#နောက်ထပ်သစ်ပင်တွေကိုခုတ်လှဲနေဦးမယ်ဆိုရင် #သိပ္ပံစာရေးဆရာကိုကိုအောင်

 

Eternal Light Magazine

 

#နောက်ထပ်သစ်ပင်တွေကိုခုတ်လှဲနေဦးမယ်ဆိုရင်
#သိပ္ပံစာရေးဆရာကိုကိုအောင်

★ နောက်ထပ် သစ်ပင်တွေကို ခုတ်လှဲနေဦးမယ်၊ သစ်တောအရေအတွက် ထပ်ပြီးတော့ လျော့နည်းလာမယ်ဆိုရင်တော့ မြန်မာနိုင်ငံကထွက်တဲ့ ကာဗွန်ဒိုင်အောက်ဆိုက်ဓာတ်ငွေ့ကို မြန်မာနိုင်ငံက သစ်တောတွေက မစုပ်ယူနိုင်တော့တဲ့ အခြေအနေကို ရောက်လာလိမ့်မယ်။ ★

Q. မြန်မာနိုင်ငံမှာ သစ်တောအရေအတွက် အရင်ကထက် လျော့နည်းလာခြင်းကြောင့် အနာဂတ်မှာ ဘယ်လိုအကျိုးသက်ရောက်မှုတွေ ဖြစ်လာနိုင်ပါသလဲဆရာ။

A. မြန်မာနိုင်ငံမှာ သစ်တောတော်တော်များများဟာ ပြုန်းတီးကုန်ပြီ။ ဒါပေမဲ့ မြန်မာနိုင်ငံမှာရှိတဲ့ စက်မှုလက်မှုလုပ်ငန်းတွေ၊ လက်ရှိ မော်တော်ကားအစီးရေနဲ့ ယာဉ်ယန္တရားတွေကနေထွက်တဲ့ ကာဗွန်ဒိုင်အောက်ဆိုက်ကို စုပ်ယူဖို့အတွက် သစ်တောအရေအတွက်ကတော့ အလုံအလောက်ရှိနေဆဲပါ။ နောက်ထပ် စက်မှုဇုန်တွေ ထပ်ပြီး တိုးချဲ့လို့တောင် ရသေးတယ်။ ဒါပေမဲ့ မြန်မာနိုင်ငံရဲ့ အရှေ့ဘက်မှာရှိတဲ့ တရုတ်နိုင်ငံနဲ့ မြန်မာနိုင်ငံရဲ့ အနောက်ဘက်မှာရှိတဲ့ အိန္ဒိယနိုင်ငံတို့မှာ နှစ်စဉ်နှစ်တိုင်း ကာဗွန်ထုတ်လွှတ်မှုနဲ့ပတ်သက်ပြီး မက်ထရစ်တန်ပေါင်း ထောင်နဲ့ချီပြီး Minus ပြနေတယ်။ ဘာဖြစ်လို့ Minus ပြနေသလဲဆိုရင် သူတို့နိုင်ငံမှာရှိတဲ့ သစ်ပင်သစ်တောအရေအတွက်နဲ့ ကာဗွန်ဒိုင်အောက်ဆိုက်ဓာတ်ငွေ့ထွက်တဲ့နှုန်းဟာ မမျှမတဖြစ်နေလို့ပဲ။ ကာဗွန်ဒိုင်အောက်ဆိုက်ထွက်တဲ့နှုန်းကများပြီး သစ်ပင်တွေက စုပ်ယူနိုင်တဲ့နှုန်းက နည်းနေတယ်။ အဲဒီတော့ ကာဗွန်ဒိုင်အောက်ဆိုက် ထွက်တဲ့နှုန်းက အင်မတန်များပြီး သစ်ပင်က စုပ်ယူနိုင်တဲ့နှုန်းနည်းတဲ့ နိုင်ငံနှစ်နိုင်ငံကြားမှာ မြန်မာနိုင်ငံက တည်ရှိနေတယ်။

