ျမန္မာနိုင္ငံရဲ့ ပထမဆုံး Unsecured Credit Card စနစ္ကို ဧရာဝတီဘဏ္မွ ေဖေဖာ္ဝါရီလတြင္ စတင္ အေကာင္အထည္ေဖာ္မည္

 Yoyarlay

 

ျမန္မာနိုင္ငံရဲ့ ပထမဆုံး Unsecured Credit Card စနစ္ကို ဧရာဝတီဘဏ္မွ ေဖေဖာ္ဝါရီလတြင္ စတင္ အေကာင္အထည္ေဖာ္မည္

ခရက္ဒစ္ကဒ္ (Credit Card) ဆိုတာ ဘဏ္မွေငြကို အတိုးႏွုန္းျဖင့္ ေခ်းယူ အသုံးျပဳနိုင္တဲ့ ကတ္ အမ်ိဳးအစား ျဖစ္ၿပီး အေႂကြးဝယ္ကတ္လို႔ လည္းေခၚၾကကာ နိုင္ငံတကာမွာ တြင္က်ယ္စြာ အသုံးျပဳလၽွက္ရွိပါတယ္။ စားေသာက္ဆိုင္၊ စူပါမားကက္မ်ား၊ ခရီးသြား ေအဂ်င္စီမ်ားမွစ၍ ရတနာဆိုင္၊ အဝတ္အစား ဖက္ရွင္ဆိုင္၊ အလွျပင္ဆိုင္ စတာေတြအထိ ေငြသား ေပးေခ်စရာ မလိုပဲ ကတ္ျဖင့္ ေပးေခ်ရတဲ့ စနစ္ျဖစ္ပါတယ္။ ေငြသားေတြကို သယ္ေဆာင္ေနစရာ မလိုတဲ့အတြက္ အရမ္းကို အဆင္ေျပၿပီး အႏၲရာယ္ကင္းတဲ့ စနစ္ျဖစ္ပါတယ္။ ျမန္မာနိုင္ငံရဲ့ ပထမဆုံး Unsecured Credit Card စနစ္ကို ဧရာဝတီဘဏ္မွ ေဖေဖာ္ဝါရီလတြင္ စတင္မွာျဖစ္ပါတယ္။

နိုင္ငံတကာမွာ Secured နဲ႔ Unsecured ဆိုၿပီး Credit Card ႏွစ္မ်ိဳး ရွိပါတယ္။ Unsecured ကတ္က ၀င္ေငြ ပုံမွန္ရွိသူေတြ အတြက္ ထုတ္ေပးတာျဖစ္ၿပီး Secured ကတ္က ဘဏ္မွာ စာရင္းေသ အပ္ေငြ ရွိသူေတြကိုပဲ ထုတ္ေပးတာ ျဖစ္ပါတယ္။ ဧရာဝတီဘဏ္ကေတာ့ ပုံမွန္ဝင္ေငြ ရွိသူေတြအတြက္ ရည္ရြယ္ၿပီး Unsecured ကတ္ကို ထုတ္ေပးမွာျဖစ္ပါတယ္။ လစဥ္ ဝင္ေငြ အေထာက္အထားျပနိုင္သူ မည္သူမဆို ကတ္ျပဳလုပ္နိုင္ကာ အဓိကအားျဖင့္ လစာအေပၚ အေျခခံတြက္ခ်က္တာျဖစ္ပါတယ္။ လစဥ္ဝင္ေငြရဲ႕ ၃.၅ဆ ထိ ႀကိဳတင္ ေခ်းယူသုံးစြဲနိုင္မွာ ျဖစ္ၿပီး ဥပမာ - လစဥ္ဝင္ေငြ ၂သိန္းက်ပ္ ရရွိေၾကာင္း အေထာက္အထားျပနိုင္ပါက ၇သိန္း အထိ ႀကိဳတင္သုံးစြဲခြင့္ ရမွာျဖစ္ပါတယ္။ အနည္းဆုံး ၃ သိန္းကေန အမ်ားဆုံး သိန္း ၅၀ အထိ သတ္မွတ္ထားတယ္လို႔ သိရပါတယ္။

ခရက္ဒစ္ကတ္ကို စတင္ အသုံးျပဳလိုသူဟာ ဧရာဝတီဘဏ္မွာ ကတ္ေလၽွာက္ဖို႔အတြက္ အသက္(၂၁)ႏွစ္ ျပည့္ၿပီးသူ ျမန္မာလူမ်ိဳး (အျမဲတမ္း ေနထိုင္ခြင့္ရသူ) ျဖစ္ရမွာျဖစ္ၿပီး လခစား ဝန္ထမ္း၊ ကိုယ္ပိုင္ လုပ္ငန္းရွင္၊ အၿငိမ္းစား ဝန္ထမ္း ျဖစ္ရပါမယ္။ လစဥ္ဝင္ေငြကို ျပနိုင္မယ့္ စာရြက္စာတမ္း အိမ္ေထာင္စုစာရင္း၊ ၀န္ထမ္းဆိုရင္ ကုမၸဏီမွ ေထာက္ခံခ်က္ အျပင္ ေထာက္ခံေပးမယ့္ သူႏွစ္ဦးလိုပါတယ္။ ကတ္ကို မိသားစု အလိုက္လည္း သုံးစြဲနိုင္ၿပီး ေခ်းေငြကို ေပးေဆာင္မယ့္ အိမ္ေထာင္ဦးစီးက ကတ္ျပဳလုပ္ထားပါက မိသားစုဝင္မ်ားက ထိုကတ္ကို ေလးကတ္ဆင့္ပြားၿပီး သုံးလို႔ရမွာျဖစ္ပါတယ္။

