***စင်ကာပူသို့ မြန်မာပြည်ကနေ ကိုယ့်အစီစဉ်နဲ့ကိုယ် အေးဂျင့်မသုံးပဲ အိမ်အကူ ခေါ်မယ်ဆိုရင်***

 စလုံး

***စင်ကာပူသို့ မြန်မာပြည်ကနေ ကိုယ့်အစီစဉ်နဲ့ကိုယ် အေးဂျင့်မသုံးပဲ အိမ်အကူ ခေါ်မယ်ဆိုရင်***

ပထမဆုံး ပြောချင်တာက မြန်မာအစိုးရက အိမ်အကူကို စင်ကာပူလာအလုပ်လုပ်ဖို့ ban ထားတယ်ဆိုတာ အိမ်ရှင်ကိုယ်တိုင် ခေါ်သူတွေအတွက် မဟုတ်ပါဘူး။ ကိုယ်တိုင် ကိုယ့်အိမ်အတွက် မှန်မှန်ကန်ကန်ဆို အေးရာအေးကြောင်း လွယ်လွယ်ကူကူနဲ့ ခေါ်လို့ရပါတယ်။

ဘာတွေလုပ်ရမလဲဆိုတော့...
၁) ခေါ်မယ့် အိမ်အကူအတွက် passport လုပ်ရမယ်။ အိမ်အကူက အသက် အနည်းဆုံး ၂၃ နဲ့ အများဆုံး ၅၀ ဖြစ်ရမယ်။ ပြီးတော့ ပညာအရည်အချင်းက အနည်းဆုံး (၈) တန်း ရှိရမယ် (ထောက်ခံစာကို နိုထြီပြန်ထားပါ) ။ HIV, TB စတဲ့ Test တွေ ဆေးစစ်တာအောင်ထားရမယ်။ မြန်မာပြည်မှာ တစ်ခါစစ်ထားပါ။ ဒီမှာထပ်စစ်ပါတယ်။

၂) အိမ်ရှင်က EOP လို့ခေါ်တဲ့ (Employer' Orientation Programme) test ဖြေရမယ်။ online သို့ classroom ၂ မျိုးရှိတယ်။ Online က $၄၀, classroom က $၂၈ to $၃၀။ Online ကပဲဖြေလိုက်တယ်။ လွယ်ပါတယ်။

၃) IPA (In-Principal Approval) ကိုဒီမှာ http://www.mom.gov.sg/eservices/services/work-permit-transactions-for-domestic-helpers-and-confinement-nannies
ဝင်ပြီး အိမ်ရှင်ရဲ့ Singpass နဲ့ လျှောက်ရမယ်။ ၂ ရက်လောက်အတွင်း approved ဖြစ်တယ်။ ဒေါ်လာ ၃၀။

၎) Security bond နဲ့ insurance ဝယ်ရမယ်။ NTUC ဒါမှမဟုတ် အခြား ကုမ္ပဏီတွေမှာ ၂ နှစ်စာ package ၂၄၆ ဒေါ်လာပေးရတယ်။

၅) IPA ကျလာရင် အဲ့ဒီ IPA ရယ်, သွားခေါ်မယ့်သူနဲ့ လျှောက်ပေးတဲ့သူရဲ့ တော်စပ်ပုံ အထောက်အထား (လပ်ထပ်စာချုပ် -သို့-အိမ်ထောင်စုစာရင်း) အိမ်ထောင်စု စာရင်းမှာပါတဲ့ မည်သူမဆို သွားခေါ်/ ခေါ်လာ လို့ရပါတယ်။

၆) မြန်မာပြည်က ခေါ်ပြီး ပြန်လာတော့မယ်ဆို ပထမဆုံး check-in မလုပ်ခင် အလုပ်သမားကောင်တာမှာ (check-in counter တွေရဲ့ ဘေးအစွန် lift နားလေးမှာ) ခေါ်ခဲ့တဲ့လူက ဝန်ခံကတိထိုးရပါတယ်။ ဖောင် ၄,၅ စုံလည်း ဖြည့်ရတယ်။ အထူးသဖြင့် လိပ်စာ ဖုံးနံပါတ်နဲ့ တာဝန်ယူကြောင်းတွေပါ။ အလုပ်သမား ကောင်တာက အမျိုးသမီး ဆက်ဆံရေး ပြေပြစ်ပြီး သဘောကောင်းပါတယ်။ အဲ့ဒီကောင်တာကနေ ခွင့်ပြုကြောင်း စာရွက်လေး ပေးလိုက်ပါတယ်။ ပြီး>>> ကောင်တာဘေးမှာ ဓာတ်ပုံရိုက်ယူတယ်, စာအုပ်ကြီးထဲမှာ မသေမသပ်နဲ့ record ယူတယ်။ (မွဲလိုက်တဲ့ မြန်မာပြည် immigration, computer နဲ့တောင် record မလုပ်နိုင်)

