“လုပ်ထားရမယ့် SWOT analysis”

 ကျောက်သင်ပုန်း

 

“လုပ်ထားရမယ့် SWOT analysis”

ခုခေတ်မှာတော့ SWOT analysis ဆိုတာက တော်တော်များများ ကြားဖူးပြီးသား စကားလုံးတစ်ခု ဖြစ်နေပါပြီ။ လုပ်ငန်းတစ်ခုပဲဖြစ်ဖြစ်၊ လူတစ်ယောက်အနေနဲ့ပဲဖြစ်ဖြစ် ကိုယ့်ရဲ့အားသာချက် (Strength)၊ အားနည်းချက် (Weakness)၊ အခွင့်အလမ်း (Opportunity) နဲ့ စိန်ခေါ်မှု (Threat) တွေကို သိထားဖို့ လိုပါတယ်။ ဒါမှလည်း အဲဒါတွေပေါ်မူတည်ပြီး ကိုယ်ဘာလုပ်သင့်တယ်ဆိုတာကို ဆုံးဖြတ်နိုင်မှာ ဖြစ်တာကိုး။

အချက်(၄)ချက်ထဲမှာမှ အားသာချက်၊ အားနည်းချက်နှစ်ခုက ကိုယ်နဲ့တိုက်ရိုက်သက်ဆိုင်တဲ့ Internal factors တွေ ဖြစ်ပြီးတော့ အခွင့်အလမ်းနဲ့ စိန်ခေါ်မှုတွေက ပြင်ပအခြေအနေ External factors တွေလို့ ပြောကြပါတယ်။
ခုပို့စ်မှာတော့ ဒီအချက်တွေကို ဆန်းစစ်တဲ့နေရာမှာ အလွယ်တကူမှတ်လို့ရတဲ့ Framework နှစ်ခုနဲ့ ရှင်းပြပါမယ်။

*Strength & Weakness*

ကိုယ့်အားသာချက်၊ အားနည်းချက်တွေကို PASKEC ဆိုတဲ့ အချက်(၆)ချက်နဲ့ စဉ်းစားကြည့်လို့ ရပါသတဲ့။

P – Physical (ရုပ်ပိုင်းဆိုင်ရာ)
ကိုယ့်ရဲ့ကျန်းမာရေးအခြေအနေ၊ အကြမ်းခံနိုင်မှု၊ အပင်ပန်းခံနိုင်မှု၊ ဒါတွေကို သုံးသပ်စေချင်တာပါ။ လူဆိုတာက ဘယ်လောက်ပဲ တော်နေတတ်နေပါစေ၊ မကျန်းမာရင် အလုပ်မဖြစ်ပါဘူး။ ဒါကြောင့် ကိုယ့်ရဲ့နေ့စဉ်ဘ၀မှာ ကျန်းမာဖို့အတွက် နေထိုင်စားသောက်ပုံ မှန်သလား၊ ကျန်းမာရေးအတွက် အချိန်ပေးဖြစ်နေရဲ့လား စဉ်းစားကြည့်လို့ ရပါတယ်။

A – Attitude (ခံယူချက်)
လူတစ်ယောက် အောင်မြင်မှာလား၊ ရှုံးနိမ့်မှာလား ဆိုတာကို အဓိက အဆုံးအဖြတ် ပေးတာ အဲဒီခံယူချက်ပါပဲ။ ကျွန်တော်တို့ဆီ ရောက်လာတဲ့အရာတွေကို ရွေးချယ်လို့ မရပါဘူး၊ အဲဒါတွေကို ဘယ်လိုတုံ့ပြန်မလဲဆိုတာသာ ရွေးချယ်လို့ရပါတယ်။ ဘ၀မှာ အင်မတန်သေချာတဲ့အရာနှစ်ခု ရှိသတဲ့။ တစ်ခုက သေဖို့နဲ့ နောက်တစ်ခုက ရှုံးနိမ့်ဖို့။ လူတိုင်းရှုံးနိမ့်ဖူးပါတယ်၊ အဲဒီထဲက တချို့ကတော့ အရှုံးဆိုတာ ကိုယ့်အတွက် အကောင်းဆုံးသင်ခန်းစာဆိုပြီး ရှေ့ဆက်ကြိုးစားလိုက်တာ အောင်မြင်သူတွေ ဖြစ်လာကြပါတယ်။ အများစုကတော့ တော်ပါပြီဆိုပြီး လက်လျှော့ရင်း ခုနကလူတွေကို အားကျနေကြရတယ်။
ကွာခြားမှုက တစ်ခုတည်းပါပဲ၊ အဲဒါဟာ Attitude ဆိုတဲ့ ခံယူချက်ပါ။

