သူဌေးတွေ ပိုက်ဆံကို ကြည့်ပုံက သူများနဲ့ မတူဘူး – စတိဗ်ဆီးဘိုးလ်

shared by knight on 04/07/17  -  kumudranews.com  -  Education
သူဌေးတွေက ချမ်းသာပြီးရင်း ချမ်းသာနေချိန် လူလတ်တန်းစားတွေက ဒုံရင်း ဒုံရင်းဖြစ်နေတယ်လို့ မထင်ရဘူးလား။

လူတွေကို ချမ်းသာကြွယ်ဝမှုမရ အောင် အဓိကဟန့်တားနေတာကပိုက်ဆံနဲ့ပတ်သက်တဲ့ သူတို့ရဲ့ အတွေးတွေ၊ယုံကြည်မှုတွေနဲ့ ဒဿနတွေဖြစ်တယ်လို့ စတိဗ်ဆီးဘိုးလ်ကဆိုပါတယ်။ ကိုယ်ထူးကိုယ်ချွန်ကြိုးစားရင်းသန်းကြွယ်သူဌေးဖြစ်ခဲ့တဲ့ ဆောင်းပါးရှင်ဟာ ပြီးခဲ့တဲ့နှစ် ၃၀ အတွင်း ကမ္ဘာ့အချမ်းသာဆုံးသူ ၁၂၀ဝ ကျော်ကို အင်တာဗျူးလုပ်ခဲ့ရင်း သည် သဘောတရားကိုတွေ့ရှိခဲ့ပါတယ်။ လူလတ်တန်းစားနဲ့ သူဌေးတွေဟာ တခြားနေရာမှာ အတွေးတူရင်တောင် ပိုက်ဆံနဲ့ ပတ်သက်တဲ့ အတွေးက အကွာကြီးကွာပါတယ်တဲ့။ အတွေးကွာလို့  လုပ်ရပ်ကွာ၊ လုပ်ရပ်ကွာလို့ ချမ်းသာကြွယ်ဝမှုချင်း ကွာရတယ်လို့ သူကယူဆပါတယ်။ အခု ဖော် ပြမှာက သူဌေးတွေရဲ့ ပိုက်ဆံအပေါ်အမြင် ကို Business Insider မဂ္ဂဇင်းမှာ သူရေး သားထားတာ ဖြစ်ပါတယ်။

၁။ သူဌေးတွေက ဝင်ငွေရဖို့ အာရုံစိုက်တယ်။

လူအများစုက သူတို့ရထားတဲ့ ပိုက်ဆံလေး မပျောက်ပျက်အောင် ဘယ်လိုစုဆောင်းမလဲလို့ အဓိက အာရုံစိုက်ကြတယ်။ သူဌေးတွေကလည်း ငွေစုတာဟာ အရေးပါမှန်းနားလည်ပါတယ်။ ဒါပေမဲ့ ဝင်ငွေရအောင် ရှာတာကပိုအရေးကြီးတယ်လို့ သိကြတယ်။

လူအများစုက စိတ်ကူးကောင်းလေး တော့ ရှိပါရဲ့။ ရှိစုမဲ့စုပိုက်ဆံလေး ပျောက်သွားမှာစိုးလို့ မစွန့်စားရဲဘူး။

သူဌေးတွေကတော့ ချွေချွေတာတာ သုံးစွဲတာထက် လူအများစုရဲ့ သာမန်အတွေးတွေကို စွန့်ပယ်ပြီး ဝင်ငွေပိုများများရမယ့်အရာထဲ သူတို့ရဲ့ စိတ်အာရုံတွေ ထည့်ထားကြတယ်။
၂။ သူဌေးတွေက ကုတ်အားသုံးတယ်။

သူဌေးတွေက ကုတ်အားကို နေရာ တိုင်းမှာ တည်ဆောက်တယ်။ သူတို့လုပ်ငန်းရဲ့ အကျိုးအမြတ်အများဆုံး ဧရိယာမှာ အားအများဆုံး  စိုက်ထည့်ပြီး တစ်ချိန် တည်းမှာပဲ ရလဒ်အမြင့်ဆုံးဖြစ်အောင် သူတို့ရဲ့ အဆက်အသွယ်၊ ဂုဏ်သတင်းနဲ့ ရင်းမြစ်တွေကို များသထက်များအောင် မြှင့်တင်ပါတယ်။ လူလတ်တန်းစားက အ လုပ် ကြိုးစားတာကို ဂုဏ်အဆောင်အယောင်အဖြစ် ရှုမြင်တယ်။ သူဌေးတွေက အောင်မြင်မှုကို ပိုအရေးကြီးတဲ့ ဂုဏ်အဆောင် အယောင်အဖြစ် ရှုမြင်တယ်။

