နောက်ဆုံးထွက်သက်တိုင်အောင်

Focus Youth E-magazine

 

နောက်ဆုံးထွက်သက်တိုင်အောင် #Story
---------------------------------------
.
ဒီဇာတ်လမ်းလေးဟာ နိုင်ငံခြားဇာတ်လမ်းလေးတစ်ခုကိုဘာသာပြန်ထားတာဖြစ်ပြီး
တော်တော်များများလည်းသိပြီးဖြစ်မယ်လို့ထင်ပါတယ်။ မဖတ်ရသေးသောသူများအတွက် ဘာသာပြန်ဖော်ပြလိုက်ရပါတယ်။
.
(၁)
ကျွန်တော်အိမ်ပြန်ရောက်တော့ ကျွန်တော့်ဇနီးကညစာပြင်ဆင်ထားတာတွေ့လိုက်ရတယ်။
ကျွန်တော်သူ့လက်ကိုကိုင်ပြီးပြောလိုက်တယ် " ငါ့မှာပြောစရာရှိတယ်"
သူထမင်းစားစားပွဲမှာထိုင်ချလိုက်ပြီး ညစာကိုငြိမ်သက်စွာစားနေတယ်။
ကျွန်တော်သူ့မျက်လုံးထဲမှာ နာကျင်မှုတစ်ချို့ကိုတွေ့လိုက်ရတယ်။
ရုတ်တရက်ကျွန်တော်ဘာဆက်ပြောရမှန်းတောင်မသိဖြစ်သွားပါတယ်။
ဒါပေမယ့် ကျွန်တော်ပြောမှဖြစ်မယ်။ ကျွန်တော်စီစဉ်ထားတာတွေကိုပြောမှဖြစ်မယ်။ ကျွန်တော်ကွာရှင်းချင်နေပြီဆိုတာကို
ကျွန်တော်အားတင်းပြီးပြောလိုက်ပါတယ်။
.
သူ့ပုံစံကြည့်ရတာတော့ ကျွန်တော့်စကားတွေအပေါ်မှာစိတ်ဆိုးဟန်ပြမနေဘူး။
စိတ်ဆိုးဒေါသထွက်ရမယ့်အစား သူကျွန်တော့်ကိုတည်တည်ငြိမ်ငြိမ်ပဲပြန်မေးခွန်းထုတ်ပါတယ်။
" ဘာလို့ကွာရှင်းချင်တာလဲတဲ့ "
ကျွန်တော်သူ့မေးခွန်းကိုဖြေချင်စိတ်မရှိပဲ မျက်နှာလွှဲလိုက်ပါတယ်။
အဲ့ဒါဟာ သူ့ကိုဒေါသထွက်သွားစေပြီး သူထမင်းစားနေရင် တူကိုလွှင့်ပစ်လိုက်ပြီး
" ရှင်ဟာ ယောင်္ကျားမဟုတ်ဘူး" ဆိုပြီး ကျွန်တော့်ကိုအော်လိုက်ပါတယ်။
အဲ့နေ့ညက တစ်ညလုံးကျွန်တော်တို့စကားမပြောဖြစ်ခဲ့ကြပါဘူး။ သူကတော့ ငိုကြွေးနေပါတယ်။
သူဟာ ကျွန်တော်တို့ရဲ့ယိုယွင်းနေတဲ့အိမ်ထောင်ရေးပြသာနာတွေအတွက် အဖြေရှာချင်နေပုံရပါတယ်။
ဒါပေမယ့် ကျွန်တော့်မှာ လက်ထပ်ချင်တဲ့အမျိုးသမီးကရှိနေပါပြီ။ သူမနာမည်က "Jane" ပါ။
ကျွန်တော့်နှလုံးသားဟာ သူ့ဆီကနေ Jane ဆီရောက်သွားခဲ့ပါပြီ။
ကျွန်တော့်ဇနီးကို ကျွန်တော်ဆက်ချစ်နိုင်စွမ်းမရှိတော့ပါဘူး။
.
