***မြန်မာစာကိုကယ်တင်ဖို့ရာ***

 

မြန်မာစာလုံးပေါင်းသတ်ပုံကျမ်းနှင့်စာလုံးပေါင်းလမ်းညွှန်-ရွှေအိမ်စည်

 

***မြန်မာစာကိုကယ်တင်ဖို့ရာ***

ငြိမ်းချမ်းအေး

တိုင်းပြည်မှာ “ဧရာဝတီကိုကယ်တင်ပါ”၊ “ရေဘေးဒုက္ခသည်တွေကိုကယ်တင်ပါ” ကနေနောက်ဆုံး “ပုဂံကိုကယ်တင်ပါ” အထိကယ်တင်စရာတွေကများလှပါတယ်။ ဒီအထဲကလူကြီးများအပြောများလှတဲ့ “မြန်မာစာကိုကယ်တင်ပါ”၊ “လူငယ်တွေ အွန်လိုင်းမှာ မြန်မာစကားကိုဖျက်နေကြတယ်” စတဲ့ ကြားနေရတဲ့ အော့ သံ၊ ဆူသံ၊ ငေါက်သံလေးတွေကိုတော့ နည်းနည်း ပြန်လည်ဆွေးနွေးချင်ပါတယ်။

ဘာကြောင့်ဆိုကျနော်ကိုယ်တိုင်လည်းမြန်မာပြည်ကရုပ်သံ၊ ရေဒီယို၊ အက်ဖ်အမ် မီဒီယာအစုံစုံ၊ သတင်းစာ၊ ဂျာနယ်၊ မဂ္ဂဇင်း၊ စာစောင် စာနယ်ဇင်းအဖုံဖုံနဲ့ ပြန်လည်ရင်းနှီးခွင့် ရလာတဲ့ အခါမှာအရင် အဝေးရောက်နေတုန်းကအွန်လိုင်းလူမှုကွန်ရက်ကတရားဝင်မီဒီယာများရဲ့ ရေးသားတင်ပြမှုတွေအပေါ် စိတ်ကုန် ရန်ဖြစ်နေရာကနေအခုတော့ သတင်းစာစာစောင်ဖတ်ရင်း၊ ရုပ်မြင်သံကြားရှေ့ထိုင်ရင်းစိတ်အလိုမကျ ဖြစ်နေရတဲ့သူပါ။ ရုပ်သံနဲ့ ရေဒီယိုအသံလွှင့်တွေက မြန်မာစာ၊ မြန်မာစကားအသုံးအနှုန်း၊ အသံထွက်တွေ အကြောင်း မြန်မာစာ ကျွမ်းကျင်သူဆရာကြီးဆရာမကြီးတွေ ထောက်ပြ ပြောဆိုခဲ့တာလည်းဟိုးအရင် ဆယ်စုနှစ်တွေကတည်းကများလှပါပြီ။ ဒါလည်းတာဝန်ရှိသူများကမှန်ကန်အလုပ်ဖြစ်တဲ့ ပြုပြင်ပြောင်းလဲမှုတွေ မပြုလုပ်ခဲ့ကြပါဘူး။

Facebook လိုအွန်လိုင်းလူမှုကွန်ရက်စာမျက်နှာများမှာတွင်ကျယ်နေတဲ့ ခေတ်ဗန်းစကားများကိုကျ အလုပ်မရှိအလုပ်ရှာ“မြန်မာစာပျက်ပါပြီး”အော်ချင်ကြပါတယ်။ ဘာသာစကားဆိုတာပြောင်းလဲတယ်၊ မြစ်လိုစီးဆင်းရွေ့လျားရှင်သန်နေရတယ်။ ပြောင်းလဲမှု ရှင်သန်မှု မရှိတဲ့ ဘာသာစကားဟာလူမသုံးတော့တဲ့၊ သေနေတဲ့ စကားပဲ ဖြစ်ပါမယ်။ “သခင်ဘုရား” ကနေ“ခင်ဗျား” ဖြစ်တယ်။ ကျေးတော်မျိုး ကျွန်တော်မျိုးပါ ဆိုပြီးမိမိဘာသာ နှိမ်ချ “ကျွန်တော်” သုံးတယ်။ကိုလိုနီခေတ် ဒို့ဗမာအမျိုးသားလှုပ်ရှားမှုနဲ့ အတူ ကျွန်စော်မနံချင်တဲ့ သခင်ကြီးတွေကစာရေးရင် “ကျနော်” လို့ ပြောင်းရေးကြတယ်။

