“သိထားသင့်သည့် ရေစက်ချ ပြဿ နာ

 သုတဇုန်

 

ဘယ်အချိန် ဘယ်အခါမှာ ဘာကြောင့်ဘယ်လို ရေစက်ချရသလဲ
မသိသေးသူများအတွက် ပြန်လည်မျှဝေလိုက်ပါတယ်။

“သိထားသင့်သည့် ရေစက်ချ ပြဿ နာ
•••••••••••••••••••••••••••••••••••••••••
သာသနာမှာ အလှူတစ်ခုခုလုပ်တိုင်း “ရေစက်ချ ရေစက်ချ”
ဆိုတဲ့ စကားဟာ အလွန်တွင်ကျယ်နေတဲ့ စကားပါ။
အများတကာ နားယဉ်နှုတ်ကျိုးလို့ ရိုးနေတဲ့စကားပါ။
“ရေစက်ချပွဲ ရေစက်ချပွဲ” နဲ့ ဝမ်းမြောက် ကြည်နူး အားရဖွယ်
ကောင်းလှတဲ့ အလှူပွဲတွေကိုလဲ မကြာမကြာ တွေ့မြင်
ကြားသိနေကြရပါတယ်။ အလှူဆိုရင် ရေစက်ချဟာ
ပါဝင်တတ်ကြစမြဲပါ။

ရေစက်ချပွဲကို အတိုချုံးပြောရင်
(၁)။ အလှူလုပ်တယ်။
(၂)။ ဆုတောင်းတယ်။
(၃)။ အမျှပေးတယ် ဒီသုံးမျိုးပါပဲ။
ဒီ(၃)မျိုးက ရေစက်မချဘဲလည်း ပြီးအောင်လုပ်လို့ ဖြစ်နိုင်တဲ့အရာပါ။
ရေစက်ချတဲ့အခါ ပစ္စည်း(၂)မျိုးတွေ့ရမယ်။
(၁)။ ရေသွန်းချလောင်းထည့်ဖို့ အောက်ခံခွက် (၁)လုံးရယ်။
(၂)။ ကရားစသည်နဲ့ထည့်ထားတဲ့ ရေစင် ရေအေးရယ် အဲဒီ ၂-မျိုးပါ။
အောက်ခံခွက်ဆိုတာ အလှူခံ ကိုယ်စားပြုတဲ့ပစ္စည်းပါ။
ဒါကြောင့် အထူးသန့်ရှင်းစင်ကြယ်ဖို့လိုပါတယ်။
အပေါ်က ကရားစတဲ့ခွက်ထဲမှာ ထည့်ထားတဲ့ ရေဆိုတာ
လှူဖွယ်ပစ္စည်းကို ကိုယ်စားပြုတဲ့ သက်သေခံပစ္စည်းပါ။
ဒါကြောင့် အထူးသန့်ရှင်းစင်ကြယ်ရမယ်။
ပြီးတော့ အပေါ်ခွက်ထဲက ရေဟာ အလှူရှင်ရဲ့
သန့်စင်မွန်မြတ် အေးချမ်းတဲ့ စိတ်စေတနာကိုလည်း
ကိုယ်စားပြုသက်သေခံရတဲ့ ပစ္စည်းပါ။
ဒါကြောင့် ရေဟာ ကြည်လင်ရမယ်။ အေးမြရမယ်။ သန့်ရှင်းရမယ်။