(၂)
ကျွန်တော်အပြစ်ရှိသလိုခံစားရပေမယ့် ကျွန်တော်ကွာရှင်းစာချုပ်ကိုယူလာခဲ့ပါတယ်။
စာချုပ်ထဲမှာ ခုလက်ရှိနေတဲ့အိမ်၊ကားနဲ့ ကျွန်တော့်ကုမ္မဏီက ရှယ်ယာ ၃၀% ကို ကျွန်တော့်ဇနီးကိုလွှဲပြောင်းပေးအပ်ကြောင်းရေးသားထားပါတယ်။
သူကတော့ စာချုပ်ကိုတစ်ချက်ကြည့်လိုက်ပြီးတာနဲ့ ချက်ချင်းစုတ်ဖြဲပစ်လိုက်ပါတယ်။
ကျွန်တော်နဲ့အတူ ၁၀နှစ်တာအချိန်တွေကိုဖြတ်သန်းခဲ့ဖူးတဲ့မိန်းမတစ်ယောက်ဟာ သူစိမ်းလိုဖြစ်သွားခဲ့ပါပြီ။
ကျွန်တော် သူ့ရဲ့အချိန်တွေကိုဖြုန်းတီးမိသလိုဖြစ်သွားတဲ့အတွက်လည်း စိတ်မကောင်းဖြစ်မိပါတယ်။
ဒါပေမယ့်ကျွန်တော်နောက်မဆုတ်ချင်တော့ဘူး။ ကျွန်တော် "Jane" ကိုနက်နက်ရှိုင်းရှိုင်းချစ်မိနေပြီလို့ထင်တယ်။
နောက်ဆုံးမှာတော့ သူကျွန်တော့်ရှေ့မှာ ငိုချလိုက်ပါတယ်။ ကျွန်တော့်ရဲ့ကွာရှင်းဖို့ဆုံးဖြတ်ချက်ဟာ တကယ်ကိုခိုင်မာနေပါပြီ။
.
နောက်နေ့မှာတော့ ကျွန်တော်အရမ်းနောက်ကျမှအိမ်ပြန်လာပါတယ်။
ကျွန်တော့်ဇနီးဟာစာတစ်စောင်ကို အာရုံစိုက်ပြီးရေးနေတာကို ကျွန်တော်တွေ့လိုက်ပါတယ်။
ကျွန်တော်လည်းတစ်နေ့ကုန် "Jane" နဲ့အချိန်ဖြုန်းပြီးလည်ပတ်ထားတဲ့အတွက် အရမ်းပင်ပန်းနေပြီး
ညစာလည်းမစားနိုင်ပဲ အိပ်ယာထဲတန်းဝင်လိုက်ပါတယ်။
ူကျွန်တော်တစ်ရေးနိုးလာလို့ကြည့်လိုက်တော့လည်း သူဆက်ရေးနေတုန်းပါပဲ
ကျွန်တော်လည်းဘာမှမမေးတော့ပဲ ဆက်အိပ်လိုက်ပါတယ်။
.
