ဒေါ်အောင်ဆန်းစုကြည် ရေလိုက်လွဲနေသလား

Lynn Zarni‎2015 Demo Pa Yit

 

ဒေါ်အောင်ဆန်းစုကြည် ရေလိုက်လွဲနေသလား

အခု ထိုင်းမှာဖြစ်နေတဲ့ ဝင်းနဲ့ဇော်အမှုနဲ့ ပတ်သတ်ပြီး ဒေါ်အောင်ဆန်းစုကြည် အပေါ်
ပြည်သူလူထုဆီက စကားသံနှစ်မျိုးထွက်လာပါတယ်။ တခုက ဒေါ်စုအပေါ်အားကိုး
မျှော်လင့်တဲ့ အားမလိုအားမရ မချိတင်ကဲ အသံဖြစ်ပြီး ၊ နောက်တခုက ဒေါ်စုကိုနိုင်ငံရေးအပုတ်ချ ချောက်ချချင်တဲ့လှည့်ကွက်အသံပါ ။

ဒီနေရာမှာ ကျနော်တို့ ဒေါ်စုရဲ့ရပ်တည်ချက် သမိုင်းကြောင်းကိုပြန်ကြည့်စေချင်ပါတယ် ။

ဒေါ်စုကို ရွေးကောက်ပွဲမတိုင်ခင်ကတည်းက ရခိုင်မှာ ပြဿနာဖြစ်တယ် ဘာမှလုပ်မပေးလို့ ။
လက်ပံတောင်းတောင်မှာ ဖြစ်တယ် ဘာမှလုပ်မပေးလို့ ။
ဒေါ်ခင်ဝင်း ၊ ကိုပါကြီး တို့အသတ်ခံရတယ် ဘာမှရပ်တည်မပေးလို့ ။
ဒါ့ထက် လက်ပံတန်းကျောင်းသားဆန္ဒပြမှုအကြမ်းဖက်မှုတွေ ၊ မတရားဖမ်းဆီးခံရတာတွေကို မလုပ်ပေးလို့ ။
မြစ်ဆုံစီမံကိန်းဝင်မရပ်ပေးလို့ ။
ကချင်မှာ စစ်ဖြစ်တယ် ငြိမ်းချမ်းအောင်မလုပ်ပေးလို့။

ဆိုပြီး အမှုကိစ္စတက်တိုင်း ဒေါ်စုကိုယုံကြည်သူတွေက အမေသာပြောပေးရင်၊ပါပေးရင်ဆိုပြီး မချိတင်ကဲမျှော်လင့်ခဲ့ကြသလို ၊ တဖက်ကလော်ဘီတွေကလည်း နိုဘယ်ဆုရှင်ကြီးဘာလုပ်နေလဲဆိုတာမျိုးတွေနဲ့ နိုင်ငံရေးသွေးခွဲဖို့အစဉ်အမြဲချောင်းနေတာပါ ။ ဥပမာ ရဲမိုးတို့လို ကောင်မျိုးတွေနဲ့နောက်လိုက် အာဏာရှင်အရိုးကိုက်စစ်ခွေးတွေကအမြဲချောင်းနေတာပါ ။

သို့သော် ဘယ်သူတွေဘာပဲပြောပြော ဒေါ်စုဟာ တိုင်းပြည်အတွက်အကောင်းဆုံးနဲ့အလုပ်သင့် ဆုံးအမှန်ဆုံးလမ်းတွေကြီးရွေးလျှောက်သွားခဲ့တာပါ ။

အမေစုကွလို့သွားမြှောက်ပေးလို့လည်း မြောက်ပြီး ထင်ရာလျှောက်လုပ်မှာမဟုတ်သလို ။
မလုပ်ပေးလို့သွားဆဲနေလို့လည်း မထောက်ခံမှာကြောက်ပြီး တောင်းဆိုတာလုပ်ပေးမှာမဟုတ်ပါဘူး ။

ဒေါ်စုကိုထင်ရာပြော ၊ ဝေဖန်ပြီးဦးနှောက်သေးသေးလေးတွေနဲ့လိုက်တွက်ချက်တိုင်း အလွဲကြီးတွေလွဲတာကြီးပါပဲ ။ သမိုင်းကြောင်းတလျှောက်ကသက်သေပြနေပြီးပါပြီ ။ နောက်တချက်ဒေါ်စုလုပ်လိုက်လို့ တိုင်းပြည်နှစ်နာခဲ့တာတချက်မှမရှိသေးပါဘူး ။

နောက်အများနဲ့သဘောထားကွဲလွဲနိုင်တဲ့ ဒေါ်စု
အပေါ်ကျနော့်ခံယူချက်က....

