၁၉၈၉ နဝတ စစ်အစိုးရလက်ထက် ခရိုနီ အဖြစ်သို့ ကူးပြောင်းခဲ့သူ ဘိန်းဘုရင် လော်စစ်ဟန်

မောင်(စွယ်စုံကျမ်း) added 3 new photos.

၁၉၈၉ နဝတ စစ်အစိုးရလက်ထက် ခရိုနီ အဖြစ်သို့ ကူးပြောင်းခဲ့သူ ဘိန်းဘုရင် လော်စစ်ဟန်
Bertil Lintner
BurmaDemocracy, 30 December 2016

တော်လှန်ရေး ကောင်စီလက်ထက်တွင် လွယ်မော် ကာကွယ်ရေး ခေါင်းဆောင်အဖြစ် တာဝန် ထမ်းဆောင်ခဲ့ သူမှာ ခွန်ဆာ ဖြစ်သည်။ ခွန်ဆာသည် တန့်ယန်း၊ ကျိုင်းတုံ ဒေသများတွင် ကာကွယ်ရေး တာဝန် ယူခဲ့ပြီး ဘိန်းလုပ်ငန်းများ လုပ်ဆောင်ခြင်း၊ နိုင်ငံရေး ကစားခြင်း၊ စီးပွားရေး သောင်းကျန်းခြင်း အပြင် ကေအိုင်အေ တို့နှင့် နားလည်မှု ယူခဲ့ခြင်း တို့ကြောင့် အစိုးရက ၁၉၆၉ ခုနှစ် အောက်တိုဘာလ ၂၄ ရက်နေ့ နောက်ဆုံး ထားပြီး လက်နက် ပြန်အပ်ရန် အမိန့်ထုတ် ခဲ့သည်။

ခွန်ဆာ သည် အစိုးရ အမိန့်ကို လိုက်နာခြင်း မရှိသဖြင့် ၁၉၆၉ ခုနှစ် အောက်တိုဘာ ၂၅ ရက်နေ့တွင် လွယ်မော် ကာကွယ်ရေး စခန်းများကို ဝင်ရောက် ရှင်းလင်းခဲ့သည်။ တပ်သား အင်အား သုံးထောင် နီးပါး ရှိသည့်အနက် ခွန်ဆာနှင့် အချို့ကိုသာ ဖမ်းမိပြီး ကျန်လူများ တောခိုသွား ခဲ့ကြသည်။
ကိုးကန့် နယ်မြေ ဒေသသည် မြန်မာနိုင်ငံ အရှေ့မြောက်ဒေသ ရှမ်းပြည်နယ်တွင် ရှိပြီး တရုတ်ပြည်သူ့ သမ္မတနိုင်ငံနှင့်လည်း ဆက်စပ်နေသည်။ ထိုဒေသတွင် အစိုးရက ကိုးကန့် ကာကွယ်ရေး အဖွဲ့ကို ဖွဲ့ ခွင့်ပေးထားသည်။ ထိုအဖွဲ့သည် ကွန်မြူနစ် စနစ်ကို မနှစ်သက် သဖြင့် ဗမာပြည် ကွန်မြူနစ် ပါတီ (ဗကပ) များကို အစိုးရ ကိုယ်စား တိုက်ခိုက် ပေးနေ သောကြောင့်လည်း အစိုးရ၏ မျက်နှာသာ ပေးခြင်းကို ခံနေရသည်။ ၁၉၆၈ ခုနှစ်တွင် ကိုးကန့် ကာကွယ်ရေး အဖွဲ့၌ တပ်ဖွဲ့ဝင် အင်အား ၂၀၀၀ အထိ တိုးလာသည်။ ကိုးကန့် ကာကွယ်ရေး အဖွဲ့ ခေါင်းဆောင်မှာ လော်စစ်ဟန် ဖြစ်သည်။
ကိုးကန့်အဖွဲ့သည် အစိုးရအထောက်အပံ့ကို ရသည့်အပြင် မှောင်ခိုလုပ်ငန်း၊ ဘိန်းလုပ်ငန်းတို့ဖြင့် စီးပွားတိုးလာပြီး လူနှင့်လက်နက်အင်အားများလည်း ကောင်းလာသည်။ ၁၉၇၃ ခုနှစ် ဧပြီလ ၃၀ ရက်နေ့တွင် နောက်ဆုံး ထားပြီး ကိုးကန့် ကာကွယ်ရေး အဖွဲ့အား လက်နက် သိမ်းရန် အစိုးရက စီစဉ်သည့် အခါတွင် လော်စစ်ဟန်သည် လက်နက်များ အပ်မည် ဟု ကတိပြု ခဲ့ပြီးမှ ကိုးကန့် ကာကွယ်ရေး တပ်ရင်း သုံးရင်း နှင့်အတူ လက်နက်များကို မအပ်နှံ တော့ဘဲ တောခို သွားခဲ့သည်။
