မိသားစု မုန်တိုင်းကြားက ပါရမီရှင်လေး

ခန်းထဲမှာ လူမရှိဘဲ အပြင် ကလေ အရှိန်နဲ့ပစ္စည်း တွေ၊ စာရွက် စာတမ်းတွေ လွင့်နေပါတယ်။ ကုမ္ပဏီ ရုံးခန်းထဲမှာ ဆာဆာကီရူဟီ နဲ့ ကုမ္ပဏီ အကြီးအကဲ တို့ အပြန်အလှန် စကားများနေကြ ပါတယ်။ တရုတ် အမျိုးသမီး ငယ်ငယ် ချောချောလေးတွေဟာ အောက်ဈေး နဲ့သူတို့ ကုမ္ပဏီကိုဝင်လာနေပါ တယ်။ ဂျပန်လူမျိုး တစ်ယောက်ကို ပေးရတဲ့ လစာဟာ တရုတ်အမျိုးသမီး သုံးယောက်ကို ခန့်လို့ရတဲ့ အနေ အထားဖြစ်လာ တာကြောင့် ဆာဆာ ကီရူဟီဟာတာကီတာ ကျန်းမာရေး စောင့်ရှောက်မှု ကုမ္ပဏီကော်ပိုရေး ရှင်းရဲ့ အုပ်ချုပ်မှု ဒါရိုက်တာရာထူး ကနေတရားဝင် အဖြုတ်ခံလိုက်ရပါ တယ်။
သူသုံးစွဲတဲ့ စာရွက်စာတမ်း တွေ၊ ဖိုင်တွေကို အိတ်တစ်ခု နဲ့ထည့်ယူ လာပြီး လမ်းပေါ်ရောက်တဲ့အခါ အမှိုက်ပုံးထဲ ထည့်ပစ်ခဲ့ပါတယ်။ ဒီနေ့ မှ ဖြစ်ချင်တော့ အိမ်အပြန်လမ်းမှာ သား အငယ်ကောင် ကျောင်းကပြန် လာတာနဲ့ သွားဆုံပါတယ်။ သားငယ် ကတော့ ထုံးစံအတိုင်း အိမ်ရှေ့တံခါး ကဝင်ပေမယ့် သူကတော့ နောက် ပေါက်ကနေ ခိုးဝင်တာမှာ ဇနီးဖြစ် သူကတွေ့သွားပါတယ်။ “ရှင် အလုပ် ပြန်လာတာ စောတယ်” လို့ ဆိုတော့ “အေး”တဲ့။ “ဘာဖြစ်လို့ ဒီလိုဝင် တာ လဲ” ဆိုတော့ “မင်းတို့ အိမ်ရဲ့တံခါး တွေ လုံခြုံရဲ့လားဆိုတာ ကို စစ်ဆေး တဲ့သဘောပါ” တဲ့။ ဒါပေမဲ့ အိမ်ရှေ့ ကဝင်လည်း ရတာပဲလေ ဆိုတော့ “အေး..ဟုတ်တယ်” တဲ့။ ဇနီးဖြစ် သူကဘာမှ သံသယဖြစ်ဟန် မရှိပါ ဘူး။ ပုံမှန်အတိုင်း သူမရဲ့အိမ်မှု ကိစ္စတွေကို ဆက်လုပ်နေပါတယ်။

ဒီလိုနဲ့ တစ်ပတ်လောက် ကြာ တဲ့အခါ သူ့လိုပဲ ဆောက်လုပ်ရေး ကုမ္ပဏီတစ်ခု ကနေ အလုပ်ပြုတ်ခဲ့ တာ သုံးလလောက် ကြာပြီဖြစ်တဲ့ ကူရိုဆု ဆိုတဲ့ သူငယ်ချင်းနဲ့ ပေါင်းမိ သွားတယ်။ သူတို့နှစ်ယောက်ဟာ လမ်းပေါ်မှာ အခြေအနေ မဲ့တွေ အတွက် ကျွေးနေတဲ့ ထမင်းထုပ် ကို ပန်းခြံထဲ မှာ လူအုပ်ကြီးနဲ့အတူ တန်းစီတိုးရင်း စားကြပါတယ်။ ပြီးတော့ အလုပ်တွေ ထပ်လျှောက်၊ ထပ်ရှာကြတယ်။ အိမ်က ဇနီးမယား နဲ့ သားသမီးတွေ မရိပ်မိအောင် ရှာကြံ ပြီး ပိုက်ဆံ အပ်တယ်။