ဒေါ်စုကို အကြောင်းကိစ္စ အစုံအတွက် ပါဝါကုန်သုံးပြီးမလုပ်စေချင်ပါဘူး ။ ဒေါ်စုပါဝါကို နေရာနှစ်မျိုးမှာပဲ သုံးစေချင်ပါတယ် ။

(၁) ပျက်ဆီးနေတဲ့ တိုင်းပြည်ကိုပြန်လည်တည်ဆောက်တဲ့နေရာ

ဒီကိစ္စကတော်တော်ကိုခက်ခဲနေဆဲအခြေအနေပါ ၊ လက်ရှိအာဏာလွှဲပေးဖို့ လိုနေသေးသလို ၊ နောက်လက်ကျန်သုံးလအတွင်းအကျင့်ယုတ်ပြီးပြဌာန်းဖို့ကြိုးစားနေတဲ့ ကာလုံဥပဒေတွေ၊အခွန်ဥပဒေတွေဟာ တိုင်းပြည်စီးပွားရေးနဲ့နိုင်ငံရေးကိုချောက်ထဲဆွဲချနေတဲ့ပုံစံတွေဖြစ်နေပြန်ပါတယ် ။ နောက်အဖက်ဖက်ကယို့ယွင်းနေတဲ့ အစိတ်အပိုင်းကဏ္ဍတွေကို ပြုပြင်ဖို့ထက် ယိုင်နေတာလေးကိုတည့်ဖို့တောင် အများကြီးပြုပြင်ပြင်ဆင်ရမယ့်အခြေအနေအကြပ်အတည်းကြီးကိုလည်းမြင်စေချင်ပါတယ် ။

(၂) ဒေါ်စုအလွန်နိုင်ငံရေးအတွက်

ဒီကိစ္စကတော်တော်များများစဉ်းစားကြမယ်မထင်ပါဘူး ။ ကျနော်ကိုမေးရင်တော့အဲ့အခြေအနေကိုအစိုးရိမ်ဆုံးပဲလို့ပြောပါရစေ ။ ဘာဖြစ်လို့လဲ
ဒေါ်စုဟာ အသက်နဲ့လူသားပါ ၊ Natural resource မဟုတ်သလို Immortal လည်း မဟုတ်ပါဘူး ။ အခုပဲအသက်အရွယ်အတော်လွန်နေတဲ့ အဘွားအိုတယောက်ဖြစ်နေတယ်ဆိုတာ အားလုံးစိတ်ထဲသတိတချက်ဝင်စေချင်ပါတယ် ။ ဒေါ်စုလုပ်နိုင်တဲ့ နိုင်ငံရေးကာလဟာအချိန်အပိုင်းအခြားအကန့်အသတ်တော်တော်များနေပါပြီ ။

အဲ့ဒီအချိန်ကိုပဲ ကျားချောင်းချောင်းစောင့်နေတဲ့ တိုင်းပြည်ဖျက်မယ့်အကောင်တွေအများကြီးရှိနေပါတယ် ။ ဒီတော့ဒီအချိန်အကန့်အသတ်အတွင်းမှာ ဒေါ်စုဟာ တချို.ကိစ္စတွေအတွက်အချိန်
ဖြုန်းခိုင်းလို့မရတော့ပါဘူး ။ ဒေါ်စုအလွန်နိုင်ငံရေးအတွက် ဒေါ်စုအများကြီးကြိုးစားပြင်ဆင်ဖို့လိုနေပါပြီ ။

ဗိုလ်ချုပ်အောင်ဆန်း အချိန်မတိုင်ခင်သေဆုံးခဲ့လို ၊ ကောင်းမွန်တဲ့မူဝါဒတွေမလည်ပတ်ခင်သေဆုံးခဲ့လို့တိုင်းပြည်ပျက်ရတာကို နမူနာယူနိုင်သလို ။

လီကွမ်းယုကောင်းမွန်တဲ့မူဝါဒတွေခိုင်ခိုင်မာမာချနိုင်ခဲ့ပြီး အုပ်ချုပ်ရေးယန္တရားကိုလည်စေခဲ့လို့ စင်္ကာပူအခု လီမရှိဘဲ ရပ်တည်နေနိုင်တယ်ဆိုတာလည်းတချက်နမူနာယူကြပါ ။

