ဗန်းတွေမှောက်တဲ့တိုင်းပြည် (မင်းဒင်)

 

မင်း ဒင်

 

၁၄ ဒီဇင်ဘာ ၂၀၁၅ နေ့ထုတ်
သည်ဗွိုက်ဒေးလီးသတင်းစာမှ။ ။

ဗန်းတွေမှောက်တဲ့တိုင်းပြည်
(မင်းဒင်)
(တစ်)
အေးဗျာ။ဖေ့စ်ဘွတ်လို့ခေါ်တဲ့လူမှုကွန်ယက်စာမျက်နှာပေါ်က၊
အကြောင်းအရာမျိုးစုံကိုအချိန်တိုင်းနေ့တိုင်းလိုလိုမြင်တွေ့ဖတ်ရှုနေရတာဟာ
၊တော်ရုံအကုသိုလ်တော့မဟုတ်ဘူးဗျ။သာမန်စာသားတွေအပြင်
ဓာတ်ပုံနဲ့ဗီဒီယိုဖိုင်တွေကပါလိုက်သေး။

ရီစရာမောစရာဗဟုတသုတရစရာ၊အပျင်းပြေစရာတွေပါတာလည်းမှန်ပါရဲ့။
ခက်နေတာက၊အဲသလိုစိတ်အပန်းပြေစရာအကြောင်းအရာတွေကို
အကြိမ်တစ်ထောင်လောက်ကြည့်ပြီုးလို့၊စိတ်မချမ်းမြေ့စရာ
တကွက်လောက်မြင်လိုက်တွေ့လိုက်ရရင်၊စောစောကစိတ်ချမ်းသာမှုဟာ
ဘာမှအရာမထင်တော့ဘူး။သံပုရာတစ်ခြမ်းနဲ့ချေပစ်လိုက်သလိုပါပဲ။

အေးဗျာ။တခါတခါဖေ့စ်ဘွတ်စာမျက်နှာတွေကိုအချိန်ပြည့်ဖတ်နေကြည့်နေနိုင်တဲ့
ဥပက္ခာစိတ်ထားရှိဖို့အတွက်၊ကျုပ်နှလုံးသားကို၊မိကျောင်းနဲ့မျောက်ပုံပြင်
တစ်ပုဒ်ထဲကလိုရေသဖန်းပင်မှာသွားချိတ်ထားနိုင်ရင်အကောင်းသား
လို့တောင်တွေးမိတဲ့အထိ။

အရေးထဲမှာခင်ဗျားကမိကျောင်းနဲ့မျောက်ရဲ့ပုံပြင်ကိုသိချင်နေပြန်ပြီလား။
တခါတုန်းကတောအုပ်တစ်ခုထဲမှာမိကျောင်းနဲ့မျောက်တို့ဟာ
အဆွေခင်ပွန်းဖြစ်ကြသတဲ့။

သူတို့နှစ်ဦးဟာ၊တောအုပ်နဲ့မလှမ်းမကမ်းမှာ
ရှိတဲ့မြစ်တစ်စင်းရဲ့အလယ်ခေါင်က၊ရေသဖန်းပင်တွေပေါတဲ့
ကျွန်းတစ်ခုဆီကိုအတူတကွသွားလေ့ရှိသတဲ့။အေးလေ။မျောက်ဆိုတဲ့
အကောင်ကဘယ်မှာလာရေကူးတတ်ပါ့မတုန်း။သူ့သူငယ်ချင်း
မိကျောင်းကျောကုန်းပေါ်ခွစီးပြီးမြစ်ကိုကူးတာပေါ့။

အဲသလိုသွားလာနေရာကနေ၊တနေ့မှာတော့မိကျောင်းဟာမျောက်ကို
ကျောပေါ်မှာတင်ပြီးမြစ်ကိုကူးရင်း၊ကျွန်းဆီကိုလာနေကြတုန်း၊ဗြုန်းဆိုမိကျောင်းက
ရေထဲ၊စပ်ကနဲငုတ်လိုက်တော့၊မျောက်ခမျာဖလူးဖလူး၊ဝူးဝူးဝါးဝါးနဲ့ရေနစ်တော့
တာပေါ့။ဒီမှာတင်မျောက်ကမေးသတဲ့။