အလှူစတဲ့ ကုသိုလ်လုပ်တိုင်း
(၁)။ သတိ သမာဓိနဲ့ အေးအေးဆေးဆေး၊ ငြိမ်ငြိမ်သက်သက် လုပ်ရမယ်။
တည်တည်ငြိမ်ငြိမ် စူးစူးစိုက်စိုက် လုပ်ရမယ်။
စိတ်ပါလက်ပါ လုပ်ရမယ်။ အထူးစိတ်ဝင်စားရမယ်။
ပူပူလောင်လောင် ပြာလောင်ခတ် ရှုပ်ရှက်ခတ် မလုပ်ရဘူး။
သတိ သမာဓိဆိုတာ စိတ်ပေါက်ကိုဖာပေးတာ။
စိတ်စုတ်ကို ချုပ်ပေးတာ။
စိတ်ကို စင်ကြယ်အောင် ဆေးကြောပေးတာ။
စိတ်ပေါက်ကို မဖာရင် တရားတွေ အပေါက်က ယိုကျကုန်မှာပေါ့။
စိတ်ကို မဆေးတော့ အကောင်းမရနိုင်ဘူးပေါ့။
အပေါက်လည်းရှိ၊ ဆီဂျီးတွေလည်း ပေးကျံနေတဲ့
သံပုံးကြီးထဲမှာ တွင်းထဲကန်ထဲက ရေကို ခပ်ထည့်ရင်
ထည့်သမျှ အပေါက်ကယိုကျမယ်။ မယိုသေးလို့ ၊
ကျန်နေသေးတဲ့ရေကလည်း ဆီဂျီးတွေရောနေတော့ ၊
သောက်သုံးလို့ကောင်းမှာမဟုတ်ဘူး။

သတိ သမာဓိမပါဘဲ ကုသိုလ်လုပ်ရင် ကုသိုလ်လုပ်တဲ့အခါ
သတိ သမာဓိ အားနည်းရင် တကယ်အားကိုးရမယ့်
ကုသိုလ်စွမ်းအား တရားတွေ ယိုကျကုန်မယ်။
ကျန်နေတာတွေကလည်း ကိလေသာဂျီးတွေ
ပေကျံနေလို့ အသုံးဝင်မှာမဟုတ်ဘူး။
ဒါကြောင့် သတိ သမာဓိနဲ့ အေးအေးဆေးဆေး
တည်တည်ငြိမ်ငြိမ် လုပ်ရမယ်။ ဒါမှ လုပ်သလောက်
အရာရောက်မှာပေါ့။

(၂)။ ရှိတာကို အရှိအတိုင်း မြင်အောင် ကြည့်ရှုတတ်ရမယ်။
အရှိကို အသိနဲ့ အနိုင်ယူနိုင်တာဟာ လူရဲ့ အဓိကစွမ်းအားပဲ။
ရှိတာကို သိမှ ကုသိုလ် ပြည့်ဝမှာပေါ့။

(၃)။ ကုန်သွားတာနဲ့ ကိုယ့်မှာအားတွေ အပြည့်ကျန်နေခဲ့မယ်။
သာသနာတော်နည်းကတော့ ကုန်တာဟာ “အား”ပဲ။
ဘာပဲကုန်ကုန် ဥာဏ်နဲ့အား တစ်ခုခုကျန်နေခဲ့အောင် ဆွဲယူထားနိုင်ရမယ်။
ဒါကြောင့် ရေစက်ချတဲ့အခါ အပေါ်ခွက်ထဲမှာရှိတဲ့ ရေစင်ရေအေးကို
အောက်က ခွက်ထဲမှာ ငြိမ်သက်သေချာ အေးချမ်းစွာ လောင်းထည့်ရမယ်။
ဒါဆို သဒ္ဓါဖွေးဖြူ မေတ္တာကူတဲ့ ကိုယ့်အလှူအောင်သွားပြီပဲ။
ဆက်ပြီး နိဗ္ဗာန်ကို အထွဋ်ထား အနားကွပ်ကာ လိုရာဆုကို
တောင်းပြီး အမျှပေးဝေလိုက်ရုံပေါ့။