ဧရာဝတီဘဏ္ရဲ့ MPU ခရက္ဒစ္ကဒ္ကို အခမဲ့ ျပဳလုပ္ေပးမွာျဖစ္ၿပီး ကတ္ ေပ်ာက္လို႔ ကတ္အသစ္ ျပန္လုပ္မယ္ ဆိုရင္ေတာ့ ၃ ေသာင္းက်ပ္ ကုန္က်မွာ ျဖစ္ပါတယ္။ လၽွို႔ဝွက္ နံပါတ္ ထပ္ေျပာင္း လိုရင္ေတာ့ တစ္ေထာင္က်ပ္ ကုန္က်မွာျဖစ္ပါတယ္။ ကတ္ေပ်ာက္ပါက ဖုန္း ဝ၉-၄၂ဝဝ၅၅၅၈၂ (သို႔) နီးစပ္ရာ ဧရာဝတီဘဏ္ခြဲ ကို ခ်က္ခ်င္း ဆက္သြယ္ အေၾကာင္းၾကားေပးရမွာျဖစ္ပါတယ္။ “ျမန္မာလူမ်ိဳးေတြရဲ့ လူေနမွုဘဝ ပုံစံကို ေျပာင္းလဲ တိုးတက္ေစခ်င္လို႔ ဒီကတ္ကို ထုတ္ျဖစ္တာပါ။ ကတ္နဲ႔ေငြ ေပးေခ်တဲ့ စနစ္ဆိုတာ နိုင္ငံတကာမွာ တြင္က်ယ္စြာ သုံးေနၾကတာေလ။ အခုထုတ္ေပးမယ့္ကတ္က ျပည္တြင္း မွာပဲ သုံးနိုင္ေပမဲ့ ေနာက္ဆိုရင္ ျပည္ပထိပါ သုံးလို႔ရတဲ့ကတ္ကို ထုတ္သြားဖို႔ရွိပါတယ္” လို႔ ဧရာဝတီဘဏ္ ကတ္ဌာနရဲ့ ဒုတိယ အေထြေထြ မန္ေနဂ်ာ မနန္းေစာခမ္းျဖဴက ရိုးရာေလးကို ေျပာၾကားသြားပါတယ္။

Team (ရိုးရာေလး)
www.yoyarlay.com

#ad_yyl
#economic_yyl

(Unicode Version)
မြန်မာနိုင်ငံရဲ့ ပထမဆုံး Unsecured Credit Card စနစ်ကို ဧရာဝတီဘဏ်မှ ဖေဖော်ဝါရီလတွင် စတင် အကောင်အထည်ဖော်မည်

ခရက်ဒစ်ကဒ် (Credit Card) ဆိုတာ ဘဏ်မှငွေကို အတိုးနှုန်းဖြင့် ချေးယူ အသုံးပြုနိုင်တဲ့ ကတ် အမျိုးအစား ဖြစ်ပြီး အကြွေးဝယ်ကတ်လို့ လည်းခေါ်ကြကာ နိုင်ငံတကာမှာ တွင်ကျယ်စွာ အသုံးပြုလျှက်ရှိပါတယ်။ စားသောက်ဆိုင်၊ စူပါမားကက်များ၊ ခရီးသွား အေဂျင်စီများမှစ၍ ရတနာဆိုင်၊ အဝတ်အစား ဖက်ရှင်ဆိုင်၊ အလှပြင်ဆိုင် စတာတွေအထိ ငွေသား ပေးချေစရာ မလိုပဲ ကတ်ဖြင့် ပေးချေရတဲ့ စနစ်ဖြစ်ပါတယ်။ ငွေသားတွေကို သယ်ဆောင်နေစရာ မလိုတဲ့အတွက် အရမ်းကို အဆင်ပြေပြီး အန္တရာယ်ကင်းတဲ့ စနစ်ဖြစ်ပါတယ်။ မြန်မာနိုင်ငံရဲ့ ပထမဆုံး Unsecured Credit Card စနစ်ကို ဧရာဝတီဘဏ်မှ ဖေဖော်ဝါရီလတွင် စတင်မှာဖြစ်ပါတယ်။

