ဝေဖန်ရေးဆိုတဲ့ခေါင်းစဉ်နဲ့တိုင်းပြည်ကိုဇိမ်တန်းပြန်မပို့ကြပါနဲ့ (မင်းဒင်)

 မင်း ဒင်

 

၁၆ ၊ဇန်နဝါရီ။ ၂၀၁၆ နေ့ထုတ် (Friday Time) ဂျာနယ်မှ။ ။

ဝေဖန်ရေးဆိုတဲ့ခေါင်းစဉ်နဲ့တိုင်းပြည်ကိုဇိမ်တန်းပြန်မပို့ကြပါနဲ့

(မင်းဒင်)

(၁)
အေးဗျာ။ဝေဖန်တယ်ဆိုတာအတင်းတုတ်နည်းတစ်မျိုးလို့ကျုပ်တွေးမိသဗျ။
ဟုတ်ပ။လူဆိုတာအတင်းတုတ်တတ်တဲ့သတ္တဝါစာရင်းထဲမှာ
ထိပ်ဆုံးကနေပါတယ်လို့တောင်ပြောလို့ရသေးဗျာ။

အမျိုးသမီးတွေလူစုံစုံရှိလို့ ဝိုင်းဖွဲ့မိ ရင်(ဟိုခေတ်တုန်းကတော့အရပ်ထဲမှာ သန်းတုတ်ရင်းပေါ့)ဟိုလူ့အကြောင်းဒီလူ့အကြောင်း၊ခင်တဲ့သူအကြောင်း၊
မုန်းတဲ့သူအကြောင်း၊စပ်မိစပ်ရာပြောကြဆိုကြတာကိုအတင်းလို့
ဆိုကြတယ်မဟုတ်လား။

ကျုပ်တို့မဟာပုရိသများလက်ဖက်ရည်ဆိုင်၊အရက်ဘီယာဆိုင်တွေမှာ၊
ဟိုအကြောင်းဒီအကြောင်းတောင်စဉ်ရေမရလျှောက်ပြောတော့၊
အလ္လာပ၊သလ္လာပဆွေးနွေးတယ်၊လေကန်တယ်၊ခံစားချက်တွေ
ရင်ဖွင့်တယ်ပေ့ါဗျာ။

ပညာတတ်မင်းများအနေနဲ့အကိုးအကား၊ဆင်ခြေဆင်လက်တွေနဲ့
ရေးကြပြောကြတော့ဝေဖန်ရေးဆိုတဲ့ခေါင်းစဉ်ဖြစ်လာတယ်ထင်ပါရဲ့။

အေးလေ။အတင်းတုတ်ကြ၊ဝေဖန်ကြတာကိုခင်ဗျားဖတ်ကြည့်၊
နားထောင်ကြည့်လေ၊သူများမကောင်းကြောင်း၊ကိုယ်ကောင်းကြောင်း
တွေကများနေတာမဟုတ်လား။ကိုယ်မကောင်းကြောင်း၊
ကိုယ့်အားနည်းပျော့ညံ့ချက်အ ကြောင်းရေးတဲ့ပြောတဲ့သူမျိုးက၊
တစ်ထောင်မှာတစ်ယောက်မဆိုထားနဲ့၊တစ်သောင်းမှာတစ်ယောက်ဆိုတာ
တောင်ခပ်ရှားရှားမဟုတ်လား။ အေးလေသူများမကောင်းကြောင်း၊
ကိုယ်ကောင်းကြောင်းတွေချည်းပြောနေတာ ဆိုတော့ဝေဖန်ရေးဆိုတာ၊ အတင်းပြောတာနဲ့ဘာထူးသေးတုန်းဗျာ။ဒီစာရင်းထဲမှာကျုပ်လည်း
ကင်းလှတယ်လို့ တော့မဆိုချင်ဘူး။