(နှစ်)
“ဟ၊ဟ၊ဘယ်နှယ့်လုပ်လိုက်တာလဲသူငယ်ချင်း၊မင်းလုပ်ပုံနဲ့တော့ငါသေတော့မှာပဲ”

ဒီတော့မိကျောင်းက..၊

“စိတ်တော့မကောင်းပါဘူးကွာ။မင်းဟာငါ့သူငယ်ချင်းဖြစ်တာတော့မှန်ပါရဲ့။
ဒါပေမဲ့ငါ့မိန်းမကမျောက်ရဲ့အသည်းနှလုံးကိုစားချင်လို့၊ငါလည်းကြံမိကြံရာကြံ
ရတာပဲသူငယ်ချင်း၊ငါ့ကိုခွင့်လွှတ်ပေတော့…”

လို့လည်းဆိုရော၊မျောက်ကဟက်ဟက်ပက်ပက်ရယ်မောပြီး..၊

“အမလေး။င့ါကောင်ရာ။ငါ့အသည်းနှလုံးကိုမင်းမိန်းမစားချင်တာများ
၊ရေးကြီးခွင်ကျယ်လုပ်ပြီးငါ့ကိုရေနစ်သတ်ဖို့ ကြံရတယ်လို့။ အမှန်တော့ငါတို့မျောက်တွေဟာ၊အမြဲလိုလိုငြိမ်ငြိမ်မနေတဲ့အပင်တွေပေါ်
တက်လိုက်ဆင်းလိုက်၊ခုန်လိုက်ပေါက်လိုက်လုပ်နေရတာမို့၊အသည်းနှလုံးကို
ရင်ထဲမှာထားရင်၊တစစီကြေမွကုန်တာ၊ကြာရောပေါ့။ဒါကြောင့်ငါတို့မျောက်များဟာ၊
အသည်းနှလုံးကိုရေသဖန်းပင်တွေပေါ်မှာချိတ်ထားတတ်ကြတဲ့အမျိုးကွ။
ဟိုကျွန်းပေါ်ကိုမင်းလှမ်းကြည့်လိုက်လေ။ရေသဖန်းပင်ပေါ်ကနီနီရဲရဲ
အလုံးလေးတွေဟာ၊တို့မျောက်တွေရဲ့အသည်းနှလုံးတွေပေါ့”

လို့ဆိုသတဲ့။အမှန်တော့ရေသဖန်းပေါ်ကရေသဖန်းသီးတွေကို
လက်ညှိုးထိုးပြတာပေါ့ဗျာ။

ဒီမှာတင်ဥာဏ်ရည်နိမ့်တဲ့မိကျောင်းလည်းအူတူတူဖြစ်ပြီးမျောက်ကို
ကျွန်းဆီရောက်အောင်ပို့လိုက်တော့မျောက်ခမျာအသက်ချမ်းသာရာရသပေါ့။

ကဲပါလေ။အဲဒီပုံပြင်အသာထားလိုက်ပါတော့။ကျုပ်ပြောချင်တဲ့
အကြောင်းအရာနဲ့သိပ်ဆီဆိုင်လှတယ်ရယ်လို့လည်းမဟုတ်ပါဘူးလေ။

ကျုပ်ပြောချင်တာက၊မနေ့တနေ့ကကျုပ်ကြည့်မိတဲ့ဗီဒီယိုဖိုင်လေးတစ်ခု
အကြောင်းပါ။အဲဒီရုပ်သံဖိုင်ဟာ၊ကျုပ်ကိုအကြီးအကျယ်စိတ်မချမ်းမမြေ့ဖြစ်စေ
တာတော့အမှန်ပဲဗျာ။

ဒီလိုရုပ်သံဖိုင်မျိုးကိုဘာကြောင့်များ
တကူးတကရိုက်တင်ရသလဲဆိုပြီး၊တင်တဲ့သူကိုစိတ်ဆိုးစိတ်ပျက်ဖို့ကလည်း
ခပ်ခက်ခက်။ဘယ်သူကိုတရားခံစာရင်းသွင်းပြီး၊အပြစ်ဖို့ရမလဲဆိုတာလည်း
စဉ်းစားရခပ်ကျပ်ကျပ်။ကဲပါလေ။ခင်ဗျားနားရှင်းသွားအောင်၊
ကျုပ် ကြိုးစားပြီးရှင်းပြပါ့မယ်။ဒီလိုဗျ။

