မွဲခဲ့ကြာရှည်မြန်မာပြည်

 

မင်း ဒင်

 

၂၆ ဒီဇင်ဘာ ၂၀၁၆နေ့ထုတ်သည်ဗွိုက်ဒေးလီးနေ့စဉ်သတင်းစာ

မွဲခဲ့ကြာရှည်မြန်မာပြည်

(မင်းဒင်)
(၁)
လွန်ခဲ့သောတစ်ဆယ့်နှစ်နှစ်ဝန်းကျင်၊(၂၀၀၄)ခုနှစ်၊ကျွန်တော်ဘန်ကောက်တွင်အခြေချနိုင်ရန်ကြိုးပမ်းနေစဉ်ကာလဖြစ်၏။ကျွန်တော်တည်းခိုခဲ့သောနေရာမှာဘန်ကောက်မြို့၊ဆူခုန်ဗစ်(၄၉)လမ်းရှိ၊သင်္ဘောသားဟောင်းကိုကျော်စိုး(ယခုကွယ်လွန်)ပိုင်သည့်တည်းခိုခန်းငယ်တစ်ခုတွင်ဖြစ်သည်။

ထိုတည်းခိုခန်းနှင့်ကပ်လျက်တွင်၊ကိုကျော်စိုး၏ဇနီး(ထိုင်းအမျိုးသမီး)
အမည်ဖြင့်၊ဖွင့်လှစ်ထားသည့်၊လူသုံးကုန်၊စားသောက်ကုန်နှင့်စုံစီနဖာရောင်း
သောဆဲဗင်းအလဲဗင်းဆိုင်ခွဲတစ်ခုရှိ၏။မူရင်းကုမ္ပဏီကြီးနှင့်အကျိုးတူဖက်စပ်သဘောဖွင့်လှစ်ထားခြင်းဖြစ်ပြီး၊ဆဲဗင်းအလဲဗင်းဆိုင်တို့သည်(၂၄)နာရီ
ပတ်လုံးဖွင့်သည်။

ထိုစဉ်က၊ယင်းတည်းခိုခန်းသို့၊မြန်မာ့ဆိုရှယ်လစ်လမ်းစဉ်ပါတီခေတ်၊၊
ဒုဝန်ကြီးဟောင်းတစ်ဦးရောက်ရှိတည်းခိုနေ၏။ဘန်ကောက်မှာေ ယာင် တိယောင်နဖြစ်နေသောကျွန်တော်သည်ဟိုသွားဒီသွားကိစ္စမှသည်၊
အရာခပ်သိမ်းအတွက်ကိုကျော်စိုးကိုသာအားကိုးပြုနေရသဖြင့်၊ သူနှင့်တပူးတွဲတွဲရှိနေခဲ့သည်။

တစ်ခါသော်ကျွန်တော်နှင့်ကိုကျော်စိုးအတူရှိနေစဉ်၊အဆိုပါဒုဝန်ကြီးဟောင်း
နှင့်ကိုကျော်စိုးတို့၊စီးပွားရေးလုပ်ငန်းနှင့်ပတ်သက်၍စကားစပ်မိကြသည်။
ဒုဝန်ကြီး၏စီးပွားရေးဆိုင်ရာစိတ်ကူးစိတ်သန်းကို၊သူ၏စကားရပ်များက
၊ဖော်ပြလျက်ရှိသည်။

“ကိုကျော်စိုးရေ၊ကိုယ်တို့မြန်မာပြည်မှာလည်း ဆဲဗင်းအလဲဗင်းဆိုင်လေးတွေ ဖွင့်နိုင်ရင် ကောင်းမယ်ကွ။မင်းဆိုင်ကိုကြည့်ရတာ အတောာ်တွက်ခြေ ကိုက်မဲ့သဘောရှိတယ်”

ကိုကျော်စိုးသည်၊ဒုဝန်ကြီးဟောင်းအား၊တစ်ခွန်းတစ်ပါဒမျှခွန်းတုံ့မပြန်ဘဲ၊၊
ကျွန်တော့်ဘက်သို့လှည့်ကာသရော်ပြုံးပြုံးလိုက်သည်ကိုကျွန်တော်
ကောင်းစွာသတိချပ်မိလိုက်သည်။