အမှန်တော့ အလှူဆိုတာ “ဒါနံ ပရိစ္စာဂ လက္ခဏံ”လို့
ဆိုထားတဲ့အတိုင်း ကိုယ့်ပစ္စည်းကို အလှူခံပုဂ္ဂိုလ်လက်ထဲမှာ
စေတနာ(၃)တန် ခြံရံပြီး သဒ္ဓါ မေတ္တာ ပညာစစ်စစ်နဲ့ လွတ်လွတ်
ကျွတ်ကျွတ် စွန့်ကြဲလိုက်တဲ့ သဘောပါ။
ကိုယ်နဲ့ပဲ စွန့်စွန့်၊ နှုတ်နဲ့ပဲ စွန့်စွန့်၊ ကိုယ်နှုတ်နဲ့ပဲ စွန့်စွန့် ၊
စေတနာပြတ်သားရင် ဒါနမြောက်သွား ပါတယ်။
စွန့်လိုက်ပြီးတာနဲ့ ရေစက်မချပေမယ့် အလှူပြီးမြောက်သွားတော့တာပါ။
စာပေကျမ်းဂန်တွေမှာ အများအားဖြင့် အလှူရှင် ၊
အလှူခံပုဂ္ဂိုလ်လက်ထက်ထဲမှာထည့်ပြီး ဆက်ကပ်လှူဒါန်းလို့
မဖြစ်နိုင်တဲ့ မြေတို့ ကျောင်းစတဲ့ အဆောက်အဦးတို့ ၊
သက်ရှိသတ္တဝါ ကြီးကြီးတို့လို ပစ္စည်းများကို စွန့်ကြဲ
လှူဒါန်း ကြတဲ့အခါ သက္ကစ္စမြောက်အောင် သက်သေခံတဲ့
အနေနဲ့ ရေစက်ချပြီး လှူဒါန်းကြတာကိုတွေ့ရပါတယ်။

ဘုရားအလောင်းတော်က ဆင်ကိုလှူဒါန်းတဲ့အခါ ဆင်နှာမောင်းကို
အလှူခံလက်ထဲထည့်ပြီး အလှူစိတ်ကို ကိုယ်စားပြုတဲ့ အေးမြကြည်
လင်သန့်စင်တဲ့ နံ့သာရေအနည်းငယ်ကို ကရားနဲ့ယူပြီး
သွန်းလောင်းသွန်ချ လှူဒါန်း တာကိုတွေ့ရတယ်။

အလှူခံရှိနေလို့ အောက်ခံရေစက်ခွက်မပါတော့ဘူး။
နှာမောင်းကို လက်ထဲထည့်လိုက်ရင် ဆင်တစ်ကောင်လုံး
လှူရာရောက်တော့ လှူဖွယ်ကို ကိုယ်စားပြုစရာလည်း မလိုတော့ဘူး။
အလှူစိတ်ကို ကိုယ်စားပြု သက်သေခံရုံလောက်ပဲ
ရေသွန်းလောင်း သွန်းချတဲ့သဘောပါ။

ဘုရားအလောင်းကပဲ ဇနီး သား သမီးကို လှူဒါန်းတဲ့အခါ
လှူဖွယ်ဝတ္ထုနှင့် အလှူစိတ်ကို ကိုယ်စားပြုတဲ့ အေးမြကြည်လင်
သန့်စင်တဲ့ နံ့သာရည်အနည်းငယ်ကို ကရားနဲ့ယူပြီး အလှူခံ
ပုဂ္ဂိုလ်လက်ထဲမှာ လောင်းထည့်လိုက်တာကို တွေ့ရတယ်။
အလှူခံရှိနေလို့ အောက်ခံရေစက်ခွက် မပါတော့ဘူး။
လှူဖွယ်ဝတ္ထု ရှိနေပေမယ့် အလှူခံလက်ထဲထည့်လှူလို့
အဆင်မပြေတော့ ရေကိုပဲ ကိုယ်စားပြု ထည့်လိုက်တာပါ။
ရေကလည်း အလှူစိတ်ကိုပါ ကိုယ်စားပြုသက်သေခံသွားတယ်။
ဗိမ္မိသာရမင်းက ဝေဠုဝန်ဥယျာဉ်ကို လှူဒါန်းတဲ့အခါ
အနာထပိဏ်သူဌေးက ဇေတဝန်ကျောင်းကို လှူဒါန်းတဲ့
အခါမှာလည်း လှူဖွယ်ဝတ္ထုနှင့် အလှူစိတ်ကို ကိုယ်စားပြုတဲ့
အေးမြကြည်လင် သန့်စင်တဲ့ နံ့သာရည်ကို ရွှေကရားနဲ့
မြတ်စွာဘုရားလက်ထဲမှာ လောင်းထည့်ပြီး လှူတာကိုတွေ့ရတယ်။
လှူဖွယ်ကို လက်ထဲထည့် ဆက်ကပ်လို့မှ မဖြစ်နိုင်တာကိုး။