(သုံး)
ရန်ကုန်မြို့ကားလမ်းမကြီးတစ်ခုရဲ့ပလက်ဖောင်းတစ်ခုပေါ်မှာ၊နာနတ်သီးသည်
မိန်းခလေးတစ်ယောက်ဟာ၊မှောက်နေတဲ့နာနတ်သီးဗန်းကိုလက်တဖက်က
ကိုင်ရင်း၊ငိုနေလေရဲ့။ဒီကလေးမလေးဟာရှိလှအသက်ကိုးနှစ်ဆယ်နှစ်
ဝန်းကျင်ပါပဲ။နေပူလွန်းတော့၊သူ့နာနတ်သီးဗန်းကိုရွက်တဲ့ခေါင်းခုပုဆိုး
ဟောင်းကိုခေါင်းပေါ်တင်ထားတာပေါ့ဗျာ။

ဒီမှာတင်၊ကားပေါ်ကလူရွယ်တစ်ယောက်ဆင်းလာပြီး အကျိုးအကြောင်းမေးတော့
၊ကလေးမလေးကချော်လဲပြီး၊နာနတ်သီးဗန်းမှောက်သွားတာလို့ဖြေတာပေါ့။

အင်း..။ခက်နေတာက၊အဲဒီဆင်းမေးတဲ့လူရွယ်ဟာအဲဒီကလေးမလေးကို
ဒီလိုပုံစံတူအဖြစ်မျိုးနဲ့နှစ်ကြိမ်သုံးကြိမ် ကြုံတွေ့ကူညီခဲ့ဖူးတဲ့သူဖြစ်နေတာပါပဲ။

တိုတိုပြောရရင်၊အဲဒီလူရွယ်က၊ကလေးမလေးကိုဒီလိုလံကြုပ်နည်းနဲ့ငွေရဖို့၊
ဘယ်သူကခိုင်းသလဲ။ညည်းမိဘတွေဘယ်မှာနေသလဲ။ငါလိုက်တွေ့မယ်။
ညည်းမပြောဘူးဆိုရင်ရဲစခန်းကိုဖုန်းဆက်ပြီးရဲကိုလှမ်းခေါ်လိုက်မယ်။
ညည်းအချုပ်ထဲမှာနေရမှာနော်..စသည်ဖြင့်၊ခြိမ်းခြောက်တဲ့လေသံနဲ့
ခပ်ငေါက်ငေါက်လေသံနဲ့တရားခံလက်သည်အစစ်ကိုရှာဖို့ကြိုးစား တယ်ဆိုပါတော့ဗျာ။

ကလေးမလေးကတော့သူ့နေရပ်လိပ်စာအမှန်ကိုမပေးရဲရှာပါဘူး။
သူ့လိပ်စာပေးလိုက်ကာမှ၊နောက်ဆက်တွဲကြုံရမဲ့ဒုက္ခဟာ၊အခုလူရွယ်ငေါက်ငန်း
နေတာထက်အဆတစ်ရာပိုဆိုးမဲ့ဒုက္ခဆိုတာ၊သူကြိုသိနေပုံရပါတယ်။

။နောက်ဆုံးတော့ကလေးမလေးဟာ၊ပလက်ဖောင်းပေါ်မှာပြန့်ကျဲနေတဲ့
နာနတ်သီးစိတ်တွေကိုသူ့ဗန်းထဲသူကိုယ်တိုင်ပြန်ကောက်ထည့်ပြီး၊
လူမြင်ကွင်းကနေ၊ခြေလှမ်းခပ်ကျဲကျဲနဲ့ရှောင်ထွက်သွားခဲ့တာပါပဲ။

အေးဗျာ။စိတ်ဆိုတာအခက်သားကလား။အဲဒီရုပ်သံဖိုင်လေးလည်းဆုံးရော
ကျုပ်စိတ်ဟာ၊နာနတ်သီးဗန်းမှောက်တဲ့ကလေးမလေးရဲ့နောက်ကိုထပ်ချပ်မကွာ
လိုက်သွားမိနေသဗျ။တကယ်ဆိုဒီကလေးမလေးရဲ့အသက်အရွယ်ဟာ
ကျောင်းစာသင်ခန်းထဲမှာရှိနေရမဲ့အရွယ်။သူ့ကိုဒီလိုနည်းနဲ့ငွေရှာဖို့
သင်ကြားပေးလိုက်တဲ့သူ့မိဘများဟာ၊မိဘအရင်းတွေမှဟုတ်ပါလေစ။