ထိုစဉ်က၊ကိုကျော်စိုးအဘယ်ကြောင့်ထိုသို့ပြုံးလိုက်သည်ကိုကျွန်တော်
နားမလည်ရိုးအမှန်ဖြစ်၏။နောင်သော်ကိုကျော်စိုးက၊ယင်းသရော်ပြုံး၏
အဓိပ္ပါယ်ကိုကျွန်တော့်အားနှစ်ကိုယ်ကြားအကျယ်တဝင့်ရှင်းပြခဲ့သည်။

(၂)
“တို့တိုင်းပြည်မှာခက်နေတာကအဲဒါပဲကွ။ဒီဝန်ကြီးဟောင်းကဆဲဗင်း
အလဲဗင်းဆိုင်ဖွင့်တာကိုထမင်းစားရေသောက် လွယ်လွယ်လေးအောက်မေ့
နေတယ်။ဆဲဗင်းအလဲဗင်းဆိုင်တွေဟာ၊ထိုင်းနိုင်ငံရဲ့မြို့တိုင်းလိုလိုမှာရှိတယ်
။နိုင်ငံအတော်များများမှာဆိုင်ခွဲပေါင်းသိန်းချီ ပြီးဖွင့်ထားတယ်။
အလွန်တိကျတဲ့အဆင့်မြင့်နည်းပညာတွေကိုသုံးထားတာကို
သူမသိ ရှာဘူး။ ဥပမာပြောရရင်ကွာ၊ကိုယ်တို့ဆိုင်ခွဲလေးဖွင့်ခွင့်ရဖို့၊ မူရင်းကုမ္ပဏီကြီးကို လျှောက် လွှာတင်တော့၊ အဲဒီကုမ္ပဏီက ကိုယ်စားလှယ်တစ်ယောက်ဟာ၊ ဒီနေရာကိုလာပြီး၊ ဒီနေရာကိုတစ်မိနစ်အတွင်းမှာလူဘယ်နှယောက်ဖြတ်လျှောက် တယ်ဆိုတာကို၊(Timer)စက်ကလေးတစ်ခုနဲ့၊တစ်နေကုန်လာထိုင်ပြီး
မှတ်သွားတယ်။နောက်ပြီးဆိုင်ခွဲတွေလိုက်နာရမဲ့စည်းမျဉ်းစည်းကမ်း
စာချုပ်တစ်ထပ်ကြီးကို၊သဘောတူလက်မှတ်ထိုးပြီးမှဖွင့်ခွင့်ရတာကွ။

ဒါတောင်အခါအားလျော်စွာစစ်ဆေးရေးအဖွဲ့တွေလာလာစစ်သေးတယ်။
ဒီဆိုင်တွေအားလုံးဟာကုမ္ပဏီရုံးချုပ်အပြင်၊ဆိုင်အချင်းချင်း၊ဘဏ်၊
လျှပ်စစ်ဌာန၊လေကြောင်းကုမ္ပဏီတွေအပါအဝင်၊ အစိုးရရုံးအသီးသီးကို ကွန်ပြူတာစနစ်နဲ့ချိတ်ဆက်ထားတာကွ။မြန်မာပြည်မှာ၊ ဖွင့်မယ်ဆိုရင်တောင်လျှပ်စစ်မီးတောင်မှန်မှန်မလာတာ၊ ဘယ်မှာဖြစ်နိုင်ပါ့မတုန်း။လျှပ်စစ်မီးရတယ်ထားပါဦး။
ကွန်ပြူတာကျွမ်းကျင်တဲ့၊ဆက်ဆံရေးပြေပြစ်တဲ့ဝန်ထမ်းတွေလိုတယ်။
အရေးအကြီးဆုံးကတော့နိုင်ငံခြားရင်းနှီးမြှုပ်နှံမှုဥပဒေပဲ။သူ့ဆိုင်ကရတဲ့
အမြတ်သူ့နိုင်ငံပြန်ယူမသွားနိုင်ရင်၊ဘယ်မအေ့လင်က၊ဒီလိုဆိုင်တွေ
လာဖွင့်ပါ့မတုန်းကွာ။တကယ်တော့တို့တိုင်းပြည်အဖက်ဖက်က၊
ဆုတ်ယုတ်နေတာဟာ၊တိုင်းပြည်ခေါင်းဆောင်တွေဈေးမရောင်း တတ်လို့ပဲကွ”