လော်စစ်ဟန် ထံတွင် ထိုအချိန်က လက်နက် အပြည့်အစုံ တပ်ဆင်ထားသော ကိုယ်ပိုင် စစ်တပ်ကြီး တစ်ခုကို ပိုင်ဆိုင်ထားသည်။ လက်ရှိ အနေအားတွင် သူ့သြဇာ အာဏာ တည် ဆောက် ထားနိုင်မှုကို စွန့်လွှတ်ရန် မရည်ရွယ်ပေ။ ကာကွယ်ရေးတပ်ကို ဖျက်သိမ်းရန် ချက်ချင်း အမိန့်ပေး လိုက်ပြီး SSA တပ် နှင့်လည်း လျှို့ဝှက်စွာ ပြေလည်မှု ရယူ ထားလိုက် သည်။
အားလုံး အဆက်အသွယ်များ လုပ်ပြီးသည့်အခါတွင် သူသည် လားရှိုးမှအသာလေး ခြေရာ ဖျောက်သွားခဲ့သည်။ မြန်မာ့ ထောက်လှမ်းရေး တပ်၏ အကာအကွယ်ပေးမှု အောက်တွင် နှစ်ပေါင်းများစွာ ခံတပ်ကြီးပမာ ဆောက်လုပ် နေထိုင်ခဲ့သည့် စံအိမ်တော်ကြီးကို စွန့်ခွာခဲ့ပြီး တောခို သွားခဲ့ခြင်း ဖြစ်သည်။ ဤနယ်မြေတွင် သူသည် အရှေ့မြောက်တိုင်း စစ်ဌာနချုပ်မှ တပ်မှူးကြီး ဗိုလ်မှူးကြီး အေးကို (နောင် မြန်မာ့ဆိုရှယ်လစ် လမ်းစဉ် ပါတီတွင် ထင်ရှားလာသူ) နှင့်လည်း သူသည် ရင်းနှီးကျွမ်းဝင် သူဖြစ်ပြီး အဆက်အသွယ် ရှိခဲ့သည်။
လော်စစ်ဟန် သွားရောက် တပ်စွဲထားသည့် နေရာသည် အရေးပါသည့်နေရာ တစ်နေရာ ဖြစ်နေသဖြင့် မြန်မာအာဏာပိုင်များ အတွက်လည်း အကျပ်အတည်းနှင့် ရင်ဆိုင်ခဲ့ရသည်။ ၁၉၇၂ ခုနှစ်တွင် အမေရိကန် ပြည်ထောင်စုမှ မူးယစ်ဆေးဝါး အကြံပေးအရာရှိ နယ်လ်ဆင် ဂရော့စ်က လော်စစ်ဟန်ကို ‘အရှေ့တောင် အာရှ ဘိန်းဖြူ ရာဇာ’ ဟု အမည်တပ်လိုက်သည်။ ထို့ပြင် လော်စစ်ဟန်ကို နိုင်ငံတကာ လူဆိုးစာရင်း အမည်သွင်းပြီး အာရှနှင့် အမေရိကတွင် မူးယစ် ဆေးဝါးကြောင့် ဘေးဒုက္ခ ရောက်နေရသူများ၏ လက်သည် တရားခံ တာဝန်ရှိသူဟု စွပ်စွဲခဲ့သည်။
ထိုသို့ အမေရိကန်၏ ထုတ်ပြန် ကြေညာချက်က ရှမ်းပြည်နယ်အတွက် အံ့အားသင့်စရာ ဖြစ်သွားခဲ့သည်။ ထိုစဉ်က အမေရိကန် မူးယစ်ဆေးဝါးဆိုင်ရာ မူဝါဒများကို သိသာထင်ရှားစွာ ပြောင်းလဲနေချိန်လည်း ဖြစ်သည်။ အမေရိကန်အစိုးရသည် ရွှေတြိဂံဒေသတွင် ကြီးစိုးနေသည့် တပ်ဖွဲ့ များကို တိုက်ရိုက်ဖြစ်စေ၊ သွယ်ဝိုက်၍ ဖြစ်စေ ထောက်ပံ့နေခြင်းကို နိုင်ငံတိုင်း သိကြသည်။ အထူးသဖြင့် ကူမင်တန်တို့အား အမေရိကန်တို့က အထောက်အပံ့ ပေးနေခြင်းကို အားလုံးသိကြသည်။ ဘိန်းဖြူ ကျိုချက်ခြင်း ထုတ်လုပ်ခြင်းတို့သည် ထိုနယ်ဒေသတွင် ထင်ရှားလာပြီး ဝယ်လိုအားကလည်း ကောင်းလာသည်။ ဗီယက်နမ်စစ်ပွဲမှ အမေရိကန် စစ်သားများသည် ရွှေတြိဂံ ဒေသ၏ ဖောက်သည်များ ဖြစ်နေသည်။
အမေရိကန် စစ်သားများ ဗီယက်နမ်မှ ပြန်လာကြသည့် အခါတွင် မူးယစ်ဆေးဝါး ပြဿနာ သည် ဆိုင်ဂုံ ရှိ စစ်တန်းလျားများမှ အမေရိကန် ပြည်ထောင်စု လူလတ်တန်းစား ရပ်ကွက်သို့တိုင် ရောက်လာခဲ့တော့သည်။ ပြည်သူတွေလည်း လှုပ်လှုပ်ရှားရှား ဖြစ်လာသလို အာဏာပိုင် တို့ကလည်း မူးယစ်ဆေးဝါး ပြဿနာများကို ဖြေရှင်းနိုင်ရေးအတွက် စတင်လုပ်ဆောင် ရတော့သည်။
ဝါရှင်တန်သည် ပထမအဆင့် အနေဖြင့် မူးယစ်ဆေးဝါး တိုက်ဖျက်ရေးအဖွဲ့ (DEA) ကို ဖွဲ့စည်း လိုက်သည်။ အငြင်းပွားစရာ ဖြစ်နေသည့် ဗီယက်နမ် စစ်ပွဲတွင် အမေရိကန် တို့က ပါဝင်နေပြီး ဖြစ်သဖြင့် နောက်ထပ်စစ်ပွဲတစ်ပွဲဖြစ်သည့် မူးယစ်စစ်ပွဲအတွက် စစ်မျက်နှာပြင် အသစ် မဖွင့်မိရန် သိမ်မွေ့စွာဖြင့် ကိုင်တွယ်နေရသည်။ အမေရိကန် အထောက်အပံ့များ သည် ကုလသမဂ္ဂ အဖွဲ့အစည်းများ မှတစ်ဆင့် ထိုဒေသသို့ ရောက်ရှိနေခဲ့သည်။
နိုင်ငံတကာတွင် ဗီယက်နမ် စစ်ကြောင့် သိက္ခာကျနေခဲ့သည့် အမေရိကန်သည် မူးယစ် စစ်ပွဲဖြင့် သိက္ခာပြန် ဆယ်နိုင်ရန် စီစဉ်ခဲ့သည်။ ကမ္ဘာက မူးယစ်ဆေးဝါး ရောင်းဝယ်ရေးတွင် အဓိကကျသူတစ်ဦးကို မီဒီယာသို့ ဖော်ထုတ်ပေးပြီး အာရုံလွှဲပြောင်းရန် ကြိုးစားနေသည်။ သူတို့ရွေးချယ် လိုက်သူမှာ လော်စစ်ဟန် ဖြစ်သွားသည်။
ရှမ်းပြည်မြောက်ပိုင်း လားရှိုးရှိ နေအိမ်မှတစ်ဆင့် လော်စစ်ဟန်သည် အစောင့်ယာဉ်တန်း သုံး၊ လေး တန်းလောက် အကူအညီယူကာ ဘိန်းများ၊ ကျောက်စိမ်းများနှင့် အခြား တရား မဝင် ကုန်များကို ရွှေတြိဂံ ဒေသ၏ အဓိကျသော နေရာဖြစ်သည့် တာချီလိတ် နယ်စပ် အထိ ရောက်အောင် နှစ်စဉ် ပို့ပေးနေသည်။ တာချီလိတ်သို့ ကျိုင်းတုံ မှ တစ်ဆင့် ထို ကုန် ပစ္စည်းများကို တစ်နှစ်လျှင် ဆယ်ခေါက်လောက် ရအောင် ပို့ပေးနေကျ ဖြစ်သည်။
