စွဲလန်းမှုတဏှာကြောင့်.ဘဝဆုံးသွားနိုင်တယ်။

 

Bamaw Thein Pe

 

စွဲလန်းမှုတဏှာကြောင့်.ဘဝဆုံးသွားနိုင်တယ်။

ကျနော်.ကလေးဘဝကတဲက.အခုလူကြီးဖြစ်တဲ့အထိ.ပုံပြင်တွေကြိုက်တယ်။.ဖတ်တယ်။

ဒီလောက်.အသက်ကြီးနေမှ.ပုံပြင်တွေကြိုက်တယ်ဆိုလို့.လူရယ်စရာကောင်းလှပါတယ်။.ရှင်းပြပါရစေ။

ငယ်ငယ်တုံးက.ပုံပြင်ကြိုက်တယ်ဆိုတာ.ကလေးတွေသဘာဝပါ။.အပြင်မှာ.မဖြစ်နိုင်တာတွေကို.ပုံပြင်ထဲမှာရနိုင်လို့ပါ။.Sleeping Beautyပုံပြင်ထဲမှာ.မင်းသားလေးက.မီးတောက်တွေမှုတ်နေတဲ့နဂါးကြီးကို.ဓါးနဲ့ခုတ်ဖြတ်တိုက်ခိုက်အောင်နိုင်ပြီး.အိပ်ပျော်နေတဲ့မင်းသမီးလေးကို.အနမ်းပေးရင်း.အသက်ပြန်ရှင်အောင်လုပ်ပေးခဲ့တာဖတ်ပြီး.ကိုယ်က.မင်းသားနေရာမှာခံစားစိတ်ကူးယဉ်ခဲ့ရတယ်။.ဆင်းရဲသားလေးက.ဘုရင့်သမားတော်ကြီးတွေမကုသနိုင်တဲ့.ဘုရင်ကြီးရဲ့ရောဂါကို.ပျောက်ကင်းအောင်.ကုပေးနိုင်လို့.သူ့သမီးတော်နဲ့ထိမ်းမြားပေးခံရရင်.ကိုယ်လဲဆင်းရဲသားလေးနေရာမှာ.ခံစားပျော်မိတယ်။.ဘာပဲဖြစ်ဖြစ်.ကလေးပုံပြင်လေးတွေဟာ.ဘယ်တော့မှ.မကောင်းတာကို.သင်မပေးပါဘူး။.သူများကို.လိမ်ညာဖို့.သူခိုးကြီးဖြစ်ဖို့.မရိုးမသားလုပ်ပြီး.သူဋ္ဌေးကြီးဖြစ်ဖိုဆိုတာမျိုးတွေ့.မတိုက်တွန်းဘူး။.ဒါတွေက.ကလေးဘဝကပုံပြင်လေးတွေပါ။

လူကြီးဖြစ်လာတော့လဲ.ပုံပြင်လေးတွေကို.စိတ်ဝင်စားပြန်တယ်။.ဘာလို့လဲဆိုတော့.ပုံပြင်ဟာလဲ.ကဗျာတပုဒ်လိုပါပဲ။.ကဗျာတပုဒ်ကို.ရုတ်တရက်ဖတ်လိုက်ရင်.နားမလည်ဘူး။.အခါခါပြန်ဖတ်မှ.ဘာဆိုလိုတယ်ဆိုတာ.ရေးရေးသဘောပေါက်လာတယ်။.ထပ်တွေးရင်တွေးသလို.အဓိပ္ပါယ်တွေအများကြီးပေါ်လာတယ်။.အတွေးဆန့်ရင်ဆန့်သလောက်.တွေးလို့ရတယ်။.ဒါက.ကဗျာရဲ့အရသာပါ။

ပြောချင်တာက.လူကြီးပိုင်းအရွယ်ကျမှဖတ်တဲ့ပုံပြင်လေးတွေဟာလဲ.ကဗျာလိုပါပဲ။.အတွေးနယ်ချဲ့လို့ကောင်းတယ်။..လူတော်တော်များများသိပြီးဖြစ်နေကြမဲ့.အောက်ကပုံပြင်လေးကိုဖတ်ကြည့်ရအောင်။