ပြောချင်တာကအွန်လိုင်းကပြောင်းလဲနေတဲ့ ခေတ်သုံးဗန်းစကားသတ်ပုံ၊ အသံထွက်အပျက်တွေဟာအများပြည်သူအတွက် တရားဝင် သတင်းဖြန့်ချီနေတဲ့ လူထုနား၊ မျက်စိမီဒီယာတွေက မြန်မာစာအသံထွက် အမှားတွေလောက် မဆိုးသေးဘူးဆိုတာကိုအဆိုတင်သွင်းချင်တာပါ။ အသံထွက်ပြောင်း၊ စာလုံးပေါင်းပြောင်း၊ အဓိပ္ပာယ်ပြောင်းသွားတဲ့ ဗန်းစကားအသုံးဆိုတာကမ္ဘာမှာလူတွင်ကျယ် အဖြစ်ဆုံးဘာသာစကားဖြစ်တဲ့ အင်္ဂလိပ်စာမှာဆိုရင် အဘိဓာန်တောင် ထုတ်ကြပါတယ်။ မြန်မာပြည်မှာတော့ သူ့ခေတ် သူ့အခါကခေတ်ရှေ့ အင်မတန်ပြေးခဲ့တဲ့ စတီရီယိုဂီတရှေးဦး Pioneer တစ်ဦးဖြစ်သူမင်းမင်းလတ် ပြုစုတဲ့ လူငယ်တွေ နေ့စဉ်သုံးလမ်းပေါ်ကဝေါဟာရများစာအုပ်သာသတ်သတ်မှတ်မှတ် ရှိဖူးခဲ့တယ်။

အခုဖြစ်နေတာကလူငယ်တွေရဲ့ အွန်လိုင်းနေ့စဉ်သုံးဗန်းစကားတွေကိုကျ တိုင်းပြည်ပျက်မတတ် ဝေဖန်နေကြပြီးအရေးကြီးတဲ့ တရားဝင် ပုံနှိပ် အွန်လိုင်းစာနယ်ဇင်း၊ မီဒီယာရုပ်သံ၊ ရေဒီယိုတွေမှာတော့ မြန်မာစာ၊ မြန်မာစကားကိုသေချာလေ့ကျင့်ပြင်ဆင် သင်ကြားပေးမထားသူတွေကိုပြောခိုင်း၊ ရေးခိုင်းနေကြတယ်။ စာရေးသားရာမှာ “မှ” နဲ့ “က” လွဲသုံးနေကြတာဆိုရင် အခုဆိုအမှားကအမှန်ဖြစ် အထိုင်ကျ တွင်ကျယ်လို့တောင် နေနေပါပြီ။ မနှစ် နှစ်ကုန်ပိုင်းလောက်ကဆရာကြီးမောင်စွမ်းရည် အမေရိကားကခေတ္တခဏအလည်ပြန်လာစဉ် မောင်စွမ်းရည်နဲ့မိတ်ဆွေများစာပေစကားဝိုင်းလေးကျနော်စီစဉ်ပြီးလုပ်တော့တောင် လူတိုင်းလွဲနေတဲ့ “မှ” “က” အကြောင်းကို မြန်မာစာဆရာကြီးဂုဏ်ထူးဦးသိန်းနိုင်ကထည့်ဆွေးနွေးသွားခဲ့တာမှတ်မိပါသေးတယ်။

