ရည်မှန်းချက်ပန်းတိုင်များ(Goals)

 ဗန်းမော်သိန်းဖေရဲ့မျှဝေလိုသောအတွေးများ

 

#ရည်မှန်းချက်ပန်းတိုင်များ(Goals)

မနေ့ကတင်ခဲ့တဲ့ပို့စ်မှာ.အိပ်မက်(Dream)အကြောင်းပြောခဲ့ပါတယ်။.လူတိုင်းမှာ.အိပ်မက်ကိုယ်စီရှိခဲ့ကြတယ်။.ဒါပေမဲ့.အဲဒီအိပ်မက်အတိုင်းတကယ်ဖြစ်လာ.မလာဆိုတာ.လက်တွေ့အကောင်အထည်ဖေါ်သူတွေနဲ့မဖေါ်သူတွေ.ကွာခြားတာကြောင့်ဖြစ်တယ်လို့ရေးခဲ့ပါတယ်။

စိတ်ထဲမှာ.အိပ်မက်တခုပေါ်လာတာနဲ့.အဲဒီအိပ်မက်ကိုတကယ်ဖြစ်အောင်.လုပ်နိုင်တယ်ဆိုတဲ့ကြားမှာ.အဆင့်တခုရှိနေတယ်ဆိုတာ.လူအတော်များများမသိကြလို့.ဆွေးနွေးရေးပြချင်ပါတယ်။.အဲဒီကြားအဆင့်ကို.ရည်မှန်းချက်ပန်းတိုင်များ(Goals)လို့ခေါ်ပါတယ်။

အဲဒီGoalsဆိုတာလေးကို.သဘောပေါက်အောင်.လွယ်လွယ်ဥပမာလေးတွေနဲ့ရှင်းပြချင်ပါတယ်။

ငယ်ငယ်လေးထဲက.ဆရာဝန်တယောက်ဖြစ်ချင်ခဲ့တယ်။.ဆရာဝန်ဖြစ်ချင်တယ်.ဆရာဝန်ဖြစ်လိုက်တာလို့.တနေ့ကို.အကြိမ်တရာလောက်ရေရွတ်နေရုံ.ဆန္ဒရှိနေရုံ.ဘုရားဆီမှာဆုတောင်းနေရုံနဲ့.ဘယ်လိုမှဖြစ်လာနိုင်စရာအကြောင်းမရှိပါ။.ဖြစ်လာအောင်.ဘာလုပ်ရမလဲ။.ပထမဆုံးရည်မှန်းချက်ပန်းတိုင်Goalsတွေရှိရမယ်။

အဲဒီGoalsဆိုတာ.ဘာလဲ။

၁၀တန်းမှာ.အမှတ်ကောင်းကောင်းနဲ့အောင်အောင်လုပ်ရမယ်။.အမှတ်ကောင်းမှ.ဆေးတက္ကသိုလ်ကိုဝင်လို့ရမယ်။.ဆေးတက္ကသိုလ်မှာ.ကြိုးစားမှ.နောက်ဆုံးနှစ်စာမေးပွဲကိုအောင်ပြီးမှသာ.မိမိဖြစ်ချင်ခဲ့တဲ့ဆရာဝန်တယောက်ဖြစ်လာမှာပါ။

စာရေးဆရာတယောက်ဖြစ်ချင်တယ်။.ဆန္ဒရှိနေရုံနဲ့မရပါ။.စာအုပ်တွေအများကြီးဖတ်ရမယ်။.စာရေးဆရာတွေရေးတဲ့စာတွေကို.အများကြီး.လေ့လာရမယ်။.အဲဒါတွေ.နောကျေပြီဆိုတော့.လက်တွေ့စာတွေရေးရမယ်။.ကိုယ်ရေးတဲ့စာကို.လူတွေမဖတ်ရင်.ဘာလို့မဖတ်ချင်တာလဲဆိုတဲ့အကြောင်းရင်းကို.လေ့လာဆန်းစစ်ပြီး.ပြုပြင်ဆက်ရေးရမယ်။.စာတွေအများကြီးရေးကိုရေးရမယ်။.တနေ့.စာတကြောင်းမရေးပဲ.စာရေးဆရာတယောက်ဖြစ်ချင်တဲ့အိပ်မက်ဟာ.လမင်းကြီးဆီ.သွားချင်လို့.ငိုယိုတမ်းတနေတဲ့ကလေးလေးတယောက်နဲ့တူနေမှာပါ။