တကယ်တန်းတွေးကြည့်ရင်ဝေဖန်ရေးဆိုတာဆန်းလှတဲ့ကိစ္စတော့မဟုတ်ပါဘူး။
အထူးသဖြင့်အခုခေတ်လိုကိုယ့်တွေးတောထင်မြင်ယူဆချက်တွေကို
လူမှုကွန်ယက်စာမျက်နှာတွေပေါ်ကနေ၊သဘောရှိကလောဟိ
ဖွင့်ချရေးသားနိုင်တဲ့ကာလကြီးမှာဝေဖန်ရေးဟာ၊ပိုလို့တောင်မဆန်းဘူးပေါ့။
ဒါပေမဲ့ဗျာ။ဝေဖန်ရေးဟာအန္တရာယ်ရှိတာတော့အမှန်ပဲဗျ။ဝေဖန်ရေးဟာ
လူအများသေကြေပျက်စီးစေနိုင်တဲ့ကူးစက်ရောဂါနဲ့တူတယ်။သေနတ်အမြောက်စတဲ့ လူတွေအတုံးအရုံးမာလကီးယားနိုင်တဲ့လူသတ်လက်နက်နဲ့လည်းတူတယ်
လို့လည်းကျုပ်တွေးမိသေးတယ်။

ခင်ဗျားစဉ်းစားကြည့်လေ။ကျုပ်တို့တတိုင်းပြည်လုံးကိုမွစာကြဲ၊
ဖွတ်ဖွတ်ညက်ညက်ကျေအောင်၊လုပ်ပစ်ခဲ့ကြတဲ့မောင်မင်းကြီးသားများနဲ့
သူ့နောက်လိုက်တွေဟာ၊သူတို့နဲ့အမြင်မတူတဲ့အတိုက်အခံအုပ်စုတွေကို
၊နလံမထူနိုင်အောင်အပုတ်ချတိုက်ခိုက်ချေမှုန်းရာမှာ၊ဝေဖန်ရေးအယောင်ဆောင်
ထားတဲ့ဝါဒဖြန့်ချိရေးနည်းကိုအသုံးပြုခဲ့ကြပဲမဟုတ်လား။

အသက်တွေတင်သေတာမဟုတ်သေးဘူးခင်ဗျ။ဘဝတွေပါပျက်အောင်လုပ်ပစ်ခဲ့ကြတာ။

(၂)
အခုလိုအာဏာလက်လွတ်ရတော့မဲ့ဆဲဆဲအချိန်မှာလည်း၊သူတို့ကဒီနည်းကို
သုံးပြီးအနိုင်ရပါတီနဲ့ခေါင်းဆောင်ကိုအပုပ်ချနေတုန်းဆိုပေမဲ့ဒီခေတ်ကြီးမှာ
လူအများစုကထင်သလောက်မညံ့ကြတော့တာမို့ဒီကိစ္စကိုထားလိုက်ပါတော့ဗျာ။

ခက်နေတာက၊ဒီခေတ်ဆိုးစနစ်ဆိုးကြီးကိုပြောင်းလဲပစ်ဖို့၊တသားတည်း
ရပ်တည်ခဲ့ကြတဲ့သူတချို့ကပါ၊ ကိုယ့်တပ်ကိုယ်ပြန်နင်းသလို ၊တောင်ပြောမြောက်ပြောဝေဖန်ရေးတွေလုပ်လာတဲ့ကိစ္စဗျ။

