၅ မိနစ်စာ ဒါလေးဖတ်ပြီး တွေးကြည့်ပါ

shared by snowde on 20/07/17  -  phothutaw.com  -  Other
တစ်ခါက ဖခင်တစ်ဦးသည် အသက် (၁၅.၁၆)နှစ် ရှိနေပြီဖြစ်သော သားကို ယောက်ျားမပီသဟု ထင်ကာ အားမလိုအားမရ ဖြစ်နေသည်။ သားကိုယောက်ျား ပီသစေလို၍ ဆရာတစ်ဦးထံတွင် သွားရောက် အပ်နှံခဲ့သည်။ ဆရာက
“ခင်ဗျားသားကို ကျုပ်ဆီမှာ အပ်နှံထားတဲ့ ၃လ အတွင်းမှာ သူ့ကို ခင်ဗျား လုံးဝ လာမတွေ့ရဘူး။ သူ့ကို ၃လ အတွင်းယောက်ျား ပီသအောင် ကျွန်တော် လေ့ကျင့်ပေးမယ်” ဟုပြောခဲ့သည်။
၃လ လွန်သောအခါ ဆရာက ကရာတေးပြိုင်ပွဲ တစ်ခု ကျင်းပပေးပြီး ဖခင်ဖြစ်သူအား လာရောက် ကြည့်ရှုစေခဲ့သည်။

သားနှင့်အတူ ယှဉ်ပြိုင်သူမှာ နည်းပြဆရာဖြစ်ပြီး ဆရာက စတင် တိုက်ခိုက်သည်နှင့် သားမှာ တဘိုင်းဘိုင်း လဲကျနေတော့သည်။ သို့သော်သူသည် လဲကျရမှာ ချက်ချင်းပြန်ထပြီး ပြန်လည် တိုက်ခိုက်ရန် အသင့်အနေအထားကို ပြင်ထားလိုက်သည်။ သို့နှင့် ကြိမ်ဖန်များစွာ လဲကျလိုက် ပြန်ထလိုက်နှင့် သားဖြစ်သူကို တွေ့သောအခါ ဆရာက ဖခင်အား...
“ခင်ဗျားသား ယောက်ျားပီသဖို့ လိုသေးလား” ဟု မေးလိုက်သည်။
ဖခင်က “အရမ်းရှက်ဖို့ ကောင်းတယ်။ ကျွန်တော်မြင်တဲ့ သူ့ရဲ့ ၃လအတွင်း လေ့ကျင့်မှု ရလဒ်တွေက တခြားလူ ထိုးလိုက်တိုင်း လဲကျသွားတာပဲ”
“ပြိုင်ပွဲတခုရဲ့ အနိုင်နဲ့အရှုံးကိုပဲ ခင်ဗျားမြင်တာ ကျွန်တော် ၀မ်းနည်း တယ်ဗျာ။
ခင်ဗျားသား လဲကျပြီး ချက်ချင်း ပြန်ထလာတဲ့ အင်းအားနဲ့ စိတ်ဓာတ်ကို ခင်ဗျားမမြင်ခဲ့ဘူး။ ဒါမှ ယောက်ျား တကယ်ပီသတယ်လို့ ခေါ်တာပါ”


ပြန်ထလာတဲ့ အရေအတွက်ဟာ လဲကျသွားတဲ့ အရေအတွက်ထက်
တစ်ကြိမ်ပိုခဲ့ရင် အောင်မြင်ပြီ။

(၂)
တစ်ခါက လူတစ်ဦးသည် အိပ်မက်ထဲတွင် အိမ်ကြီးတစ်အိမ်သို့ ရောက်လာသည်ဟု မက်လေသည်။ အိမ်ကြီး၏ ပထမထပ်တွင် စားပွဲရှည်တစ်လုံးရှိပြီး စားပွဲပေါ်တွင် စားသောက်ဖွယ်ရာများ တည်ခင်းထားသည်။ စားပွဲ ပတ်ပတ်လည်တွင်
လူများ ထိုင်နေကြသည်။ သို့သော် တစ်စုံတစ်ယောက်မှ စားပွဲပေါ်ရှိစားစရာများအား ယူမစားကြပေ။ အကြောင်းမှာ
ထိုလူတို့၏ တစ်တောင်ဆစ်များသည် ကွေး၍မရအောင် ကျိန်စာသင့် ထားသောကြောင့်ဖြစ်သည်။ စားကောင်း သောက်ဖွယ်များကို မြင်သာမြင်ပြီး မစားရ၍ စိတ်ပျက်ကာ ထိုင်နေကြသော သူများဖြစ်သည်။
သို့သော် ဒုတိယထပ်တွင်မှု ပန်းကန် ခွက်ယောက်သံများ၊ ရယ်သံများဖြင့် စည်ကား နေသည်ကို သူကြားလိုက်မိသည်။
ဒုတိယထပ်သို့ သူ တက်ကြည့်သောအခါ ပထမထပ်နည်းတူ လူများက တစ်တောင်ဆစ် ကွေးလို့ မရကြပေ။ သို့သော်
အစားအစာများကို သူတို့ မြိန်ယုက်စွာ စားနေကြသည်။ အကြောင်းမှာ ကွေးမရသောလက်ဖြင့် မျက်နှာချင်းဆိုင်ထိုင်နေသောသူကို တစ်ယောက် တစ်လှည့်စီ ခွံ့နေကြသောကြောင့် ဖြစ်သည်။


