တေးသံရှင် ငဲငယ်လေးနှင့် တွေ့ဆုံခြင်း

ဂီတအကြောင်း သောင်းပြောင်းထွေလာ added 25 new photos.

တေးသံရှင် ငဲငယ်လေးနှင့် တွေ့ဆုံခြင်း
Iron Cross တီးဝိုင်းရဲ့ ပင်တိုင်ဂီတာတီးခတ်သူ ချစ်စမ်းမောင်ကို ဂီတကိုချစ်မြတ်နိုးသူတိုင်း သိရှိအားပေးကြမှာပါ။ လက်ရှိအချိန်မှာတော့ ဂီတာချစ်စမ်းမောင်ရဲ့ မျိုးဆက်သစ်တစ်ဦးဖြစ်တဲ့အပြင် Iron Cross တီးဝိုင်းရဲ့ လူငယ်မျိုးဆက်သစ် တစ်ဦးက ထွက်ပေါ်လို့လာခဲ့ပါတယ်။ ဂီတာ ချစ်စမ်းမောင်ရဲ့ သမီးဖြစ်သူ ငဲငယ်လေးက အသက်သုံးနှစ်ခွဲအရွယ်က စတင်ပြီး သီချင်းဆိုဝါသနာပါခဲ့သူပါ။ ရော့ခ်ဂီတကို ခုံမင်နှစ်သက်သူ ငဲငယ်လေးက မေလအတွင်းမှာ အိပ်မက်နဲ့စိတ်ဓာတ်လို့ အမည်ပေးထားတဲ့ တစ်ကိုယ်တော်တေးစီးရီးခွေကို စတင်ထွက်ရှိခဲ့ပါတယ်။ ဂီတာတီးခတ်ရာမှာလည်း ကျွမ်းကျင်သူတစ်ဦးဖြစ်သလို ရော့ခ်သံစဉ်တေးသွားများနဲ့ တေးသီချင်းတွေကိုလည်း ပိုင်နိုင်ကျွမ်းကျင်စွာ သီဆိုတတ်သူတစ်ဦးအနေနဲ့ ပရိသတ်ရှေ့မှောက်ရောက်ရှိလာတဲ့ လူငယ်တေးသံရှင် ငဲငယ်လေးကို ဂီတနဲ့ပတ်သက်လို့ ရူးသွပ်ခုံမင်မှု၊ ကြိုးစားအားထုတ်မှုများနဲ့ ရှေ့ဆက်လုပ်ဆောင် သွားမယ့်အရာတွေနဲ့ ပတ်သက်လို့လည်း မေးမြန်းဖြစ်ခဲ့ပါတယ်။

■ မေး - အသက်သုံးနှစ်ခွဲလောက်ကတည်းက သီချင်းတွေဆိုခဲ့တာလို့ သိရပါတယ်။ ငယ်စဉ်ကလေးဘ၀တည်းက ရှိနေခဲ့တဲ့ ဂီတနဲ့ပတ်သက်တဲ့ အိပ်မက်တွေ အကြောင်းကို အရင်ဆုံးပြောပြပေးပါဦး။
ဖြေ - ငယ်လေးက ငယ်ငယ်ကတည်းက ပါးပါးတို့ရှိုးရှိရင် တကောက်ကောက် လိုက်သွားတာပဲလေ။ မလိုက်ရရင်ကို မကျေနပ်ဘူးလေ။ သီချင်းဆိုရင်လည်း ရော့ခ်သီချင်းသံကြားမှ အိပ်ပျော်တာဆိုတော့လေ ငယ်ငယ်ကတည်းကကို သီချင်းတွေ၊ ဂီတသံစဉ်တွေနဲ့ ပျော်မွေ့ခဲ့တာလို့ ပြောလို့ရပါတယ်။
■ မေး - သီချင်းဆိုဝါသနာပါရင်းကနေပဲ ဖခင်ဖြစ်သူဆီက ဂီတာတီးခတ်မှုကို လေ့လာသင်ယူဖြစ်တဲ့ အကြောင်းကရော။
