ထိုက်ကျိဆရာကြီးအဖြစ် သူ့ကိုသတိရနေစေချင်တဲ့ ဂျက်မာ

 စုပြည့်စုံ

 

ထိုက်ကျိဆရာကြီးအဖြစ် သူ့ကိုသတိရနေစေချင်တဲ့ ဂျက်မာ
=============================
သူ့နာမည်အရင်းက မာယွင် ပါ။ သူ့နာမည်ဟာ အသံထွက်ရခက်တဲ့အတွက် အင်္ဂလိပ်အမျိုးသမီးမိတ်ဆွေတစ်ယောက်က ဂျက်လို့ အတိုကောက်ခေါ်ရာကနေ ဂျက်မာဖြစ်လာခဲ့တာပါ။ အခုတော့ ဂျက်မာ ဆိုရင် တရုတ်မှာအချမ်းသာဆုံးဘီလျံနာအဖြစ် တော်တော်များများက သိနေကြပါပြီ။
ကမ္ဘာ့အချမ်းသာဆုံးနံပါတ် ၁၈ ဖြစ်တဲ့ ဂျက်မာကို ၁၉၆၄ စက်တင်ဘာ ၁၀ ရက်မှာ တရုတ်နိုင်ငံ ဟန်ကျိုးမှာ မွေးခဲ့ပါတယ်။ မိဘနှစ်ပါးက ရိုးရာဂီတနဲ့ပုံပြောသူတွေအဖြစ် အသက်မွေးကြသူတွေဖြစ်ပါတယ်။ သူဟာ ငယ်ငယ်ထဲက အင်္ဂလိပ်စာတတ်ချင်လို့ စက်ဘီးတစ်စီးနဲ့ အနီးအနားက ဟိုတယ်ကို သွားပြီး နိုင်ငံခြားသားတွေနဲ့စကားပြောပါတယ်။ နိုင်ငံခြားသားတွေကို ဟိုဟိုဒီဒီလိုက်ပို့ရင်း သူတို့နဲ့စကားပြောလေ့ကျင့်ပါတယ်။

လူငယ်ဘ၀ရောက်လာတဲ့ မာဟာ တက္ကသိုလ်ဝင်တန်းစာမေးပွဲကို ၃ ခါကျပြီးမှ ဟန်ကျိုးဆရာအတတ်သင်ကျောင်းကို တက်ခွင့်ရခဲ့ပါတယ်။ သူဟာ အင်္ဂလိပ်စာနဲ့နိုင်ငံတကာကုန်သွယ်ရေးဘာသာသင်ဆရာအဖြစ် ဟန်ကျိုးဒိုင်စီတက္ကသိုလ်မှာ သင်ပြပေးခဲ့ပါတယ်။

တရုတ်မှာ အကြီးဆုံးအွန်လိုင်းရှော့ပင်းကုမ္ပဏီအလီဘာဘာရဲ့ ဥက္ကဌဖြစ်လာမယ့် ဂျက်မာဟာ ၁၉၉၄ ရောက်မှ အင်တာနက်ဆိုတဲ့စကားလုံးကို ကြားဖူးတာပါ။ ၁၉၉၅ မှာ သူ အမေရိကန်ရောက်တော့ မိတ်ဆွေတွေရဲ့အကူအညီနဲ့ အင်တာနက်နဲ့ထိတွေ့ခွင့်ရပါတယ်။ ပထမဆုံးအင်တာနက်စသုံးချိန်မှာ သူက ဘီယာဆိုတဲ့ စကားလုံးကို စရှာပါတယ်။ နိုင်ငံတော်တော်များများရဲ့ ဘီယာနဲ့ပတ်သက်တဲ့အချက်အလက်တွေကို အင်တာနက်မှာ ရှာတွေ့ပေမယ့် တရုတ်က ဘီယာနဲ့ပတ်သက်တဲ့အချက်အလက်ကို တစ်ခုမှ မတွေ့ပါဘူး။ တရုတ်နဲ့ပတ်သက်တဲ့ ယေဘုယျအချက်အလက်တွေကို ရှာတော့လည်း မတွေ့တော့ အံ့သြခဲ့ရပြန်ပါတယ်။ ဒါနဲ့ သူနဲ့ သူ့သူငယ်ချင်းဟာ တရုတ်နဲ့ပတ်သက်တဲ့ အရုပ်ဆိုးဝက်ဘ်ဆိုက်တစ်ခုကို ဖန်တီးလိုက်ပါတယ်။ ၀က်ဘ်ဆိုက်တင်ပြီး ၅ နာရီအတွင်း သူ ဘယ်သူလဲဆိုတာသိချင်တဲ့ တရုတ်နိုင်ငံသားတွေဆီက အီးမေးလ်တွေ ရောက်လာပါတယ်။ ဒါကြောင့်ပဲ အင်တာနက်နဲ့ ကြီးကြီးကျယ်ကျယ်အလုပ်လုပ်လို့ရမယ်လို့ မာတစ်ယောက် သိလာခဲ့တာပါ။ ၁၉၉၅ ဧပြီမှာ မာ၊ သူ့ဇနီးနဲ့ သူငယ်ချင်းတစ်ယောက်ဟာ ဒေါ်လာ ၂ သောင်းကို အရင်းတည်ပြီး အင်တာနက်ကုမ္ပဏီတစ်ခုကို ထူထောင်ခဲ့ပါတယ်။ ကုမ္ပဏီတွေအတွက် ၀က်ဘ်ဆိုက်တွေဖန်တီးဖုိ့ ရည်ရွယ်ခဲ့တာပါ။ သူက သူတို့ကုမ္ပဏီကို တရုတ်အ၀ါရောင်စာမျက်နှာ လို့ခေါ်ပါတယ်။ ၃ နှစ်အတွင်း သူ့ကုမ္ပဏီဟာ အမေရိကန်ဒေါ်လာ ၈ သိန်းရရှိခဲ့ပါတယ်။ (၂၀၁၀ နှီးနှောဖလှယ်ပွဲတစ်ခုမှာ မာက သူ့တစ်သက် ကွန်ပျူတာကုတ်တစ်ကြောင်းတောင် မရေးခဲ့သလို ၀ယ်သူကို တစ်ခါမှ ဈေးမရောင်းဖူးဘူးလို့ ထုတ်ပြောခဲ့ပါတယ်။ သူဟာ သူ့ရဲ့ပထမဆုံးကွန်ပျူတာကို အသက် ၃၃ နှစ်မှ ပိုင်ဆိုင်ဖူးတာပါ)

