ဂျက်စတင်ဘီဘာ လည်ပတ်ခွင့်မရတဲ့ နေရာ (၆) ခု

နာမည်ကြီး ပေါ့ပ် အဆိုတော် ဂျက်စတင်ဘီဘာ ကိုတော့ လူတိုင်းသိကြသလို သူ့ရဲ့ မထင်မှတ်တဲ့အပြုအမူကြောင့်လဲ အမြဲတမ်း ပြဿနာ တွေ ရင်ဆိုင်နေရသူလဲ ဖြစ်ပါတယ်။ ဒါ့အပြင် ဂျက်စတင်ဘီယာ ခရီးသွားတိုင်းမှာ နေရာတစ်ခုမှာ အချိန်ကြာကြာနေလို့ မရပါဘူး။ အကြောင်းကတော့ သူ့ကို သဘောကျလို့ လာကြည့်ရတဲ့ လူအုပ်စုကြီးရှိလာနိုင်သလို အချိန်မရွေး သူ့ရဲ့လုပ်ရပ်အချို့ကြောင့် မောင်းထုတ်မယ့် လူအုပ်ကြီးလည်း ဖြစ်လာနိုင်တာကြောင့်ပါ။ ဒီပိုစ့်မှာတော့ ဂျက်စတင်ဘီဘာ ကို သွား ရောက် လည်ပတ်ခွင့် ပိတ်ထားတဲ့ နေရာ (၆) ခုကို ဖော်ပြလိုက်ရပါတယ်။

၁။ အာဂျင်တီးနား

ကမ္ဘာပေါ်မှာ ဂျက်စတင်ဘီဘာ ကို မုန်းတဲ့နိုင်ငံကို မှတ်တမ်းတင်စာရင်းကောက်လိုက်ရင်တောင်မှ အာဂျင်တီးနားနိုင်ငံကိုတော့ မှီမယ် မထင်ပါဘူး။ အာဂျင်တီးနား နိုင်ငံကတော့ ဂျက်စတင်ဘီဘာ ကို ဝင်ရောက်လည်ပတ်ခွင့်ပိတ်ထားပါတယ်။ အကြောင်းကတော့ ဘီဘာ ဟာ ဖျော်ဖြေရေးစင်ပေါ်မှာ အာဂျင်တီးနား အလံကို ညစ်ညမ်းဖွယ် အပြုအမူပြုလုပ်ခဲ့တာ ကြောင့်ဖြစ်ပါတယ်။ ဒီအဖြစ်အပျက်ကို ဓာတ်ပုံ ရိုက်မှတ်တမ်းတင်သူကိုလည်း သူ့ရဲ့ ကိုယ်ရံတော်တွေနဲ့ ပြဿနာရှာခဲ့သေးပါတယ်။ ဒါကြောင့် အာဂျင်တီးနား နိုင်ငံသားတွေဟာ ဂျက်စတင်ဘီဘာ ကို မုန်းသွားကြတာ ဖြစ်ပါတယ်။ ဒီနှစ်ထဲမှာဘဲ ဂျက်စတင်ဘီဘာ ဟာ အာဂျင်တီးနားကို သွားရောက်လည်ပတ်ဖို့ စီစဉ် ခဲ့သော်လည်း အာဂျင်တီးနား အစိုးရကမူ ” ဒီချိန်မှာ တောင်းပန်ဖို့ အရမ်းနောက်ကျသွားပြီ” လို့ ပြောခဲ့ပါတယ်။ ဒါကြောင့် ဂျက်စတင်ဘီဘာ အနေနဲ့ တစ်သက်လုံး အာဂျင်တီးနားကို ခြေတစ်လှမ်းတောင် ချခွင့်မရှိတော့ပါဘူး။
၂။ အရှေ့အလယ်ပိုင်း
ဂျက်စတင်ဘီဘာရဲ့ သီချင်းအယ်ဘမ်ကာဗာ မှာ အင်္ကျီချွတ်ပုံနဲ့ ရင်ဘတ်မှာ လက်ဝါးကပ်တိုင် တက်တူး ကြောင့် အရှေ့အလယ်ပိုင်း မှာ ပိတ်ခံရခြင်း ဖြစ်ပါတယ်။ ဘာသာရေးအယူအဆနဲ့ ရှေးရိုးထုံးစံအစဉ်အလာကြီးမားတဲ့ Mordor မြို့မှာ သီချင်းခွေအသစ်ကို ရောင်းချဖို့ ကြိုးစားရင်း ဂျက်စတင်ဘီဘာ ရဲ့ သီချင်းခွေ မရောင်းရခဲ့ပါဘူး။ အကယ်၍များ အဆိုပါ တက်တူးသာ အယ်ဘမ်အဖုံးမှာ မပါခဲ့ရင် ရောင်းချ ခွင့်ရှိမှာ ဖြစ်ပါတယ်။