(၃)
ရိုးရိုးသားသားဝန်ခံရလျှင်ထိုစဉ်က ကိုကျော်စိုး၏ရှင်းလင်းပြောပြချက်အား၊ ဂဏသေချာ စွာကျွန်တော်နားမလည်ခဲ့ချေ။ သို့သော်၊ထိုင်းနိုင်ငံတောင်ပိုင်း ဖူးခက်မြို့တွင်၊ဈေးဆိုင်ငယ်လေးတစ်ဆိုင်ဖွင့်လှစ်၍၊ဆယ်နှစ်ကျော်အခြေချ
နေထိုင်ပြီးချိန်တွင်ကား၊ဖူးခက်မြို့ရှိ၊ ဈေးကြီးများ၊လမ်းဘေးဆိုင်၊အိမ်ဆိုင်၊
ရက်သတ္တတစ်ပတ်တွင်သုံးရက်ဖွင့်သောဈေးနေ့ ဆိုင်တန်းများ ၊ဈေးပွဲတော်များသာမက၊ပြည်ပနိုင်ငံများမှလာရောက်ရင်းနှီးမြှုပ်နှံကြသည့် (Lotus)၊(Central)၊(Robinson)၊(Jancylon)၊(Makro)စသည့်
ကုန်တိုက်ကြီးများသို့၊အ ကြိမ်ပေါင်းများစွာဈေးဝယ်ထွက်မိသည့်အခါ၊ ကိုကျော်စိုးဆိုလိုခဲ့သော အချက်ကိုပြက်ပြက်ထင်ထင်သိမြင်ခဲ့လေတော့သည်။
ကျွန်တော်တို့တိုင်းပြည်သည်၊ဈေးရောင်းဈေးဝယ် မတတ်သော၊ ကုန်သွယ်မှုအလုပ်နှင့် မယဉ်ပါး သောနိုင်ငံပါတကား။ထိုသို့သောနိုင်ငံမျိုး ဆင်းရဲတွင်း နက်နေခဲ့သည်မှာ၊ဆန်းကြယ်လှသည်မဟုတ်ချေ။

ထိုင်းနိုင်ငံသည်အဆင့်မီတိုးတက်ထွန်းကားသည့်တိုင်းပြည်မဟုတ်သေး
သော်ငြား၊မြန်မာပြည်နှင့်နှိုင်းစာလျှင်၊ကုန်သွယ်ခြင်းအခန်းကဏ္ဍ၌အတော်ပင်
ခရီးပေါက်နေသည်ကို၊အ ထင်အရှားတွေ့မြင်ရသည်။

ဆဲဗင်းအလဲဗင်းလိုဆိုင်မျိုးမှာပင်လေယာဉ်လက်မှတ်ဝယ်ယူ နိုင်သည်။ လျှပ်စစ်ခွန်၊တယ်လီဖုန်းခွန်၊စသည်တို့ကိုမိနစ်ပိုင်းအတွင်းလျင်မြန်စွာေ
ပးသွင်း နိုင်သည်။ခေတ်မီကုန်တိုက်ကြီးများတွင်နံနံပင်၊ငရုတ်သီးစိမ်း
စသည်တို့ကအစ၊ဝယ်ယူနိုင်သည်ကိုထောက်ရှု၍ ၊ပြည်တွင်းသီးနှံ စိုက်ပျိုးထုတ်လုပ်မှုကိုပါ၊ ကျွဲကူးရေပါသဘောအကျိုးပြုလျက်ရှိနေ သည်ကိုကျွန်တော်သတိချပ်မိသည်။
ဖူးခက်သည်ပင်လယ်တွင်းမှကျွန်းဖြစ် သည့်အားလျော်စွာ၊ အရင်းမစိုက်လှေထိုးလိုက်သောအဆင့်မြင့်ကုန်သွယ်နည်းတစ်မျိုးဖြ
စ်သည့်ခရီးသွားလုပ်ငန်းမှာကမ္ဘာကျော်နေလေပြီ။