ရုပ်မြင်သံကြားကသတင်းကြေညာသူများနေ့တိုင်းရွတ်ဆိုနေကြတဲ့ အမှားတွေ ဆိုတာတော့ ရေတွက်လို့ကိုမရပါ။ “စလုံး” အသံနဲ့ “ဆလိမ်” အသံထွက်လိုသိမ်မွေ့နက်နဲတဲ့ အသံထွက်ကွဲပြားမှုကိုအမှန်အတိုင်းအသံမထွက်တတ်မျိုးကိုခုလိုခေတ်ကြီးမှာသည်းခံပေးတတ်နေပါပြီ ဒါပေမဲ့ ရဲဘော်သုံးကျိပ်ဝင် ခေါင်းဆောင်ကြီး“ဗိုလ်လက်ျာ” ကို “ဗိုလ်လင်ကျာ” လုပ်တာမျိုးကတော့ ခပ်နာနာလေးဖိထောင်းချင်ပါတယ်။ သတင်းဖတ်သူထက် သူ့ကိုတာဝန်ပေးထားတဲ့ အထက်ကအယ်ဒီတာ၊ ထုတ်လုပ်သူလူကြီးအရာရှိတွေကိုပိုလို့ အပြစ်တင်ချင်ပါတယ်။

ပါဌ်ဆင့်တွေပါဠိပါဌ်သားတွေ ပါလာပြီဆိုရင်ကိုအသံမှန်မထွက်တတ်ကြတော့တာဝမ်းနည်းဖွယ်ပါ။

ဒါ့အပြင် သတင်းဖတ်ကြားရာမှာနေ့စဉ် ကြားနေရတဲ့ နားမချမ်းသာစရာအသံထွက် တစ်ခုကတော့ “ကဏ္ဍ” (ပါဠိကလာအခန်း၊ အပိုင်းအနက်ရှိ) ပါ။ အသံထွက် အမှန် “ကန်ဒါ့” ကို“ကန်န” ဒါမှမဟုတ်ရင် ဂန်ဒါ့” ဆိုပြီးပါစင်အောင်လွဲနေတာမျိုးအတွက် ထောင်ပြ ပြုပြင်ပေးနိုင်သူတွေ စီးပွားရေးကြော်ငြာများနဲ့ အမြတ်များစွာရနေတဲ့ ရုပ်သံနဲ့ ရေဒီယိုဌာနတွေမှာမရှိကြတော့ဘူးလား။ ဝန်ထမ်းအရည်အချင်းပြည့်မီရေးအတွက် အသုံးစရိတ် မထားကြတော့ဘူးလား။ မြန်မာစာအရည်အသွေးမြှင့် သင်တန်းတွေ စီစဉ် မပေးကြတော့ဘူးလား။

ပါဠိကပဲလာတဲ့ ကသတ်သံဖတ်ရမယ့် ဝါကျ (ဝက်ကျာ့)၊ သကျသာဂီ (သက်ကျာ့သာဂီ)၊ စကြာဝဠာ (စက်ကျာဝလာ) အသံထွက်များ၊ ငသတ်သံနဲ့ ဖတ်ရတဲ့ ကတညုတ (ကတင်ညုတ)၊ အညတရ (အင်ညတ်တရာ့)၊ အညမည (အင်ညာ့မင်ညာ့) အသံထွက်အမှန် မထွက်ကြတာတွေ၊ “ချီးမွမ်းထောမနာ” ကို “ချီးမွမ်းထောပနာ” လုပ်နေကြတာတွေ။
နိစ္စဓူဝ (နေ့တဒူဝမဟုတ်) စတဲ့ တွင်ကျယ်နေတဲ့ အမှားတွေ၊ ဒါတွေ အားလုံးကိုမျိုးဆက်သစ် ကလေးများအတွက် မြန်မာစကားအမွေချန်ထားလိုကြလို့ အမှားတွေကိုဒီအတိုင်းထိုင်ကြည့်နေကြသလားမေးချင်ပါတယ်။

