သီချင်း၊ သတင်းနှင့် လင်းလင်း

ဂီတအကြောင်း သောင်းပြောင်းထွေလာ

 

🎶 သီချင်း၊ သတင်းနှင့် လင်းလင်း 🎶

လူငယ်အမာခံပရိသတ်တွေများလွန်းပြီး ဒီနေ့ခေတ်လူငယ်တွေရဲ့ အကြိုက်ဆုံး တေးရေးတေးဆိုလည်းဖြစ်တဲ့ ခေတ်ပေါ်ရပ်တည်ချက် မှန်ကန်သူတစ်ဦးအဖြစ် အများရဲ့ ယုံကြည်ကိုးစားခြင်းခံရသူ လင်းလင်းနှင့် အင်တာဗျူးအား တင်ပြလိုက်ရပါသည်။

မေး - ကိုယ်တိုင်က ရူးသွပ်စွာ ရွေးချယ်ခဲ့သည့် ဂီတအပေါ် ပရိသတ်အများအပြားက ခုလို မှတ်ချက်ပြုကြမှုတွေအပေါ် ဘယ်လိုခံစားမှုရှိပါလဲ။
ဖြေ - ပရိသတ်တွေဆီက အဲဒီလိုမျိုးကြားရတဲ့အတွက် ကျေးဇူးပါခင်ဗျ။ အဲဒီ့လောက်ထိ ထင်မထားခဲ့ဖူးသလို ထင်လည်းမထင်ခဲ့ပါဘူး။

မေး - ဂီတလမ်းကြောင်းပေါ်က လင်းလင်းရဲ့ ယုံကြည်မျှော်လင့်ချက်က ဘာများလဲ။
ဖြေ - ဘာကို ယုံကြည်မျှော်လင့်တာလဲဆိုတော့ ယုံကြည်မှုကတော့ အပြည့်ရှိပါတယ်။ မျှော်လင့်ချက်ကတော့ ဒီအလုပ်လေးကို လုပ်ချင်စိတ်ရှိပြီး ဟိုးတော်တော်ဝေးဝေး ခရီးအထိ လုပ်ချင်နေပါတယ်။ လုပ်ခွင့်ရမယ်လို့လည်း မျှော်လင့်ပါတယ်။

မေး - လင်းလင်းတစ်ဦးတည်းအတွက် သီချင်းတွေရေးဖို့၊ ဆိုဖို့ ဘာတွေများလိုအပ်ပါသလဲ။
ဖြေ - ကျွန်တော်တစ်ဦးတည်းရဲ့ အဓိက လိုအပ်ချက်ကတော့ လက်ရှိ ရှိနေတာတွေနဲ့ ကျွန်တော်ပြည့်စုံနေပါတယ်။ စာဖတ်တာတွေ၊ ရုပ်ရှင်ကြည့်တာတွေ၊ ပြီးတော့ ကျွန်တော့်စိတ်ကို ဘယ်အရာကမှ ချုပ်ချယ်မထားဘဲ လွတ်လွတ်လပ်လပ်လေး နေထိုင်၊ လွတ်လွတ်လပ်လပ်လေး လုပ်ကိုင်၊ ဘာဘောင်မှ မထားဖို့ဘဲလိုအပ်တယ်။

မေး - ရေးပြီးသမျှ သီချင်းတွေအားလုံးကို ကျေနပ်ပါရဲ့လား...တကယ်တမ်း ဘယ်လိုသီချင်းမျိုးကို ရေးဖွဲ့ချင်ပါသလဲ။
ဖြေ - အခု ကျွန်တော်ရေးဖွဲ့ခဲ့သမျှ သီချင်းတွေအားလုံးက ကျွန်တော်ကိုယ်တိုင် ရေးဖွဲ့ချင်တဲ့ သီချင်းတွေပါပဲ။