လက်ရှိကျွန်တော်တို့တိုင်းပြည်နှင့်နှိုင်းယှဉ်လျှင်ဆီနှင့်ရေလိုကွာခြားနေလေ
သည်။ထိုင်းနိုင်ငံထက်အဆပေါင်းများစွာသာယာလှပသောပင်လယ်
ကမ်းခြေများ၊ကျွန်းစုများရှိသည့်၊မြန်မာပြည်၌ခရီးသွားလုပ်ငန်းကို
တွင်ကျယ်ဖွံ့ဖြိုးအောင်၊ယနေ့တိုင်စွမ်းဆောင် နိုင်ခြင်းမရှိသေးချေ။

(၄)
ဈေးရောင်းဈေးဝယ်ခြင်းကား၊သမိုင်းဦးဘုံမြေခေတ်ပစ္စည်းချင်းဖလှယ်သည့်
စနစ်ဖြင့်စတင်ခဲ့၍၊လူတို့၏ကုန်လုပ်ဆက်ဆံရေးသမိုင်းတွင်အဓိကအကျဆုံး၊
အရေးကြီးဆုံးဟုဆိုနိုင်သည်။ဥရောပတိုက်သားတို့သည်ရှေးခေတ်
ပဝေသဏီကပင်၊အိန္ဒိယ၊ဂျပန်၊တရုတ်စသည့် ကမ္ဘာ့အရှေ့ဖျားနိုင်ငံ များသို့ကုန်သွယ်ရန်အလို့ငှာ၊မြင်းစီးအုပ်စုကြီးဖွဲ့လျက်တော အထပ်ထပ်တောင်အသွယ်သွယ်ကို၊ဖြတ်ကျော်ခဲ့ကြသည်။သားရဲတိရစ္ဆာန်တို့၏ဘေးရန်ကြောင့်၊မသေမပျောက်လိုရာခရီးပေါက်သူအလွန်နည်းသည်။

(၁၅)ရာစုသို့ရောက်သော်ဗတ်စကိုဒဂါးမားသည်အာဖရိကတောင်ဖက်စွန်းရှိ
ဂွတ်ဟုပ်အငူ(Cape of Good Hope)ကိုတွေ့ရှိ၍ကမ္ဘာ့အရှေ့ဖျားသို့ သွားနိုင်သည့်ပင်လယ်ရေလမ်းကြောင်းအတိုင်း၊ကုန်သွယ်မှု ပြုကြပြန်သည်။
လေမုန်တိုင်းနှင့်လှိုင်းတံပိုးအန္တရာယ်အပြင်၊ပျင်းရိငြီးငွေ့ဖွယ်ကောင်း
လောက်အောင်ရှည်လျားဝေးလံသဖြင့်၊အိန္ဒိယသို့တိုတောင်းသော ခရီးကိုကြံဆခဲ့ကြရာ၊မြေထဲပင်လယ်နှင့်ပင်လယ်နီကိုဖြတ်ကာ၊
စူးအက်တူးမြောင်းကိုအောင်မြင်စွာဖောက်လုပ်ခဲ့ကြပြန်သည်။

(သမိုင်းမှတ်တမ်းများအရ၊အရူးအိပ်မက်ဟုထင်ရဖွယ်ရှိသည့်နိုင်းမြစ်နှင့်
ပင်လယ်နီအကြားတူးမြောင်းတစ်ခုကိုအီဂျစ်ပြည်တွင်ဖာရိုဘုရင်များ
လက်ထက်တွင်၊အကောင်အထည်ဖော်ရန်ကြံစည်ခဲ့ဖူး၏။ရောမဧကရာဇ်
ထရာဂျန်လက်ထက်တွင်၊နိုင်းမြစ်နှင့်ပင်လယ်နီအကြား တူးမြောင်းတစ်ခုကို၊အမှန်တကယ်ပင်ဖောက်လုပ်နိုင်ခဲ့ဖူး၏။ သို့သော်နွေရာသီတွင်နိုင်းမြစ်၏ဒီရေကျလွန်းသဖြင့်၊၎င်းတူးမြောင်းကို
စွန့်လွှတ်ခဲ့ရသည်။ပြင်သစ်ဘုရင်နပိုလီယံ၏လက်ထက်တွင်လည်း၊
စူးအက်ကုန်းကျဉ်းဒေသတွင်တူးမြောင်းတစ်ခုဖောက်လုပ်ရန်၊အင်ဂျင်နီယာ
တစ်ဦးစေလွှတ်၍၊တိုင်းထွာတွက်ချက်ခဲ့ဖူး၏။လုပ်သားအင်အား
တစ် သောင်း၊လေးနှစ်တာကာလနှင့်ကုန်ကျငွေပေါင်တသန်းခွဲခန့် ကုန်ကျမည်ဟုခန့်မှန်းခဲ့သောကြောင့်ယင်းအစီအ စဉ်ကိုလက်လျော့ ခဲ့သည်။ဤကားစကားချပ်)