(၃)
မနက်ရောက်တော့ သူကျွန်တော့်ကို ကွာရှင်းမယ့်ကိစ္စကိုသူလက်ခံကြောင်းပြောလာပါတယ်။
သူပစ္စည်းဥစ္စာမှကျွန်တော့်ဆီကမလိုချင်ဘူးလို့ပြောပါတယ်။ သူတောင်းဆိုတာကတော့
ကွာရှင်းလိုက်ပေမယ့် တစ်လတိတိဘာမှမဖြစ်သလို ချစ်ချစ်ခင်ခင်နေပြရမယ့်လို့ ဆိုပါတယ်။
အကြောင်းကတော့ နောက်တစ်လဆိုရင် ကျွန်တော်တို့သားလေးစာမေးပွဲဖြေရမှာဖြစ်ပြီး
ကျွန်တော်တို့အိမ်ထောင်ရေးပြိုကွဲမှုကြောင့် သူ့ကိုအနှောင့်အယှက်ဖြစ်မှာဆိုးလို့လို့ ဆိုပါတယ်။
ကျွန်တော့်အတွက်လည်း ဒါဟာလက်ခံနိုင်တဲ့ကိစ္စဖြစ်လို့ ကျွန်တော်လက်ခံလိုက်ပါတယ်။
ပြီးတော့ သူကကျွန်တော့်ကို ကျွန်တော်တို့မင်္ဂလာဆောင်တုန်းက သူ့ကိုမချီပြီး အခန်းထဲကိုခေါ်သွားခဲ့တာတွေကို
ပြန်အမှတ်ရခိုင်းပါတယ်။ ပြီးတော့ ဒီတစ်လအတွင်းမနက်တိုင်းသူ့ကိုအဲ့လိုမချီပြီး အခန်းထဲတံခါးဝဆီပို့ပေးရမယ့်လို့ပြောပါတယ်။
သူရူးများနေပြီလားလို့ကျွန်တော်ထင်မိပါတယ်။ ဒါပေမယ့်လည်း ကျွန်တော့်အတွက်အခက်အခဲမဟုတ်တဲ့အတွက် ကျွန်တော်လက်ခံလိုက်ပါတယ်။
.
ဒီအကြောင်းတွေကို ကျွန်တော့်ချစ်သူ "Jane" ကိုပြောပြမိတော့ သူကကျယ်လောက်စွာအော်ရယ်လိုက်ပြီး
"အဓိပ္ပာယ်မရှိတာပဲ၊ သူဘယ်လိုနည်းလမ်းတွေသုံးသုံး သူကွာရှင်းတာကိုတော့ ရှောင်လွှဲလို့ရမှာမဟုတ်ဘူး" လို့ပြောပါတယ်။

(၄)
ပထမနေ့မှာပဲ ကျွန်တော် ကျွန်တော့်ဇနီးတောင်းဆိုးတဲ့အတိုင်း သူ့ကိုမချီပြီးအခန်းပြင်ကိုခေါ်ဆောင်လာပါတယ်။
ကျွန်တော့်တို့သားလေးကတော့ လက်ခုပ်တွေတီးပြီးတော့ " ဟေး ဖေဖေက မေ့မေ့ကို ချီလာတယ်ကွ" ဆိုပြီးပြောလိုက်ပါတယ်။
ကျွန်တော့်သားရဲ့စကားလုံးတွေဟာ ရုတ်တရက်နာကျင်သွားစေပါတယ်။
အိပ်ခန်းထဲကနေ ဧည့်ခန်းထဲထိကျွန်တော်သူ့ကို မချီလာပါတယ်။
သူကတော့ ကျွန်တော့်လက်ပေါ်မှာမျက်စိမှိတ်ထားပြီး တိုးတိုးလေးပြောလိုက်ပါတယ်။
"ကျွန်မတို့ကွာရှင်းတဲ့ကိစ္စ သားလေးသိလို့မဖြစ်ဘူးနော်" ကျွန်တော်ခေါင်းညိတ်ပြလိုက်ပါတယ်။
ပြီးတော့ ကျွန်တော်ရုံးကိုထွက်လာခဲ့ပါတယ်။
.
