အိပ်ထမတင်လုပ်ခြင်းဟာ အန္တရယ် ရှိသလား ???

Golden_Dreams added 10 new photos.

အိပ်ထမတင်လုပ်ခြင်းဟာ အန္တရယ် ရှိသလား ???
ဒီရက်ပိုင်း ပြန် Hot နေတဲ့ သတင်းအရ အိပ်ထမတင် လုပ်ရင် ခါးနာမယ်၊ အာရုံကြောထိခိုက်နိုင်ပါတယ်တဲ့။ ဒါလေးကို မပြောခင် အိပ်ထမတင်ဆိုတာ ဘာလဲဆိုတာကို စပြောရမှာပါပဲ။
မြန်မာလိုတော့ ဘာလိုပုံလေးပြောင်းပြောင်း အိပ်ထမတင်လို့ပဲ ခေါ်လေ့ရှိပါတယ်။ ဒါပေမယ့် English မှာတော့ Sit up နဲ့ Crunches လို့ဆိုပြီး နှစ်မျိုးရှိပါတယ်။ ကျောရိုးအတွက် အာရုံကြောအတွက် မကောင်းဘူးဆိုတာ Sit up ပါတဲ့။ Crunches ကတော့ ထိခိုက်မှု မရှိဘူးဆိုကြပါတယ်။ ဒါဆို ဘာကို Sit up လို့ခေါ်ပြီး ဘာကို Crunches လို့ခေါ်လဲ သိဖို့ လိုပါပြီ။