အဆင့်မြင့်နည်းပညာများကြောင့်ပြားခဲ့လေသောကမ္ဘာကြီးတွင်၊မည်မျှဝေး
သည့်ခရီးပင် ဖြစ်စေ၊တမဟုတ်ခြင်းရောက်နိုင်သည့်လေယာဉ်ပျံများ၊ဝေဟင်
တွင်ဥဒဟိုလူးလာဆန် ခတ်နေသော၊ယနေ့ခေတ်တွင်ပင်၊ စူးအက်တူးမြောင်းသည်ကမ္ဘာ့အရှေ့နှင့်အနောက်ကုန်သွယ်မှုအတွက်
အဓိကအသက်သွေးကြောဖြစ်နေသည်မှာငြင်း၍မရသောအချက်ဖြစ်၏။

ထိုသို့ခေတ်အဆက်ဆက်ကျားကုတ်ကျားခဲကြိုးပမ်းမှုများကြောင့်ပင်ဥရောပ
တိုက်သားတို့သည်ကုန်သွယ်ခြင်းအရာတွင်ကမ္ဘာ့အရှေ့ဖျားနိုင်ငံများထက်
အဆပေါင်းများစွာသာလွန်တိုးတက်ခဲ့ရခြင်းဖြစ်လေသည်။ကုန်သွယ်ခြင်းနှင့်
တစ်ဆက်တည်းတွင်၊ပစ္စည်းအသစ်အဆန်းတီထွင်ထုတ်လုပ်ခြင်းလည်း
ပါဝင်လာပြန်သည်။

နောက်တစ်ဆင့်အနေဖြင့်အဆင့်မြင့်နည်းပညာများပါတိုးတက်လာခဲ့ပြန်သည်။
မျက်မှောက်ကာလ၌ဂျပန်၊ကိုးရီးယား၊စင်္ကာပူ၊ထိုင်းတို့သာမက၊ဗီယက်နမ်
ကဲ့သို့နိုင်ငံများပင်လျှင်ကုန်သွယ်ခြင်းအတတ်ကိုဥရောပနိုင်ငံများနှင့်
ရင်ပေါင်တန်းနိုင်အောင်ကြိုးစားအားထုတ်လျက်ရှိရာ၊အတော်အသင့်
ခရီးရောက်နေကြလေပြီ။ဂျပန်၊စင်္ကာပူတို့မှာကမ္ဘာ့အဆင့်ကိုမီနေချေပြီ။

(၅)
ဤနေရာ၌မြန်မာတို့ညံ့ဖျင်းသည်၊လုံ့လဥဿဟနည်းပါးသည်ဟုကျွန်တော်
ဆိုလိုချင်သည်မဟုတ်ချေ။မျက်မှောက်ခေတ်ကိုကမ္ဘာကြည့်ကြည့်မြင်နိုင်ရန်
သာရည်ရွယ်လိုရင်းဖြစ်၏။ပဒေသရာဇ်ခေတ်တွင်မြန်မာတို့သည်စစ်ပွဲများဖြင့်သာအချိန်ကုန်လွန်ခဲ့ပြီး၊ကမ္ဘာကြီး ကိုမျက်ခြေပြတ်ခဲ့လေသည်။

အင်္ဂလိပ်မြန်မာစစ်ပွဲနှစ်ကြိမ်ဖြစ်ပြီးနောက်မင်းတုန်းမင်း၊သီပေါမင်းလက်ထက်တို့တွင်၊အမျှော်အမြင်ရှိသောပုဂ္ဂိုလ်များဖြစ်သည့်ကနောင်မင်းသားကြီး
၊ယောအတွင်းဝန်ဦးဖိုးလှိုင်၊စသူတို့သည်၊ခေတ်မီသောမြန်မာဘုရင့်နိုင်ငံ
အဖြစ်၊ရည် မျှော်အားထုတ်ခဲ့ကြပါ၏။