၇) နောက်>> check-in လုပ် immigration ဖြတ်, အဲ့ဒီမှာ သူတောင်းစား (သဒေါင်းစား) တွေ့ရတယ်။ ပြောသေးတယ်။ အိမ်အကူတွေထွက်ရင် ၂ ပုံးထည့်ရတယ်တဲ့။ "ကျုပ်က ဘာလို့ထည့်ရမှာတုန်းလို့" ခပ်တင်းတင်းပြန်ပြောလိုက်မှ "အူ အူ အန် အန်" နဲ့ ကျန်ခဲ့တယ်။ သဒေါင်းစား-- တောင်းချင်ရင် ရိုးရိုး သနားကြပါခင်ညာ လို့တောင်း။ စေတနာပါရင် ပေးတယ်။ (အမြစ်ပြုတ် အကုန်ဖြုတ်လိုက်စမ်းပါ ဒီလူတွေ) သူတပါးပိုက်ဆံ အလကားရချင်သူတွေ။

၈) ကဲ.. စလုံး ဝင်ပြီ။ အေးဆေးပဲ။ IPA ပြ၊ white card ပြ တုံးထု ၂ ပတ်နေခွင့်ပေး ဒါပါပဲ။ စလုံး immigration မှာ အမှန်ကန်သာဖြစ်ရင် ဘာမှကို ပူပင်စရာမရှိ။

၉။ အိမ်အကူက SIP ဆိုတဲ့ Settling in Programme ကို ရောက်ပြီး ၃ ရက်အတွင်း တက်ရတယ်။ ၇၅ ဒေါ်လာ ပေးရတယ်။ တနေကုန်သင်တန်း။ စာမေးပွဲ ဖြေစရာမလိုဘူး။ ဆရာ ပြောတာနားထောင် သင်တာကြည့်။ အဲ့ဒီမှာ IPA letter နဲ့ ပညာအရည်ချင်းပြရတယ်။ ပြီးရင် ဆေးစစ်။ Raffle clinic အဆင်ပြေတယ်။ ဒေါ်လာ ၆၄ ဒေါ်လာ။

၁၀။ နောက် MOM ကို work permit card ထုတ်ပေးဖို့အတွက် လျှောက်ရဦးမယ်။ စောစောက လင့်ခ်မှာပဲ။ ဆေးစစ်ချက်ရယ်၊ ပတ်စပို့ရယ်၊ အိမ်ရှင်နဲ့ အကူနဲ့ လက်မှတ်ထိုးထားတဲ့ declaration form ၃ ခုကို upload လုပ်ပြီး တင်ရတယ်။ ဒေါ်လာ ၃၀။ တင်ပြီးတာနဲ့ ယာယီ ၁ လ ပါမစ်ထုတ်ပေးတယ်။ ပြီးရင် e-appointment ယူပြီး MOM မှာလက်ဗွေနှိပ်၊ ဓာတ်ပုံရိုက်ရမယ်။

၁၁။ ပြီး>>> (၄)ရက်အတွင်း card ကို အိမ်ပို့ပေးပါလိမ့်မယ်။ ဒါပါပဲ။

အပေါ်က အစီအစဉ်တွေကို အေးဂျင့်ကိုအပ်ရင် ၉၀၀ ကနေ ၁၂၀၀ ထိတောင်းကြတယ်။ (မြန်မာဘက်မှာ ကျော်ရခွရလို့ဆိုပြီး တော်တော်များများ ဒေါ်လာ ၁၀၀၀ ကျော်ယူကြပါတယ်) ခုပြောပြခဲ့တာတွေကတော့ ကိုယ်တိုင်ပြန်ခေါ်ရတာတော့ရှိတယ်။ ကျန်တာ တော်တော်များများ computer ရှေ့မှာပဲ လုပ်လို့ရပါတယ်။

နောက်ဆုံးပြောချင်တာကတော့ ပို့စ့်ကို copy and paste လုပ်ဖို့စောင့်နေကြတဲ့ စင်ကာပူက ဘာလမ်းညွှန် ညာလမ်းညွှန်ဆိုတဲ့ သူတောင်းစားတွေ အေးဆေး copy နဲ့ paste လုပ်ရုံတင် အားမရဘူး edit လုပ်ချင်သလို လုပ်ပြီးမှ အောက်မှာ ဆောင်းပါရှင် စာရေးသူ လွမ်းအောင်ကူချွဲရဲ့ အာဘော်ပါဆိုပြီး တတ်တာလိုလို နပ်တာလိုလို credit ယူတတ်တဲ့ သူတောင်းစား (သဒေါင်းစား) တွေ လူလိုနားလည်, ကြားလား သဒေါင်းစား...

(စေတနာ နဲ့ ထပ်ဆင့်ရှယ်ကြသူများ ကြိုက်သလိုရှယ်နိုင်ပါတယ်)

လွမ်းအောင်ကူချွဲ
၂၉/၀၁/၂၀၁၆ ညနေ ၈ နာရီ ၇ မိနစ်
https://www.facebook.com/ShweJournal