၁၉၉၉ မှာ မာဟာ ဟန်ကျိုးကို သူ့အဖွဲ့နဲ့ပြန်လာပြီး အလီဘာဘာကို သူငယ်ချင်း ၁၇ ယောက်နဲ့ ထူထောင်ခဲ့ပါတယ်။ အရင်းအနှီးငွေ ယွမ် ၅ သိန်းနဲပါပ။ အခုအချိန်မှာတော့ အလီဘာဘာကို နိုင်ငံနဲ့ဒေသပေါင်း ၂၄၀ ကျော်က မန်ဘာ ၇၉ သန်းကျော်က သုံးစွဲနေပါပြီ။

၂၀၀၇ မှာ ငါးမန်းတွေကို ဆူးတောင်အတွက် သတ်ဖြတ်နေတဲ့ဓလေ့ကို ကမ္ဘာတစ်ဝန်းရှုံ့ချနေချိန်မှာ မာက သူနဲ့သူ့မိသားစုဟာ အခုအချိန်ကစပြီး တစ်သက်လုံး ငါးမန်းတောင်ဟင်းချိုမစားတော့ဘူး လို့ ကြေညာခဲ့ပါတယ်။ ၂၀၀၉ ကစပြီး အလီဘာဘာရဲ့ အွန်လိုင်းအရောင်းအ၀ယ်လုပ်ငန်းအားလုံးမှာ ငါးမန်းတောင်ပစ္စည်းတွေ ရောင်းချနေခြင်းကို ပိတ်ပင်ခဲ့ပါတယ်။

သဘာဝပတ်ဝန်းကျင်ကာကွယ်ရေးအတွက် နှစ်စဉ်အမြတ်ငွေရဲ့ ၀.၃% ကို သုံးစွဲမယ်လို့လည်း ၂၀၁၀ ကစပြီး သတ်မှတ်ခဲ့ပါတယ်။ ၂၀၁၅ မှာတော့ နယူးယောက်မြို့ ပေါလ်စမစ်မှာ ဧက ၂၈၁၀၀ ကျယ်ဝန်းတဲ့ ခြံကြီးတစ်ခြံကို ၀ယ်ယူပြီး Brandon Park အမည်ပေးပြီး သဘာဝပတ်ဝန်းကျင်ထိန်းသိမ်းရေးမြေယာအဖြစ် အသုံးပြုခဲ့ပါတယ်။

မာဟာ ၂၀၁၁ ကစပြီး အလီဘာဘာဝန်ထမ်းတွေကိုသင်ပေးဖို့ ထိုက်ကျိဆရာတွေ ငှားပေးခဲ့ပါတယ်။ စီဖူဝမ်၊ ဂျက်လီနဲ့ မာတို့ဟာ အလီဘာဘာမှာ ထိုက်ကျိကို ပုံမှန်သင်ပေးကြပြီး ၀န်ထမ်းတွေက မတက်မနေ တက်ရပါတယ်။ တစ်နေ့မှာတော့ လူတွေဟာ သူ့ကို တရုတ်ရဲ့အကြီးဆုံးအင်တာနက်ကုမ္ပဏီထူထောင်သူကြီးအဖြစ်ထက် ထိုက်ကျိဆရာကြီးအဖြစ် သတိရနေကြလိမ့်မယ်လို့ မာက ပြောပါတယ်။

စုပြည့်စုံ
Ref: Alumni Profile, Profile of Jack Ma@Forbes, Wikipedia