နိုင်ငံတကာမှာ Secured နဲ့ Unsecured ဆိုပြီး Credit Card နှစ်မျိုး ရှိပါတယ်။ Unsecured ကတ်က ၀င်ငွေ ပုံမှန်ရှိသူတွေ အတွက် ထုတ်ပေးတာဖြစ်ပြီး Secured ကတ်က ဘဏ်မှာ စာရင်းသေ အပ်ငွေ ရှိသူတွေကိုပဲ ထုတ်ပေးတာ ဖြစ်ပါတယ်။ ဧရာဝတီဘဏ်ကတော့ ပုံမှန်ဝင်ငွေ ရှိသူတွေအတွက် ရည်ရွယ်ပြီး Unsecured ကတ်ကို ထုတ်ပေးမှာဖြစ်ပါတယ်။ လစဉ် ဝင်ငွေ အထောက်အထားပြနိုင်သူ မည်သူမဆို ကတ်ပြုလုပ်နိုင်ကာ အဓိကအားဖြင့် လစာအပေါ် အခြေခံတွက်ချက်တာဖြစ်ပါတယ်။ လစဉ်ဝင်ငွေရဲ႕ ၃.၅ဆ ထိ ကြိုတင် ချေးယူသုံးစွဲနိုင်မှာ ဖြစ်ပြီး ဥပမာ - လစဉ်ဝင်ငွေ ၂သိန်းကျပ် ရရှိကြောင်း အထောက်အထားပြနိုင်ပါက ၇သိန်း အထိ ကြိုတင်သုံးစွဲခွင့် ရမှာဖြစ်ပါတယ်။ အနည်းဆုံး ၃ သိန်းကနေ အများဆုံး သိန်း ၅၀ အထိ သတ်မှတ်ထားတယ်လို့ သိရပါတယ်။

ခရက်ဒစ်ကတ်ကို စတင် အသုံးပြုလိုသူဟာ ဧရာဝတီဘဏ်မှာ ကတ်လျှောက်ဖို့အတွက် အသက်(၂၁)နှစ် ပြည့်ပြီးသူ မြန်မာလူမျိုး (အမြဲတမ်း နေထိုင်ခွင့်ရသူ) ဖြစ်ရမှာဖြစ်ပြီး လခစား ဝန်ထမ်း၊ ကိုယ်ပိုင် လုပ်ငန်းရှင်၊ အငြိမ်းစား ဝန်ထမ်း ဖြစ်ရပါမယ်။ လစဉ်ဝင်ငွေကို ပြနိုင်မယ့် စာရွက်စာတမ်း အိမ်ထောင်စုစာရင်း၊ ၀န်ထမ်းဆိုရင် ကုမ္ပဏီမှ ထောက်ခံချက် အပြင် ထောက်ခံပေးမယ့် သူနှစ်ဦးလိုပါတယ်။ ကတ်ကို မိသားစု အလိုက်လည်း သုံးစွဲနိုင်ပြီး ချေးငွေကို ပေးဆောင်မယ့် အိမ်ထောင်ဦးစီးက ကတ်ပြုလုပ်ထားပါက မိသားစုဝင်များက ထိုကတ်ကို လေးကတ်ဆင့်ပွားပြီး သုံးလို့ရမှာဖြစ်ပါတယ်။

ဧရာဝတီဘဏ်ရဲ့ MPU ခရက်ဒစ်ကဒ်ကို အခမဲ့ ပြုလုပ်ပေးမှာဖြစ်ပြီး ကတ် ပျောက်လို့ ကတ်အသစ် ပြန်လုပ်မယ် ဆိုရင်တော့ ၃ သောင်းကျပ် ကုန်ကျမှာ ဖြစ်ပါတယ်။ လျှို့ဝှက် နံပါတ် ထပ်ပြောင်း လိုရင်တော့ တစ်ထောင်ကျပ် ကုန်ကျမှာဖြစ်ပါတယ်။ ကတ်ပျောက်ပါက ဖုန်း ဝ၉-၄၂ဝဝ၅၅၅၈၂ (သို့) နီးစပ်ရာ ဧရာဝတီဘဏ်ခွဲ ကို ချက်ချင်း ဆက်သွယ် အကြောင်းကြားပေးရမှာဖြစ်ပါတယ်။ “မြန်မာလူမျိုးတွေရဲ့ လူနေမှုဘဝ ပုံစံကို ပြောင်းလဲ တိုးတက်စေချင်လို့ ဒီကတ်ကို ထုတ်ဖြစ်တာပါ။ ကတ်နဲ့ငွေ ပေးချေတဲ့ စနစ်ဆိုတာ နိုင်ငံတကာမှာ တွင်ကျယ်စွာ သုံးနေကြတာလေ။ အခုထုတ်ပေးမယ့်ကတ်က ပြည်တွင်း မှာပဲ သုံးနိုင်ပေမဲ့ နောက်ဆိုရင် ပြည်ပထိပါ သုံးလို့ရတဲ့ကတ်ကို ထုတ်သွားဖို့ရှိပါတယ်” လို့ ဧရာဝတီဘဏ် ကတ်ဌာနရဲ့ ဒုတိယ အထွေထွေ မန်နေဂျာ မနန်းစောခမ်းဖြူက ရိုးရာလေးကို ပြောကြားသွားပါတယ်။

Team (ရိုးရာလေး)