ကိုင်းကျွန်းမှီ ကျွန်းကိုင်းမှီ ဟုသော စကားအတိုင်း လူတိုင်းသည် ပတ်ဝန်းကျင်ကို မမှီခိုဘဲ
တစ်ဦးတည်း ထီးထီးရပ်တည်၍မရပါ။
ကူညီမည့်လက်ကို သင်က အရင်ဆန့်ထုတ်လျှင် သင့်ပတ်ပတ်လည်တွင်
သူငယ်ချင်းများ ပေါများလာမည်ကို သတိပြုမိလိမ့်မည်။
ဘ၀ဆိုသော လမ်းကို လျှောက်လှမ်းရာတွင် စိတ်တူကိုယ်တူ ကူညီဖေးမမည့်
သူငယ်ချင်းများစွာ လိုအပ်လှသည်။

(၃)
တစ်ခါက လူတစ်ဦးသည် ဘူတာတစ်ခုရှေ့ အဖြတ်တွင် ချိုချဉ်၊ သကြားလုံးများရောင်းနေသော ကိုယ်လက် မသန်စွမ်းသော ပျံကျဈေးသည် တစ်ဦးကို တွေ့လေသည်။ သူသည် ထိုလူအား ရာတန်တစ်ရွက် ချပေးပြီး ဖြတ်ကျော်သွားသည်။
သို့သော် တစ်နေရာ အရောက်တွင် နောက်ကြောင်းပြန်လှည့်လာပြီး
“ဆောရီးဗျာ.ခင်ဗျားက စီးပွားရေးသမား တစ်ယောက်ပါ။ ကျွန်တော်က သူတောင်းစားထင်လို့ဗျာ တောင်းပန်ပါတယ်”
ဟု အားနာစွာ ဆိုသည်။ သို့နှင့်အချိန်များ ကုန်လွန်ပြီး တစ်နေ့တွင် သူသည် ထိုဘူတာသို့ ရောက်သွားပြန်သည်။ ဆိုင်တစ်ဆိုင်မှာ သူဌေးက သူအားပြုံးပြပြီး လက်ပြ နုတ်ဆက်လေသည်။
“ခင်ဗျားကို ထပ်တစ်ခေါက် ပြန်တွေ့ဖို့ ကျွန်တော် အရမ်း မျှော်လင့်ခဲ့တယ်” မသန်စွမ်းသောသူက ဆိုသည်။
“ကျွန်တော်ကို စီးပွားရေးသမား တစ်ယောက်အဖြင့် သတ်မှတ်ခဲ့တာ ခင်ဗျားဟာ ပထမဦးဆုံးပါ။
ကြည့်..အခုဆိုရင် ကျွန်တော်ဟာ ကိုယ်ပိုင်ဆိုင်လေး တစ်ဆိုင် ပိုင်ဆိုင်နိုင်ခဲ့ပြီ”


လူတစ်ဦးကို အကဲခတ်ရာတွင် မိမိကြည့်သော ရှုထောင့်ကိုလိုက်၍
ထိုလူ၏ ပုံသဏ္ဍာန်မှာ အမျိုးမျိုး ကွဲပြားနိုင်သည်။တစ်ဦးအပေါ်တစ်ဦး လေးစားစိတ်၊ မေတ္တာစိတ်များ ထားလျှင်နောက်ဆက်တွဲ၏ ရလဒ်မှာ ကောင်းကျိုးများပင်ဖြစ်နိုင်သည်။
(၄)
တစ်ခါက ဆရာတစ်ဦးသည် စာရွက်ဖြူပေါ်တွင် အမဲစက် တစ်စက်ချပြီး ကျောင်းသားများအား ဘာမြင်ကြသလဲ ဟုမေးသည်။
ကျောင်းသားများက “အမဲစက်ကိုမြင်တယ် ဆရာ” ဟု ပြန်ဖြေကြသည်။ ဆရာက ထပ်မေးသော်လည်း အဖြေမှာ အမဲစက်သာဖြစ်သည်။
ဆရာက တအံတသြဖြင့် “အဖြူထည်ကြီး တစ်ခုလုံးကို မမြင်ကြဘဲ ဘာလို့ ဒီအမဲစက်ကိုမှ မြင်ကြရသလဲ” ဟုပြောသည်။