ဝေဖန်ရေးဆိုတဲ့အရာမှာ..၊ဘယ်သူဘယ်ဝါကို၊ဘယ်အချိန်မှာဘယ်လိုဘယ်ပုံ
မဝေဖန်ရဘူးတဲ့ဝေဖန်ရေးပညတ်ချက်တော့မရှိပါဘူး။ဝေဖန်ရေးဆိုတာ
မတူညီတဲ့အမြင်တွေကနေ၊ကောင်းတဲ့အကျိုးရလာဒ်
ထွက်ပေါ်လာအောင်ထောက်ပြ ပြောဆိုရေးသားထောက်ပြရတာမျိုး
သာဖြစ်သင့်တာမို့၊လက်ရှိအာဏာလွှဲပြောင်းယူတော့မဲ့အစိုးရကို
ဝေဖန်တော့မယ်ဆိုရင်၊ကျုပ်တို့ပထမဆုံးစဉ်းစားရမဲ့အချက်ကတော့၊
အနိုင်ရပါတီဟာဘယ်နည်းနဲ့တိုင်းပြည်အာဏာကိုရလာတယ်ဆိုတဲ့
အချက်ပဲခင်ဗျ။

မဲလိမ်မဲခိုးပြီးရခဲ့တာမဟုတ်ဘူး။သေနတ်နဲ့ထောက်၊ခြိမ်းခြောက်ပြီး
ရခဲ့တာမဟုတ်ဘူး။မှန်ကန်မျှတတဲ့မဲရလာဒ်ကိုအခြေခံခဲ့တယ်။
စနစ်ဆိုးကြီးကိုတိုက်ယူပြီးရခဲ့တယ်။အသက်သွေးချွေး၊ဘဝပေါင်းများစွာ
၊နှစ်ရှည်လများပေးဆပ်ပြီးမှရခဲ့တယ်။ဒီလိုရဖို့အတွက်အနိုင်ရပါတီက
ဦးဆောင်ခဲ့တယ်။ပြည်သူလူထုက၊တညီတညွတ်တည်းဝန်းရံလိုက်ပါခဲ့တယ်။

အဲဒီကာလဟာအာဏာရှင်စနစ်သန္ဓေတည်ခဲ့တဲ့(၁၉၆၂)ခုနှစ်ကနေစပြီး
ရေတွက်ရင်နှစ်ပေါင်း(၅၃)နှစ်တိတိကြာခဲ့တယ်။

ဒါတောင်မှလွတ်လွတ်ကျွတ်ကျွတ်နိုင်ပြီဟေ့လို့မဆိုနိုင်သေးဘူး။
စနစ်ဆိုးကိုဖက်တွယ်ထားကြချင်တဲ့စားဖားအုပ်စုတွေကအင်အား
အလုံးအရင်းနဲ့ကျန်နေသေးတယ်။အဆိုးဆုံး၊ကြောက်စရာအကောင်းဆုံးကတော့၊
လက်ရှိ စစ်တပ်ဟာ၊ပြီးခဲ့တဲ့ရွေးကောက်ပွဲမှာ အကြီးအကျယ်ရှုံးနိမ့်သွားခဲ့တဲ့၊ပါတီကြီးနဲ့ထိပ်တန်း မဟာမိတ်စာရင်းဝင်နေ ဆဲပဲဆိုတဲ့ပြဿနာပါပဲ။

အနိုင်ရပါတီကြီးအာဏာရရေးအတွက်မီဒီယာတွေရဲ့အထောက်အပံ့ပါတယ်
ဆိုတာကျုပ်မငြင်းလိုသလို၊မီဒီယာလွတ်လပ်ခွင့်တွေရလာဖို့
တတိုင်းတပြည်လုံးစွန့်လွှတ်စွန့်စားခဲ့ရတယ်ဆိုတဲ့အချက်ကိုလည်း
မေ့မထားစေချင်ပါဘူး။

(၃)
ဒုတိယအချက်အနေနဲ့စဉ်းစားသင့်တာက၊အာဏာစွန့်ရတော့မဲ့
အစိုးရဟောင်းနဲ့သူတို့ရဲ့ဘိုးလောင်းတော်၊ဘေးလောင်းတော်များ
ဘာတွေလုပ်ခဲ့သလဲဆိုတဲ့အချက်ပါပဲ။