ရေကိုအလှူခံလက်ထဲမှာပဲ လောင်းလောင်း ၊
ကိုယ်စားလည်ခွက်ထဲမှာပဲ လောင်းလောင်း ၊
မြေကြီးပေါ်မှာပဲ လောင်းလောင်း ၊သက္ကစ္စမြောက်ပစ္စည်းကို
စွန့်ကြဲခြင်းကိစ္စ ပြီးမြောက်အောင်မြင်သွားဖို့သာ အဓိကပါ။
ရဟန်းတော်များနဲ့ မအပ်စပ်တဲ့ ရွှေ ငွေကို လှူတဲ့အခါ
အလှူခံလက်ထဲမှာ လှူဖွယ်ပစ္စည်းကို ထည့်ကပ်လို့
မသင့်တော်တဲ့ကြောင့် ရေကို လှူဖွယ်ဝတ္ထုရဲ့ ကိုယ်စားပြုပြီး
အလှူခံလက်ထဲမှာ ရေကို လောင်းထည့်လို့ပဲ ဖြစ်ဖြစ် ၊
ခွက်ထဲမှာ ရေကိုလောင်းထည့်လို့ပဲဖြစ်ဖြစ် ၊
မြေကြီးပေါ်မှာ ရေကိုသွန်ချလို့ပဲဖြစ်ဖြစ် လှူရင် ဖြစ်တာပါပဲ။
ရေစက်မချဘဲ နှုတ်နဲ့အပ်စပ်အောင် လျောက်ထားပြီး
လှူလိုက်ရင်လည်း အလှူကိစ္စ ပြီးမြောက် သွားတာပါ။
နှုတ်နဲ့ စွန့်ရင်လည်း စွန့်တာပဲကိုး၊ကိုယ့်စေတနာ
တကယ်ပြတ်သားရင် ရေတို့ ခွက်တို့နဲ့ သက်သေ
မခံဘဲလည်း ပြီးနိုင်တာပဲ။

ရဟန်းတော်များ ကြာရှည်ထားပြီး သုံးစွဲကြမယ့် မုန့်ပုံးများ ၊
ဖျော်ရည်ဘူးတို့ သကြားတို့စတဲ့ ပစ္စည်းတွေကို လှူတဲ့အခါမျိုး ၊
ရဟန်းတော်များ ကိုယ်လို့မသင့်တဲ့ ဆန်တို့ ဆီတို့ ငါးပိ ၊
ငါးခြောက်တို့လို ပစ္စည်းတွေကို လှူတဲ့ အခါမျိုးမှာလည်း ၊
အလှူခံ လက်ထဲကပ်လှူလို့ မသင့်တော်တဲ့ကြောင့်
သက္ကစ္စမြောက်အောင် ရေစက်ချလှူနိုင်ပါတယ်။
ရေစက်မချဘဲ နှုတ်နဲ့လျောက်ပြီး လှူရင်လည်း
အလှူမြောက်တာပါပဲ။

ညနေအခါမျိုးမှာ စားသောက်ဖွယ်တွေကို ရဟန်းတော်များထံ
သွားလှူတဲ့အခါမှာလည်း အလှူခံလက်ထဲမှာ ကပ်လို့ဖြစ်တဲ့
ပစ္စည်းပေမယ့် လှူတဲ့အချိန် ကပ်ရမယ့်အချိန် မဟုတ်တဲ့ကြောင့်
သက္ကစ္စမြောက်အောင် ရေစက်ချ လှူနိုင်ပါတယ်။
ရေစက်မချဘဲ နှုတ်နဲ့လျှောက်ထားပြီးလှူရင်လည်း
အလှူမြောက်ပါတယ်။ စေတနာ (၃)တန်ပြတ်သားရင် ပြီးတာပါပဲ။

အတိုချုပ်ကတော့ အလှူခံလက်ထဲမှာ ထည့်လှူလို့မဖြစ်တဲ့
ပစ္စည်းအားလုံးကို လှူတဲ့အခါ ရေကို ကိုယ်စားလည် အဖြစ်ထားပြီး
ရေစက်ချလှူဒါန်းနိုင်ပါတယ်။ ရေစက်မချဘဲ နှုတ်နဲ့ပြောဆို
လှူဒါန်းရင်လည်း အလှူမြောက်ပါတယ်။