ဆိုခဲ့တဲ့ စကားလုံးတွေ အကြောင်းအမှား၊ အမှန်တွေကိုဆိုရင် ခေတ်မကောင်းတဲ့ ၁၉၉၀ ခုနှစ်များနဝတ၊ နအဖတပ်မတော်အစိုးရများလက်ထက်ကတည်းက မြန်မာစာအဖွဲ့က “မြန်မာစာ၊ မြန်မာစကား” ဆိုပြီးဇာတ်လမ်း၊ အရုပ် အကူအညီ၊ ကာတွန်းသရုပ်ဖော် ပံ့ပိုးမှုတွေနဲ့ ကျကျနန ပြည်သူပိုင် ရုပ်သံမှာအစီအစဉ်တွေလုပ် လွှင့်ခဲ့ဖူးပါတယ်။ စာအုပ်လည်းထုတ်ဖူးပါတယ်။ ပြည်ပအခြေစိုက် ဒီမိုကရေစီအင်အားစုများဘက်ကလည်း ၂၀၀၇ ခုနှစ် ဝန်းကျင်တုန်းက မြန်မာသတင်းသမဂ္ဂကထုတ်ဝေတဲ့ စာရေးဆရာမ/မြန်မာစာဆရာမဆရာမမေငြိမ်း ပြုစုတဲ့ “သတင်းသမားသထိထားစရာ မြန်မာစာနှင့် စကားသံများ” E-book ထုတ်ဝေဖူးပါတယ်။ ဆရာမမေငြိမ်းဟိုတလောကမြန်မာပြည် ပြန်လာတုန်းကတောင် အဲဒီစာအုပ် ပြည်တွင်းမှာပုံနှိပ်ထုတ်ဝေသင့်ကြောင်းတိုက်တွန်းလိုက်ပါသေးတယ်။ မြန်မာစာကိုအသုံးပြု အသုံးချ အသက်မွေးဝမ်းကျောင်း ပြုနေရတဲ့ လူငယ်တွေကြားမှာအဲဒီလိုစာအုပ်တွေကျယ်ကျယ်ပြန့်ပြန့် ဖြစ်သင့်တယ်ယူဆပါတယ်။

ဆရာကြီးမောင်သာနိုးထောက်ပြခဲ့ဖူးတဲ့ မြန်မာစာအမှားတွေ၊ ဆရာကြီးမောင်ခင်မင် (ဓနုဖြူ) အခု နှစ်ပိုင်းအထိစဉ်ဆက်မပြတ် ရေးနေတဲ့ မြန်မာစာရေးရာစာအုပ်တွေ လူငယ်မျိုးဆက်သစ်များဆီရောက်ဖို့ အမှန်လိုပါတယ်။

ပထမဆိုခဲ့တဲ့ စာအုပ် နှစ်အုပ်စလုံးဆိုရင် အွန်လိုင်းမှာ Electronic စာအုပ်တွေ အဖြစ် လွယ်လွယ်ကူကူရနိုင်နေတာဆယ်နှစ်နီးပါးရှိပါပြီ။ အခြား မြန်မာစာဗဟုသုတစာတွေနဲ့ သတ်ပုံကျမ်း၊ အဘိဓာန် တွေလည်းအွန်လိုင်းခေတ်မှာရယူရတာအလွန် လွယ်ကူနေပါပြီ။ လိုနေတာကသင်ယူလိုစိတ်နဲ့ မိခင်ဘာသာစကားအမှားဟာရှက်စရာပါ့လား၊ ကိုယ့်ဘာသာကိုယ် ပညာမတတ်ခြင်းကို ပြနေရာရောက်ပါ့လားဆိုတဲ့ ခံယူချက်မွေးနိုင်ဖို့ပါ။ဒါမျိုးစိတ် လူငယ်တွေမှာမရှိတာကိုလည်းသွားအပြစ်တင် မစောစေချင်ပါ။

တိုင်းပြည်မှာ နှစ်ငါးဆယ်ကျော် ဖြတ်သန်းခဲ့ကြရတဲ့ ခေတ်ကိုကလည်း “မြန်မာစာပေ”ထက် တပ်မတော် ဦးပိုင်ထုတ် “မြန်မာဘီယာ” က ကြီးပွားခဲ့တာကိုး။ “ပညာဉာဏ်”ထက် “အာမီရမ်” က နာမည်ကြီးခဲ့တာကိုး။ “ဒဂုန်တာရာ”ထက် “ဒဂုံဘီယာ” က တွင်ကျယ်ခဲ့တာကိုး။ “စာကြည့်တိုက်”ထက် “အရက်ဘားနဲ့စင်တင်ဖော်ချွတ်ပွဲ”တွေကနေရာအနှံ့ ကျယ်ပြန့်ခဲ့တာကိုး။ တက္ကသိုလ်တွေမှာကျက်စားရမယ့် ကျောင်းသားတွေကနရသိမ်မှာ၊ တောရမှာပျော်မွေ့ခဲ့ရတာကိုး။ စည်ပင် ဖွံ့ဖြိုးရမယ့် ပညာရပ်ဝန်းကသုသာန် တစပြင် အလား ဖြစ်ခဲ့ရတာကိုး။


