ကမ္ဘာ့ ပထမဆုံး လက်နှစ်ဖက် အသစ်တပ်ထားရတဲ့ ကလေးငယ် စာပြန်ရေးနိုင်ပြီ

နေ့စဉ်သတင်းနှင့်သုတရသအဖြာဖြာ added 4 new photos.

ကမ္ဘာ့ ပထမဆုံး လက်နှစ်ဖက် အသစ်တပ်ထားရတဲ့ ကလေးငယ် စာပြန်ရေးနိုင်ပြီ :)
ကမ္ဘာ့ ပထမဆုံး လက်နှစ်ဖက်လုံး အစားထိုး တပ်ဆင်ထားတဲ့ အမေရိကန် ကလေးငယ် ဟာ အခြေအနေများ တိုးတက် ကောင်းမွန်လို့ ဘောပင် ဖြင့် စာရေး နိုင်နေပြီလို့ သိရပါတယ်။
လက်ရှိအချိန်မှာ အသက် ၁၀ နှစ်အရွယ် ရှိနေပြီဖြစ်တဲ့ ဇီယွန်ဟာဗေး ကို လွန်ခဲ့တဲ့ နှစ်နှစ်က လက်အသစ် နှစ်ဖက်ကို အစားထိုး တပ်ဆင်ခဲ့ရတာ ဖြစ်ပြီး ဆရာဝန်များက သူ့ရဲ့ တိုးတက်မှု အနေအထားအပေါ် အလွန် အမင်း ၀မ်းမြောက် ဂုဏ်ယူနေကြပါတယ်။