ဖြေ - ငယ်ငယ်ကတည်းက ဂီတာနဲ့က အထိအတွေ့ရှိတော့လေ ကော့ဒ်တွေဘာတွေ မတီးတတ်ခင်ကတည်းက ဂီတာစောင်းကြိုးတွေထိပြီး တီးနေတာမျိုးတွေ ရှိတယ်လေ။ ပါးပါးတီးတာကို အမြဲမြင်နေတာတွေလည်းရှိတော့ ဂီတာတီးတာကို အရင်သင်ယူဖြစ်ခဲ့တာ။ သီချင်းဆိုတာကတော့ ငယ်ငယ်ကတည်းက ၀ါသနာပါတယ်။ ဘုရားကျောင်းမှာ သူများတွေသီချင်းဆိုဖို့ စင်ပေါ်တက်သွားရင် ငယ်လေးလည်း လိုက်တက်သွားတာပဲ။ ပြီးရင် သီချင်းမရရင်တောင် ပါးစပ်ကလိုက်လှုပ်နေတာပေါ့နော်။ ပြောရရင်တော့ ဂီတာတီးတာရော၊ သီချင်းဆိုတာရောက အရမ်းဝါသနာပါတဲ့ အရာတွေလို့ ပြောလို့ရပါတယ်။
■ မေး - ရောခ့်ဂီတကို စွဲစွဲလမ်းလမ်း ရူးသွပ်တယ်လို့ ပြောဖူးတယ်နော်။
ဖြေ - ငယ်လေးစိတ်ညစ်နေတဲ့ အချိန်ဆိုရင်လည်း ရော့ခ်သီချင်းနဲ့ပဲ ဖြေသိမ့်လိုက်တာပဲ။ ပျော်ရွှင်နေတဲ့ အချိန်ဆိုရင်လည်း ရော့ခ်သီချင်းတွေနဲ့ပဲ ပျော်လိုက်တာများတယ်။ ငယ်လေးရဲ့စိတ်ဖြေရာတစ်ခုက ရော့ခ်သီချင်းတွေလို့လည်း ပြောလို့ရတာပေါ့နော်။ သီချင်းအမျိုးအစားအားလုံးကို ကြိုက်ပေမယ့် ရော့ခ်သီချင်းတွေကိုတော့ ရူးသွပ်စွာစွဲလမ်းတယ်လို့ ပြောလို့ရပါတယ်။
■ မေး - ဆယ်ကျော်သက်အရွယ်ထိ ဖြတ်သန်းလာခဲ့တဲ့ တစ်လျှောက်လုံးမှာ ဂီတပတ်ဝန်းကျင်မှာ ကြီးပြင်းစေခဲ့တဲ့အတွက် ကိုယ့်ရဲ့ဝါသနာကို ဘယ်လိုအထောက်အပံ့တွေ ဖြစ်စေခဲ့သလဲ။
ဖြေ - ငယ်စဉ်ကလေးဘ၀ကနေ အခုချိန်ထိကို ဂီတပတ်ဝန်းကျင်မှာ ဖြတ်သန်းခွင့်ရခဲ့တဲ့ အခါကျတော့ အတွေ့အကြုံတွေ အများကြီး ရပါတယ်။ အထူးသဖြင့်တော့ စင်ကြောက်တဲ့စိတ်မရှိဘူး။ ကိုယ့်ကိုယ်ကိုယ်ယုံကြည်မှုလည်း နည်းနည်းပိုရှိတယ်လို့ ထင်တယ်လေ။ အဲဒါ တစ်ခုကတော်တော်လေး အားသာပါတယ်။
■ မေး - ပထမဆုံး တစ်ကိုယ်တော်ခွေထုတ်မယ်လို့ စိတ်ကူးတဲ့အချိန်မှာ သီချင်းရွေးချယ်မှုကအစ ဘယ်လိုရွေးချယ်ဖြစ်ခဲ့လဲ။