ကင်းဝန်မင်းကြီးခေါင်းဆောင်သောသံတမန်အဖွဲ့သည်၊ပြင်သစ်၊အင်္ဂလန်
အစရှိသည့်နိုင်ငံများသို့သွားရောက်ကာ၊ကမ္ဘာကြီးကိုအမီလိုက်နိုင်
ရန်ကြိုးပမ်းခဲ့ကြပါသေး၏။ သို့သော်နန်းတွင်းအရှုပ်အထွေးနှင့်အင်္ဂလိပ်တို့၏ခြေသွက်မှုတို့ကြောင့်၊
တစ်တိုင်းပြည်လုံးအင်္ဂလိပ်ကျွန်ဖြစ်ခဲ့ကာ၊(၁၈)ရာစုဝန်းကျင်တွင်
အင်္ဂလန်၌ပေါ်ပေါက်ခဲ့သည့်စက်မှုတော်လှန်ရေးနှင့်အဆက်ပြတ်ကင်းကွာ
ခဲ့သောကြောင့်၊ခေတ်မီနိုင်ငံများ၏နည်းပညာ ကျွန်ဖြစ်ခဲ့ရသည်မှာ ယနေ့ထက်တိုင်ဖြစ်လေသည်။

သူ့ကျွန်ဘဝကလွတ်မြောက်ချိန်တွင်လည်း ကမ္ဘာကြီးကိုအမီလိုက်နိုင်ရန် အားထုတ်ခဲ့ကြ ပါ၏။အင်္ဂလိပ်တို့၏ကုန်သွယ်ရေးနည်းနာများကိုမှီးလျက်၊ အချိန်ကာလတစ်ခုအထိနိုင်ငံတကာအဆင့်မီကုန်သွယ်နိုင်ခဲ့သော်ငြား၊
စစ်တပ်မှအာဏာသိမ်းကာ၊ကုန်သည်ကြီးများ၏လုပ်ငန်းမှန်သမျှပြည်သူပိုင်
သိမ်းခဲ့သဖြင့်မြန်မာပြည်သည်ဆင်းရဲတွင်းထဲမှာပင်တဝဲလည်လည်
ရှိနေခဲ့သည်။

မြန်မာပြည်မတိုးတက်ရသည့်အကြောင်းများတွင်အဓိကအချက်မှာ
ဈေးရောင်းဈေးဝယ်မတတ်ခြင်းသည်အဓိကကျသည်ဟုကျွန်တော်မြင်သည်။
စစ်ဝါဒီတို့သည်၊ဓာတ်ငွေ့၊ကျွန်းသစ်၊တွင်းထွက်သယံဇာတတို့ကိုသူခိုးဈေးနှင့်
ရောင်းသည်သာမက၊တစ်တိုင်းပြည်လုံးကိုပါချရောင်းပစ်သည်အထိ
မိုက်လုံးကြီးခဲ့ကြသည်။

အကယ်၍သာကမ္ဘာ့အဆင့်မီဈေးရောင်းတတ်ခဲ့လျှင်၊အုပ်ချုပ်ခဲ့လေကြသော
စစ်မင်းများလည်းသည့်ထက်မကချမ်းသာကြွယ်ဝနိုင်မည်။တိုင်းပြည်လည်း သည်လောက်ချွတ်ခြုံမကျနိုင်ချေ။

ယခု(၂၀၁၆)ခုနှစ်တွင်မြန်မာနိုင်ငံ၌ပြည်သူရွေးချယ်သောပြည်သူ့အစိုးရ
တက်လာချေပြီ။ကျွန်တော်တို့အားလုံးကုန်သွယ်ခြင်းတည်းဟူသော
ဈေးရောင်းဈေးဝယ်အတတ်တွင်၊ကမ္ဘာကြီးကိုအမီလိုက်ရမည့်
အချိန်ကာလဖြစ်၏။

(၆)
မကြာမီက၊အာဏာစွန့်ခဲ့ရသည့်ဗိုလ်ချုပ်ကြီးများလက်ဝယ်တွင်၊မြောက်များ
လှသော၊ငွေကြေးဓနဥစ္စာများရှိနေရာ၊ထိုငွေကြေးတို့ဖြင့်၊သမ္မာအာဇီဝ
၊ခေတ်မီစီးပွားရေးလုပ်ငန်းများထူထောင်လုပ်ကိုင်နိုင်ခဲ့သော်၊
တိုင်းပြည်ပြန်လည်ထူထောင်ရေးတွင်အထိုက်အလျောက်အကျိုးရှိရာ၏။

