ဝေဖန်မှုတွေ များခဲ့တဲ့ မင်္ဂလာပွဲတက် ဝတ်စုံ နဲ့ ပတ်သက်ပြီး ဝတ်မှုံရွှေရည် ရဲ့ ခံစားချက်

ဝတ်မှုံရွှေရည် က ဒါရိုက်တာဝိုင်း ရိုက်ကူးတဲ့ “ချစ်လှစွာသော အမုန်း” ရုပ်ရှင် ဇာတ်ကားမှာ လူ့လောက အကြောင်း ဘာမှ မသိတဲ့ ခပ်အအကောင်မလေး “အမုန်း” ဆိုတဲ့ ဇာတ်ရုပ်နေရာက သရုပ်ဆောင်ထားပါတယ်။  ဒီဇာတ်ကားမှာ အသက်ငယ်ငယ် နဲ့ ဇင်ဝိုင်းရဲ့ ဇနီးဖြစ်ခဲ့ရပြီး သက်မွန်မြင့် ရဲ့ မိထွေးနေရာက နေ သရုပ်ဆောင်ခဲ့တာကြောင့် ဝတ်မှုံရွှေရည် ရိုက်ကူးနေကျ ဇာတ်လမ်းတွေနဲ့ မတူဘဲ ကွဲထွက်နေတဲ့ ဇာတ်ကား တစ်ကားပဲဖြစ်ပါတယ်။
ဒီဇာတ်ကားထဲက “အမုန်း” ဇာတ်ရုပ်ပီပြင်ဖို့ အားစိုက်ခဲ့ ရကြောင်းကို ဝတ်မှုံရွှေရည် က “တအား စိတ်နှစ်ပြီး ကြိုးစား သရုပ်ဆောင်ခဲ့ပါတယ်။ ကြိုးစားခဲ့သမျှ အတွက် ပရိသတ်တွေ ကြိုက်လိမ့်မယ်လို့ မျှော်လင့်ပါတယ်။ ကစ်အနေ နဲ့အပြိုင် အဆိုင်ဆိုတာထက် “အမုန်း” ဇာတ်ရုပ်ကို ပီပြင်ဖို့ပဲ ကြိုးစားခဲ့ပါတယ်” လို့ ပြောပါတယ်။ ဒီရုပ်ရှင် ဇာတ်ကားက ဝတ်မှုံရွှေရည် အတွက်နောက်ထပ် အနုပညာမှတ်တိုင် တစ်ခု စိုက်ထူနိုင်လိမ့်မယ်လို့ လာ ရောက် ကြည့်ရှု အားပေးတဲ့ ပရိသတ်တွေ အားလုံးက ထင်ကြေးပေးနေကြ သလို ၂ဝ၁၄ ခုနှစ်အတွက် အကယ်ဒမီ စာရင်းဝင် ဖြစ်တဲ့ “နှလုံးသား ဖြင့် ပြုလုပ်သည်” ဇာတ်ကား ဖြင့် လည်း ဇာတ်ပို့နဲ့ အကယ်ဒမီ ရရှိလိမ့်မယ် လို့လည်း ထင်ကြေးပေး ခံနေရတာကြောင့် အကယ် ဒမီနဲ့ ပတ်သက်ပြီး ဝတ် မှုံရွှေရည်က “နှလုံးသားဖြင့် ပြုလုပ်သည် ဇာတ်ကားက ပွင့်ပွင့်လင်းလင်း ပြောရရင် ကစ်လုပ်ကွက် သိပ်မရပါဘူး။ ဇာတ်ပို့ နေရာလောက်ပဲ လုပ်ထား တာပါ။ ဇာတ်ပို့ မှာလည်း ကစ် သရုပ်ဆောင်ရတဲ့ နေရာကို အတတ်နိုင်ဆုံး အကောင်းဆုံး သရုပ်ဆောင် ထားတာပါ။ ချစ်လှစွာသော အမုန်း မှာလည်း ကြိုးစားထားတယ်။