အလှူခံလက်ထဲမှာ ချက်ချင်းထည့် လှူလို့ဖြစ်တဲ့
ပစ္စည်းမျိုးကို လှူတဲ့အခါ ရဟန်းတော်များ ချက်ချင်း
စားသောက် သုံးစွဲမယ့် ဆွမ်း ဆေး သစ်သီး ဖျော်ရည်တို့လို
ပစ္စည်းမျိုးကို လှူတဲ့အခါမှာတော့ ရေစက်မချ ပေမယ့်
အလှူခံလက်ထဲ ပစ္စည်းရောက်သွားတာနဲ့ အလှူခံမြောက်သွားတာပါ။
ရဟန်းသာမဏေအချင်းချင်း သင်္ကန်း၊စာအုပ် ၊ခဲတံတို့လို
ပစ္စည်းလှူတဲ့အခါမျိုး ဒကာ ဒကာမများက သံဃာတော်များအား
ဆွမ်းခဲဖွယ် လောင်းလှူတဲ့အခါမျိုး ဘယ်သူက
ဘယ်သူ့အတွက်ပဲဖြစ်ဖြစ် ရုတ်တရက် ရှောင်တခင်
သဒ္ဓါတရားပေါ်ပေါက်လာလို့ လှူတဲ့အခါမျိုးတွေမှာ
ရေစက်မချကြတော့ပါဘူး။ ရေစက်မချလည်း ပြီးနေပြီပဲ။
နိဗ္ဗာန်ဦးတည်ပြီး ကိုယ့်ပစ္စည်းကို အလှူခံလက်ထဲစွန့်ကြဲလိုက်တဲ့
အချိန်ကစလို့ အလှူကပြီးမြောက် အောင်မြင်သွားပြီကိုး။

ယခုကာလမှာတော့ ဘယ်လိုပစ္စည်းကိုပဲလှူလှူ ၊
အေးအေးဆေးဆေး အချိန်များများယူပြီး လှူကြတဲ့အခါ
ရေစက်ချလှူကြတယ်။ ရေစက်ချပွဲလုပ်ကြတယ်။
အချိန်များများမပေးနိုင်လို့ ခပ်သုတ်သုတ် ၊
ခပ်မြန်မြန်လှူတဲ့ အခါ ရေစက်မချကြတော့ဘူး။
ဥာဏ်နဲ့ နိဗ္ဗာန်ဦးတည်ပြီး ကိုယ်နဲ့ဖြစ်ဖြစ် ၊နှုတ်နဲ့ဖြစ်ဖြစ်
လှူလိုက်ကြတယ်။ အလှူပြီးမြောက်အောင်တာပါပဲ။
ဘာပဲဖြစ်ဖြစ် ရေစက်ချလှူကြတာဟာလည်း
သက္ကစ္စမြောက် ရိုသေလေးစားတန်ဖိုးထားပြီး မြတ်မြတ်နိုးနိုး
လှူတဲ့သဘောကို ဆောင်နေတာလည်းဖြစ်၊
အလှူပွဲရဲ့သက်သေသဘောကို ဆောင်နေတာလည်းဖြစ်လို့
အလွန်ကောင်းတဲ့ နည်းစနစ်ဖြစ်ပါတယ်။

ဥာဏ်တော့ပါဖို့ လိုမှာပါ။ အလှူပြီးမြောက်သွားပေမယ့်
ရေစက်ချပွဲ ပြန်လုပ်တော့ အပရစေတနာ ပြန်ပွားတာပေါ့။
ကိုယ့်ကုသိုလ်ကို သူက သာဓုခေါ်ရတော့ ကုသိုလ်တွေ
အများကြီးပြန်တိုးရပါတယ်။ ပြီးတော့ ကုသိုလ်ပြုဖက်
ဘဝရေစက်ဆုံသူတွေ နိဗ္ဗာန်ထိ အတူသွားရမယ့်
ပါရမီ ဖြည့်ဖက် ခရီးသွားဖော်တွေလည်း ထပ်တိုးတာပေါ့။
ရေစက်ချတာဟာ အလှူမြောက်အောင် ချတာမဟုတ်ဘူး။
“သက္ကစ္စသဘော”၊ “သက်သေသဘော”သာ ဖြစ်ပါတယ်။
စေတနာ ထက်သန်စွာနဲ့ စွန့်ပြီးတဲ့အချိန်ကစ
အလှူမြောက်ပြီးသားပါ။