ဒုတိယနေ့ဟာတော့ ကျွန်တော်တို့နှစ်ယောက်ဟာပြုမူရတာ ပထမနေ့ကလိုအစိမ်းသက်သက်ဖြစ်မနေပဲ ပိုမိုလွယ်ကူလာပါတယ်။
သူဟာကျွန်တော့်ရင်ခွင်ထဲမှာမှီပြီးလိုက်လာပါတယ်။ ကျွန်တော့်သူ့ဆီကနေ ရနံ့တစ်ခုရလိုက်မိတယ်။
ရုတ်တရက်သတိထားမိလိုက်တာက ကျွန်တော် ကျွန်တော့်ဇနီးအနားမှမနေတာ တော်တော်ကြာနေပြီပဲဆိုတာပါပဲ
ပြီးတော့သူ့မျက်နှာပေါ်က အရေးအကြောင်းတစ်ချို့ကိုတွေ့လိုက်ရတယ်။
သူ မငယ်တော့ဘူးပဲ။ သူ့ဆံပင်တွေဟာလည်းမီးခိုးရောင်သန်းနေပါတယ်။
ကျွန်တော် ၁ မိနစ်လောက်ကျွန်တော်တို့အိမ်ထောင်ရေးအကြောင်းတွေးလိုက်မိပါတယ်။
.
စတုတ္ထနေ့လောက်ရောက်တော့ သူ့ကိုမချီလိုက်တဲ့အချိန်မှာ ကျွန်တော်တို့ပိုရင်းနှီးနေသလိုခံစားနေရပါတယ်။
ဒါဟာ ငါနဲ့အတူ ၁၀ နှစ်လောက်ဘ၀ကိုဖြတ်သန်းခဲ့တဲ့ မိန်းမတစ်ယောက်ပဲ။
၅ရက်နဲ့၆ရက်မြောက်မှာ ကျွန်တော်တို့ကြားမှာ နွေးထွေးမှုတွေဟာပိုပိုတိုးလာနေပါတယ်။
ဒီအကြောင်းတွေကို ကျွန်တော် "Jane" ကိုတော့မပြောပြဖြစ်ခဲ့ပါဘူး။
နောက်ပိုင်းမှာ သူမကိုမချီလာရတာပိုမိုလွယ်ကူလာပြီး လုပ်နေကျပုံစံဖြစ်လာပါတယ်။
.
(၅)
တစ်နေ့တော့ကျွန်တော်အိပ်ယာနိုးတော့ သူဝတ်ဖို့ အ၀တ်အစားတွေရွေးနေတာကျွန်တော်တွေ့ပါတယ်။
သူတစ်ထည်မှာအကြိုက်မတွေ့ဘူးဖြစ်နေပါတယ်။ ပြီးတော့ "ငါ့အကျီင်္တွေအားလုံးကကြီးနေပြီပဲ" လို့ပြောပြီး သက်ပြင်းချလိုက်ပါတယ်။
အဲ့အခါကျမှာ ရုတ်တရက်သူမတော်တော်ပိန်နေပြီပဲဆိုတာ ကျွန်တော်သတိထားမိပြီး
ဘာကြောင့် သူ့ကိုမချီရတာလွယ်ကူပေါ့ပါးနေတာလဲဆိုတာ ကျွန်တော်သတိထားမိလာပြီး ကျွန်တော့်ကိုနာကျင်စေပါတယ်။
သူမဟာ နာကျင်မှုတွေတော်တော်များများကိုနှလုံးသားထဲမှာ မြှပ်နှံထားနေတယ်ဆိုတာကို ကျွန်တော်သဘောပေါက်လာပါတယ်။
ကျွန်တော်ကိုယ့်ကိုကိုယ်သတိမထားခင်မှာပဲ ကျွန်တော့်လက်ကသူမနှဖူးပေါ်ရောက်သွားပါတယ်။
.
