါးငါးကောင်၊ ကျွန်းဖိုကျွန်းမပင် စတဲ့အကြောင်းအရာတွေနဲ့
အတူ လူငေါင်းပုံများလည်း ပါဝင်တယ်လို့သိရပါတယ်။""
၎င်းသတ္တဝါသည် ခြေတဆစ်လက်တဆစ်သာရှိသောကြောင့် လူကဲ့သို့ ကွေး၍မရချေ။
သို့သော်အလွန်အပြေးသန်သည်။ ကမ္ဘာပေါ်တွင် အပြေးအသန်ဆုံးဖြစ်သည်ဟုသိရသည် ။
၎င်းတို့ကိုဖမ်းဆီးရန်မှာ ၎င်းတို့ကျက်စားရာပါတ်ဝန်းကျင်တောင်စောင်းတနေရာတွင်ဝါးဖက်
(ဝါးပိုးဖက်)များကိုခင်းထားရပြီး ဖက်ခင်းထားသည့်တောင်စောင်းဘက်သို့၎င်းတို့ကို မောင်းနှင်လိုက်
သည့်အခါ ၎င်းတို့သည် ဖက်များကိုနင်းမိကာ ခြေချော်ကာတောင်အောက်သို့လိမ့်ကျသွားတတ်ပါတယ်။
ထိုအခါမျိုးမှာ တောင်အောက်မှစောင့်၍ ဖမ်းရပါတယ်။ ၎င်းငေါင်းကောင်သည် လဲကျရာမှထ လိုလျှင်
သစ်ပင်ငယ်လေးများရှိရာသို့လူးလှိမ့်ပြီး ထိုသစ်ပင်ငယ်လေးများကို ကိုင်တွယ်ဆွဲယူပြီးထ ကြရပါတယ်။ ၎င်းတို့ လဲကျရာမှ မထ နိုင်မှီ အမိဖမ်းရတယ်လို့ သိရပါတယ်။
ကချင်ပြည်နယ်၊ မိုးကောင်းမြို့နယ်၊ နမ္မတီးအနောက်ဘက်၊ နနွယ်ရွာကမလေးမှ ဒေါ်စိန်ပုက လယ်သမားများ ဆည်ပိတ်ထားသည်ကို လာဖောက်သည့် ငေါင်းတစ်ကောင်အကြောင်း ကြားခဲ့ဘူးပြီး ၊
လယ်သမားများ ချထားသော ငှက်ပျော်ဖတ်ပေါ် ချော်လဲ၍ ဖမ်းမိသည်။ ငေါင်းသည် ငှက် မဟုတ်ပေ၊ အတောင်ပံမပါချေ၊ အရပ်ငါးပေကျော်သည်၊ ခါးကျောအဆစ်လုံးဝ မရှိပေ။
ရှမ်းဘာသာစကား အရ ငေါင်းကိုကာပူးဒွန်းဟုခေါ်ပါတယ်။
ကာ=အနီးအနားတွင်နေသည်။
ပူ=အဖိုး။
ဒွန်း=ကုပ်ခိုင်းသည်။
မြန်မာလိုဆီလျော်အောင်ပြန်မည်ဆိုပါက
တောစပ်အနီးတွင်နေထိုင်ပြီး
ကုပ်ခိုင်းသောအဖိုးအိုဟုဖြစ်မည်ထင်သည်။
(ပုံထဲက အကောင်ကတော့ ခြေနှစ်ချောင်းပါဝင်ပြီး ဒူးကွေးလို့ ရတာကိုတွေ့ရပါတယ် ။ ဒါကြောင့် ငေါင်း (သို့) မျိုးနွယ်ကွဲသာဖြစ်ပါလိမ့်မယ်)
#ကျွန်းသေတ္တာ
#ThetPaingTun
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။