ရည်မှန်းချက်ပန်းတိုင်(Goals)မရှိရင်.ဘဏ်မှာ.စုငွေမရှိဘူး။

Bamaw Thein Pe

ရည်မှန်းချက်ပန်းတိုင်(Goals)မရှိရင်.ဘဏ်မှာ.စုငွေမရှိဘူး။

သူဋ္ဌေးကြီးအားလ်ရှော့ဆီမှာ.အလုပ်ဝင်လို့၂ပတ်အကြာ.တမနက်မှာ.သူနဲ့ကျနော်တို့၂ယောက်.မနက်စာအတူစားကြတယ်။.စားပြီးလို့.ကော်ဖီသောက်နေကြတုံး.သူက.အခုလိုပြောပါတယ်။

သူက."ဂျင်မ်.မင်းဘဝအတွက်.ရည်မှန်းချက်ပန်းတိုင်(Goals)တွေ.ရေးထားတဲ့စာရင်း.ငါ့ကို.ပြစမ်းကွာ။.ငါ.ဖတ်ကြည့်ပြီး.အကြံဉာဏ်လေးပေးလို့.ရတာပေါ့။.မင်းကို.ငါ.လောလောဆယ်.ကူညီနိုင်တာ.ဒါပဲရှိတယ်လေ"


ကျနော်က."အဲဒီစာရင်း.ကျနော့်ဆီမှာ.မရှိပါဘူး"

သူက."ဘာလဲ။.အဲဒီစာရင်း.အိမ်မှာကျန်ခဲ့လို့လား။.ဒါမှမဟုတ်.မင်းရဲ့ကားထဲမှာ.ကျန်နေခဲ့လို့လား။.ဒါဆိုလဲ.သွားယူလေကွာ"

ကျနော်က."မဟုတ်ဖူး.ခင်ဗျ။.အဲဒီစာရင်းမျိုးလုပ်ထားတာ.ကျနော့်ဆီမှာ.မရှိတာပါ"

သူဋ္ဌေးကြီးဟာ.ခေါင်းတချက်ခါ.သက်ပြင်းတချက်ချလိုက်ရင်း."ကောင်းပြီလေ။.မင်းမှာ.အဲဒီစာရင်းမရှိဘူးဆိုတော့.အဲဒီစာရင်းအကြောင်းပြောကြတာပေါ့"လို့ပြောလိုက်ပါတယ်။.ဒါပေမဲ့.သူ.စကားဆက်မပြောသေးပဲ.တခုခုကို.စဉ်းစားနေပုံရတယ်။

ခနကြာတော့မှ.သူက.ကျနော့်မျက်နှာကို.စေ့စေ့ကြည့်ရင်း.အခုလို.ပြောလိုက်ပါတယ်။."မင်းမှာ.ရည်ရွယ်ချက်ပန်းတိုင်စာရင်းမရှိဘူးဆိုရင်.မင်းရဲ့ဘဏ်ထဲမှာ.လက်ကျန်စာရင်းဟာ.ဒေါ်လာ.တစ်ရာ.နှစ်ရာထက်.မပိုဘူးလို့.ငါထင်တယ်ကွာ"တဲ့။

ကျနော်.အတော်လေးအံအားသင့်သွားတယ်။.သူဋ္ဌေးကြီးဟာ.ငါ့မှာ.ပိုက်ဆံဘယ်လောက်ပဲ.ရှိတယ်ဆိုတာ.ဘယ်လိုသိပါလိမ့်လို့။.ဘာလို့လဲ.ဆိုတော့.ကျနော့်ရဲ့ဘဏ်လက်ကျန်စာရင်းဟာ.ဒေါ်လာ(၁၅၀)ပဲ.ရှိနေလို့ပါ။

ကျနော်.မနေနိုင်တော့လို့.သူ့ကို.ပြန်မေးလိုက်တယ်။.."တကယ်လို့.ကျနော့်မှာ.ရည်မှန်းချက်ပန်းတိုင်စာရင်းရှိနေရင်.ကျနော့ဘဏ်စုငွေဟာ.ဒီထက်ပိုမှာလား.ခင်ဗျာ"

သူက."အဲဒီထက်ကို.အများကြီးပိုတာပေါ့ကွာ"တဲ့။

အဲဒီနေ့မှာပဲ.သူဋ္ဌေးကြီးက.ကျနော့်ကို.ရည်မှန်းချက်ပန်းတိုင်စာရင်းဆိုတာ.ဘယ်လိုဟာလဲ.ဘယ်လိုစာရင်းလုပ်ရမှာလဲဆိုတာတွေရှင်းပြပါတယ်။.အဲဒီရည်မှန်းချက်ပန်းတိုင်စာရင်းကိုသိတဲ့နေ့ကစပြီး.ကျနော့်ရဲ့ဘဝဟာ.အစစအရာရာ.တဖြေးဖြေးချင်းတိုးတက်ပြောင်းလဲလာခဲ့တယ်။.ကျနော့်ရဲဘဏ်စုငွေ.နေထိုင်ပုံ.ဝင်ငွေစတာတွေ.တိုးတက်ပြောင်းလဲလာခဲ့တယ်။.တနှစ်အကြာမှာ.မီလျံနာသန်းကြွယ်သူဋ္ဌေးတယောက်ဖြစ်လာခဲ့တယ် (အဲဒီခေတ်က.အမေရိကန်နိုင်ငံမှာ.မီလျံနာသူဋ္ဌေးဆိုတာ.လက်ချိုးရေတွက်လို့ရအောင်.နဲပါးလှပါတယ်)။

သူဋ္ဌေးကြီးအားလ်ရှော့က.ရည်မှန်းချက်ပန်ူတိုင်စာရင်းဘယ်လိုလုပ်ရတယ်ဆိုတာ.ဂျင်မ်ရွန်းကို.သင်ပြခဲ့တာတွေကိုတော့.စာအုပ်ထွက်မှပဲ.ဖတ်ကြည့်ကြပါလို့။

မှတ်ချက်။.ကျနော်.အခုရေးနေတဲ့."သင်.သန်းကြွယ်သူဋ္ဌေးတယောက်ဖြစ်ချင်သလား"စာအုပ်ထဲက.စာမြီးလေးပါ။

ဗန်းမော်သိန်းဖေ
၂၀၁၅၊ဒီဇင်ဘာ(၃၀)ရက်