သားအငယ်ကောင် (၆) တန်း ကျောင်းသား ကင်ဂျီဆာဆာကီ က ကျောင်းကဆရာ နဲ့ ပြဿနာဖြစ်လာ ပြီး ကျောင်း မသွားတော့ဘဲ အိမ် က ပေးလိုက်တဲ့ ကျောင်းလခကို စန္ဒရား ဆရာမ ကိုပေးကာ စန္ဒရားတီး သင် လိုက်ပါတယ်။ ကျောင်းက စိတ်ပျက် လက်ပျက် နဲ့ပြန်လာ ရင်း လမ်းဘေး ကအမှိုက်ပုံမှာ စွန့်ပစ်ထားတဲ့ အော်ဂင် တစ်လုံးကို ကောက်ယူ လာခဲ့မိရာက စိတ်ကူးပေါ်သွားတာ။ သားနှစ်ယောက် စလုံး ကို စန္ဒရားမတီး ရဘူးလို့ အဖေရော၊ အမေရောက အမိန့်ထုတ် ထားတယ်။ ဖခင် အိမ်ထောင် ဦးစီးလုပ်သူ ဆာဆာကီ ရူဟီ ကတော့ ခါတိုင်းလို ရုံးယူနီ ဖောင်းကို ကြော့နေအောင် ဝတ်ကာ လက်ဆွဲအိတ်နဲ့ ဟန်မပျက် နံနက် တိုင်း အိမ်က ထွက်တယ်။ အလုပ်ရှာ တယ်။ ရပြန်တော့ ညစောင့်။ သူ့ အရင်ရာထူးနဲ့က မိုးနဲ့မြေလိုကွာ တော့ မလုပ်ဘဲပြန်လာတယ်။ ဒါပေမဲ့ အိမ်မှာတော့ အမြဲတမ်းသူ့ရဲ့ အမိန့် အာဏာတည်ဖို့ပဲ ကြိုးစားတယ်။

သားအကြီးက ကုမ္ပဏီတစ်ခုက ခိုင်းတဲ့ လမ်းပေါ်က လူတွေကို ကြော်ငြာဝေရတဲ့ အလုပ် လုပ်တယ်။ သူကမ်းတဲ့ ကြော်ငြာတွေကို လူတွေ က မယူတော့ ပုံးလိုက် မြစ်ထဲသွန် ချပြီး အလုပ်က ထွက်လာတယ်။ မက်ဂူမီ ဟာ ယောက်ျား ရဲ့ပုံမှန်လစာ ကို တွက်ချက်ပြီး ကား အရောင်း စင်တာမှာ ကားလေး တစ်စီးလောက် တော့ ဝယ်မယ် ဆိုတဲ့စိတ်ကူးနဲ့ လျှောက်ကြည့်တယ်။

အဲဒီကအပြန်မှာ ယောက်ျား ဖြစ်သူဟာ ပန်းခြံထဲက လူအုပ်ကြီး အတွင်းမှာ ထမင်းထုပ် တန်းစီနေတာ ကိုမြင်လိုက်ရတယ်။ ဒါပေမဲ့ သူမက မသိသလိုပဲ မျိုသိပ်ပြီးနေပေးတယ်။ ဒီလိုနေပေးခြင်းဟာလည်း မိသားစု အပေါ်မှာ သူ့ယောက်ျား သြဇာ သက် ရောက်မှု လျော့ကျ သွားမှာစိုးလို့။