၃။ အင်္ဂလန်နိုင်ငံရဲ့ တီဗွီအစီအစဉ်
ယခင်က ဂျက်စတင်ဘီဘာ ဟာ တီဗွီအစဉ်တွေမှာ ပါဝင်ရခဲ့ပြီး ကြေငြာအစီအစဉ်တွေမှာလည်း ပါဝင်ခဲ့ပါတယ်။ ဒါပေမယ့် အခုတော့ အဲ့ဒီလိုမဟုတ်တော့ပါဘူး။ ဘီဘာ ဟာ skin care ထုတ်ကုန်တွေမှာ ကြေငြာခဲ့သော်လည်း ထိရောက်မှု မရှိတဲ့အတွက် ဖြစ်ပါတယ်။ ဘာကြောင့်လဲဆိုတော့ ဘီဘာ ဟာ အင်္ဂလန်နိုင်ငံသားမဟုတ်တဲ့အတွက် အင်္ဂလန်ထုတ်ကုန်ပစ္စည်းတွေကြေငြာတဲ့အခါ သိသာတဲ့ သက်ရောက်မှု မရှိဘူးလို့ ဆိုပါတယ်။ သဘောအားဖြင့် အင်္ဂလန် ကြေငြာအစီအစဉ်မှာ အမေရိကန်နိုင်ငံသားတစ်ယောက်က အင်္ဂလန် ပစ္စည်းတွေကို ကြေငြာတာဖြစ်တဲ့အတွက် ရောင်းအားက ပုံမှန်ဘဲဖြစ်နေပါတယ်။ ဆိုလိုချင်တာက ဂျက်စတင်ဘီဘာ မကြေငြာလည်း အဆိုပါ ပစ္စည်းရဲ့ ရောင်းချရမှုကလည်း ပုံမှန်ပါဘဲ။ ဒါကြောင့် ၂၀၁၂ ခုနှစ် နောက်ပိုင်းမှာ ဂျက်စတင်ဘီဘာကို အင်္ဂလန် တီဗွီကြေငြာ အစီအစဉ်တွေမှာ ပိတ်ပင်လိုက်ပါတယ်။
၎။ Las Vegas Indoor Skydiving
Las Vegas မြို့တော်ရဲ့ Indoor Skydiving ကတော့ ဂျက်စတင်ဘီဘာကို တစ်သက်စာ လာရောက်လည်ပတ်ခွင့် ပိတ်ထားပါတယ်။ အကြောင်းကတော့ Indoor Skydiving ပိတ်ခါနီး မိနစ်အလိုမှာ ဘီဘာနဲ့ အပေါင်းအပါ ၆ ယောက် ရောက်ရှိလာပြီး ပျံသန်းကစားပြီးမှ ပိုက်ဆံချေဖို့ သဘောတူညီခဲ့ပါတယ်။ ဒါပေမယ့် ပိုက်ဆံရှင်းတဲ့အခါ အုပ်စုလိုက် မျှဝေရှင်းခဲ့ပေမယ့် Instagram မှာ ဓာတ်ပုံတင်တဲ့အခါ ကုန်ကျငွေ ဒေါ်လာ ၁၆၀၀ ကို တစ်ယောက်ထဲ ရှင်းတဲ့အနေနဲ့ ဓာတ်ပုံရိုက်တင်ခဲ့ပါတယ်။ ဒါက အကြောင်းရင်းမဟုတ်သေးပါဘူး။ ဘီဘာ နဲ့ အပေါင်းအပါ ၆ယောက်တို့ဟာ သန့်စင်ခန်းထဲမှာ ညစ်ပတ်ပေရေအောင် ပြုလုပ်ခဲ့ကြပြီး အညစ်အကြေးတွေသုတ်ထားတဲ့ စက္ကူကို လုံးချေပြီး အခန်းမှာ ရှိနေတဲ့ ဝန်ထမ်းရဲ့ မျက်နှာတည့်တည့်ကို ပစ်ထည့်ခဲ့ပါတယ်။ အဲ့ဒီလို ရိုင်းစိုင်းတဲ့အပြုအမူကြောင့် Las Vegas ရဲ့ Indoor Skydiving ကနေ ဂျက်စတင်ဘီဘာကို တစ်သက်စာ လာရောက်လည်ပတ်ခွင့်ကို ပိတ်လိုက်ကြောင်း အများသိအောင် ကြေငြာလိုက်ပါတယ်။