တတိုင်းပြည်လုံးမှာရှိတဲ့သယံဇာတအပြင်၊လူ့စွမ်းအားအရင်းအမြစ်တွေကိုပါ၊
သုံးစားလို့မရအောင်မြေလှန်ဖျက်ဆီးပြီးကိုယ်ကျိုးရှာခဲ့တယ်။
အဆိုးတကာ့အဆိုးဆုံးကတော့၊ပြည်သူလူထုရဲ့ကိုယ်ကျင့်တရား
အကျင့်စာရိတ္တကိုပါ ဖျက်ဆီးပစ်ခဲ့တာကြောင့်အခုဆိုရင်နိုင်ငံတကာမှာ ကျုပ်တို့လူမျိုးဟာလူရာမဝင်တော့တဲ့လူမျိုးတောင်ဖြစ်နေခဲ့ပြီ။

ခေတ်မီဖွံ့ဖြိုးတိုးတက်သောနိုင်ငံတော်သစ်ကြီးဆီသို့ဆိုတဲ့လေသံပစ်ပြီး
ရှိရှိသမျှတိုင်းပြည်ဘဏ္ဍာကိုအိပ်ကပ်ထဲ ထည့်တယ်။တို့တာဝန်အရေးအပါးဆိုတဲ့ ဆိုင်းဘုတ်ကြီးတွေထောင်ပြီး၊လူထုကိုရက်ရက်စက်စက်နှိပ်ကွပ်တယ်။

ဘယ်သူခွဲခွဲတို့မကွဲဆိုတဲ့ခံယူချက်နဲ့အခွင့်အရေးသမားတွေသွေးစည်း
ညီညွတ်ခဲ့ကြတယ်။ဝန်ကြီးအဆင့်ရှိတဲ့ပုဂ္ဂိုလ်တွေကမီးမလာရင် ဖယောင်းတိုင်ထွန်းဖို့၊အကြွေးကျေအောင်ထမင်းတစ်နပ်လျှော့စားဖို့၊
လမ်းညွန်တယ်။ပါးရိုက်မယ်နားရိုက်မယ်ဘီလူးကြိမ်းကြိမ်းတယ်။

ဌာနဆိုင်ရာတိုင်းလိုလိုမှာစစ်တပ်က၊မိုးကျရွှေကိုယ်တွေကိုဇွတ်အတင်းခန့်တယ်။
စက်မှုဝန်ကြီးဌာနကမီးခြစ်ဆံတောင်အဖြစ်ရှိအောင်မထုတ်နိုင်ဘူး။

ဒီမိုကရေစီခေတ်ပြောင်းပြီဆိုတဲ့အယောင်ပြပြီး၊နိုင်ငံခြားရင်းနှီးမြှုပ်နှံမှုတွေ
ဝင်လာတဲ့အခါ၊ကိုယ်ကျိုးအတွက်မြက်မြက်လေးကျန်ဖို့ရည်ရွယ်ချက်နဲ့၊
တိုင်းပြည်နဲ့လူထုရဲ့အသက်အိုးအိမ်စည်းစိမ်ကိုကာကွယ်နေ
ပါတယ်ဆိုတဲ့မြန်မာ့တပ်မတော်က၊တောင်သူလယ်သမားတွေရဲ့
လယ်မြေတွေကိုအတင်းအဓမ္မသိမ်းတယ်။

ခေတ်မီဖွံ့ဖြိုးတိုးတက်ဖို့နေနေသာသာ၊မြို့ရွာအများစုမှာအခုအချိန်အထိ
လျှပ်စစ်မီးပုံမှန်မပေးနိုင်သေးဘူး။အာဏာလွှဲပေးရတော့မဲ့နောက်ဆုံးရက်ပိုင်း၊
လပိုင်းတွေမှာတောင်၊ထင်ရာစိုင်းပြီးတိုင်းပြည်ကျွမ်းထိုးမှောက်ခုံဖြစ်အောင်
လုပ်နေတုန်းပဲ။