S – Skill (ကျွမ်းကျင်မှု)
ဒါကိုတော့ အမျိုးမျိုး အဓိပ္ပါယ်ဖွင့်လို့ ရပါတယ်။ လွယ်လွယ်ကူကူ Hard skill နဲ့ soft skill ဆိုပြီး ခွဲပါ့မယ်။
သက်ဆိုင်ရာလုပ်ငန်းနဲ့ပတ်သက်တဲ့ ကျွမ်းကျင်မှု ရှိသလား၊ ဒါဆို Hard skill ပြည့်စုံပါတယ်။
Soft skill ဆိုတာကတော့ EQ မြင့်မမြင့်ကို ဆိုလိုတာပါ။ ကိုယ့်ခံစားချက်တွေကို ဘယ်လောက်ထိန်းချုပ်နိုင်သလဲ၊ ဘယ်လောက်ထိ စိတ်အားထက်သန်မှု ရှိသလဲ၊ ကိုယ်ချင်းစာတတ်သလဲ စတဲ့ စိတ်ဓါတ်အရည်အသွေးတွေ အားကောင်းမကောင်း ဆန်းစစ်ကြည့်လို့ရပါတယ်။

K – Knowledge (ပညာ)
ဒီဘက်ခေတ်မှာတော့ Knowledge ကို ပညာလို့ပဲ ပြောနေကြပါပြီ။ စာအုပ်ဖတ်လိုက်တယ်၊ ဖေ့စ်ဘွတ်ကြည့်လိုက်တယ်၊ ဒါတွေဟာ သတင်းအချက်အလက် (Information) တွေပါ၊ ပညာမဟုတ်သေးပါဘူး။ ဒါတွေကို ကိုယ့်အတွေ့အကြုံ၊ စဉ်းစားဆင်ခြင်ဥာဏ်နဲ့ သုံးသပ်လိုက်တော့မှ ပညာအဆင့်ကို ရောက်ပါတယ်။ စာဖတ်သူတိုင်း မအောင်မြင်ကြဘူးဆိုတာ ဒါကြောင့်ပါ။ သတင်းအချက်အလက် အဆင့်မှာ ရပ်မနေကြဖို့ လိုပါတယ်။

E – Experience (အတွေ့အကြုံ)
အတွေ့အကြုံဆိုတာ တကယ်တော့ ပညာရဲ့အစိတ်အပိုင်းတစ်ရပ်လို့ ပြောရင်လည်း မမှားပါဘူး။ ကိုယ့်ကိုယ်ကိုယ် မေးကြည့်ပါ။ ငါ ပြီးခဲ့တဲ့တစ်နှစ်အတွင်း အကြီးမားဆုံးရခဲ့တဲ့ သင်ခန်းစာ (၃)ခုက ဘာတွေလဲ လို့။ ရုတ်တရက် မဖြေနိုင်ပါဘူး။ ဘာလို့ဆိုတော့ ကျွန်တော်တို့က ဖြစ်တုန်းခဏပဲ သွေးပူလိုက်ကြတာကိုး။ ပြီးရင်မေ့မေ့ပျောက်ပျောက်ပဲ။ အဲဒါကပဲ ကျွန်တော်တို့တွေ တူညီသော အမှားတစ်ခုကို ထပ်ကာထပ်ကာ လုပ်မိကြခြင်းရဲ့ အကြောင်းရင်းတစ်ခု ဖြစ်လာတော့တာပါ။