အခုလည်း ပြည်သူလူထု မျိုးချစ်စိတ်ထကြွနေတာကိုအခွင့်ကောင်းယူပြီး ကာလုံဥပဒေတွေနဲ့ ဖားကန့်ကို အပျောက်ဖျောက်ဖို့တွေလုပ်နေပြန်ပါပြီ။
မြန်မာနိုင်ငံမှာအမှုအခင်းပေါင်းများစွာ ၊ မတရားမှုများစွာဟာနေရာအနှံမှာဖြစ်ပျက်နေတာပါ ၊ အခုကိစ္စဟာလူသိထင်ကြား ကမ္ဘာအထိပျံ.လို့သာ ဒီလောက်အထိအုံ.ကြွလာတာပါ။ဘယ်သူမှမသိဘဲ တိုင်းတပါးမှာအသက်ခံရ၊မုဒိန်းကျင့်ခံရတာတွေဟာလည်းမရေမတွက်နိုင်ပါ။ပြည်တွင်းမှာရောထိုနည်းတူစွာပါပဲ ။

ဒီလိုအဖြစ်အပျက်တွေဖြစ်ဖြစ်သမျှဒေါ်စုခေါ်နေတာ သိပ်တော့အဓိပ္ပါယ်မရှိလှပါဘူး ။ ဒေါ်စုဟာအဲ့ဒီလိုအဖြစ်ဆိုးတွေမကြုံရအောင်တိုင်းပြည်ကိုအစွမ်းကုန်တည်ဆောက်ဖို့ဘဝတစ်ခုပါရင်းထားပေးတယ်ဆိုတာ မြင်ရင်မေးနေစရာအကြောင်း တောင်မရှိတော့ပါဘူး ။ ဒေါ်စုဘက်ကနေစဉ်းစားကြည့်ရင်ဒေါ်စုအသက်အရွယ်နဲ့ မြန်မာနိုင်ငံဟာ စင်္ကာပူလိုမျိုးနိုင်ငံလိုမျိုးဖြစ်သွားတာမြင်နိုင်ဖို့ ဘယ်လိုမှမဖြစ်နိုင်ပါဘူး။ဒီလိုမျိုးမမြင်နိုင်ပေမယ့် အဘိုးအိုနဲ့မင်းသားလို နောက်လာနောက်သားတွေအတွက်သရက်ပင်စိုက်ပေးနေတယ်ဆိုတာကိုတော့ မြင်အောင်ကြည့်တတ်ဖို့လိုပါတယ် ။

နောက်တချက်က အခုကိစ္စမှာ ဒေါ်စုဘာမှတာဝန်မယူနိုင်ဘူး အာဏာထိခိုက်မှာစိုးလို့ဆိုပြီးဖွနေတာတွေကို ရှယ်နေတဲ့၊လာမေးတဲ့ ကျနော်မိတ်ဆွေတွေရှိနေပါတယ် ။ ကျနော်ကတော့ ကိုယ့်အသိဉာဏ်နဲ့ယုံကြည်ချက်ကိုသာ ပြန်စမ်းစစ်စေချင်တော့တာပါပဲ ။ ဒီလောက် အဓိပ္ပါယ်မရှိတာကိုတောင် ယုံမှားသံသယဖြစ်နေသေးတယ်ဆိုရင်တော့ လက်သန်းမှင်တို့ဟာ ယောင်ကန်းကန်းမှင်တို့တာပါပဲ ။ သူများယောင်လို့လိုက်ယောင်တာပဲလို့ ကျနော်ကတော့ပြောပါရစေ ။

တချက်ပဲထပ်ပြောပြချင်ပါတယ် ၊ ဒေါ်စုကိုအသည်းအသန်ကာကွယ်နေတာမဟုတ်သလို ၊ ခြိမ်းခြောက်တာလည်းမဟုတ်ဘူးဆိုတာကို ပြောချင်ပါတယ် ။ ကိုယ့်အသိဉာဏ်နဲ့စဉ်းစားပါ ။

ဒေါ်စုသာ အသက်အရွယ်အပိုင်းအခြားအရ နိုင်ငံရေးသက်တမ်းအတွင်း အမျိုးမျိုးသောမတရားမှု
အကြောင်းကိစ္စတွေကို လိုက်ဖြေရှင်းရင်းအချိန်ကုန်ခဲ့မယ်ဆိုရင် ......