ဖြေ - အခွေထုတ်ဖို့ကတော့ ငယ်လေး လူမှန်းသေချာသိတတ် ကတည်းကပေါ့။ ခြောက်နှစ်သမီးလောက် ကတည်းက အခွေထုတ်ချင်တဲ့ စိတ်ကူးရှိခဲ့တယ်။ ဒါပေမယ့် ဂီတကို သိပ်အာရုံမစိုက်ဖြစ်ဘူးပေါ့နော်။ လွန်ခဲ့တဲ့ သုံးနှစ်လောက်က စတင်ပြီး အခွေထုတ်ချင်တဲ့ စိတ်ကပြန်ဖြစ် လာတယ်။ ဒါကြောင့် အခုနှစ်ဇန်န၀ါရီလလောက်မှာ သေချာပြန်ပြီး ပြင်ဆင်ဖြစ်တယ်။ သီချင်းတွေကတော့ ငယ်ငယ်ကတည်းက လုပ်ခဲ့တာတွေလည်းရှိတယ်။ တေးရေးဆရာတွေဆီက သီချင်းတွေကို ငယ်လေးဆိုချင်တယ်ဆိုပြီး တောင်းတာမျိုးတွေလည်း ရှိတယ်။ ရလာတဲ့သီချင်းတွေကို ပါးပါးနဲ့နှစ်ယောက် ငါးကြိမ်ခြောက်ကြိမ်လောက် နားထောင်ပြီးတော့မှ ပြန်ဆိုကြည့်တယ်။ ပြီးမှ ရွေးဖြစ်ပါတယ်။
■ မေး - အိပ်မက်နဲ့ စိတ်ဓာတ်အခွေအတွက် ပြင်ဆင်ခဲ့ရတဲ့အချိန်မှာ အဓိကကြုံရတဲ့ စိန်ခေါ်မှုဆိုရင်ရော ဘာတွေဖြစ်မလဲ။
ဖြေ - အခက်အခဲကတော့ ရှိပါတယ်။ ငယ်လေး ဒီအခွေထွက်လာတော့ အားလုံးက အံ့အားသင့်ကြတယ်။ ဒီလောက်မြန်မြန်လုပ်နိုင်မယ်လို့ မထင်ကြဘူး။ ပါးပါးကလည်း ဒီနှစ်မှာ လုံးဝမအားဘူး။ အခွေအတွက် လိုအပ်တာအားလုံးကို တစ်ယောက်တည်း ပြင်ဆင်ရတယ်။ သီချင်းတွေရွေးရတယ်။ ဆင်ဆာတင်ဖို့တွေ၊ အခွေကာဗာအတွက် ပြင်ဆင်ရတာတွေ အားလုံးကို တစ်ယောက်တည်းလုပ်ရတဲ့ အခါကျတော့ တော်တော်လေး ခက်ခဲပါတယ်။ ငယ်လေးအတွက် သွားရလာရတာကအစ တစ်ယောက်တည်း ကြိုးစားပြီး လုပ်ခဲ့ရပါတယ်။ အခွေတစ်ခွေဖြစ်ဖို့ တော်တော်လေး ခက်ခဲမှန်းလည်း သိရတယ်။ အများကြီး ကြိုးစားပြီး လုပ်ခဲ့ရပါတယ်။
■ မေး - အိပ်မက်နဲ့စိတ်ဓာတ် အခွေထဲက အမှတ်တရ သီချင်းဆိုရင်ရော ဘယ်သီချင်းကို ရွေးချယ်ချင်လဲ။
ဖြေ - သီချင်းကတော့ အမှန်အတိုင်းပြောရရင် အားလုံးကိုကြိုက်တယ်။ အဲဒီထဲကမှ ပရိသတ်တွေဆီက ကြိုက်တယ်ဆိုပြီး ပြန်ကြားရတဲ့ သီချင်းလေးတွေဖြစ်တဲ့ ဆောရီးရယ်၊ စနေနဲ့တနင်္ဂနွေ၊ အလွမ်းမြို့သူ၊ ကျေနပ်ပါတယ်။ နှစ်ယောက်ကမ္ဘာဆိုတဲ့ သီချင်းလေးတွေကိုတော့ ပရိသတ်တွေက ကြိုက်တယ်လို့ ပြောကြပါတယ်။