သားအကြီးဖြစ်သူ က တစ်နေ့ မှာ ဖခင်ရဲ့ အဖြစ်ကို မြင်တွေ့သွား ပြီးတဲ့နောက် အမေရိကန် စစ်တပ်ထဲ ကိုဝင်ဖို့ အမေကို လက်မှတ် ထိုးခိုင်း တယ်။ သားအမိနှစ်ယောက် အပြန် အလှန်ဆွေးနွေးနေရတဲ့အချိန်မှာ ကီရူဟီဟာ အပြင်မှာ သူ့သူငယ်ချင်း ကူရိုဆု ရောက် မလာ လို့ အိမ်လိုက် သွားတော့ လင်မယားနှစ်ယောက် စလုံး ကိုယ့်ကိုယ်ကိုယ်သတ်သေ သွားကြတာကို တွေ့လိုက်ရတယ်။

အိမ်ပြန်ရောက်တော့ စစ်ထဲ ဝင်မယ့်သားက ဖခင်ကို လက်မှတ်ထိုး ခိုင်းတာ နဲ့ကြုံရပြန်တယ်။ “မင်း ဘယ်မှသွားစရာ မလိုဘူး။ ဒီအိမ်မှာ မင်းတို့ကို ငါအကာအကွယ်ပေးနေ တယ်” ဆိုတော့ သားအကြီးလုပ်သူ က “အဖေ အပြင်မှာ ထမင်းတန်းစီ တိုးပြီး စားနေတာ ကို သိပါတယ်” လို့ ပြောကာ အထုပ်ဆွဲဆင်းသွားတယ်။

ကီရူဟီဟာ ရရာ အလုပ်လုပ် တော့မယ် ဆိုပြီး မားကက်ကြီး တစ်ခု ရဲ့ သန့်ရှင်းရေး အလုပ်သမား အဖြစ် ဝင်လုပ်တယ်။ ဒီအချိန်မှာ သား အကြီးဖြစ်သူက တိုက်ပွဲမှာ ကျသလို လို သံသယတွေ နဲ့ မသဲမကွဲဖြစ်ပြီး ဇနီးဖြစ်သူ မက်ဂူမီမှာ အတွင်း ကြိတ်ကြိတ်ပြီး ခံစားနေရတယ်။

အိမ်ကို စန္ဒရား သင်တန်း ကျောင်းက စာရောက်လာတယ်။ အင်မတန် ထူးခြားတဲ့ ပါရမီရှင်လေး မို့ အဆင့်မြင့်တဲ့ အကယ်ဒမစ် ဂီတ ကျောင်းလေးမှာ ဆက်လက်ထားပေး ဖို့ တိုက်တွန်းထားတာကိုဖတ်မိတော့ သားအငယ် ကင်ဂျီဆာဆာကီ ကျောင်းမတက်ဘဲ စန္ဒရား တီးခိုးသင် နေတာကိုသိသွားပြီး ကိုင်ပေါက်လိုက် တာမှာ လှေကားပေါ်ကလျှောကျပြီး ဆေးရုံရောက်သွားတယ်။

 နေ့ဘက်မှာ ဇနီး မက်ဂူမီ တစ် ယောက်တည်း ရှိနေတုန်း အိမ်ကို လူတစ်ယောက်က အထင်တကြီးနဲ့ ဓားပြ ဝင်တိုက်တယ်။ အိမ် ထဲမှာရှာ တော့ ဘာငွေမှ များများမတွေ့ဘူး။ ဓားပြက သူ့ရုပ်ကို မှတ်မိသွားလို့ ဆို ပြီး မက်ဂူမီကို ဓားစာခံ အဖြစ်ခေါ် သွားတယ်။ ခိုးလာ တဲ့ ကားကိုမောင်း ခိုင်းတယ်။ အပေါ့သွားချင်လို့ ဓားပြ ကိုတောင်းပန်ပြီး စတိုးဆိုင်ထဲ ဝင် တော့ အိမ်သာသန့်ရှင်းရေးလုပ်နေ တဲ့ သူ့ယောက်ျား ကိုတွေ့ရတဲ့အခါ သူမရဲ့စိတ်တွေ အကြီး အကျယ် ချောက်ချားသွားပါတော့တယ်။

ဒါနဲ့ပဲ “ကဲဟယ်..မထူးတော့ ပါဘူး” ဆိုပြီး ကားထဲမှာစောင့်နေတဲ့ ဓားပြဆီပြန်သွား၊ ကားကိုလမ်းဆုံး ထိအောင်မောင်းရင်း ဓားပြနဲ့အတူ ကိုယ်လက်နှီးနှော ကာကာမဂုဏ် အာရုံ ကျူးလွန်မိတဲ့အထိအသိစိတ်ကိုလွှတ် ပေးပြီး မိုက်မဲပစ်လိုက်ပါတယ်။