လော်စစ်ဟန်တွင် လက်နက်အင်အား လူအင်အား တောင့်တင်းသည့် စစ်တပ် တစ်တပ် ရှိနေသဖြင့် သူပိုင် အစောင့်အရှောက် ယာဉ်တန်းဖြင့် လားရှိုးကိုဖြတ်ကာ ထိုင်းပိုင်နက်အထိ အ လွယ်တကူ သွားလာနိုင်ခဲ့သည်။ သူသည် မကြာမီ ဘိန်းရာဇာကြီး တစ်ဦးအဆင့် ရောက်လာ သည်အထိ တန်ခိုးထွား လာခဲ့သည်။ လော်စစ်ဟန်သည် ရွှေတြိဂံဒေသတွင် လည်းကောင်း၊ ဘန်ကောက်နှင့် တိုင်ပေ တို့တွင် လည်းကောင်း သြဇာ ချဲ့ထွင်နိုင်သူ ဖြစ်လာသဖြင့် အမေရိကန် အတွက်လည်း အရှေ့အာရှတွင် သူတို့သြဇာ အခိုင်အမာ တည်ဆောက်နိုင်ရေးကို စိုးရိမ် လာခဲ့သည်။
ရှမ်းပြည်နယ်တွင် ကွန်မြူနစ်တို့ ရန်ကို တွန်းလှန်ရန် အင်အားမရှိသည့် ရှမ်းသူပုန်တို့သည် လက်နက် အင်အားလည်းမရှိ၊ နောက်ခံအင်အားလည်းမရှိ၊ ငွေကြေး အထောက်အပံ့လည်း မရှိသဖြင့် လော်စစ်ဟန်နှင့် ပူးပေါင်းရန် သဘောတူလိုက်ကြသည်။ ရှမ်းသူပုန်များက သူ့ကို လက်ခံ လိုက်ခြင်း သည် အထောက်အပံ့ အကူအညီ ရလိုခြင်းကြောင့် ဖြစ်ကြောင်း ထင်ရှားသည်။ လော် စစ်ဟန်က တစ်ဆင့် ဘိန်းများကို ရောင်းချနိုင်မည်ဆိုလျှင် ပိုက်ဆံလည်းရ၊ ကမ္ဘာက အသိအမှတ် ပြုမှုကိုလည်း ရနိုင်သောကြောင့် တစ်ချက်ခုတ် နှစ်ချက်ပြတ် သဘော ဖြင့် ရှမ်းတို့က သူ့ကို လက်ခံခဲ့သည်။
နောက်ဆုံးတွင် ဘိန်းဘုရင်ကြီးနှင့် ရှမ်း သူပုန်တို့ သဘောတူညီချက် တစ်ခုတွင် လက်မှတ် ရေးထိုး နိုင်ခဲ့ကြသည်။ ထိုသဘောတူ ညီချက်တွင် အချက်ငါးချက်ပါသည်။ အရေးကြီးသည့် အချက်မှာ SSA တပ်သည် အမေရိကန် မူးယစ် ဆေးဝါး ဆန့်ကျင်ရေး ဗျူရိုကို ဖိတ်ခေါ်ပြီး ရှမ်းပြည်နယ် အတွင်းရှိ ဘိန်းစိုက်ဒေသများကို လှည့်လည်ကြည့်ရှုစေမည့် အစီအစဉ်ပါသည်။ ထိုအစီအစဉ်အရ SSA နှင့် လော်စစ်ဟန် တို့သည် အမေရိကန် မူးယစ်အဖွဲ့ ရောက်လာပါက ဘိန်းများကို ဖျက်ဆီးနိုင်ရန်အတွက် ရှမ်းပြည်နယ်အတွင်း ဘိန်းများကိုလိုက်လံ စုဆောင်း ဝယ်ယူခဲ့ရသည်။ SSA အဖွဲ့နှင့် သဘောတူညီချက်များ လက်မှတ်ရေးထိုးပြီးနောက် မြောက် ပိုင်း ရှမ်းပြည်နယ် အတွင်းရှိ လွိုင်ကော်ကို SSA တို့ ခြေကုပ် ယူထား နိုင်ခဲ့သည်။