ဆရာတို့နိုင်ငံမှာ လက်ရှိ ရှိနေသေးတဲ့ သစ်တောအရေအတွက်ဟာ တစ်နိုင်ငံလုံးက ထုတ်လွှတ်နေကြတဲ့ ကာဗွန်ဒိုင်အောက်ဆိုက်ဓာတ်ငွေ့ကို စုပ်ယူဖို့အတွက် အလုံအလောက်ရှိနေဆဲပါ။ ဒါပေမဲ့ နောက်ထပ် သစ်ပင်တွေကို ခုတ်လှဲနေဦးမယ်၊ သစ်တောအရေအတွက် ထပ်ပြီးတော့ လျော့နည်းလာမယ်ဆိုရင်တော့ မြန်မာနိုင်ငံကထွက်တဲ့ ကာဗွန်ဒိုင်အောက်ဆိုက်ဓာတ်ငွေ့ကို မြန်မာနိုင်ငံက သစ်တောတွေက မစုပ်ယူနိုင်တော့တဲ့ အခြေအနေကို ရောက်လာလိမ့်မယ်။ အဲဒီတော့ အရှေ့နိုင်ငံကလည်း ကာဗွန်ဒိုင်အောက်ဆိုက်ကို မတရားလွှတ်နေတယ်။ အနောက်နိုင်ငံကလည်း ကာဗွန်ဒိုင်အောက်ဆိုက်ဓာတ်ငွေ့ကို မတရားလွှတ်နေတယ်။ ဒါပေမဲ့ မြန်မာနိုင်ငံမှာရှိတဲ့ သစ်ပင်တွေက ကိုယ့်နိုင်ငံကထွက်တဲ့ ကာဗွန်ဒိုင်အောက်ဆိုက်ဓာတ်ငွေ့ကို စုပ်ယူနေရုံမျှ မကသေးဘူး။ အရှေ့နယ်စပ်မှာရှိတဲ့ သစ်ပင်တွေက တရုတ်နိုင်ငံကထွက်တဲ့ ကာဗွန်တွေကို ကူပြီးတော့ စုပ်ယူပေးနေတယ်။ အနောက်နယ်စပ်မှာရှိတဲ့ သစ်ပင်တွေကလည်း အိန္ဒိယနိုင်ငံကထွက်တဲ့ ကာဗွန်တွေကို ကူပြီးတော့ စုပ်ယူပေးနေတယ်။ တကယ်လို့ မြန်မာနိုင်ငံမှာရှိတဲ့ သစ်ပင်တွေ ထပ်ပြီးတော့ ပြုန်းတီးသွားမယ်ဆိုရင် မြန်မာနိုင်ငံကထွက်နေတဲ့ ကာဗွန်ဒိုင်အောက်ဆိုက်ဓာတ်ငွေ့အပြင် အရှေ့နဲ့အနောက် နှစ်နိုင်ငံကထွက်နေတဲ့ ကာဗွန်ဒိုင်အောက်ဆိုက်ဓာတ်ငွေ့တွေပေါင်းပြီးတော့ မြန်မာနိုင်ငံရဲ့ ရာသီဥတုအပေါ်မှာ သွားပြီးတော့ အကျိုးသက်ရောက်မှုတွေ ဖြစ်လာလိမ့်မယ်။

(" လူတိုင်းဟာ ကိုယ့်ပတ်ဝန်းကျင်ကို အသက်ရှင်နေသရွေ့ ထိန်းသိမ်းစောင့်ရှောက်ဖို့ လိုအပ်တယ်ဆိုတဲ့ မြန်မာနိုင်ငံအင်ဂျင်နီယာကောင်စီဝင်၊ ၀ါရင့်အင်ဂျင်နီယာပညာရှင်၊ သဘာဝပတ်ဝန်းကျင်ထိန်းသိမ်းရေးပညာရှင် သိပ္ပံစာရေးဆရာကိုကိုအောင် " အင်တာဗျူးဆောင်းပါးမှ ကောက်နုတ်ဖော်ပြသည်။)
Eternal Light Magazine
May 2017
#ကိုယ်ရဲ့ပတ်ဝန်းကျင်
➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳ ➳
Eternal Light မဂ္ဂဇင်းကို City Mart, Orange နှင့် အမြို့မြို့အနယ်နယ်ရှိ စာအုပ်ဆိုင်များတွင်လည်းကောင်း၊ Mobile Phone ဖြင့် စာဖတ်သူများအတွက် Wun Zinn application တွင်လည်းကောင်း၊ နယ်မှ အိမ်တိုင်ရာရောက်စနစ်ဖြင့် တစ်အုပ်ချင်း မှာယူလိုသူများအတွက် WE Distribution ဖုန်း ၀၉ ၂၅၀၀၉၁၉၁၃ တွင်လည်းကောင်း အားပေးဝယ်ယူဖတ်ရှုနိုင်ပါသည်။ စာကြည့်တိုက်များ၊ အခြေခံပညာကျောင်းများနှင့် တက္ကသိုလ်များမှ Message ပို့ပြီး ဆက်သွယ်အလှူခံနိုင်ပါသည်။