အာဏာရှင်အစိုးရအဆက်ဆက်မိုက်တွင်းနက်ခဲ့တာတွေကိုပြန်ပြောပြနေရင်
တစ်ထောင့်တစ်ညပုံပြင်ထက်သာသွားမှာကြောင့်တိုတိုပြောရရင်၊
အခုလက်ရှိတိုင်းပြည်ဟာဘဏ္ဍာရောသိက္ခာပါကုန်းကောက်စရာအောင်၊
ချွတ်ခြုံကျနေခဲ့ပါပြီ။ဒါဟာဘယ်လိုမှငြင်းမရတဲ့အချက်ဆိုတာ၊
သစ္စာတရားပါပဲလို့ကျုပ်အခိုင်အမာပြောရဲပါတယ်။

(၄)
ဒီတော့အခုတက်လာမဲ့အနိုင်ရပါတီအစိုးရပါတီအနေနဲ့ဘာတွေလုပ်ရမလဲ
ဆိုတာကိုတတိယအချက်အနေနဲ့စဉ်းစားကြစေချင်ပါတယ်။
တိုင်းပြည်ဟာဘက်ပေါင်းစုံကယိုယွင်းပျက်စီးနေခဲ့ပြီ။

တိုင်းပြည်ရဲ့ဆင်းရဲမွဲတေမှုကိုကုစားရမယ်။အကျင့်ပျက်ဝန်ထမ်းတွေကို
ပညာပေးစည်းရုံးရမယ်။မဖြစ်နိုင်တဲ့အဆုံး အရေးယူဖယ်ရှားတာတွေ လုပ်ရမယ်။ချမ်းသာကြွယ်ဝတဲ့နိုင်ငံဖြစ်လာအောင်နည်းလမ်းမျိုးစုံနဲ့ကြံဆ
ကျိုးပမ်းကြ ရဦးမယ်။လူမျိုးနဲ့တိုင်းပြည်သိက္ခာကိုပြန်ဆယ်နိုင်အောင် လုံ့လစိုက်ကြရဦးမယ်။

အယူလွဲနေတဲ့စစ်တပ်ကိုအမြင်မှန်ပြန်ရလာအောင်စည်းရုံးကြရဦးမယ်။
လူထုရဲ့အကျင့်စာရိတ္တကိုစနစ်တကျပြန်လည်ပြုစုပျိုးထောင်ရဦးမယ်။

တချိန်တည်းမှာခေတ်ဆိုးကိုဖက်တွယ်ထားချင်တဲ့လူမသမာတွေရဲ့ရန်စူး
ရန်ညှောင့်တွေကိုသတိကြီးကြီးထားပြီး ကာကွယ်ကြရဦးမယ်။

အခုတက်လာမဲ့အစိုးရသစ်ဟာ၊ဒေါင်ဒေါင်မြည်တင်းပြည့်ကျပ်ပြည့်
အရည်အချင်းရှိတဲ့သူတွေမဟုတ်ကြဘူး၊ဘွဲ့မရသေးတာ၊
အသက်ငယ်သေးတာတွေပါတယ်၊အတွေ့အကြုံနည်းသေးတယ်ဆိုတာ
ကျုပ်လည်းနားလည်ဝန်ခံပါတယ်။

ဒါပေမဲ့သူတို့ဟာတိုင်းပြည်ဘဏ္ဍာကိုကိုယ်ကျိုးအတွက်ခိုးဝှက်ခဲ့ဖူးတဲ့
သမိုင်းကြောင်းမရှိဘူး။တိုင်းပြည်ကိုရောင်းစားခဲ့ဖူးကြသူတွေမဟုတ်ဘူး။
။ခေတ်ဆိုးစနစ်ဆိုးကြီးချုပ်ငြိမ်းကွယ်ပျောက်စေရေးအတွက်နှစ်ပေါင်းများစွာ
စွန့်လွှတ်အနစ်နာခံခဲ့သူတွေဖြစ်တယ်။ယုတ်မာကောက်ကျစ်တဲ့အစဉ်အလာ
ရှိသူတွေမဟုတ်ပါဘူး။သူတို့နောက်မှာလက်နက်ကိုင်စစ်တပ်ကြီးရှိမနေပါဘူး။