C – Capacity (လုပ်ဆောင်နိုင်စွမ်း)
အပေါ်မှာ ပြောခဲ့ပြီးတဲ့ ပညာ၊ ကျွမ်းကျင်မှု၊ စတာတွေအပြင် နောက်ထပ် ထပ်ထည့်ချင်တာတစ်ခုက Power ပါ။ ဘယ်နယ်ပယ်မှာမဆို အောင်မြင်နေတဲ့သူတွေ ကြည့်လိုက်ပါ။ မနက်ဆို ၉နာရီလောက်မှ အေးဆေးထ၊ နေ့ခင်းဆို တစ်ရေးပြန်အိပ်၊ ညဆို စောစောအိပ်ရာဝင်၊ တော်ကြာ အပန်းဖြေလိုက်၊ နည်းနည်းနေမကောင်းတာနဲ့ ခွင့်ယူလိုက်၊ လုပ်နေကြတဲ့သူတွေ မဟုတ်ပါဘူး။ တစ်နေ့အိပ်ချိန်နည်းနည်းနဲ့ အလုပ်ကို ဇယ်ဆက်သလို လုပ်နေကြသူတွေ ဖြစ်ပါတယ်။ ဒါကြောင့် အောင်မြင်ချင်တဲ့သူတစ်ယောက်ဟာ အလုပ်လုပ်နိုင်စွမ်းပါဝါ မြင့်ဖို့လည်း လိုပါသေးတယ်။

ကိုယ့်ရဲအားသာချက်၊ အားနည်းချက်တွေကို စဉ်းစားတဲ့အခါမှာ ခုပြောခဲ့တဲ့ ကဏ္ဍ(၆)ခုကို တည်ပြီး စဉ်းစားကြည့်လို့ ရပါတယ်။ ပြီးရင်တော့ ကိုယ့်အားသာချက်တွေကို ဆက်ထိန်းပြီး အားနည်းချက်တွေကို တတ်နိုင်သမျှ နည်းလာအောင် ကြိုးစားကြရတော့မှာပေါ့။

*Opportunity & Threat*

နောက်တစ်ခုကတော့ အခွင့်အလမ်းနဲ့ စိန်ခေါ်မှု။ ဒါတွေကတော့ ပြင်ပအကြောင်းအရာများပေါ့။ သူ့ကိုတော့ PEST နဲ့ အခြေခံ စဉ်းစားကြည့်ပါ။

P – Politic (နိုင်ငံရေး)
ခုလို လူထုကတင်မြှောက်တဲ့ အစိုးရတက်လာပြီ၊ ဘာတွေအကျိုးကျေးဇူး ရှိလာနိုင်သလဲ၊ ဒီအတွက် ငါ ဘာတွေပြင်ဆင်ထားရမလဲ။ ကိုယ့်နိုင်ငံမှာမှ မဟုတ်ဘူး၊ ဗြိတိန်က EU ကနေ ထွက်သွားရင် ဘာတွေဖြစ်လာနိုင်သလဲ၊ အမေရိကန်သမ္မတရွေးကောက်ပွဲအနေအထား စသဖြင့် Political awareness ရှိထားဖို့ လိုပါတယ်။ နိုင်ငံရေးနဲ့ တစ်ဆက်တည်းပါလာမှာက ဥပဒေရေးရာပေါ့။ ကိုယ့်နိုင်ငံမှာ ဘာဥပဒေအသစ်တွေ ပြဌာန်းလိုက်ပြီး ဘယ်ဥပဒေတွေကို ဖျက်သိမ်းလိုက်သလဲ။ အကုန်လုံးမဟုတ်တောင် ကိုယ့်အလုပ်နဲ့သက်ဆိုင်တာလေးတွေကိုတော့ မျက်ခြည်မပြတ်ကြဖို့ လိုပါတယ်။

E – Economic (စီးပွါးရေး)
ကိုယ့်နိုင်ငံရဲ့ စီးပွါးရေးဖွံ့ဖြိုးမှုက ဘယ်လိုအခြေအနေရှိသလဲ၊ ဒီအပေါ်မှာ ကိုယ်ဘာတွေပြောင်းလဲဖို့ လိုမလဲ၊ ကိုယ်ဘယ်လိုလုပ်ငန်းမျိုး လုပ်သင့်သလဲ၊ ဘယ်လိုအလုပ်အကိုင်မျိုးကို ရွေးချယ်သင့်သလဲ စတာတွေကို ဆန်းစစ်ကြည့်ဖို့ လိုပါတယ်။