ဇီယွန် ဟာ သူ့ လက်နှစ်ဖက်နဲ့ စာရေးနိုင်၊ အစာစားနိုင်၊ အ၀တ်အစား ၀တ်ဆင်နိုင်ရုံ သာမက ဘတ်တံ ကိုတောင် ကိုင်နိုင်နေပါပြီ။
သူ့ရဲ့ လက်နှစ်ဖက်ကို အခြား အလှူရှင် တစ်ဦးထံမှ ရရှိခဲ့ပေမယ့် ဇီယွန် ရဲ့ ဦးနှောက်က ကိုယ်ပိုင်အင်္ဂါ အစိတ်အပိုင်းအဖြစ် အသိအမှတ်ပြုနေပြီလို့ ဆေးစစ်ချက်များအရ သိရပါတယ်။
ဖီလာဒဲဖီးယားကလေးဆေးရုံ မှ ဇီယွန် ကို ကုသပေးနေတဲ့ ဒေါက်တာ ဆန်ဒရာအမာရဲလ် က ကလေးငယ်ဟာ အခြေအနေ ဆက်လက် တိုးတက်ဖို့ ရှိကြောင်း ဘီဘီစီ ကို ပြောကြားခဲ့ ပါတယ်။
“ သူက ပိုမို ကောင်းမွန်တဲ့ ထိန်းညှိ လုပ်ဆောင်မှုနဲ့ ဘတ်တံကို ဝှေ့ယမ်း နိုင်ပြီး၊ သူ့နာမည်ကိုလည်း ရှင်းရှင်းလင်းလင်း ရေးသားနေနိုင် ပါပြီ။ ”
“ သူ့ရဲ့ အာရုံခံစားမှုက ဆက်လက် တိုးတက်လာပါတယ်။ ဒါဟာ အံ့အား သင့်စရာပါ ” “ အခုအချိန်မှာ သူဟာ သူ့အမေရဲ့ ပါးပြင်ကို ဆတ်ကနဲ ထိတွေ့ပြီး ခံစားနိုင်ပါပြီ ” ဒေါက်တာ အမာရဲလ် က သူ့ ဦးနှောက်ဟာ လက်နှစ်ဖက်ကို တာဝန်ယူ ထိန်းချုပ်ဖို့ ပြန်လည် သိမှတ်မှုများ ဆောင်ရွက် နေတဲ့ သက်သေများ တွေ့ရှိကြောင်း ပြောကြားခဲ့ပါတယ်။
ကုသပေးနေတဲ့ ဆရာဝန်အဖွဲ့ က ကလေးငယ်ရဲ့တိုးတက်မှုများကို The Lancet Child and Adolescent Health journal ဂျာနယ် မှာ ဖော်ပြခဲ့ပါတယ်။
ဇီယွန် ဟာ မွေးခါစတုန်းက လက်နှစ်ဖက် အစုံအလင် ရှိပေမယ့် အသက် နှစ်နှစ် အရွယ်မှာတော့ သူတို့ကို ဆရာဝန်များက ကုသမှုပြုလုပ်ရန် ဖြတ် ပစ်ခဲ့ရပါတယ်။
ဇီယွန် ရဲ့ပြောစကား အရဆို “ သား အသက် နှစ်နှစ်တုန်းက နေမကောင်းဖြစ်လို့ လက်တွေ ဖြတ်ပစ်ခဲ့ရတယ် ” လို့ ဖြစ်ပါတယ်။
ဇီယွန် မှာ ရောဂါပိုး ၀င်ခဲ့ပြီး အသက် အန္တရာယ်ရှိတဲ့ ကူးစက်မှု ဖြစ်ပါတယ်။
ဆရာဝန်တွေက သူ့လက်တွေကို လက်ကောက်ဝတ်မှ၊ သူ့ခြေတွေကို ဒူးအောက်ပိုင်း ဖြတ်ပစ်ခဲ့ရပါတယ်။
ဘာကြောင့်လည်းဆိုတော့ ခြေလက် တွေက သေနေခဲ့ပြီ ဖြစ်လို့ပါပဲ။
ကျောက်ကပ် လည်း အလုပ်မလုပ်တော့ ပါဘူး။အသက် လေးနှစ်အရွယ် နှစ်နှစ် ဆက်တိုက် အသက်လု ကုသ အပြီးမှာ ဇီယွန် ဟာ သူ့အမေ ပတ်တီရေး ရဲ့ ကျောက်ကပ် ကို အစားထိုးရယူပြီး အသက်ရှင်ခဲ့ရပါတယ်။
ဒီလိုနဲ့ နောက်ထပ် လေးနှစ်ကြာ အသက် ရှစ်နှစ်အရွယ် ရောက်တော့ လက်နှစ်ဖက်ကို ဘယ်လ်တီမိုး မှ ကလေး တစ်ဦးထံက လက်ခံရရှိခဲ့ပါတယ်။
ဆရာဝန်များ စိုးရိမ်နေသလို သူ့ ဦးနှောက်က အင်္ဂါအစိတ်အပိုင်းသစ်ကို ငြင်းပယ်လိုက်လေမလားဆိုတဲ့ ခြိမ်းခြောက်မှုဟာ သိပ်မတွေ့ရဘဲ ကျန်းမာရေး အခြေအနေ တိုးတက် ကောင်းမွန်နေတယ်လို့ သိရပါတယ်။
ဇီယွန် ရဲ့ ပြီးခဲ့တဲ့နှစ် ကျန်းမာရေးနဲ့ ပတ်သက်လို့ ဦးခေါင်းခွဲစိတ်ကုသတဲ့ ဆရာဝန် ဒေါက်တာ စကော့လီဗင် ကို မေးမြန်းခဲ့တဲ့အခါ “ သူ့ ဦးနှောက် က လက်တွေနဲ့ ချိတ်ဆက်နေပါပြီ။သူ့ ဦးနှောက်က သူ့လက်တွေကို လှုပ်ရှားဖို့ စေခိုင်းလို့ရနေပြီး သူတို့ ရွေ့လျားနေပါပြီ ” လို့ ပြောကြားခဲ့ပါ တယ်။
Thomas
Ref : BBC
ဝါရှင်တန်ဒီစီ၊ ဇူလိုင် - ၂၁
Credit opinion leaders media မှတင်ဆက်ပါသည်
.
.
.
.
နေ့စဉ်အမြဲမပြတ် တင်ဆက်ပေးနေတဲ့ စိတ်ဝင်စားဖို့ ကောင်းတဲ့ အကြောင်းအရာလေးတွေနဲ့ ဗဟုသုတရစရာလေး တွေကို မလွတ်တမ်း ဖတ်ရှုနိုင်အောင် Page ထဲဝင်ပြီး ★SeeFirst★ မလုပ်ရသေးရင် လုပ်ထားဖို့ လည်း မမေ့နဲ့အုံးနော် :D
.
သတင်းများ / အထွေထွေ ဗဟုသုတများ နှင့်
သုတရသ ကဏ္ဍ အစုံအလင်ကို ဝင်ရောက်ဖတ်ရူရန်
👇👇 ဒီနေရာတွင်နှိပ်ပါ 👇👇
နေ့စဉ်သတင်းနှင့်သုတရသအဖြာဖြာ 👈👈
နေ့စဉ်သတင်းနှင့်သုတရသအဖြာဖြာ 👈👈
👆👆👆👆👆👆👆👆👆👆