■ မေး - မိခင်အတွက် ရည်ရွယ်တဲ့သီချင်းကို ထည့်ဖြစ်တဲ့ ရည်ရွယ်ချက်ကရော။
ဖြေ - အမေ့ကျေးဇူးဆိုတဲ့ သီချင်းလေးကတော့ ငယ်ငယ်ကတည်းက ရှိခဲ့တဲ့သီချင်းလေးပါ။ ငယ်ငယ်ကတည်းက ဒီသီချင်းလေးရခဲ့တဲ့အတွက် အရမ်းလည်းဝမ်းသာမိတယ်။ သီချင်းလေးက မိခင်တွေအတွက် ရည်ရွယ်ထားတဲ့ သီချင်းလေးလည်းဖြစ်တော့ အမှတ်တရလည်း ဖြစ်ပါတယ်။
■ မေး - အခွေထွက်လာတဲ့အခါ ဖေဖေ့ဆီက ဝေဖန်မှုနဲ့ Iron Cross အဖွဲ့သားတွေဆီက ဘယ်လိုမှတ်ချက်စကားတွေကြားရလဲ။
ဖြေ - ပါးပါးဆီကရော Iron Cross တီးဝိုင်းက ဦးလေးတွေဆီကပါ ကြားရတဲ့စကားက တစ်လေသံတည်းပဲ ပြန်ကြားခဲ့ရတယ်။ ကောင်းပါတယ်ပေါ့။ အားပေးတယ်။ ဆက်ကြိုးစားပါပေါ့။ နောက်ထွက်မယ့် အခွေကို အခုထက် ပိုပြီးကြိုးစားဖို့ပေါ့။ အဲဒီလိုတော့ ပြောပါတယ်။
■ မေး - ပရိသတ်တွေဆီက တုံ့ပြန်မှုတွေအပေါ်မှာရော ကျေနပ်လား။
ဖြေ - အခုချိန်ထိ ပြန်ကြားရတာတွေကတော့ ကျေနပ်ဖို့ကောင်းပါတယ်။ Facebook ကနေပြီးတော့ အခွေလေး ဓာတ်ပုံရိုက်ပြီး ပို့ပေးတာတို့၊ အရမ်းကောင်းတယ်ဆိုပြီး ချီးကျူးတာတို့ ရှိပါတယ်။ ငယ်လေး အရမ်းပျော်ပါတယ်။
■ မေး - Music Video ထွက်ဖို့ရော အစီအစဉ်ရှိလား။
ဖြေ - ရှိပါတယ်။ Music Video အမြန်ဆုံးထွက်ဖို့ အစီအစဉ် ရှိပါတယ်။ နောက်လထဲ ဒါမှမဟုတ် အခုလလယ်လောက်ကို စရိုက်ဖြစ်မှာပါ။ မိုးတွင်းလည်းဖြစ်နေတော့ ရိုက်ကူးရေး စီစဉ်ရတာ နည်းနည်းခက်တယ်လေ။ ဒါကြောင့်နည်းနည်း ကြာနေတာပါ။
■ မေး - သင်္ကြန်တုန်းက မန္တလေးမှာ Iron Cross တီးဝိုင်းနဲ့အတူ ဖျော်ဖြေခဲ့တာ တွေ့ရတယ်။ နောက်ပိုင်းရော Iron Cross ပွဲတွေမှာဆိုဖို့ အစီအစဉ်မျိုးရှိမလား။