S – Social (လူမှုရေး)
ဥပမာဆိုရင် ဒီခေတ်မှာ ဖုန်းတွေပေါလာတယ်၊ အင်တာနက်လွယ်လွယ်ကူကူ သုံးလို့ရလာတယ်၊ ဖေ့စ်ဘွတ်က အရမ်းကိုတွင်ကျယ်နေတယ်။ ဒီအခါမှာ ဖေ့စ်ဘွတ်ကတစ်ဆင့် စီးပွါးရေး လုပ်လို့ရလာတယ်၊ ကြော်ငြာလို့ရလာတယ်၊ စာတွေရေးရင်း စာရေးဆရာဖြစ်ကုန်သူတွေလည်း ရှိလာပြီ။ ဒါတွေကတော့ အခွင့်အလမ်းပေါ့။

T – Technological (နည်းပညာ)
နည်းပညာတွေ ခေတ်စားလာတယ်။ ဒီအခါမှာ ဘာတွေကောင်းလာသလဲ၊ အဆက်အသွယ်တွေ ကောင်းလာတယ်။ သင်ယူလို့ရတာတွေ အများကြီး လက်လှမ်းမီလာတယ်။ စိန်ခေါ်မှုက ဘာလဲဆိုတော့ အပြိုင်အဆိုင် အရမ်းများလာတာပဲ။ ကမ္ဘာပြားပြီ ဆိုသလို အင်တာနက်က ကမ္ဘာကို ချုံ့ပစ်လိုက်တော့ အရင်လို ကိုယ့်မြန်မာတွေချည်း သီးသန့်နေမရတော့ဘူး။ ကိုယ့်အချင်းချင်းပဲ ပြိုင်နေလို့ မရတော့ဘူး။ ပြိုင်ဆိုင်မှုက ပြင်းထန်လာတယ်။

ဒါတွေကတော့ ပြင်ပမှာ ဖြစ်ပေါ်နေတဲ့ အခြေအနေတွေပေါ် မူတည်ပြီး ဘယ်လိုအခွင့်အလမ်းတွေတော့ ရှိတယ်၊ ဘယ်လိုစိန်ခေါ်မှုတွေတော့ ကြုံရနိုင်တယ်ဆိုတာမျိုး သုံးသပ်လိုက်တာပါ။

*ဘယ်သူ့ခေတ်လဲ*

ခုခေတ်ဟာ Vision ရှိတဲ့သူတွေ ကြီးစိုးတဲ့ခေတ်ပါ။ တစ်နေ့ လူတိုင်းရဲ့စားပွဲပေါ်မှာ ကွန်ပျူတာတွေ ရှိနေလိမ့်မယ် ဆိုတဲ့ Vision က ဘီလ်ဂိတ်စ်ကို ကမ္ဘာ့နံပါတ်တစ် သူဌေးတစ်ယောက် ဖြစ်လာစေခဲ့တာပါ။ ဒါကြောင့် ပြင်ပအခြေအနေတွေကို PEST နဲ့ သုံးသပ်၊ ဘာအခွင့်အလမ်းတွေ ရှိသလဲ၊ ဘယ်လိုစိန်ခေါ်မှုတွေ ရှိနိုင်သလဲ၊ ပြီးရင် ကိုယ့်ကိုယ်ကိုယ် PASKEC နဲ့ ပြန်သုံးသပ်၊ ငါ့ရဲ့ ဘယ်အားသာချက်ကို သုံးပြီး ဒီအခွင့်အလမ်းတွေကို အသုံးချနိုင်မလဲ၊ စိန်ခေါ်မှုတွေကို ကျော်ဖြတ်နိုင်အောင် ငါ့ရဲ့ ဘယ်အားနည်းချက်တွေကိုတော့ ပြင်ဆင်ဖို့ လိုမလဲ

ဒါတွေကို စဉ်းစားပြင်ဆင်ပြီး အနာဂတ်အတွက် အကောင်းဆုံးအစီအစဉ်တွေ ချမှတ်နိုင်ကြစေချင်ပါတယ်။

Fail to plan, Plan to fail တဲ့။ အစီအစဉ်ဆွဲဖို့ ပျက်ကွက်ခြင်းဟာ ရှုံးနိမ့်ဖို့အတွက် ပြင်ဆင်နေခြင်းပါပဲ။

ဒေါက်တာဖြိုးသီဟ
၂၃.၇.၂၀၁၆