ကမ္ဘာပေါ်မှာ အလှဆုံးအရာ

 

နည်းစနစ်ကျကျအတွေးအခေါ်

 

ကမ္ဘာပေါ်မှာ အလှဆုံးအရာ
===================
ရေးသားသူ - သက်တန့်ချို
တစ်ခါတုန်းက ပန်းချီဆရာတစ်ယောက်ဟာ ကမ္ဘာပေါ်မှာ အလှဆုံးပန်းချီကားတစ်ချပ်ကို ဖန်တီးခဲ့တယ် ။ ဒီလိုနဲ့သူဟာသူ့ရဲ့သစ်သားဘောင်လေးနဲ့ကွပ်ထားတဲ့ ပန်းချီကားလေးကို သယ်ဆောင်ပြီး နိုင်ငံတစ်နိုင်ငံမှ တစ်နိုင်ငံကို ခရီးထွက်လာခဲ့တယ် ။ သူ့ရည်ရွယ်ချက်က ကမ္ဘာပေါ်မှာ အလှဆုံး အရာကို ရှာဖွေတွေ့ရှိဖို့ပေါ့ ။
တစ်နေ့မှာ သူဟာ လမ်းမှာ ရဲရင့်တဲ့ စစ်သားတစ်ယောက်ကိုတွေ့တယ် ။ စစ်သားကို ပန်းချီဆရာက မေးလိုက်တယ် ။
“ ကမ္ဘာပေါ်မှာ အလှဆုံးအရာက ဘာလဲ ”
“ ငြိမ်းချမ်းရေးပါ ”
စစ်သားက ဖြေပြီးထွက်သွားတယ် ။ ပန်းချီဆရာက ခေါင်းခါလိုက်ပြီးစိတ်ပျက်သွားတယ် ။ ဘာလို့လည်းဆိုတော့ အဲဒီငြိမ်းချမ်းရေးတဲ့ဆိုတဲ့အရာကို သူမှ ပုံမဆွဲတတ်ပဲ ။
နောက်တစ်ခါ သူဟာ လှပငယ်ရွယ်ချောမောတဲ့မိန်းမပျိုလေးတစ်ယောက်ကိုတွေ့တယ် ။ အဲဒီအခါမှာလည်းပန်းချီဆရာကမိန်းမပျိုကိုမေးတယ် ။
“ ကမ္ဘာပေါ်မှာ အလှဆုံးအရာက ဘာလဲ ”
“ အချစ်ပါ ”
ချက်ချင်းပဲ တုံ့ဆိုင်းခြင်းမရှိပဲ မိန်းမပျိုကပြန်ဖြေတယ် ။ ပန်းချီဆရာက ထပ်မံစိတ်ပျက်သွားရပြန်တယ် ။သူမှ အဲဒီအချစ်ဆိုတဲ့အရာကို ပန်းချီမဆွဲနိုင်ပဲ ။ ဒီလိုနဲ့ နောက်ဆုံးမှာ လမ်းမ တစ်နေရာမှာ ပန်းချီဆရာက တရားဟောဆရာတစ်ယောက်ကိုတွေ့တယ် ။ ဒီတော့သူတရားဟောဆရာကိုမေးလိုက်တယ် ။
“ ကမ္ဘာပေါ်မှာ အလှဆုံးအရာက ဘာလဲ ”
“ သစ္စာ စောင့်သိမှု ”
တရားဟောဆရာကတည်ငြိမ်စွာပြောပြီးထွက်သွားပြန်တယ် ။ ဒီတစ်ခါလည်း သူဦးခေါင်းကို ရမ်းလိုက်ပြန်တယ် ။ စိတ်ပျက်ရပြန်တယ် ။ အဲဒီ သစ္စာစောင့်သိမှုဆိုတာကြီးကို သူမဆွဲတတ်ဘူး ။ ဒီလိုနဲ့နောက်ဆုံး ဘယ်နေရာမှာမှ ရှာလို့မတွေ့တဲ့အဆုံး သူလိုချင်တဲ့အဖြေမရတဲ့အခါ သူ အိမ်ပြန်ဖို့ကိုပဲ ၀မ်းနည်းစွာနဲ့ဆုံးဖြတ်လိုက်တယ် ။ သူ့အိမ်ပေါက်ဝကို သူပြန်ရောက်လာတဲ့အခါ သူ့သားငယ်က အိမ်ထဲကနေ ပျော်ရွှင်စွာနဲ့မျှော်လင့်တကြီးသူ့ကို ထွက်ကြိုတာတွေ့လိုက်ရတယ် ။ ပြီးတော့သားငယ်က ငိုယိုပြီးတော့ “ အဖေ အဖေဆိုပြီးသူ့ကိုပြေးဖက်ပါတော့တယ် ။ သားငယ်ရဲ့နောက်မှာ ဇနီးသည်က လိုက်လာပြီး သူ့ နှဖူးပြင်ကို ငြင်သာစွာနမ်းတယ် ။ အိမ်ကို ပြန်ရောက်တဲ့လက်ဆောင်အနေနဲ့ပေါ့ ။
ရုတ်တရက်ချက်ချင်းပဲ ပန်းချီဆရာက ကမ္ဘာပေါ်မှာ အလှဆုံးဆိုတဲ့အရာကို သူနားလည်သွားတယ် ။ သားငယ်ဆီကနေ ဖခင်တစ်ယောက်အပေါ်ထားတဲ့ သစ္စာ စောင့်သိမှုကိုသူတွေ့လိုက်ရတယ် ။ သူချစ်ရတဲ့ ဇနီးသည်ရဲ့အနမ်းတစ်ပွင့်ကနေ တစ်ဘ၀လုံးစာအတွက် ချစ်ခြင်းမေတ္တာတွေကို သူတွေ့လိုက်ရတယ် ။ အဲဒီအချစ်တွေထဲမှာပဲ နွေးထွေးမှု သူ့မိသားစုရဲ့ပျော်ရွှင်မှုနဲ့ ငြိမ်းချမ်းရေးကိုပါ သူရှာတွေ့လိုက်တယ် ။ ဒီလိုနဲ့ သူဟာ ကမ္ဘာပေါ်မှာ အလှဆုံးအရာကို ဖန်တီးခဲ့ပါတော့တယ် ။ အဲဒါတော့ သူ့အိမ်က လွဲလို့ တခြားအရာ မရှိတော့ပါဘူး ။
==========================
ကမ္ဘာပေါ်မှာ အလှဆုံးအရာဆိုတာတကယ်တော့အဝေးကြီးကို လိုက်ရှာနေစရာမလိုပါဘူး ။
သင့် စိတ်ထဲမှာပဲ သင့်နှလုံးသားထဲမှာပဲ တည်ရှိပါတယ် ။
သင်ငြိမ်းအေးတဲ့နေရာ
သင်ပျော်ရွှင်ရတဲ့နေရာ
သင့်ကိုချစ်တဲ့နေရာ
သင်က ချစ်တဲ့နေရာ
နွေးထွေးလုံခြုံလို့ ချမ်းမြေ့တဲ့အရာဟာ ကမ္ဘာပေါ်မှာ အလှဆုံးအရာ
ပဲဖြစ်ပါတယ် ။

သက်တန့်ချို