ခိုင်မာတဲ့မူဝါဒတွေမချနိုင်ခဲ့ရင်...
ထိရောက်တဲ့အရေးယူမှုတွေမလုပ်နိုင်ခဲ့ရင်...
မသင့်လျှော်တဲ့အခြေခံဥပဒေတွေမပြင်ဆင်နိုင်ခဲ့ရင်.
နေရာမမှန်တဲ့ စစ်သားတွေမထွက်သွားရင်..
ဒီမိုကရေစီနည်းမကျတဲ့ ဥပဒေတွေထပ်ပြဌာန်းခွင့် ရခဲ့ရင်...
ဒေါ်စုအလွန်နိုင်ငံရေးအတွက် သေချာတဲ့လေ့ကျင့်ပျိုးထောင်မှုမရှိခဲ့ရင်

အဲ့ဒီဟာတွေသာ ဒေါ်စုမကိုင်တွယ်နိုင်ရင်တော့ တတိုင်းပြည်လုံး ခွေးထပ်ဖြစ်ပါမယ် ။

ဒေါ်စုရဲ့အစိုးရသက်တမ်းအတွင်းရော ၊ သက်တမ်း အလွန်မှာ

ဝင်းနဲ့ဇော်တွေအများကြီးပေါ်လာမယ်၊
ဒေါ်ခင်ဝင်းနဲ့ကိုပါကြီးတွေအများကြီး ပေါ်လာမယ်။
ကျောင်းသားတွေကိုအကြမ်းဖက်မှုတွေ
ကချင်ကဆရာမတွေကို မုဒိန်းကျင့်တာမျိုးတွေ
တိုင်းတပါးမှာဒုက္ခရောက်ရမယ့်မြန်မာတွေ
ဖားကန့်လို့သံယံဇာတဆုံးရှုံးတာတွေ
ခရိုနီနဲ့အာဏာရှင်တွေလက်ဝါးကြီးအုပ်တာတွေဟာ

မရေမတွက်နိုင်အောင်ဖြစ်လာပါလိမ့်မယ်ခမျာ ။
အနာဂါတ်ကိုနည်းနည်းမျှော်တွေးပေးကြပါ ။
ဝင်းနဲ့ဇော်ပြဿနာဟာ လတ်တလော
အရေးကြီးတဲ့ပြဿနာဖြစ်နေပြီး ဘယ်သူကမှဒါဟာအမှန်တရားပါလို့ ဘယ်ဖက်ကမှ
မပြောနိုင်အောင်ငြင်းနိုင်နေတဲ့ အခြေအနေမှာ ဒေါ်စုကိုအတင်းဇွတ်လုပ်ခိုင်းနေတာဖြစ်သင့်မဖြစ်သင့်စဉ်းစားကြပါ ။ ပါတီကလည်းဥပဒေဘောင်အတွင်းကနေလုပ်ပေးသင့်တာလုပ်ပေးမယ်လို့ တရားဝင်ကြေညာထားပြီးပါပြီဗျာ ။

ကျနော်မြန်မာနိုင်ငံသားတယောက်အနေနဲ့ ဒီအဖြစ်အပျက်တွေကိုရင်နာရပါတယ် ။ သို့သော်လွတ်လပ်စွာသဘောထားကွဲလွဲခွင့်အရ ဒေါ်စုကို ဘောင်အပြင်ပကနေ ဟိုဟာတောင်းဆိုခိုင်းတာ၊ဟိုဟာပြောခိုင်းဒီဟာပြောခိုင်းဆိုတာမျိုးကတော့ ကျနော်အနေနဲ့ သဘောမတူပါဘူး ။

ဒေါ်စုကလည်း ကင်ဆာရောဂါဖြစ်နေတဲ့လူနာကို ပါရာစီတမော့တိုက်ပြီး ပျောက်မယ်လို့အာမခံမယ့်ခေါင်းဆောင်အမျိုးမစားမဟုတ်ဘူးဆိုတာရယ် ၊ အဲ့ဒီလိုခေါင်းဆောင်မျိုးမဟုတ်လို့လည်း ကျနော်ကရဲရဲဝံ့ဝံ့ထောက်ခံနေရကြောင်းပါခမျာ ။

အလင်းရောင်

ပုံ=အင်တာနက်