လူတိုင်းတွင် အားနည်းချက် ကိုယ်စီ ရှိကြသည်။
သို့သော် တစ်ခါတရံ ကျွန်တော်တို့သည် သူတစ်ပါး၏ အားနည်ချက် (အမဲစက်)ကိုသာ မြင်ပြီး
သူတို့၏ နဂိုရှိရင်း အားသာချက်(အဖြူထည်) များကို လျှစ်လျှူရှုမိတတ်ကြသည်။


(၅)
ရွာတစ်ရွာတွင် တန်ခိုးကြီးသော ဘုရားတစ်ဆူရှိသည်။ ဆုတောင်းတိုင်းပြည့်သည်ဟုဆို၏။ တစ်ခါက ခြေတစ်ဘက်ကျိုးနေသော လူတစ်ဦးသည် ထိုရွာသို့ ရောက်ရှိလာသည်။ ရွာသားများက“သနားစရာပါလား ခြေထောက်တစ်ဘက်ပြန်ရဖို့ လာဆုတောင်းတယ် ထင်တယ်”ဟု တီးတိုး ဝေဖန်ကြသည်။ ထိုလူကြားသော် “ဘုရားမှာနောက်ထပ်ခြေအသစ်ရဖို့
ကျွန်တော် လာဆုတောင်းတာ မဟုတ်ပါဘူး။ ခြေထောက်တစ်ဘက် မရှိတော့တဲ့ နောက်ပိုင်းဘ၀ကို ဘယ်လိုရင်ဆိုင်ရမလဲဆိုတာ ကူညီလမ်း ညွှန်နိုင်ဖို့ လာဆုတောင်းတာပါ”


ဖြစ်ပျက်တတ်သော လောကဓံတရားကို လက်ခံတတ်ရန်ဖြစ်သည်။
ဆုံးရှုံးသွားသောအရာကို မတောင့်တနေဘဲ ရှိတာလေးနှင့် သင့်တင့်နေတတ်ရန်ဖြစ်သည်။
(၆)
(၁၇)ရာစုက ဖြစ်သည်။ ဒိန်းမတ်နှင့် ဆွီဒင်တို့ စစ်ဖြစ်ကြရာ ထိုစစ်ပွဲတွင် ဒိန်းမတ်နိုင်လေသည်။ စစ်ပွဲပြီးဆုံးသော် အနားယူချိန်တွင် ဒိန်းမတ်စစ်သည် တစ်ဦးက ရေဘူးကိုထုတ်ပြီး ရေသောက်ရန်လုပ်နေစဉ် ရုတ်တရက် ညည်းညူသံတစ်ခုကို
ကြားလေသည်။ သွားရောက် ကြည့်ရှူသော် ဒဏ်ရာရထားသော ဆွီဒင်စစ်သည်တစ်ဦးဖြစ်ပြီး သူ၏ရေဘူးကိုသာ အငမ်းမရ ကြည့်နေလေသည်။ ထိုအခါ ဒိန်းမတ်စစ်သည်က ရေဘူးကိုဖွင့်ပြီး ရေတိုက်ရန်အနားသို့ အကပ်တွင် ဆွီဒင်စစ်သည်က ဓားထုတ်ပြီး အလစ်တွင် လုပ်ကြံလေသည်။ အရှောင်မြန်၍သာ သက်သာရာ ရတော့သည်။
“အော် မင်းက ငါ့ကိုလုပ်ကြံချင်နေတာကိုး... အစက ရေတစ်ဘူးလုံး ပေးမလို့ပဲ အခုတော့ တစ်ဝက်ပဲ ချန်ပေးခဲ့မယ်” ဟု
ဆိုလေသည်။ ထိုအဖြစ်အပျက်ကို ဘုရားမင်းမြတ်က သိသော် ထိုသူအား ဘာကြောင့် ရန်သူစစ်သည်အား မသတ်ဘဲရေဘူးတစ်ဝက်ပေးကာ ထားခဲ့ရသလဲဟု ခေါ်ယူမေးမြန်းလေသည်။ ထိုအခါ စစ်သည်က “ဒဏ်ရာရထားသော သူကိုအကျွန်ုပ် မသတ်လိုပါ” ဟု ပြန်ဖြေလေသည်။

ကျွေးသောလက်ကို ပြန်ကိုက်သော၊ ကျေးဇူးရှင်ကို ကျေးဇွတ်သော ထိုသူများကို
ခွင့်လွတ်နိုင်ခြင်းသည် အမွန်မြတ်ဆုံးသော ခွင့်လွတ်ခြင်းပင်ဖြစ်သည်။

သူငယ်ချင်းများ ပျော်ရွှင်ကြပါစေ...။

ဖိုးသူတော်
Credit: Free Times