အလွန့် အလွန်သေချာတဲ့အချက်ကတော့၊ မကြာခင်တက်လာမဲ့အစိုးရကိုမနှစ်သက်မကြည်ညိုကြဘူးဆိုရင်ဖြင့်၊
အာဏာ ရှင်အစိုးရလို၊ဖြုတ်ချဖို့မခဲယဉ်းပဲ၊လူထုဆန္ဒနဲ့
အလွယ်တကူဖြုတ်ချနိုင်ခြင်းပါပဲ။

(၅)
ဒီတော့ကျုပ်တို့ဟာတိုင်းပြည်ကောင်းစားရေးအတွက်အပြောင်းအလဲ
တစ်ခုဖြစ်ပေါ်လာဖို့၊စနစ်ဆိုးကြီးကိုတွန်းလှန်ဖြိဖျက်ရာမှာမျက်နှာစာ
တခုတည်းကနေ၊အခိုင်အမာရပ်တည်ခဲ့ကြပါလျက်အခုအချိန်မျိုးကျမှ၊
ကိုယ့်ခံစားချက်စိတ်ဆန္ဒနဲ့မကိုက်ညီရုံမျှကာနဲ့၊အခုစာကလေးကြော်၊
အခုဆီထမင်း မလုပ်သင့်ကြပါဘူး။

အာဏာလွှဲပြောင်းရေးကိုထိခိုက်စေမဲ့အပြောအဆိုအပြုအမူ၊ဝေဖန်ရေးမှန်သမျှ
သူခိုးဓားရိုးကမ်းတဲ့လုပ်ရပ်ဖြစ်တယ်။ကိုယ်ပေါင်ကိုယ်လှန်ထောင်းရာ
ရောက်ပါတယ်။ကိုယ်တပ်ကိုယ်နင်းအချင်းချင်းပြန်တိုက်နေကြတာဟာ၊
တဖက်ရန်သူကိုကျည်ဆံရောင်းတဲ့လုပ်ရပ်ပါပဲ။

ဘယ်အစိုးရမျိုးမဆိုစောင့်ကြည့်သင့်တယ်။အပြန်အလှန်ထိမ်းသိမ်းကြပ်မတ်မှု
(Check and balance) ရှိသင့် တယ်ဆိုတာမှန်ပါတယ်။ ဒါပေမဲ့အစိုးရအသစ်ရဲ့လုပ်ဆောင်မှုခြေလှမ်းတွေကိုစောင့်ကြည့်ထိန်းသိမ်းရာမှာ တစုံတခုသောအချိန်အတိုင်းအတာအထိ၊စောင့်ဆိုင်းသင့်တယ်လို့မြင်ပါတယ်။

နိဂုံးချုပ်အနေနဲ့ပြောချင်တာကတော့၊တတိုင်းပြည်လုံးဒီမိုကရေစီစနစ်ရဲ့
အသီးအပွင့်တွေကိုခံစားစံစားနိုင်ကြဖို့ အတွက်၊ ဒီမိုကရေစီဘက်တော်သား ကြီးငယ်မဟူ၊ဆရာသမားအားလုံးအနေနဲ့၊မုဒိန်းသမားယောက်ဖနဲ့တူတဲ့ စနစ်ဆိုးကြီးဖုတ်ပြန်ဝင်လာအောင်၊ကြက်ဥမတိုက်မိကြပါစေဖို့

၊ဝေဖန်ရေးဆိုတဲ့ခေါင်းစဉ်နဲ့တိုင်းပြည်ကိုဇိမ်တန်း ပြန်မပို့ကြဖို့၊
ကျုပ်အနူးအညွတ်မေတ္တာရပ်ခံကြောင်းပါခင်ဗျာ။ ။