ထိုသို့ကုန်သွယ်ခြင်း၊ဈေးရောင်းဈေးဝယ်ခြင်းနှင့်တစ်ဆက်တည်းပင်
၊ပြည်တွင်းတွင်အသုံးပြုရန်လည်းကောင်း၊ပြည်ပနိုင်ငံများသို့ တင်ပို့နိုင်သောပစ္စည်းမျိုးစုံထုတ်လုပ်သည့်အခန်းကဏ္ဍကိုလည်း၊ မလွဲမသွေအရှိန်မြှင့်တင်နိုင်ရာ၏။ထို့အတူပြည်တွင်းပြည်ပဈေးကွက်အတွက် လယ်ယာသီးနှံစိုက်ပျိုးထုတ်လုပ်မှုကိုလည်း၊အဓိကနေရာမှပံ့ပိုးပေးနိုင်
ပေလိမ့်မည်။

လက်ရှိအစိုးရသည်နိုင်ငံတကာမှ၊လာရောက်ရင်းနှီးမြှုပ်နှံနိုင်သည့်
၊ခေတ်နှင့်လျော်ညီသည့်ဥပဒေများကိုပြင်ဆင်ပြဋ္ဌာန်းပေးလျက်ရှိ၏။
ထိုဥပဒေများကိုအခါအားလျော်စွာ၊လိုအပ်ချက်ရှိလေတိုင်းပြင်ဆင်
ထုတ်ပြန်ပေးလျက်ရှိ၏။ယင်းအခြေအနေမျိုးမှာပင်၊အဆိုပါပုဂ္ဂိုလ်တို့
အနေဖြင့်၊သိက္ခာတရားရှိသောကုန်သွယ်မှုများကိုလုပ်ကိုင်ရန်လူစွမ်း
လူစမရှိကြ ချေ။

ပို၍ဆိုးသည်ကား၊ကိုယ်ကျင့်တရားရှိသည့်စီးပွားရေးကိုမလုပ်တတ်သည့်
အပြင်၊တလွဲဆံပင်ကောင်းလျက်၊မူးယစ်ဆေးဝါးကိစ္စများတွင်ပါဝင်
ပတ်သက်ကာ၊ငွေမည်းကို ငွေဖြူဖြစ်လာအောင်ဖန်တီးခြင်းဖြင့်၊
မိုက်တွင်းဆက်၍နက်နေကြခြင်းပေတည်း။

ကုန်သွယ်ခြင်းအတတ်ကျွမ်းကျင်လိမ္မာမှုမရှိသောတိုင်းနိုင်ငံသည်
အဘယ်မှာလျှင်တိုးတက်နိုင်ပါအံ့နည်း။ငွေကြေးဥစ္စာမည်မျှပင်ကြွယ်ဝစေ
ကာမူ၊ကိုယ်ကျင့်သိက္ခာနှင့်ကိုယ်ချင်း စာတရားကင်းမဲ့သူတို့၏ ဘဝသည်၊ မည်သို့လျှင်အဓိပ္ပါယ်ရှိပါအံ့နည်း။ထိုသို့သောသူအများစုရှိနေသည့်
တိုင်းပြည်သည်၊အဘယ်မှာလျှင်ကြွယ်ဝချမ်းသာနိုင်ပါမည်နည်း။

(၇)
ထို့ပြင်တဝခေတ်ပြောင်းနေပြီဆိုလေသည့်ကျွန်တော်တို့တိုင်းပြည်တွင်ကား၊
စားသောက်ကုန်ရောင်းချသည့်နေရာတွင်ပင်၊ကျန်းမာရေးနှင့်
ညီညွတ်မှုရှိအောင်မစ်ီမံနိုင်ကြသေးချေ။ကုန်သွယ်မှုအတွက်
ဝန်ဆောင်ပေးရန်အခရာကျသည့်ဌာနတိုင်းလိုလိုတွင်၊လာဘ်ပေး လာဘ်ယူ၊အကျင့်ပျက်ခြစားမှုများရှိနေဆဲဖြစ်သည်။