၁၉၇၃ ခုနှစ် ဧပြီလတွင် ရှမ်းတို့ ဗကပ တို့နှင့် စစ်ရေး အရ ပူးပေါင်းရန် သဘောတူညီ ခဲ့ကြ သည်။ ထိုနှစ် ဇူလိုင်လ ၁၇ ရက်နေ့တွင် လော်စစ်ဟန်ကို ထိုင်း အစိုးရက ဖမ်းဆီးလိုက်သည်။ ထိုအချိန်မှ စတင်ပြီး အင်အားတောင့်တင်းခဲ့သည့် ကိုးကန့်ကာကွယ်ရေးတပ်ဖွဲ့သည် ပြိုကွဲ သွားတော့သည်။
၁၉၈၀ နောက်ပိုင်းတွင် မြန်မာနိုင်ငံ ဘိန်းထုတ်လုပ်မှုသည် နှစ်ဆခန့် တက်လာသည် ဟု အမေရိကန် အစိုးရကဆိုသည်။ ၁၉၈၇ ခုနှစ်တွင် မြန်မာနိုင်ငံမှ ဘိန်းစိမ်း ၈၃၆ တန်ထွက် ကြောင်း၊ ၁၉၉၅ ခုနှစ်တွင် ၂၃၄၀ တန် အထိ တိုးမြှင့် ထုတ်ခဲ့ကြောင်း အမေရိကန် တို့က စွပ်စွဲခဲ့သည်။ ၁၉၈၇ ခုနှစ်တွင် ဘိန်းဖြူ ၅၄ တန် ထွက်ခဲ့ရာမှ ၁၉၉၅ ခုနှစ်တွင် ၁၆၆ တန် အထိ တိုးမြင့် လာခဲ့သည်။ အဓိက ထုတ်လုပ်သည့် ဒေသများမှာ ကိုးကန့်နှင့် ဝ နယ်များတွင် ဖြစ်သည်။
လော်စစ်ဟန်ကို ထိုင်းအစိုးရသည် မြန်မာနိုင်ငံသို့ ပြန်လည်လွှဲအပ်ခဲ့သည်။ သူ့ကို မြန်မာအစိုးရက ရှမ်းသူပုန် SSA အဖွဲ့နှင့် ပူးပေါင်းမှုဖြင့် သေဒဏ်ချမှတ်ခဲ့သည်။ သို့သော် ၁၉၈၀ ပြည့်နှစ်တွင် လွတ်ငြိမ်း ချမ်းသာခွင့်ဖြင့် ပြန်လည် လွတ်မြောက် လာခဲ့သည်။
ဝနှင့် ကိုးကန့်သူပုန်တို့သည် ၁၉၈၉ ခုနှစ်တွင် မြန်မာပြည်အတွင်း နှစ်ပေါင်းများစွာ အစိုးရကို ဒုက္ခ ပေးနေသည့် ဗကပ တို့ကို တိုက်ထုတ်ပးခဲ့သည်။ ထိုစဉ်က စစ်ထောက်လှမ်းရေးနှင့် နိုင် ငံတော် အကြီးအကဲ နေရာတွင် ရောက်နေသည့် ဗိုလ်ချုပ် ခင်ညွန့်သည် လော်စစ်ဟန်ကို သဘောကျ သွားပြီး လော်စစ်ဟန်နှင့် လက်တွဲ လိုက်တော့သည်။
နှစ်ပေါင်းများစွာ ဘိန်းဘုရင် အဖြစ် နာမည်ကျော်ခဲ့သည့် လော်စစ်ဟန်သည် ချက်ချင်းဆို သလိုပင် အရှင်မွေး နေ့ချင်းကြီး ဆိုသလို တရားဝင် နေထိုင်ခွင့်၊ လုပ်ပိုင်ခွင့်များ ရရှိခဲ့သည်။
လော်စစ်ဟန်သည် ၁၉၉၂ ခုနှစ်တွင် အေးရှားဝေါလ် ကုမ္ပဏီကို ထူထောင်ခဲ့သည်။ ထိုကုမ္ပဏီ ၏ လည်ပတ်ငွေများသည် သူ မည်သည့်နည်းဖြင့် ရခဲ့သည့်ငွေများ ဖြစ်ကြောင်းမှာ အငြင်းပွားဖွယ် ဖြစ်သော်လည်း လုပ်ငန်း အတော်များများကို ဗိုလ်ချုပ်များ၏ မျက်နှာသာ ပေးမှုဖြင့် လက်ဝါးကြီးအုပ် လုပ်ပိုင်ခွင့် ရခဲ့သည်။ တစ်သက်လုံး အမြစ် မဖြုတ်နိုင်ခဲ့သည့် ဗမာပြည် ကွန်မြူနစ် ပါတီ (ဗကပ) တို့ကို လော်စစ်ဟန်က အမြစ်ဖြုတ် ပေးခဲ့သဖြင့် ကျေးဇူး အထူး တင် နေသောကြောင့် သူကောင်းပြု ထားခြင်းလည်း ဖြစ်မည်ထင်သည်။