အဲ့အချိန်မှာပဲ ကျွန်တော့်သားလေးအခန်းထဲဝင်လာပြီး "မေမေ့ကိုချီရမယ့်အချိန်ရောက်ပြီ ဖေဖေ" လို့အော်လိုက်ပါတယ်။
ကျွန်တော့်သားလေးဟာ သူ့အဖေကသူ့အမေကိုချီရတာဟာ လုပ်ရိုးလုပ်စဉ်ကိစ္စတစ်ခုလို့ထင်နေပါပြီ။
ကျွန်တော့်ဇနီးကတော့ သားလေးအနားသွားပြီး ပွေ့ဖက်လိုက်ပါတယ်။
အဲ့အချိန်မှာ ကျွန်တော်မကြည့်ရက်တော့ပဲမျက်နှာလွှဲလိုက်မိပါတယ်။
ဒီမြင်ကွင်းဟာ ကျွန်တော့်နှလုံးသားကိုတကယ်ပဲ ခြောက်ခြားနာကျင်စေပါတယ်။
ကျွန်တော်မိနစ်ပိုင်းအတွင် ဆုံးဖြတ်ချက်တစ်ခုချလိုက်မိပါတယ်။ ပြီးတော့ ကျွန်တော့်ဇနီးကိုမချီပြီးအိပ်ခန်းထဲကထွက်လာပါတယ်။
သူမလက်တွေဟာ ကျွန်တော့်လည်ပင်းကိုညင်သာစွာဖက်တွယ်ထားပါတယ်။
ကျွန်တော်ကတော့ သူ့ကိုယ်လုံးကို တင်းတင်းကျပ်ကျပ်ဖက်ထားမိပါတယ်။ ဒါဟာ မင်္ဂလာဆောင်တဲ့နေ့ကလိုဖြစ်ပါတယ်။
.
သူမရဲ့အလွန်ပိန်ပါးနေတဲ့ခန္ဓာကိုယ်ဟာ ကျွန်တော့်ကိုအလွန်ပဲဝမ်းနည်းစေပါတယ်။
တစ်လပြည့်ဖို့နောက်ဆုံးနေ့မှာ ကျွန်တော်သူမကိုပွေ့ချီလိုက်ပေမယ့် ကျွန်တော့်ခြေလှမ်းတွေဟာလေးလံနေပါတယ်။
သူ့ပုံစံကြည့်ရတာလည်း တော်တော်လေးကိုအားနည်းနေပြီး ဖြူဖတ်ဖြူရော်ဖြစ်နေတာ ကျွန်တော်သတိထားမိပါတယ်။
ကျွန်တော့်သားလေးကတော့ ကျောင်းသွားပြီဖြစ်ပြီး ကျွန်တော်ဇနီးကိုတင်းတင်းကျပ်ပွေ့ဖက်ပြီး
"ငါတို့ဘ၀မှာနွေးထွေးမှုတွေပျောက်ဆုံးခဲ့တာကို ငါတကယ်ပဲသတိမထားမိဘူး" လို့ပြောလိုက်မိပါတယ်။
ပြီးတော့ ကျွန်တော်ကားကိုမောင်းထွက်လာခဲ့ပြီး "Jane" ဆီအမြန်သွားခဲ့ပါတယ်။နှောင့်နှေးသွားလို့ကျွန်တော်စိတ်ပြောင်းသွားရင်
နောင်တရလို့ဆုံးမှာမဟုတ်ဘူးဆိုတာ ကျွန်တော်သိပါတယ်။ ကျွန်တော် "Jane" ဆီရောက်တာနဲ့ ချက်ချင်းပဲပြောချလိုက်ပါတယ်။
"ကိုယ်တောင်းပန်ပါတယ် ကိုယ်မကွာရှင်းနိုင်တော့ဘူး"
သူအလွန်အံ့အားသင့်သွားပြီး ကျွန်တော့်နဖူးကိုစမ်းကာ "ရှင်နေကောင်းပါတယ်နော်"
ကျွန်တော့်နဖူးပေါ်က လက်ကိုဖယ်ရှားလိုက်ပြီး ထပ်ပြောလိုက်ပါတယ်။
"ကိုယ်မကွာရှင်းနိုင်တော့ဘူး၊ ကိုယ်တို့အိမ်ထောင်ရေးကပျင်းစရာကောင်းခဲ့တာမှန်ပါတယ်။
အဲ့ဒါဟာ ကိုယ်တို့နှစ်ယောက်လုံးတန်ဖိုးထားရမယ့်အရာတွေကိုမသိခဲ့လို့ပဲ၊
ခုကိုယ်မင်္ဂဆောင်တဲ့နေ့ကလို သူ့ကိုပွေ့ချီလိုက်တဲ့အချိန်မှာ အားလုံးကိုသဘောပေါက်သွားခဲ့ပြီ။
နောက်ဆုံးထွက်သက်ထိသူ့လက်ကိုပဲဆုပ်ကိုင်ထားတော့မယ်"
Jane မှာအရမ်းဒေါသထွက်သွားပြီး အော်ဟစ်ငိုကြွေးနေပါတယ်။
.