ဖြေ - ရှိုးကတော့ ဆိုဖို့ခေါ်တဲ့သူရှိရင် ဆိုမှာပါ။ IC နဲ့ အမြဲတမ်း ဆိုဖို့ဆိုတာမျိုးတော့ မရှိသေးဘူး။ တစ်ခါတလေ အစီအစဉ်မရှိဘဲ တက်ဆိုရတာမျိုးလည်းရှိတော့ မပြောတတ်သေးဘူး။
■ မေး - ဂီတနဲ့ပတ်သက်လို့ ကိုယ်လုပ်သွားမယ့် လမ်းကြောင်းကို ဘယ်လိုသတ်မှတ်ထားလဲ။
ဖြေ - ငယ်လေးဂီတကို တကယ်ဝါသနာပါတယ်။ ငယ်ငယ်ကတည်းက ဖြတ်သန်းခဲ့တဲ့ နေ့စဉ်တိုင်းမှာ ဂီတနဲ့အတူ ဖြတ်သန်းလာခဲ့တာပေါ့နော်။ နောက်ပိုင်းကိုလည်း ဂီတအလုပ်တွေနဲ့ပဲ ဖြတ်သန်းချင်ပါတယ်။ သီချင်းတွေဆိုမယ်။ ဂီတာတီးမယ်။ အခုထက် ပိုပြီးတော့လည်း ကြိုးစားသွားမှာပါ။
■ မေး - ပရိသတ်ကို ပြောချင်တဲ့ စကားလက်ဆောင်လေးရှိရင် ပြောပေးပါဦး။
ဖြေ - ငယ်လေးဒီအခွေလေးကို စိတ်ရင်းနဲ့ စိတ်ကိုတကယ်နှစ်ပြီး ကြိုးစားထားတဲ့အခွေလေး ဖြစ်ပါတယ်။ ဒီအခွေလေးကို နားထောင်ပြီး အားပေးဝေဖန်ပေးကြတဲ့ ပရိသတ်တွေ အားလုံးကိုလည်း ကျေးဇူးအများကြီးတင်ပါတယ်။ နားမထောင်ရသေးတဲ့ ပရိသတ်တွေရှိရင်လည်း နားထောင်ပြီးတော့ ဝေဖန်ပေးကြပါဦးလို့ ပြောချင်ပါတယ်။
Writer:
လင်းလင်းခိုင်
Copyright © 2015 Eleven Media Group Co., Ltd
ကျေနပ်ပါတယ် - ငဲငယ်လေး Lyrics Video
http://www.mediafire.com/…/Kyay+Nat+Par+Tal+Lyrics+Video.mov
ကျေနပ်ပါတယ် - ငဲငယ်လေး
http://www.mediafire.com/…/198a9jo7…/13+Kyay+Nat+Par+Tal.m4a
တို့နှစ်ယောက်ကမ္ဘာ - ငဲငယ်လေး ft. စောထက်နိုင်စိုး
http://www.mediafire.com/…/တို့နှစ်ယောက်ကမ္ဘာ+-+ငဲငယ်လေး+ft.…
အိပ်မက်နဲ့စိတ်ဓါတ် - ငဲငယ်လေး
http://www.mediafire.com/…/အိပ်မက်နဲ့စိတ်ဓါတ်+-+ငဲငယ်လေး.mp3
အမေ့ကျေးဇူး - ငဲငယ်လေး
http://www.mediafire.com/…/gg28k…/အမေ့ကျေးဇူး+-+ငဲငယ်လေး.m4a
အင်တာဗျူးက Eleven ကဖြစ်ပြီး သီချင်းလင့်ခ်တွေက ငဲငယ်လေးပေ့https://www.facebook.com/ngengallaymusic/ က ယူလာတာပါ။
Scanned by Loudspeaker