ကီရူဟီလည်း သူ့ရဲ့အဖြစ်ကို ဇနီးသည် မြင်သွားလို့ အရှက်ကြီး ရှက်ပြီး ပြေးမိပြေးရာ ထွက်ပြေးရင်း လမ်းဘေး တစ်နေရာ သစ်ရွက်တွေ ကြားမှာ ထိုးလဲပြီး အိပ်ပျော်သွားပါ တယ်။ ဒီအချိန်မှာ သားအငယ်လေး ကလည်း လမ်းပေါ်မှာ လေလွင့်နေ ပြီး လျှောက်သွားရင်း သူ့ သူငယ်ချင်း အတွက် စတိုးဆိုင်တစ်ခုထဲ စားစရာ ဝင်ယူမိလို့ ရဲစခန်းမှာ တစ်ည အချုပ် ခံရတယ်။ နောက်တော့ စန္ဒရား ဆရာမနဲ့တွေ့လို့ ဂီတပြိုင်ပွဲ ခန်းမ ကြီးဆီ ခေါ်သွားခံရကာ စန္ဒရား ပညာပြိုင်ပွဲ ဝင်နေတဲ့အချိန်မှာ အဖေ နဲ့အမေရောက် လာတယ် ။နှစ် ယောက် စလုံး ယူကျုံးမရတဲ့ မျက်ရည် တွေနဲ့ ရုပ်ရှင်ကို အဆုံးသတ်လိုက် ပါတယ်။

ဒီဇာတ်ကားဟာ ဂျပန်နိုင်ငံ တိုကျိုမြို့ပေါ်မှာ နေထိုင်ကြတဲ့ မိသားစု လေးယောက် ရဲ့ဘဝကို ရိုက် ကူးထားတာဖြစ်ပါတယ်။ သားနှစ် ယောက် နဲ့ ဇနီးကို အိမ်ထောင် ဦးစီး လုပ်သူ ဖခင်က ကုမ္ပဏီမှာ အုပ်ချုပ်မှု ဒါရိုက်တာ ဆိုတဲ့ ရာထူး နဲ့လုပ်ကိုင် ပြီး တင့်တင့် တယ်တယ် ထားကာ နေထိုင်ရင်း ကနေ ပတ်ဝန်းကျင်က မသိလိုက်ဘဲ ဘဝတွေ အတွင်းကြေ ကြေကာ တစ်စစီ ဖြစ်သွားကြရပုံ အကြောင်းပါ။ ပိုဆိုးတာက ဖခင် ဖြစ်သူ အိမ်ထောင် ဦးစီးဟာ မိသားစု အပေါ်မှာ “ငါမကြိုက်တာ မလုပ်ရ ဘူး” ဆိုတဲ့ တစ်သွေး တစ်သံ အာဏာ တည်မှုကို အလိုရှိနေတာပါပဲ။

ဒီဇာတ်ကားကို ကမ္ဘာကျော် ဒါရိုက်တာကြီး “အကီရာကူရိုဆာဝါ” (မင်းသားကြီး ကျော်ဆွေ ဒါရိုက်တာ ပညာ သွားရောက် သင်ယူခဲ့တဲ့ ဆရာ ကြီး) ရဲ့ တပည့် ကီယိုရှီ ကူရိုဆာဝါ က ၂ဝဝ၈ ခုနှစ်၊ စက်တင်ဘာလမှာ  မင်းသားကြီး တာရုယူကီကဂျဝါ နဲ့ မင်းသမီး ကျိုကူဇီမီ တို့ကို အဓိက ဇာတ်ကောင်နေရာ မှာထားပြီး ရိုက် ကူးထွက် ရှိခဲ့တာဖြစ်ပါတယ်။ မြန်မာ့ ဈေးကွက်ထဲ ကိုတော့ အခုမှရောက် လာပါ တယ်။

ဝင်းကိုမောင်

 http://popularmyanmar.com/afpopular/?p=11103