ဘယ်လောက်တောင်များစားဝတ်နေရေးဆင်းရဲကြပ်တည်းကြပါလိမ့်။
အမေဆူလိမ့်မယ်ဆိုတော့သူ့ဖခင်ဟာဆုံးသွားရှာပြီလား။မိသားစုစားဝတ်နေရေးကို
တာဝန်မယူနိုင်ပဲအချိန်ပြည့်မူးရူးနေတဲ့ကစော်သမားများလား။သို့တည်းမဟုတ်
မင်းပြစ်မင်းဒဏ်နဲ့အချုပ်အနှောင်ခံနေရတာများလား။ဒီကလေးလေးမိသားစု
မှာနေစရာအိုးအိမ်အတည်တကျမှရှိပါလေစ။

(လေး)
တောင်စဉ်ရေမရကျုပ်လျှောက်တွေးနေမိတာတွေကတော့အများကြီးပါပဲဗျာ။
ဒီကလေးမလေးရဲ့လုပ်ဇာတ်ခင်းပြီး စေတနာရှင်တွေရဲ့မေတ္တာတရားကို
မလိမ့်တပတ်နည်းနဲ့ရယူတာကိုတော့ကျုပ်လည်းလက်မခံချင်ပါဘူး။သူလိမ်နေတာကို
သိသိကြီးနဲ့အဆိပ်ပင်ရေလောင်းတာကိုလည်းကျုပ်အားမပေးချင်ဘူး။

ကျုပ်တွေးပူးနေတာကဒီကလေးမလေးဟာဒီအကျင့်စရိုက်အတိုင်းသာငွေကို
အချောင်ရချင်တဲ့အကျင့်စရိုက်ပါသွားရင်သူ့ဘဝရှေ့ရေးဟာတွေးရဲ
စရာမရှိတော့ပါဘူး။

တကယ်တော့ကျုပ်တို့တိုင်းပြည်မှာဒီအဖြစ်ဆိုးတွေဟာထူးဆန်းလှတယ်တော့
မဟုတ်ပါဘူးလေ။ဖရဲသီးဗန်းမှောက်တာ၊ဖွဲပြာဗန်းမှောက်တာ၊မုန့်ဗန်းမှောက်တာ
စသည်ဖြင့်ဗန်းမျိုးစုံမှောက်ပြီးငွေချူတဲ့ဇာတ်လမ်းမျိုးစုံကိုကျုပ်ကြားဖူးယုံတင်မက
ကိုယ်တိုင်လည်းကြုံခဲ့ဖူးပါတယ်။

တကယ်တမ်းတိုးတက်ချမ်းသာတဲ့ချမ်းသာတဲ့
တိုင်းပြည်တွေမှာဆိုဒီလိုအဖြစ်မျိုးမြင်ဖို့ကြားဖို့အတော်ခဲယဉ်းမယ်ထင်ပါရဲ့။
ကလေးသူငယ်တွေကိုဒီဘဝရောက်အောင်ဇွတ်အတင်းတွန်းပို့တဲ့မိဘတွေ
ဟာလည်းထောင်ထဲကနေထွက်ရမှာမဟုတ်ပါဘ

ခုတော့ဗျာ။ကျုပ်တို့တိုင်းပြည်မှာကလေးသူငယ်တွေရဲ့ဈေးဗန်းတွေတင်မှောက်တာ
မဟုတ်ပါဘူး။စစ်မှုထမ်းဟောင်းတွေကလည်း၊အိမ်ပေါက်စေ့စာအုပ်လိုက်ရောင်း
၊နေစရာအိုးအိမ်မရှိတဲ့သူတွေလည်း၊ခိုကိုးစရာကျောတစ်နေရာစာအတွက်၊
လွတ်မယ်ထင်တဲ့နေရာမှာတဲလေးတွေထိုးနေတော့လည်း၊ဘူဒိုဇာနဲ့အထိုးခံရ။