မေး - ဖိအားတစ်ခုခုနဲ့ သီချင်းတွေ ဖန်တီးရတာမျိုးရော ကြုံဖူးပါသလား။
ဖြေ - ဖြစ်ဖူးတယ်။ ရေးဖူးတယ်။ ဒါပေမဲ့ အဲဒီလို သီချင်းမျိုးတွေက မပေးဖြစ်လိုက်ဘူး။ ပြီးအောင်လည်း မရေးဖြစ်လိုက်ပါဘူး။ ဒါပေမဲ့ ဖြစ်ဖူး ရေးဖူးပါတယ်ပေါ့။ ဖိအားတစ်ခုခုဝင်ရင် ကျွန်တော် အလုပ်မလုပ်တတ်တာများတယ်။

မေး - အနုပညာသမားတစ်ယောက်က ကိုယ်ယုံကြည်တာကို လုပ်ရဲမှာဖြစ်သလို မယုံကြည်တာကိုလည်း ငြင်းပယ်ရဲရမယ် ဆိုတာမျိုးလား။
ဖြေ - ဟုတ်ပါတယ်။ ဒီအတွက်ဆိုရင်တော့ အမှန်အတိုင်းဝန်ခံပြီးတော့၊ ဈေးသတ်မှတ်ပြီးတော့ ကြေငြာပြီးတော့ပဲ တစ်လကို ဆယ်ပုဒ် ဆယ့်ငါးပုဒ်ရေးလိုက်၊ တကယ်ရေးချင်လို့ ရေးတာဆိုရင်တော့ ဘာမှမလိုပါဘူး။ ရေးချင်စိတ်ပဲ လိုပါတယ်။

မေး - အနုပညာဆိုတာ ကျွန်မတို့တန်ဖိုးထား ယုံကြည်အပ်သောအရာလို့ပဲ ဆိုချင်ပေမဲ့ တစ်ခါတစ်ရံ ဈေးပေါပေါနဲ့ လက်လျှော့လိုက်ရတဲ့ မတတ်သာတဲ့ အခြေအနေတွေရှိမယ်။ ကိုယ့်နဲ့တိုက်ရိုက်မသက်ဆိုင်ရင်တောင် ကိုယ့်ပတ်ဝန်းကျင်မှာ ဖြစ်ပျက်နေတာတွေရှိမယ်။ အဲလိုတွေ့ကြုံရတဲ့အခါ ဘယ်လို စိတ်နေစိတ်ထားနဲ့ ဆုံးဖြတ်လုပ်ကိုင်ပါသလဲ။
ဖြေ - အခြေခံကတော့ မှန်ကန်တဲ့ အကြောင်းအရာပေါ်မှာပဲ ဆုံးဖြတ်တယ်။ မှန်ကန်တဲ့ အကြောင်းအရာကိုပဲ ကျွန်တော့်စိတ်မှာထားပါတယ်။ ဟိုလိုမျိုး ဈေးပေါတာ၊ ဈေးများတာတွေ အဲဒါတွေမလိုဘူး။ တွက်လည်း မတွက်ပါဘူး။ အဲလိုမျိုး အကြောင်းအရာ ဖြစ်လာပြီဆိုရင် သူဖြစ်လိုက်တဲ့ အကြောင်းအရာပေါ်မှုတည်ပြီး မှန်ကန်တဲ့ဘက်မှာ နေလိုက်တယ်။

မေး - မှန်ကန်တဲ့ဘက်ဆိုတာက ဘာကိုများ ဆိုလိုချင်ပါသလဲ။
ဖြေ - သေချာတယ်။ ကိစ္စတစ်ခုမှာ မှန်တဲ့ဘက်ဆိုတာက ဖန်တီးတဲ့အချိန်မှာ ကိုယ့်ရဲ့ဖန်တီးမှုမှာ ရိုးသားမှုက အရေးကြီးတယ်။ သူ့အလုပ်ပေါ်မှာထားတဲ့ သူ့ယုံကြည်မှု အဲဒါတွေနဲ့ပဲဆိုင်တယ်။