သင်ဟာ အလုပ်ကြိုးစားဖို့ အဆုံးအမခံယူရင်း ကြီးပြင်းလာပါသလား။ အလုပ်အရမ်းကြိုးစားပေမဲ့  ပိုက်ဆံ ထင်သလောက်မရဘူးဆိုရင် ပိုအောင်မြင်မှုရဖို့အတွက် အဆက်အသွယ်၊  ဂုဏ်သတင်းစတဲ့ ကုတ်အားတစ်ခုခုကို အသုံးပြုရတော့မယ်လို့ သတိရလိုက်ပါ။
၃။ သူဌေးတွေအတွက် ပိုက်ဆံနဲ့
အချိန် ကာလထပ်တူမကျဘူး။

လူအများစုအတွက် အချိန်ဆိုတာ ပိုက်ဆံပါပဲ။ သာမန်လူတစ်ယောက်က  ဘောနပ်စ်တွေ၊ လစာတိုးတာတွေမှအပ ပိုက်ဆံများများ ရချင်ရင် အချိန်များများ အလုပ်လုပ်ရတယ်။
သူဌေးတွေကတော့ ပိုက်ဆံများများ ရဖို့ အချိန်ကာလနဲ့ မသက်ဆိုင်ကြောင်း သိကြတယ်။ သူတို့ဟာ ပြဿနာတွေကို ဖြေရှင်းတဲ့ စိတ်ကူးတွေကတစ်ဆင့် ပိုက်ဆံရအောင်ရှာရာမှာ ဆရာကြီးတွေ ဖြစ်နေတတ်တယ်။ စိတ်ကူးတွေကို ကန့်သတ်လို့ မရဘူး။ ဒါကြောင့် သူတို့ရရှိမယ့် ပိုက်ဆံပမာဏကိုလည်း ကန့်သတ်လို့ မရပါဘူး။
၎။ သူဌေးတွေက ချမ်းသာတယ်ဆိုတာ  အခွင့်အရေးတစ်ခုလို့ ယုံကြည်တယ်။

သာမန်လူတွေက ချမ်းသာခြင်းဆိုတာ အတိတ်ကံကောင်းတဲ့သူတွေသာ ရရှိတဲ့အရာလို့ ယုံကြည်ကြပါတယ်။ အဆင့် မြင့်မြင့် တွေးခေါ်တတ်သူတွေကတော့ အရင်းရှင်တိုင်းပြည်တစ်ပြည်မှာ တခြားသူတွေအတွက် ဧရာမတန်ဖိုးတွေကို ဖန်တီးပေးနိုင်ရင် ချမ်းသာနိုင်တဲ့အခွင့်အလမ်းရှိတယ် လို့  သိမြင်ကြပါတယ်။ တကယ်လို့ တ ခြား သူတွေရဲ့ ဘဝကို ပိုမိုလွယ်ကူသက်သာအောင် သူတို့ဖန်တီးနိုင်မယ်ဆိုရင် သူတို့လည်း ချမ်းသာခွင့်ရလိမ့်မယ်လို့ ယုံကြည်ပါတယ်။

ထင်ရှားကျော်ကြားသူတွေဟာ သူ တို့ ဖန်တီးထားတဲ့  တန်ဖိုးအတိုင်း ချမ်းသာခွင့်ရှိမယ်လို့ ယုံကြည်ပါတယ်။  ဒါကြောင့် ကိုယ်ထူးကိုယ်ချွန်သမားတွေဟာ ကံ ကောင်းလို့ဆိုတာကို မေ့ထားလိုက်ပါ။ ကိုယ့်ဟာကိုယ်ရှာနိုင်ရင် ရှာနိုင်သ လောက် သူဌေးဖြစ်နိုင်တယ်လို့ ယုံ ကြည်ပါ။

ပိုက်ဆံနဲ့ ပတ်သက်ရင် အရေးကြီးဆုံးက သင့်ပညာရေးအဆင့်၊ ဉာဏ်ရည်ဉာဏ်သွေး၊ ကျောင်းတွင်းစွမ်းဆောင်ရည်တွေ ဘယ်လောက်ပဲရှိရှိ သင်ဟာမီလျံနာဖြစ်နိုင်ပြီး ဆန္ဒရှိသလောက် ပိုက်ဆံရှာနိုင်ပါတယ်။ ပိုက်ဆံကို ကြောက်စိတ်နဲ့ ရှားပါးမှုအဖြစ်မမြင်ပါနဲ့။ ပိုက်ဆံဟာ လွတ်လပ်မှု၊ ဖြစ်နိုင်မှု၊ အခွင့်အလမ်းနဲ့ အလျှံပယ်ကြွယ်ဝတဲ့ အရာအဖြစ်သာ မြင်လိုက်ပါ။

အကယ်၍ သင်ဟာချမ်းသာရင် သင့်အတွေးအခေါ်ကို ဆက်ထိန်းထားပါ။ မချမ်းသာဘူးဆိုရင်တော့ ပိုက်ဆံနဲ့ ပတ်သက်တဲ့ သင့်အတွေးအခေါ်ကို ပြောင်းပစ်ဖို့ လိုပါပြီ။

စတိဗ်ဆီးဘိုးလ်ဟာ “ချမ်းသာတဲ့လူတွေဘယ်လိုတွေးကြသလဲ” စာအုပ်ကို ရေးသားထုတ်ဝေထားပါတယ်။

မနောစင်
(ref: BusinessInsider, How rich people think)