မိဘဘိုးဘွားပိုင်ယာမြေပေါ်မှာဓားမဦးချ၊အနှစ်လေးငါးဆယ်လုပ်ကိုင်စားေ
သာက်လာတာတောင်တပ်ပိုင်မြေဆိုပြီး၊လက်နက်အားကိုးနဲ့အတင်းအဓမ္မ
အသိမ်းခံရ။ဖယ်မပေးတော့ထောင်ချခံရနဲ့နောက်ဆုံးတော့ဒုက္ခမျိုးစုံကြုံလာတဲ့
အဆုံး၊မလုပ်သင့်မလုပ်အပ်တဲ့ဈေးဗန်းမှောက်ဇာတ်လမ်းတွေအထိ
၊ဖြစ်လာတယ်လို့ကျုပ်တော့ထင်တာပဲဗျာ။

တိုက်ဆိုင်တယ်လို့ပဲဆိုရမလား။ကျုပ်ဆိုတဲ့ကောင်ကပဲ၊စိတ်ညစ်ရမဲ့ဇာတာ
ပါလာလို့လားတော့မဆိုနိုင်ဘူးဗျာ။အဲဒီကလေးမလေးနာနတ်သီးဗန်းမှောက်တဲ့
ရုပ်သံဖိုင်လေးကြည့်ပြီးနောက်ဆက်တွဲအတွေးတွေဆုံးခန်းတိုင်လို့၊ဖေ့စ်ဘွတ်ပေါ်က၊
သတင်းတစ်ပုဒ်ကိုဖတ်မိပြန်တော့၊ကျုပ်ဝဋ်ကြွေးကမကုန်သေးဘူး
ဆိုတာသေချာနေလေရဲ့။

(ငါး)
ဟုတ်ပါ့ဗျာ။အဲဒီသတင်းမှာရေးထားတာက၊မြိတ်မြို့နယ်ကပြည်သူ့လွှတ်တော်
အမတ်တစ်ယောက်ဟာ၊စင်္ကာပူနိုင်ငံရဲ့နှစ်ဆလောက်ကျယ်တဲ့မြေဧရိယာ
တွေကိုမြန်မာနိုင်ငံမှာပိုင်ဆိုင်နေသတဲ့ဗျာ။အဲဒီပုဂ္ဂိုလ်ပိုင်ဆိုင်တဲ့မြေတွေကလည်း၊
တနင်္သာရီတိုင်းကဆီအုန်းခြံတွေ၊ကချင်ပြည်နယ်တနိုင်းဒေသက၊
ပလောပီနံစိုက်ခင်းတွေ၊ဧရာဝတီတိုင်းကဧကသောင်းချီတဲ့လယ်တွေအပြင်၊
ရန်ကုန်လိုအထင်ကရမြို့ကြီးက၊မင်္ဂလာတောင်ညွန့်၊သာကတေ၊
လှိုင်မြို့နယ်တွေမှာတောင်မြေတွေအများကြီးပိုင်နေသတဲ့။

ဒါ့အပြင်ရမည်းသင်းဝမ်းတွင်းကားလမ်းပိုင်းလမ်းကြေးကောက်ခံတဲ့လုပ်ငန်းကိုလည်း
သူရထားသတဲ့။အဲဒီလမ်းကိုဖောက်လုပ်တဲ့ငွေကြေးကလည်းဒီဇယ်၊ဓာတ်ဆီနဲ့
စက်ယန္တယားတင်သွင်းခွင့်ပါမစ်တွေကနေရသတဲ့။ကချင်ပြည်နယ်တနိုင်းဒေသက
ပလောပီနံစိုက်ခင်းတွေအတွက်အရင်းအနှီးတွေကလည်းဓာတ်မြေသြဇာ
တင်သွင်းခွင့်ကနေရသတဲ့။

တကယ်တော့ဗျာ။ဒီလိုနည်းနဲ့ကြွယ်ဝချမ်းသာနေကြတာသူတစ်ယောက်တည်းတော့
မဟုတ်ပါဘူး။အုပ်ချုပ်သူအစိုးရမင်းများနဲ့ပလဲနံပသင့်တဲ့သူ၊အတော်များများ
ဒီနည်းနဲ့ကြွယ်ဝချမ်းသာလာကြတာပါပဲ။