ကုန်တိုက်တစ်ခုထဲသို့ဝင်သွားလျှင်ဝင်လာသည့်ဈေးဝယ်သူကို
အရောင်းစာရေးများက“ဝယ်နိုင်လို့လား”ဟူသောအဓိပ္ပါယ်ပါသည့်
အကြည့်ဖြင့်ကြည့်သည်။ဘဏ်စာရေးမကဘဏ်ပိုင်ရှင်လေသံဖြင့်
မောက်မာသည်။ခေတ်ဟောင်းကစရိုက်ဆိုးတွေမပျောက်သေး။

ကမ္ဘာလှည့်ခရီးသွားများအဖြစ်ရောက်လာသူများမှာလည်း၊သူတို့ငွေကို
မြန်မာပြည်တွင်သုံးစွဲချန်ထားပစ်ခဲ့ရန်၊နေရာတိုင်း၌အရန်သင့်ငွေသွင်းငွေ
ထုတ်စက်မရှိ။ဘဏ်စနစ်သည် ခေတ်မမီသေးချေ။

ထိုအခြေအနေများနှင့်၊စစ်အာဏာရှင်ဟောင်းတို့လက်တွင်ရှိနေသော
တရားမဝင်ငွေ ကြေးများ၊၎င်းတို့ကျောထောက်နောက်ခံပြုထားသည့်၊
ဧရာမမူးယစ်ဆေးဝါးဈေးကွက်ကြီးပေါင်းစပ်လိုက်သည့်အခါ၊မြန်မာပြည်
တွင်းဆုံးကျအောင်မွဲတေခဲ့ရသည်မှာအလွန်သဘာဝကျသည်။

ကျွန်တော်တို့တိုင်းပြည်ဆင်းရဲတွင်းမှလွတ်မြောက်ရန်လက်ရှိအစိုးရသည်
တရားမဝင်ငွေကြေးများ၊မူးယစ်ဆေးဝါးကိစ္စများကိုအဓိကထားဇောင်းပေး
ကိုင်တွယ်ရပေလိမ့်မည်။တစ်ပြိုင်နက်တည်းတွင်၊ကျွန်တော်တို့တိုင်းပြည်အား
ဈေးရောင်းဈေးဝယ်တတ်ကျွမ်းသည့်နိုင်ငံအဖြစ်သို့၊ပြောင်းလဲပစ်ကြရပေ
လိမ့်မည်။

လိုရင်းကိုဆိုရလျှင်ပြည်သူလူထုအားစနစ်တကျဈေးရောင်းတတ်အောင်
၊လေ့ကျင့်သင်ကြားပေးရပေဦးမည်။ဈေးရောင်းနိုင်အောင်လည်းအစိုးရ
အနေဖြင့်၊လိုအပ်ချက်များကိုဖြည့်ဆည်းပေးရပေလိမ့်မည်။ပြည်သူတို့
အနေ ဖြင့်လည်း၊ပြည်တွင်းတွင်ကြီးပွားချမ်းသာနေသောလူမျိုးခြား၊
ဘာသာခြားတို့၏ရောင်းရေးဝယ်တာနည်းနာများကို အတုယူသင့်လေသည်။

နိဂုံးအားဖြင့်ကုန်သွယ်ခြင်းတည်းဟူသောဈေးရောင်းဈေးဝယ်အတတ်သည်
တိုင်းပြည်တစ်ခု၏နိုင်ငံရေး၊စစ်ရေး၊စီးပွားရေး၊လူမှုရေး၊ဘဏ်လုပ်ငန်း၊
လယ်ယာစိုက်ပျိုးရေးကဏ္ဍ၊စက်မှုလက်မှုလုပ်ငန်း၊စသည်တို့နှင့်
တိုက်ရိုက်ပတ်သက်ယှက်နွယ်လျက်ရှိလေရာ၊ယင်းအတတ်ပညာကို
မတတ်သရွေ့၊ကျွန်တော်တို့နိုင်ငံသည်မွဲသထက်မွဲကာအမွဲသံသရာ
ရှည်ကြာနေပေလိမ့်ဦးမည်ဟု၊တိုင်းပြည်သို့ကျွန်တော်အသိ ပေးလိုသည်။ ။