Min Zaw
ရုံးပတီ သီး အစိမ်းစားခြင်းလျော့ပါ
ကျွန်တော် ရွာရောက်တော့ ရုံးပတီသီးစိုက်သည့် တောင်သူတစ်ဦးမှ ပြောပြသဖြင့် ထပ်ဆင့်မျှဝေခြင်းဖြစ်ပါသည်။
ရုံးပတီသီးကို အစိမ်းတို့စားရတာ ကြိုက်သည်ဆိုက ရုံးပတီသီးကို ဆားရည်ဖြင့် နာရီဝက်ခန့် စိမ်ပြီးမှ စားပါရန် အကြံပေးပါသည်။ ရုံးပတီသီးကြိုက်သော ပိုးမွှားများတွင် လှေးပိုးသည် နှိမ်နင်းရန် အခက်ခဲဆုံးပိုးဖြစ်၏၊ အပင်ကို ဖျက်ဆီးသော ထိုပိုးသည် အကောင်မမြင်ရ၊ ဆေးမျိုးစုံ သုံးသော်လည်း ထိုပိုးကို မနိုင်။ ထို့ကြောင့် စိုက်ပျိုးရေးဝန်ကြီးဌာနက တားမြစ်ထားသော အန္ဒိယမှလာသည့် ဆေးတစ်မျိုးကို သုံးကြ၏၊ ထိုဆေးကို သုံးမှရုံးပတီပင်ကို ဖျက်ဆီးသော လှေးပိုးကိုနိုင်၏၊ အပင်သန်၏၊ အသီးလှ၏၊ သို့သော်
ထိုဆေး၏ အာနိသင်ကား အလွန်ပြင်းထန်လှ၏၊ ဆေးသုံးစွဲသဖြင့် သေသော ပိုးကောင်ကို ငှက်စားက ငှက်သေ၏၊ ထိုသေသော ငှက်ကို ခွေးကစားမိပြန်က ခွေးသေ၏။ ထိုဆေးအာနိသင်ကား ပိုးကောင်လည်းသေ၊ ပိုးကောင်သေစားသော ငှက်လည်းသေ၊ ငှက်သေစားသော ခွေးလည်းသေသဖြင့် သုံးဆင့်ခန့် အာနိသင်ပြင်းထန်၏။ ထိုကဲ့သို့ အာနိသင်ပြင်းထန်သော ဆေးကို နိုင်ငံတော်က တားမြစ်ထားပြီး စိုက်ပျိုးရေး ပညာပေး ဟောပြောမှုတွေပြုလုပ်ပါသော်လည်း အရင်းမရှုံးလိုသော တောင်သူများက မှောင်ခိုဝင်လာလို့ ရလျှင်သုံးစွဲမည်သာ ဖြစ်၏။ ထိုအာနိသင်ပြင်းသော ဆေးကို ယနေ့ပက်ဖျန်းပြီး မနက်ဖြန် ရုံးပတီသီးခူးကာ မြို့တက်ရောင်းသည်လည်းရှိ၏။ ထိုရုံးပတီသီးကို အစိမ်းစားသုံးမိပါက ဘေးထွက်ဆိုးကျိုးကို ခံရမည်ဖြစ်၏။ ထို့ကြောင့်ရုံးပတီသီးကို အစိမ်းကြိုက်ပါက နာရီဝက်ခန့် ဆားရည်စိမ်စားသုံးပါရန် တောင်သူဦးကြီးတစ်ယောက်၏ ပြောပြချက်အား မျှဝေလိုက်ပါသည်။ ယုံချင်ယုံ မယုံချင်နေ။
No comments:
Post a Comment
မိတ်ဆွေ...အချိန်လေးရရင် blogg မှာစာလာဖတ်ပါနော်
ဗဟုသုတ ရနိုင်တယ်။