မေး - လက်ရှိ ဂီတလောကရဲ့ အခြေအနေကိုလည်း ဂီတသမားတစ်ဦးအနေနဲ့ သုံးသပ်ပေးစေချင်ပါတယ်။
ဖြေ - ကျွန်တော့်ဆီကို သီချင်းတွေဆိုချင်လို့၊ ရေးချင်လို့ လူငယ်တွေလာကြတယ်။ ဆယ်ယောက်လောက်ရှိပြီ။ သူတို့ကို အမှန်အတိုင်းပြောပြီး ပြန်လွှတ်လိုက်တယ်။ သေချာတာက (၉၉) ရာခိုင်နှုန်း အနုတ်လက္ခဏာဖြစ်ဖို့ များတယ်လေ။ အဲဒီတော့ ဘဝမှာ သူတို့ထပ်ပြီး ဒုက္ခမဖြစ်စေချင်ဘူး။ အစ်မမေးတဲ့ မေးခွန်းအရဆိုရင်တော့ သူတို့စိုက်ထားတဲ့ပိုက်ဆံက အကုန်လုံးနီးပါး ကုန်မယ့်သဘောရှိတယ်။ နောက်ပိုင်း စီးပွါးရေးအရလေ။ လုပ်ချင်စိတ်ရှိလို့သာ၊ လုပ်ချင်စိတ်ရှိဖို့ဆိုတာကလည်း လုပ်နိုင်တဲ့ ငွေကြေးရှိဖို့လိုပါတယ်။ သုညကနေစမယ့် လူတစ်ယောက်အတွက် လုပ်နိုင်တဲ့ ငွေကြေးရှိဖို့ မလွယ်သလို၊ လုပ်ချင်စိတ်နဲ့ ကြိုးစားဖို့ကလည်း မဖြစ်နိုင်ပါဘူး။ သူတို့အနေနဲ့ ဝန်မပိကြတာ အကောင်းဆုံးပဲလေ။ ကိုယ့်နယ်လေး ကိုယ်ပြန်ပြီး အလုပ်လေးဘာလေး ရှာကြတာ အကောင်းဆုံးပဲ။ လောလောဆယ် မြန်မာနိုင်ငံရဲ့ အနုပညာစီးပွါးရေးကတော့ အနုတ်လက္ခဏာပဲ။

မေး - အဲဒီအခြေအနေထဲကမှ အပေါင်းလက္ခဏာဖြစ်ဖို့ လင်းလင်း ဘယ်လိုရပ်တည်ရှင်သန်ခဲ့သလဲ။
ဖြေ - ကိုယ်ရေးတဲ့သီချင်းတွေ များများနားထောင်တယ်။ ကျွန်တော်ဆိုတဲ့သီချင်းတွေ များများဆိုတယ်။ ကိုယ်သီချင်းရေးပေးတဲ့ အဆိုတော်တွေနဲ့ များများလက်ဖက်ရည်ဆိုင်ထိုင်တယ်။ အဲဒါ ကျွန်တော့်ရဲ့ အပေါင်းလက္ခဏာပဲ။

------------------------------။။။။။။။။။။။။။။။။။။။။။။-----------------------------------

လင်းလင်းရဲ့သီချင်းတွေထဲက မြန်မာနိုင်ငံရဲ့သတင်းတွေနဲ့ လင်းလင်းရဲ့ အရည်အချင်းကို မြင်တွေ့နိုင်သလို၊ လင်းလင်းရဲ့ စကားသံတွေထဲကလည်း မြန်မာဂီတလောကရဲ့ အရေးကြီးတဲ့ သတင်းအချက်အလက်တချို့နဲ့ လင်းလင်းရဲ့သီချင်းတွေကို မြင်တွေ့နိုင်လိမ့်မယ် မျှော်လင့်မိပါတယ်။

#အေးမွန်

စက်တင်ဘာ ၂၀၁၃
မဟေသီ မဂ္ဂဇင်း

Posted by Ko Naing & Ka Lee

From ရော့ခ်နှင့်ပတ်ဝန်းကျင် ဂရု