တောရွာလေးတရွာမှာ.မျောက်တကောင်ဟာ.လူမရှိတဲ့အိမ်ထဲကို.ပွင့်နေတဲ့ပြုတင်းပေါက်ကနေ.ဝင်လာတယ်။.မီးဖိုချောင်မှာ.ထန်းလျက်ခဲတွေထဲ့ထားတဲ့စဥ့်အိုးတလုံးကိုတွေ့လို့.စဥ့်အိုးအဖုံးကို.မယူဖွင့်ပြီး.ထန်းလျက်ခဲတလုံးကိုနိူက်စားလိုက်တယ်။.ကြိုက်လို့.နောက်၂လုံး.ထပ်ယူစားပြန်တယ်။.နောက်တော့.စိတ်မထိန်းနိုင်တော့လို့.လက်တဆုပ်စာ.ထန်းလျက်ခဲတွေနိူက်ယူလိုက်တယ်။.သူ့လက်ကို.ပြန်ဆွဲထုတ်တော့.သူ့လက်ကိုနူတ်မရတော့ဘူး။.သူ့လက်သီးဆုပ်ဟာ.အိုးအဝကျဉ်းမှာ.တစ်နေပြီ။.။.ဒီတော့.သူ့လက်လွှတ်အောင်.အတင်းရုန်းလို့.ထန်းလျက်အိုးလဲ.လှုပ်ခါပြီး.အသံတွေထွက်လာတယ်။.အိမ်နီးချင်းတွေက.အသံကြားလို့.လာကြည့်ကြတော့.မျောက်ကိုတွေ့သွားကြပြီး.အော်ဟစ်မောင်းထုတ်ကြတယ်။.ဒါပေမဲ့.မျောက်ဟာ.သူ့လက်ကိုဖြေပြီး.မပြေးပဲ.လက်သီးကိုဆုတ်ကိုင်ထားလို့.ရွာသားတွေက.မျောက်ကိုရိုက်သတ်လိုက်ကြတယ်။

ဒီပုံပြင်လေးကိုဖတ်ပြီး.တော်တော်တုံးတဲ့မျောက်ပဲ.လက်သီးဆုပ်ထားတာဖြေပြီး.ထွက်ပြေးရင်ရရဲ့သားနဲ့လို့.မှတ်ချက်ပေးပြုံးမိကြလိမ့်မယ်။.ကျနော်ကတော့.အဲဒီပုံပြင်လေးကနေ.အခုလိုအတွေးပေါ်လာမိတယ်။

လူ့လောကကြီးမှာ.ဒီမျောက်လိုဖြစ်နေကြတဲ့လူတွေအများကြီးပါ။.မျောက်သေရတာ.ထန်းလျက်ကိုစွဲလန်းတပ်မက်တဲ့တဏှာကြောင့်ပါ။.ဒီလိုပါပဲ.လူတွေမှာလဲ.တဏှာကြောင့်.ဘဝပျက်.သေဆုံးတာတွေအများကြီးပါ။.တဏှာဆိုလို့.ဖိုမကိစ္စတခုထဲကိုဆိုလိုတာမဟုတ်ပါ။.တစုံတရာကို.စွဲလန်းတပ်မက်မောခြင်းကိုပြောတာပါ။.စွဲလန်းမှုကြီးရင်.မျောက်လိုပဲ.သေသွားလိမ့်မယ်။.ဥပမာ.အရက်သောက်တယ်။.ပိုက်ဆံကုန်တယ်။.ရောဂါရမယ်။.ဒါပေမဲ့.အရက်ကို.မသောက်ရမနေနိုင်အောင်.စွဲလမ်းပြီး.ဖြတ်မရလို့.နောက်ဆုံးအသဲကျွမ်းပြီးသေသွားနိုင်တယ်။.ထို့နည်းတူပဲ.လူငယ်လေးတွေ.ဂိမ်းမကစားရ.မနေနိုင်လောက်အောင်.စွဲလမ်းနေရင်.အသက်မသေတောင်.စာမေးပွဲကျ.နောက်ဆုံးလူ့အောက်ကျနောက်ကျဘဝမှာ.တသက်တာကုန်ဆုံးသွားရမှာပဲ။.(နိုင်ငံခြားမှာ.လူငယ်တချို့.ကွန်ပြူတာဂိမ်းကို.၂ရက်.၃ရက်မအိပ်ပဲကစားရင်း.နှလုံးရပ်သွားတာတွေရှိတယ်)။

လူတွေက.စွဲလမ်းတပ်မက်ခြင်းတဏှာလို့ပြောရင်.ဘာသာရေးကိစ္စလို့မြင်ကြတယ်။.တကယ်တော့.လူတွေနေ့စဉ်သတိမထားမိတဲ့စွဲလမ်းမှုတွေမှာ.အရမ်းအားသန်သွားရင်.မိမိဘဝထိခိုက်မယ်ဆိုတာ.သတိပြုစေချင်ပါတယ်။.မနက်မိုးလင်းကတဲက.အိပ်တဲ့အချိန်ထိ.ဖုံးscreenလေးပွတ်ရင်း.ဖေ့ဘွတ်ကြည့်နေတာလဲ.တဏှာစွဲလမ်းတပ်မက်ခြင်းဆိုတာ.သတိပြုစေချင်ပါတယ်။.ကျနော်လဲ.အဲဒီတဏှာက.ရုန်းထွက်နိုင်သေးဘူး။.(အမေရိကန်နိုင်ငံမှာတော့.ဖုံးနဲ့Facebook.twitterတွေကြည့်ရင်း.လမ်းဖြတ်ကူးတာ.တနေ့(၁၀)ယောက်လောက်.ကားတိုက်သေဆုံးနေတယ်လို့ဖတ်ရတယ်)။

ဗန်းမော်သိန်းဖေ
၂၀၁၅၊ဒီဇင်ဘာလ(၂၇)ရက်