အဲဒီGoalsတွေဟာ.အဆင့်တစ်ဆင့်၂ဆင့်ကနေ.တချို့လဲ.အဆင့်အများကြီးရှိပါတယ်။.အဲဒီGoalsတွေကို.မကျော်လွှား.မဖြတ်သန်းပဲ.အိပ်မက်တခုကို.ရယူပိုင်ဆိုင်ဖို့ဆိုတာ.ဘယ်လိုမှ.မဖြစ်နိုင်ပါ။.ဧဝရက်တောင်ထိပ်ကိုတက်တဲ့တောင်တက်သမားတယောက်ဟာ.တောင်ပေါ်တက်တဲ့လမ်းတလျှောက်.ရပ်နားစခန်း(၁)၊(၂)၊(၃)စတဲ့အဆင့်ဆင့်ကိုရောက်အောင်သွားနိုင်ပြီးမှ.ဧဝရက်တောင်ထိပ်ပေါ်ကိုရောက်နိုင်မှာပါ။.တောင်ထိပ်ကို.မော့ကြည့်နေပြီး.ရောက်ချင်လိုက်တာလို့.တမ်းတနေလို့.ရောက်မသွားနိုင်ပါဘူး။

အိပ်မက်တခုကို.တကယ်ဖြစ်လာဖို့.ရည်မှန်းချက်ပန်းတိုင်Goalsတွေလိုတယ်ဆိုတာ.သိပါပြီ။.အဲဒီGoalsတွေဟာ.ဘယ်လိုမျိုးဖြစ်ရမလဲ။

၁။ လက်တွေ့လုပ်နိုင်တာတွေဖြစ်ရမယ်။.ခြေထောက်ပြတ်နေသူတယောက်က.တနေ့အိုလံပစ်ပြိုင်ပွဲမှာ.အပြေးချန်ပီယံရွှေတံဆိပ်ဆုရဖို့.လေ့ကျင့်နေတယ်ဆိုတာ.ဖြစ်မှမဖြစ်နိုင်ပဲ။

၂။ အဲဒီအဆင့်တွေကို.ဘယ်အချိန်မှာပြီးမြောက်အောင်လုပ်မယ်ဆိုတဲ.အချိန်ဇယား (deadlines) တွေရှိရမယ်။.အဲဒီအချိန်ဇယားတွေဟာလဲဖြစ်နိုင်ခြေရှိရမယ်။.ငါ ဆေးတက္ကသိုလ်မှာ.၃နှစ်တက်ပြီး.ဆရာဝန်ဖြစ်အောင်လ်ပ်မယ်ဆိုတာ.မဖြစ်နိုင်ဘူးလေ။

၃။ အရေးကြီးဆုံးက.အဲဒီGoalsတွေကို.လက်တွေ့အကောင်အထညိဖေါ်ဖို့.လိုသလို.အခက်အခဲနဲ့ရင်ဆိုင်တွေ့ရင်.အလျှော့မပေးပဲ.ဇွဲရှိရှိနဲ့.မအောင်မြင်မချင်းဆက်လုပ်ဖို့ပါပဲ။

အခုနည်းဟာ.အောင်မြင်ကျော်ကြားနေတဲ့လူတွေရဲ့လက်တွေ့နည်းလေးပါ။.တချိုက.ဒီနည်းလေးကို.မသိကြဘူး။.တချို့က.သိတယ်မလုပ်ကြဘူး။.တချို့က.လုပ်တယ်.ဇွဲမရှိလို့.အခက်အခဲတွေ့တာနဲ့လက်လျှော့လိုက်တယ်။.တကယ်လုပ်ပြီး.တကယ်အောင်မြင်သွားသူနဲနဲပဲရှိတယ်။.ဒါကြောင့်လဲ.ကနေ့.ကမ္ဘာပေါ်မှာရှိကြတဲ့လူပေါင်းသန်းထောင်ပေါင်းများစွာထဲမှာ.အောင်မြင်ကျော်ကြားသူဆိုတာ.လက်တဆုပ်စာပဲရှိပါတယ်။

မိတ်ဆွေ...အဲဒီလက်တဆုပ်စာလူတွေထဲမှာ.မပါချင်ဘူးလား။

မှတ်ချက်။.ကျနော့်ရဲ့"သူတို့ ဘာကြောင့်ကမ္ဘာကျော်တာလဲ"စာအုပ်မှာ.ရေးထားတာတွေဟာ.ကမ္ဘာကျော်အောင်မြင်သူတွေရဲ့Dream တို့၊ Goals တို့အကြောင်းတွေပါပဲ။

ဗန်းမော်သိန်းဖေ
၂၀၁၆၊ဇန်နဝါရီ(၁၈)ရက်