၅။ သြစတေးလျနိုင်ငံ၏ ဗီရမ်းနားမြို့တော်ရှိ Passage ကလပ်
ဗီရမ်းနား ဆိုတာ သြစတေးလျနိုင်ငံရဲ့ မြို့တော်ဖြစ်ပြီး ယင်းမြို့တော်မှာ ရှိတဲ့ Passage ကလပ်ကတော့ ဘီဘာအနေနဲ့ နောက်တစ်ခါ ဝင်ရောက်လည်ပတ်ခွင့် ရှိမှာ မဟုတ်တော့ပါဘူး။ ဂျက်စတင်ဘီဘာ လာတဲ့အတွက် ဘီဘာ့ကို ကြိုဆိုနှုတ်ဆက်ကြတဲ့ လူအုပ်ကြီးက Passage ကလပ်မှာ ရောက်ရှိနေပါတယ်။ ဂျက်စတင်ဘီဘာရဲ့ ကိုယ်ရံတော်တွေက လူအုပ်ကြားထဲကို အားနဲ့ကြမ်းတမ်းစွာ တိုက်ချပြီး ဘီဘာကို ကာကွယ်ထားကြပါတယ်။ ဒါ့အပြင် မှတ်တမ်းတင်တဲ့သူတွေရဲ့ ဖုန်းတွေ၊ ကင်မရာတွေကို လည်း ဘီဘာ့ရဲ့ ကိုယ်ရံတော်တွေက ဖျက်စီးပစ်ခဲ့ပါတယ်။ ဒါကြောင့် ရုံးရင်းဆန်ခတ်အခြေအနေဖြစ်ပွားခဲ့ပြီး Passage ကလပ်ရဲ့ မန်နေဂျာ Joachim Bankel ကတော့ ဂျက်စတင်ဘီဘာကို Passage ကလပ်ကနေ နောက်တစ်ခါကြိုဆိုဖို့အစီအစဉ်မရှိတော့ဘူး လို့ Austrian Times အင်တာဗျူးမှာ ပြောကြားခဲ့ပါတယ်။
၆။ Mayan မြို့တော်ဟောင်း
မက္ကစီကို နိုင်ငံမှာရှိတဲ့ Mayan မြို့တော်ဟောင်းကို ဂျက်စတင်ဘီဘာနဲ့ အတူ အပေါင်းအပါတွေ သွားရောက်လည်ပတ်ကြပြီး အဆောက်အဦးတွေ အပေါ် ပြေးတက်ပြေးဆင်းလုပ်ရင်း ဘီယာသောက်ကြပါတယ်။ Mayan ရှေးဟောင်းဘုရားကျောင်းတွေရဲ့ တည်ဆောက်ပုံဟာ အီဂျစ်မှာရှိတဲ့ ပိရမစ်ပုံစံနဲ့အနည်းငယ်ဆင်တူပါတယ်။ ဒါ့အပြင် နေရာအချို့ကိုလည်း တက်ရောက်ခွင့် မရှိပါဘူး။
ဒါပေမယ့် ဂျက်စတီဘီဘာ ဟာ ဘုရားကျောင်းအပေါ်ကို ပြေးတက်သွားတဲ့အပြင် သူနဲ့ဘောင်းဘီကိုလည်း ဘုရားကျောင်းအဆောက် အဦးပေါ်မှာ ချွတ်ပြခဲ့ပါတယ်။ ဒါဟာ Mayan တို့ရဲ့ ကိုးကွယ်ရာနတ်ဘုရားကို စော်ကားသလိုဖြစ်တဲ့အပြင် မူးရစ်ရမ်းကားတာကြောင့် စည်းကမ်းကို ဖောက်ဖျက်ခဲ့သလိုလဲ ဖြစ်ခဲ့ပါတယ်။ ဒါကြောင့် သက်ဆိုင်ရာမှ ဘီဘာတို့အား ဖမ်းဆီးရန် ရောက်လာတဲ့အချိန်မှာတော့ ဂျက်စတင်ဘီဘာနဲ့ အုပ်စုဟာ Mayan မြို့တော်ဟောင်းနေရာကနေ အချိန်တိုအတွင်းမှာ ထွက်ပြေးလွတ်မြောက်သွားပါတယ်။ ဒါပေမယ့် နောက်တစ်ခါတော့ ခြေချခွင့်ရရှိတော့မှာ မဟုတ်ပါဘူး။
Credit: ဆန်းသစ်မြန်မာ