“ရေစက်မချရသေးလို့ ငါ့အလှူမအောင်သေးဘူး၊
ရေစက်မချရသေးရင် အသေဖြောင့်မှာမဟုတ်ဘူး။”
လို့ ရေစက်ချကိစ္စကို စိတ်ထဲစွဲနေဖို့ မလိုပါဘူး။
စွဲနေရမယ့်ကိစ္စလည်း မဟုတ်ပါဘူး။
စုပေါင်းရေစက်ချပွဲတွေ ကျင်းပပြုလုပ်ကြတဲ့ အခါ တစ်ချို့က
မကိုင်ရဘူး။ ရေစက်ခွက် မကိုင်ရသူတွေက
“ငါ့အလှူအောင်မှာ မဟုတ်ဘူး။”လို့ မစွဲသင့်ပါဘူး။
ရေစက်မချဘဲ ကိုယ့်အလှူ အောင်နေပြီပဲ။

ယခုကာလ ရေစက်ချပွဲတွေမှာ အများအားဖြင့်
အလှူခံရဟန်း ကိုယ်တိုင်ဖြစ်စေ၊ အလှူခံများကိုယ်စား
ရဟန်းတော်တစ်ပါးပါးကဖြစ်စေ၊ ရှေ့ကတိုင်ပြီး
ချပေးသမျှ လှူပုံ ဆုတောင်းပုံ၊ အမျှဝေပုံအားလုံးကို
အလှူရှင်များက လိုက်ဆိုနေကြရတာကပဲ များပါတယ်။
ရှေ့က ချပေးလိုက် နောက်က လိုက်ဆိုလိုက်နဲ့
လိုက်ဆိုနေရင်းမှာ လက်ကလဲ ရေစက်ချနေရတယ်။
တစ်ချို့လက်ထဲကခွက် လွတ်ကျသွားတယ်။
တစ်ချို့လည်း ရေစက်ချလိုက်ဆိုလို့ မပြီးမီ ရေကုန်သွားလို့
ရေပြန်ထည့်ရတယ်။ စိတ်တည်ငြိမ်တဲ့ သဘောမရှိဘူး။
တစ်စက်ချင်းချနေရလို့ လက်ညောင်းလာတတ်တယ်။

အရေးကြီးတာက လှူနေစဉ် စိတ်ဓာတ်ငြိမ်သက်ငြိမ်းချမ်းပြီး
ဉာဏ်ပွင့်လင်းနေဖို့ပါပဲ။ ကိုယ့်ဟာကိုယ် လုပ်တတ်ရင်လည်း
ကိုယ့်ဟာကိုယ်ပဲ ခွက်ထဲမှာ ရေကိုတစ်ခါတည်း လောင်းချလိုက်ပြီး
ဆုတောင်းအမျှပေး လိုက်ရုံပဲ။ ရေလောင်းတဲ့အချိန်မှာတော့
နှုတ်ကမဆိုပေမယ့် စိတ်ကညွတ်ရင် ပြီးသွားတာပါ။
ပြီးတော့ တစ်ချို့က ကိုယ်ဟာကိုလုပ်ထားခဲ့တဲ့
အလှူတစ်ခုခုကို ရဟန်းတစ်ပါးပါးနှင့် တွေ့ရတဲ့အခါ
စာရွက်ထဲ အလှူစာရင်းတွေရေးပြီး
“ဒါလေးကို ရေစက်ချပေးပါဘုရား။” လို့ ရေစက်ချပေးဖို့
လျှောက်တတ်တာတွေ မကြာမကြာ တွေ့ရဖူးတယ်။
ရဟန်းပါးစပ်ထဲထည့်ဆိုလိုက်မှ အလှူဟာ တရားဝင်ပြီး
မြောက်တယ်လို့ ထင်ထားပုံလည်း ပေါ်ပါတယ်။
အမှန်တော့ ရေစက်ချတာဟာ အလှူခံရဟန်းရဲ့အလုပ်မဟုတ်ပါဘူး။
အလှူရှင်ရဲ့ အလုပ်သာ ဖြစ်ပါတယ်။
အလှူရှင်ကိုယ်တိုင် လုပ်ရမယ့် အလုပ်ပါ။
ရဟန်းတော်များက ရှေ့ကချပေးတယ်ဆိုတာက
အလှူရှင်များဖြစ်သင့်တဲ့အရာ ဖြစ်စေချင်တဲ့ အရာတွေကို
မှန်ကန်ပြည့်စုံအောင် လမ်းကြောင်းခင်းပေးခြင်းသာ ဖြစ်ပါတယ်။