(၆)
ကျွန်တော်လည်းအမြန်ထွက်ခွာလာခဲ့ပြီး ကားမောင်းပြီးပန်းဆိုင်ကိုပြေးပြီး ပန်းစည်းတစ်စည်းဝယ်လိုက်ပါတယ်။
ပန်းဆိုင်ကအရောင်းဝန်ထမ်းက ပန်းစည်းကကဒ်လေးမှာဘာရေးဦးမလဲလို့မေးလိုက်တော့
" ကိုယ်မင်းကိုနောက်ဆုံးထွက်သက်ထိ မနက်တိုင်းပွေ့ချီပါ့မယ်" လို့ရေးခိုင်းလိုက်ပါတယ်။
ပြီးတော့ ကျွန်တော်အိမ်ကိုအမြန်ပြန်ခဲ့ပါတယ်။ ကျွန်တော်အတွေးနဲ့တင်ပြုံးနေမိပါတယ်။
အိမ်ရောက်တော့ အိမ်ထဲမှာကျွန်တော့်ဇနီးကိုရှာမတွေ့တာနဲ့ အိပ်ခန်းတံခါးကိုဖွင့်လိုက်ပါတယ်။
ကျွန်တော်မြင်လိုက်ရတဲ့မြင်ကွင်းဟာ ကျွန်တော့်အတွက်ကမ္ဘာပျက်မတတ်ခြောက်ခြားသွားစေပါတယ်။
ကျွန်တော်မြင်လိုက်ရတာဟာ ကျွန်တော့်ဇနီးရဲ့အသက်မဲ့နေတဲ့ခန္ဓာပဲဖြစ်ပါတယ်။
.
ကျွန်တော့်ဇနီးဟာ ကင်ဆာဝေဒနာကိုခံစားနေရသည်မှာ လပေါင်းများစွာကြာမြင့်နေပြီဖြစ်ပြီး
Jane နဲ့သာအချိန်ကုန်နေတဲ့အတွက် ကျွန်တော်သတိမထားမိခဲ့တာပဲဖြစ်ပါတယ်။
သူဟာ သူမကြာခင်သေရတော့မယ်ဆိုတာကိုသိနေခဲ့ပြီး ကျွန်တော့်သားလေးကျွန်တော့်အပေါ်စိတ်နာသွားမယ့်အရေးကနေ
ကျွန်တော့်ကိုကယ်တင်လိုခဲ့တာဖြစ်ပါတယ်။ ကျွန်တ်ာတို့ဟာ သဘောတူညီချက်အရ ချစ်ချစ်ခင်ခင်နေပြခဲ့တဲ့အတွက်
ကျွန်တော့်သားလေးအမြင်မှာ အနည်းဆုံးကျွန်တော်ဟာ ဇနီးအပေါ်ချစ်မြတ်နိုးတဲ့ခင်ပွန်ကောင်းတစ်ယောက်တော့ဖြစ်ခဲ့ပါတယ်။
.
ဘာသာပြန်
လင်းထက်မော်
#FocusYouth #Love #MarriageLife
Ref : Moral Stories