အဖေနေ့မှာ အဖေရှိသူတိုင်း ဖတ်စေချင်တဲ့စာလေးတစ်စောင်

 

မြန်မာအွန်လိုင်းစာအုပ်စင်

 

အဖေနေ့မှာ အဖေရှိသူတိုင်း ဖတ်စေချင်တဲ့စာလေးတစ်စောင်

ဒီနေ့ကျရောက်တဲ့ အဖေနေ့မှာ လူတိုင်းနီးပါးက သူတို့ရဲ့ဖေဖေတွေကို သတိရနေကြမယ်။ ဖေဖေတို့အတွက် အမှတ်တရတွေဖန်တီးပေးချင်ကြမယ်။ အဖေနေ့ဆိုတာ သာမန်နေ့တွေလိုပဲ နေ့လေးတစ်နေ့လို့ သဘောထားတဲ့သူတွေကလည်း သဘောထားကြလိမ့်မယ်။ ဖေဖေ့ကိုနေ့တိုင်းတွေ့ခွင့်ရနေကြတဲ့သူတွေဆိုတော့ အဖေနေ့ဟာ သိပ်မထူးဆန်းဘူးလို့ ထင်ချင်လည်း ထင်ကြလိမ့်မယ်။

ကျွန်မကတော့ ဒီနေ့လိုနေ့မျိုးမှာ ဖေဖေ့လက်ကိုဆုပ်ကိုင်ပြီး ကစားကွင်းတွေဆီလျှောက်သွားခွင့်ရတဲ့အချိန်၊ လိုချင်တာတွေကို လက်ညှိုးထိုးပြီးပူဆာလို့ရတဲ့အချိန်တွေကို လွမ်းမိတယ်။ ဖေဖေနဲ့အတူ ရုပ်ရှင်တွေကြည့်ပြီး အတွေးတွေဖလှယ် ငြင်းချင်ခုန်ချင်တယ်။ ဒါပေမဲ့ ဖေဖေမှမရှိတော့ပဲလေ…။

ကျွန်မလေ အချိန်တွေကိုနောက်ပြန်လှည့်ပြီး ဖေဖေနဲ့အတူရှိခွင့်ရခဲ့တဲ့အချိန်တွေကို ပြန်လိုချင်မိတယ်။ ဖေဖေမဆုံးခင်တုန်းက အလုပ်ထဲနှစ်မြှပ်ပြီး ဖေဖေ့အတွက်အချိန်မပေးနိုင်ခဲ့တာတွေကို ပြန်လည်တောင်းပန်ချင်တယ်။ ဤဆောင်းပါးကို ဂန္ထဝင် မဂ္ဂဇင်းမှ ရေးသားတင်ဆက်ခြင်း ဖြစ်သည်။

သူငယ်ချင်းတွေ၊ လူမှုရေးတွေနဲ့ရှုပ်နေခဲ့တဲ့ကျွန်မ ဖေဖေ့ကိုအချိန်မပေးနိုင်ခဲ့ဘူး။ ဖေဖေဟာ ကျွန်မအနားမှာ အမြဲရှိနေမယ်လို့ ပုံသေထွက်ခဲ့မိတယ်။ အသက်ကြီးလာတဲ့ဖေဖေဟာ အထီးကျန်ဆန်နေလိမ့်မယ်ဆိုတာ၊ ကျွန်မရဲ့ အချိန်ပေးမှုတွေလိုနေလိမ့်မယ်ဆိုတာ မတွက်ဆခဲ့မိခဲ့ဘူး။ အချိန်ကာလတစ်ခုရောက်တဲ့အခါ ဖေဖေပျောက်ကွယ်သွားလိမ့်မယ်ဆိုတာကို မတွေးခဲ့မိဘူး။ “ဖေဖေ့ကိုပွေ့ဖက်ပြီး ချစ်တယ်ဖေဖေရယ်” လို့ပြောဖို့၊ “ဖေဖေ့အတွက်ဂုဏ်ယူတယ်” လို့ ချီးကျူးဖို့၊ သမီးကို ဒီအရွယ်အထိ ပြုစုပျိုးထောင်ပေးခဲ့တဲ့အတွက် ကျေးဇူးတင်ပါတယ်.. ဖေဖေ” လို့ အသိအမှတ်ပြုပေးဖို့ သတိမရခဲ့ဘူး။