တနိုင်ငံလုံးမှာနုိုင်ငံတော့ဘဏ္ဍာနဲ့တည်ဆောက်တဲ့ကုန်းကျော်တံတား ၊ဆေးရုံ၊ဆည်မြောင်းတာတမံ၊လမ်းတံတားအပြင်၊အထင်ကရအဆောက် အဦးတွေဆောက်လုပ်ခွင့်ကိုလည်းသူတို့ပဲရကြပါပဲ။ဆောက်လိုက်သမျှ၊
လမ်းတံတားအဆောက်အဦးမှန်သမျှတစ်ခုမျှအရည်အသွေးမီတယ်ရယ်လို့
ကျုပ်တော့မကြားမိသေးဘူးဗျာ။အစိုးရဆီတင်တောင်းတဲ့ခန့်မှန်းကုန်ကျငွေက
အဆမတန်များပြား၊လက်တွေ့အကောင်အထည်ဖော်တော့ကိုယ်တွက်ကျန်ဖို့
အဓိကဆိုတာတွေ၊

ဘယ်လောက်တောင်များနေသလဲဆိုရင်၊သူတို့နဲ့အုပ်စုတူအမျိုးသား
လွှတ်တော်ဥက္ကဋ္ဌကတောင်ဇီးသီးဗန်းမှောက်တဲ့အဖြစ်နဲ့ခိုင်းနှိုင်းရတဲ့ အထိပါပဲဗျာ။ဇီးသီးဗန်းမှောက်တဲ့အခါ၊ဟိုလူတစ်လုံးဒီတစ်လုံး၊
ဝိုင်းပြီးကောက်စားလိုက်ကြတော့၊ဗန်းထဲကိုတစ်လုံးမှပြန်မရောက်
တော့တဲ့အဖြစ်ကိုတင်စားတာပေါ့ဗျာ။

အေးလေ။ဇီးသီးဗန်းတွေနိုင်ငံအနှံ့မှောက်နေတဲ့တိုင်းပြည်မှာနာနတ်သီး
ဗန်းမှောက်တာဆန်းသလားဗျာ။ တကယ်တော့အရွယ်မရောက်သေးတဲ့
ကလေးတွေရဲ့ဈေးဗန်းမျိုးစုံမှောက်ရခြင်းရဲ့မူလလက်သည်တရားခံကတော့
၊နိုင်ငံတော်ဇီးသီးဗန်းကြီးမှောက်မှုပဲပေါ့။

ကျုပ်ဖြင့်ဒီအဖြစ်ကိုတွေးမိလေတိုင်း၊နာနတ်သီးဗန်းမှောက်တဲ့ကလေးမလေးကိုလည်းသနားတယ်။သူ့မိဘများကိုသနားတယ်။ကလေးမလေးကို
လမ်းမှန်ပေါ်ရောက်လိုရောက်ငြားဗီဒီယိုဖိုင်ရိုက်တင်တဲ့လူငယ်လေးကိုလည်း
သနားတယ်။လူ့အဖြစ်ကိုရပါလျက်လူချင်းတူသူချင်းမျှမနေနိုင်မစားနိုင်ကြတဲ့ကျောမွဲတွေ
ကိုလည်းသနားတယ်။တိုင်းပြည်ကြီးကိုလည်းသနားတယ်။

လူလိုတွေးတောဆင်ခြင်စိတ်မရှိတဲ့သူတွေကိုလည်းသနားတယ်။
အဲသလိုနေရာတိုင်းလူတိုင်းကိုလျှောက်သနားနေမိတဲ့ကျုပ်ကိုယ်ကျုပ်လည်း
သနားတယ်။

ဒါကြောင့်ကျုပ်ပြောတာပေါ့။ဗန်းမျိုးစုံမှောက်နေတဲ့တိုင်းပြည်မှာ
လူလာဖြစ်ရတဲ့ကျုပ်ဟာ၊ကျုပ်စောစောကပြောခဲ့တဲ့ပုံပြင်ထဲကမျောက်လို
အသည်းနှလုံးကိုရေသဖန်းပင်မှာများ၊ချိတ်ထားနိုင်ခဲ့ရင်၊
ဘယ်လောက်ကောင်းလိုက်လေမလဲလို့။ ။