“ကစ်ကို အကယ်ဒမီ ရဖို့အတွက် မျှော်မှန်းပေးတဲ့ သူတွေ အားလုံးကို ကျေး ဇူးတင်ပါတယ်။ ပျော်လည်း ပျော်ပါတယ်။ ကစ်ကတော့ အများကြီး မမျှော်လင့်ထားပါဘူး”လို့ ပြောပါတယ်။ “ချစ်လှစွာသော အမုန်း” ရုပ်ရှင် ဇာတ်ကားကို လာအားပေးမယ့် ပရိသတ်တွေ ဒီဇာတ်ကား ကိုကြည့်ပြီး ငိုမှာတော့ စိုးတယ်ဆိုတဲ့ ဝတ်မှုံရွှေရည် က ကြည့်တဲ့ ပရိသတ်တွေ ခံစားမှုအသစ် တစ်မျိုးရမယ်လို့ ယုံ ကြည်ကြောင်း ပြောပါတယ်။ ဝတ်မှုံရွှေရည်က ဒါရိုက်တာဝိုင်း မင်္ဂလာဆောင်ကို တက် ရောက်ခဲ့တဲ့ ဝတ်စုံနဲ့ ပတ်သက်ပြီး ပရိသတ်တွေ ဝေဖန်မှုတွေ ရှိခဲ့ပါတယ်။ ဒီဝတ်စုံ နဲ့ပတ်သက်ပြီး ဝတ်မှုံရွှေရည်က “ဘာမှ ပြောစရာ မလိုပါဘူး။ ကစ်အနေ နဲ့ ထွေထွေ ထူးထူး ဖြေရှင်းရမယ့် ကိစ္စလို့လည်း မထင်ပါဘူး။ အမှတ်တမဲ့ ကနေ အထင်မှား၊ အမြင် မှားဖြစ်တဲ့ကိစ္စပါ။ ကစ်ကိုယ်တိုင် လည်းသိတယ်။ ရည်ရွယ်ချက်ကြီးနဲ့ ဝတ်တာလည်း မဟုတ်ဘူး။ ကင်မရာအလင်း အမှောင်နဲ့ အဝတ်အစား ရဲ့ ချုပ်ရိုးချုပ်သား နဲ့ ဖြစ်သွား တာဆိုတော့ အမှန်ဆိုရင် ကစ်အနေ နဲ့ အခုလိုတောင် ရှင်းစရာမလို ပါဘူး။ ပထမ တစ်ရက်ကတော့ ဖေ့စ်ဘုတ်က comment တွေ ဖတ်ရတော့ စိတ်မကောင်း ဖြစ်သွားတယ်။ ကိုယ်လည်း မမှားဘဲ နဲ့လို့ ကိုယ့်လိပ်ပြာ ကိုယ်လုံတယ်။ ကစ်လည်း ဒါပထမဆုံး အတွေ့ အကြုံပဲ။ ဖြစ်တတ်ပါတယ် လို့ တွေးလိုက်ပါတယ်”လို့ ပြောပါတယ်။ ဝတ်မှုံရွှေရည်ရဲ့ အမာခံ ပရိသတ်တွေက ဒီကိစ္စနဲ့ ပတ်သက်ပြီး အွန်လိုင်းမှာ သူတို့ချစ်တဲ့ အနုပညာရှင်ဘက်က ရပ်တည် ကာ ကာကွယ်ဖြေရှင်း ပေးကြတာလည်း တွေ့ရပါတယ်။ ကိုယ့်ဘက်က ရပ်တည်ပေးတဲ့ ပရိသတ်တွေ ရှိနေတာ တွေ့ရတာ ကြောင့် ဘာနဲ့မှ မတူအောင် ကျေးဇူးတင်သလို ကျေနပ် ပျော်ရွှင်ခဲ့ရပြီး ပရိသတ်မေတ္တာ ရခဲ့တာ အမြတ်ပဲဖြစ်ကြောင်း ပြောပါတယ်။ ဝတ်မှုံရွှေ ရည်က ၂ဝ၁၆နှစ်ဆန်းပိုင်း မှာ ပရိသတ်တွေ နဲ့တွေ့ဖို့ အစီ အစဉ်ရှိ ပြီး တစ်နှစ်မှာနှစ်ကြိမ် အနည်း ဆုံးတွေ့ဆုံဖို့ စဉ်းစားထားကြောင်း ဝတ်မှုံရွှေရည်က ပြောပါတယ်။

ခိုင်ဝေလွင်၊

ဓာတ်ပုံ – မင်းမင်းထွန်း

 http://popularmyanmar.com/afpopular/?p=10983