“ပိုင်ဆိုင်ခွင့်ရနေတဲ့ အရာတွေရဲ့တန်ဖိုးအမှန်ကို သိသူနည်းတယ်” လို့ ပြောသလိုပဲ ဖေဖေရှိနေတဲ့အချိန်တွေမှာ ဖေဖေ့ကိုအလေးပေး ဂရုစိုက်ဖို့ ကျွန်မမေ့နေခဲ့တယ်။ ငွေရှာပေးရုံ၊ လိုချင်တာတွေဝယ်ပေးရုံနဲ့ ပြည့်စုံနေပြီလို့ ယူဆခဲ့မိတယ်။ တကယ်တော့လေ ကိုယ်ချစ်ရတဲ့သူတွေအတွက် အချိန်ဆိုတာအကောင်းဆုံးလက်ဆောင်ဆိုတာ ကျွန်မနောက်ကျစွာသိခဲ့ရတယ်။ အခုတော့ ဖေဖေနဲ့အတူမဖြတ်သန်းနိုင်ခဲ့တဲ့ အဖေနေ့တွေအတွက်၊ ဖေဖေနဲ့အတူစားဖို့ အချိန်မပေးခဲ့တဲ့ မနက်စာတွေအတွက်၊ အဖေနဲ့အတူ စကားမပြောခဲ့ရတဲ့ ဆည်းဆာချိန်တွေအတွက် နောင်တကိုအဖော်ပြုပြီး သမီးဖြတ်သန်းနေရတယ်။

ကျွန်မလေ အခုဖေဖေမြင်ချင်ခဲ့တဲ့ ဘဝမျိုးကို ပိုင်ဆိုင်နေခဲ့ပြီ။ ဒါပေမဲ့ဖေဖေကတော့ ကျွန်မဘေးနားမှာမရှိတော့ဘူး။ ဒီနေ့ဟာ အဖေတွေကို ဂုဏ်ပြုအသိအမှတ်ပြုပေးတဲ့နေ့လေးတစ်နေ့ဖြစ်ပေမဲ့ ကျွန်မအတွက်တော့ ဖေဖေမရှိတော့တာကို သတိပေးတဲ့နေ့လေးတစ်နေ့ဖြစ်နေတယ်။

ဒါကြောင့်လေ ဘေးနားမှာဖေဖေမေမေတွေရှိနေသေးတဲ့သူတွေအနေနဲ့ ဖေဖေ့အတွက် အချိန်ပေးပါ။ ဖေဖေ့ကိုသိပ်ချစ်ကြောင်း၊ ကျေးဇူးတင်ကြောင်း ပြောပါ။ အဝေးရောက်နေတယ်ဆိုရင်တောင် ဖုန်းလေးတစ်ချက်လောက်ဆက်ပြီး သတိရကြောင်းပြောပါ။ မေမေတွေလို အနုအရွတွေမနှစ်သက်တဲ့ ဖေဖေဆိုတဲ့ ပုဂ္ဂိုလ်ဟာလေ ဖုန်းလေးကိုင်ပြီး ပီတိဖြစ်နေမယ်ဆိုတာ ကျွန်မအာမခံပါတယ်။

ကျွန်မကတော့ လောကရဲ့ ဧရိယာပြင်ပရောက်သွားတဲ့ ဖေဖေ့ကို လွမ်းဆွတ်ရုံမှတပါး…..

Source <=> ဂန္တဝင်