လော်စစ်ဟန်၏ သားဖြစ်သူ စတီဗင်လော (မြန်မာအမည် ထွန်းမြင့်နိုင်) သည် စင်ကာပူသူ တစ်ဦး ဖြစ်သည့် Cecila Ng နှင့် ၁၉၉၆ ခုနှစ်တွင် လက်ထပ် ခဲ့သည်။ မြန်မာနိုင်ငံ ဆောက် လုပ်ရေး လုပ်ငန်းများအပြင် စွမ်းအင်ကဏ္ဍအတွက်ပါ လုပ်ငန်းများရပြီး ဒေါ်လာသန်းပေါင်းများစွာ ရင်းနှီးမြှုပ်နှံ လုပ်ကိုင်ခဲ့ကြသည်။
၂၀၀၈ ခုနှစ် ဖေဖော်ဝါရီလတွင် မြန်မာနိုင်ငံအတွင်း နာဂစ်မုန်တိုင်း ဒဏ်ကို ခါးသီးစွာ ခံစား လိုက်ရသည်။ အမေရိကန် အစိုးရသည် လော်စစ်ဟန်၊ သူ့ သား၊ ချွေးမ အပါအဝင် စင်ကာပူ နိုင်ငံအတွင်း သူတို့နှင့် ဆက်စပ်နေသည့် ကုမ္ပဏီပေါင်း ၁၀ ခုကို စစ်အာဏာရှင် ခရိုနီ အုပ်စု စာရင်းသွင်းကာ စီးပွားရေး ပိတ်ဆို့မှုများ ပြုလုပ်လိုက်သည်။
အေးရှားဝေါလ် ကုမ္ပဏီသည် တရုတ်- မြန်မာ ရေနံနှင့် ဓာတ်ငွေ့ပိုက်လိုင်း စီမံကိန်းတွင် ရင်းနှီးမြှုပ်နှံမှု ပေါင်းများစွာနှင့် လုပ်ကိုင်ခွင့် ရရှိခဲ့သည်။ အထူးသဖြင့် ကျောက်ဖြူရေနက် ကွင်း စီမံကိန်းတွင် ဖြစ်သည်။ ထို့ပြင် အငြင်းပွားနေသော မြစ်ဆုံ ရေအားလျှပ်စစ် စီမံကိန်းနှင့် တာဆန်း ရေအားလျှပ်စစ် စီမံကိန်း တို့တွင်လည်း သူတို့ပါဝင် ပတ်သက်မှု ရှိနေပြန်သည်။
စတီဗင်လောသည် မြန်မာနိုင်ငံရှိ လုပ်ငန်းများကို ကြီးကြပ်ကွပ်ကဲနေပြီး၊ သားများကထိုင်း၊ စင်ကာပူနှင့် ထိုင်ဝမ်တို့တွင် စီးပွားရေးလုပ်ငန်းများကို လုပ်ဆောင်နေကြသည်။ စတီဗင်လောသည် သမ္မတ ဦးသိန်းစိန် ပထမဦးဆုံး တရုတ်ပြည် ခရီးစဉ်တွင် လိုက်ပါခွင့် ရခဲ့သူ ဖြစ်သည်။
၂၀၁၃ ခုနှစ်၊ ဇူလိုင်လ ၆ ရက်နေ့ တစ်ချိန်က ဘိန်းဘုရင် ဖြစ်ခဲ့ပြီး၊ အလွန်ချမ်းသာသည့် မြန်မာ့ သူဌေးကြီး တစ်ဦးလည်း ဖြစ်ခဲ့သူ လော်စစ်ဟန်သည် အသက် ၈၀ အရွယ်တွင် ကွယ်လွန် သွားခဲ့သည်။ သူ ကွယ်လွန် ခဲ့ချိန်တွင် ဇနီး၊ သား လေး ယောက်၊ သမီး လေး ယောက် နှင့် မြေး ၁၆ ယောက်တို့ ကျန်ခဲ့သည်။
Ref: Burma in Revolt Opium and Insurgency Since 1948, Bertil Lintner
The Golden Triangle Opium Trade: An Overview, Bertil Lintner
Credit: Ko Thuya Aung#BurmaDemocracy