အလှူရှင်ရဲ့ အလှူအတွက် အကျိုးဆောင်ရှေ့နေ
လုပ်ပေးတာ မဟုတ်ပါဘူး။
တရားဟောပေးတာဟာလည်း
သိသင့်တာသိဖို့ပါ။
ရှေ့က ဆရာတော်တစ်ပါးပါး ချပေးတာကို
နောက်ကလိုက်ဆိုရရင်လည်း လိုက်မဆိုမီမှာဖြစ်ဖြစ်၊
လိုက်ဆိုနေတုန်း အလှူပိုင်းရောက်လာရင်ပဲဖြစ်ဖြစ်
အားလုံးဆိုပြီးမှပဲဖြစ်ဖြစ် ရေကိုတစ်ခါတည်း
ခွက်ထဲလောင်းထည့်လိုက်ရင် ပြီးတာပါပဲ။
ရေစက်မချပဲတောင် အလှူက မြောက်နေပြီးသားပါ။

ယခုကာလမှာ လှူဖွယ်ကပ်လှူပြီးမှ ရေစက်ချတာက များပါတယ်။
ရေဆိုတာ သက်သေခံ ကိုယ်စားလည် လောက်ပဲဆိုတော့
တစ်ကူးတစ်ကန့် ရေအပေါ် အချိန်ကုန်အပင်ခန်းခံပြီး
ကြောင့်ကြစိုက်ဖို့ မလိုပါဘူး။
မူလလှူဖွယ် ပစ္စည်းကိုတောင်
အကြာကြီး ကိုင်မထားဘဲနဲ့ ကိုယ်စားလည်ပစ္စည်းဖြစ်တဲ့
ရေထည့်ထားတဲ့ခွက်ကို အညောင်းခံပြီး
အကြာကြီးကိုင်ထားဖို့လည်း မလိုပါဘူး။
လှူနေဆဲအချိန်မှာ အလှူခံ လှူဖွယ်ဝတ္ထု အလှူစေတနာအပေါ်
စူးစိုက်တည်ငြိမ် အေးချမ်းပြီးကြည်လင်ပြီး ၊
အောင်ပွဲတစ်ခုအဖြစ် ကျေနပ်သွားဖို့သာ ပဓာနပါ။
နိဗ္ဗာန်ရောက်သည်ထိ သံသရာတစ်လျှောက်၊ဘယ်တော့မှ
မလျော့နိုင်၊ မကုန်နိုင်အောင် ပိုင်တော့မှာဖြစ်တဲ့
ကိုယ်ပိုင်အစစ်ဖြစ်သွားပါပြီ။ ဒါမှပဲ စိတ်အေးရမယ်။

-【တိပိဋကဓရ - ဓမ္မဘဏ္ဍာဂါရိက ယော ဆရာတော်】၏
“အလှူဒါန ရေစက်ချ”ဆောင်းပါးကောင်းလေးတစ်ပုဒ်ဖြစ်ပါသည်။
စာဖတ်သူအားလုံးသက်ရှည်ကျန်းမာစိတ်ချမ်းသာ ရှိကြပါစေ။

credit: Ashin Kumarra

#သုတဇုန်
www.thutazone.com