~ Sit up ~
မြန်မာလိုတော့ အိပ်ထမတင်တစ်မျိုးပဲပေါ့။ လုပ်တဲ့အခါ ဘယ်လိုပုံစံမျိုးလဲဆိုရင်
-ကြမ်းပြင်ပေါ်မှာ ဒူးထောင်ပြီး ပြားပြားလှဲပါ
-ဒူးထောင် မပျက်စေပဲ အပေါ်ပိုင်းကို မတင်ပါ
-တင်တဲ့ အခါမှာ ထိုင်လျက်သားအနေ ဖြစ်တဲ့ နေရာလောက်အထိ မ တင်ရပါတယ်
ဒီလို လုပ်တဲ့အခါမှာ ဝမ်းဗိုက်သားအပြင် ခါးနေရာကပါ ကွေးယူရတဲ့အတွက် ခါးမှာ အားပြုလိုက်ရတာ ခံစားနိုင်ပါတယ်။ ခါးတဝိုက် (ဗိုက်အဆီ တာယာပတ်)နားမှာ ရှိတဲ့ ကြွက်သားဟာ တင်ပါးဆုံနဲ့ ဆက်ထားပြီး လူတော်တော်များများမှာ အဲဒီကြွက်သားဟာ မသန်ပါဘူး။ ဒီလိုအချိန်မှာ ခန္ဓာကိုယ် အပေါ်ပိုင်းကို မ အတင်၊ ခါးကို အားပိစေပြီး ဒါဏ်ဖြစ်စေတာပါပဲ။ တစ်ချို့အောက်ပိုင်းသန်သူတွေက အဆင်ပြေပေမယ့် ဒီ့ထက်ကောင်းတဲ့ နည်းတွေနဲ့ Abs ဝမ်းဗိုက်ကို လေ့ကျင့်နိုင်သေးတော့ Sit up ကို သိပ် အားမပေးကြပါဘူး။
~ Crunches ~
မြန်မာလိုတော့ အိပ်ထမတင်ပဲ ခေါ်ကြတဲ့ နောက်တစ်မျိုးကတော့ Crunches ပါပဲ။ အလွယ်ဆုံးပြောရရင် Half Sit up လို့ပြောလို့ရပါတယ်။ လုပ်တဲ့အခါ ဘယ်လို ပုံစံမျိုးလဲဆိုရင်
- ကြမ်းပြင်မှာ ဒူးထောင်ပြီး ပြားပြားလှဲပါ
- ဒူးထောင် မပျက်စေပဲ ခန္ဓာကိုယ် အပေါ်ပိုင်းကို မတင်ပါ
- တင်တဲ့အခါ Sit up နဲ့မတူပဲ တစ်ဝက်လောက် အထိ ဗိုက်ကြွက်သားကို ညှစ်ပြီးတင်ပါ
အဓိက ကွာခြားချက်က Crunches မှာ ကိုယ်ကို အပြည့် မ မတင်ပဲ ဗိုက်ကို ညှစ်ပြီး တင်ရတာ ဖြစ်လို့ ခါးနားမှာ အားစိုက်လိုက်ရသလို မရှိပါဘူး။ Sit up နဲ့ ယှဉ်ရင် Pressure အများကြီး မရှိတာမို့ ပုံစံမှန်မှန် လုပ်ပါက ဒုက္ခပေးနိုင်ခြေ အထိ မရှိဘူးလို့ ဆိုကြပါတယ်။
ဒီလို တစ်မျိုးထဲကို Crunches လို့ခေါ်တာ မဟုတ်ပဲ Heel touch ၊ Toe touch စတာတွေကိုလဲ ခေါ်ပါတယ်။ အဓိက ကဝမ်းဗိုက်သားကို ညှစ်ပြီးလုပ်တာပါ။ အောက်မှာ ပုံစံလေးတွေ ပြထားပါတယ်။
တစ်မျိုးကို ၁၀နဲ့ ၁၅ကြိမ်ကြား၊ ၃ခေါက် သို့မဟုတ် ၅ခေါက်အထိကြော့ပါ။ တစ်ပတ်မှာ ၃ရက်အထိ ရက်ခြားလုပ်နိုင်ပါတယ်။ လုပ်တဲ့ အခါ အပေါ်ပိုင်းကြွက်သားတစ်ခု (၁၀-၁၅ကြိမ်) ၊ ခဏနားပြီး ဘေးကြွက်သားတစ်ခု (၁၀-၁၈ကြိမ်)၊ ခဏနား အောက်ကြွက်သားတစ်ခု (၁၀-၁၅ကြိမ်) အလှည့်ကျလုပ်ပါ။ အပေါ်ကြီးဆက်တိုက်၊ အောက်ကြီးဆက်တိုက်မလုပ်ပါနဲ့။ အလှည့်ကျလုပ်ခြင်းဖြင့် ကြွက်သားနားချိန်ပိုရပါတယ်။ ခဏနားဆိုတာ ၂မိနစ်အောက်နားလို့ ဆိုတာပါ။ အပေါ်၊ အောက်၊ ဘေး ပြီးရင် ပြန်ကြော့ပါ။
Abs အကြောင်း ပိုပြည့်စုံတဲ့ ဆောင်းပါး တစ်ပုဒ်ကို နောက် တစ်ခေါက်ကျ ထပ်တင်လိုက်ပါမယ်။ စောင့်လက်စ ကာလမှာ ဒါလေးတွေ လုပ်ရင်း၊ အရင်က တင်ဖူးတဲ့ ကျား/မ အိမ်မှာ လုပ်နိုင်တဲ့ ဝမ်းဗိုက်သားလေ့ကျင့်ခန်း ဆောင်းပါးအဟောင်းလေးလဲ Page မှာ ရှာဖတ်ရင်း လုပ်နိုင်ပါတယ်လို့။
Facebook မှာ ရက်ကြာရင် ပို့စ်အချို့ပျောက်ပျောက်သွားတတ်လို့ ကြိုက်နှစ်သက်ပါက ပြန်လည်ဝေမျှခြင်းဖြင့် ကူညီနိုင်ပါသည်။
အလေးမခြင်း၊ အဆီချခြင်းနှင့် ကျန်းမာရေးအတွက် ကောင်းမွန်တဲ့ အချက်အလက်တွေကိုဆက်လက် ဖတ်ရှူချင်ပါက Page ထဲဝင်ရောက် လေ့လာနိုင်ပါသည် ခင်များ။