ဒီလိုစာပေ၊ ဗဟုသုတုဝမ်းစာခေါင်းပါး ချွတ်ခြုံကျတဲ့ ခေတ်ဆိုးကြီးကိုစာရေးသူကျနော် အပါအဝင် အားလုံး ဖြတ်သန်းခဲ့ရပါတယ်။ တတ်လို့ လုပ်စားကြရတာထက်၊ ဝါသနာကြီးလို့ အလုပ်အကိုင် တစ်ခုကိုရွေးချယ်ရတာထက်၊ ဝမ်းရေးအခြေအနေအရရွေးချယ်ခဲ့ရမှုတွေကတိုင်းပြည်ရဲ့ ကဏ္ဍ တိုင်းမှာများလာခဲ့ပါတယ်။

ဒီလိုလေ့လာသင်ယူထက်မြတ် တတ်မြောက် လိုစိတ်တွေ ကင်းမဲ့အောင်၊ စာနဲ့ ပေနဲ့ ဝေးအောင်၊ မသိအောင်၊ မတတ်အောင်၊ ‘အ’ အောင် စနစ်တကျ ပညာသင်းကွပ် ခံထားရတဲ့ (စာရေးသူကျနော် အပါအဝင်) လွန်ခဲ့တဲ့ နှစ် နှစ်ဆယ် သုံးဆယ် လူငယ် လူရွယ် မျိုးဆက်ကိုတော့ မသိရကောင်းလား၊ မတတ်ရကောင်းလားလူကြီးဆိုသူများကဖိနင်းအပြစ်ဖို့ချင်ရင်တော့ အလုပ်ဖြစ်မှာမဟုတ်ပါ။ ဒီအတွက် အဖြေရှာရင်တော့ တိုင်းပြည်ရဲ့ လူမှု၊ စီးပွား၊ နိုင်ငံရေးရာစနစ် အနာတွေ အစုံပါတဲ့ရင်းမြစ်နောက်ကြောင်းတွေ အများကြီးရှိပါတယ်။

ဒါပေမယ့် လတ်တလောအပြင်သင့်ဆုံးနဲ့ လက်တွေ့ အပြင်နိုင်ဆုံးကတော့ လူကြီးနေရာယူထားသူများရဲ့ သဘောထားပါပဲ။ ပြည်သူလူထုကိုအသိအမြင် ဖွင့်ပေးနေရတဲ့၊ ပေါင်းကူး ပြန်ကြားရေးလုပ်ပေးနေရတဲ့ ရုပ်သံ၊ ရေဒီယို၊ ဂျာနယ်၊ စာစောင်၊ မဂ္ဂဇင်းစာနယ်ဇင်းများကအယ်ဒီတာ၊ ထုတ်လုပ်သူအစရှိတဲ့ အထက်မှာရာထူးနေရာယူထားတဲ့ လူကြီးဆိုသူများနဲ့ အစိုးရ ပြန်ကြားရေးဝန်ကြီးဌာနလိုအုပ်ချုပ်ရေးပိုင်းဆိုင်ရာလူကြီးများဆိုသူများရဲ့ တော်တည့်မှန်ကန်တဲ့ တည်းဖြတ် ပြင်ဆင်မှု အလုပ်တွေ၊ လမ်းညွှန်မှုတွေ၊ သင်ပြမှုတွေ လိုနေပါတယ်။

လူငယ်တွေရဲ့ အမှားတွေကိုနင်ပဲငဆနင်းနှိမ် ထောက်ပြကာခေတ်ကာလသားသမီးတွေ အလကားပဲ၊ Facebook မှာ “ကွီး” ၊ “မွီး” နဲ့ မြန်မာစာဖျက်နေကြတယ် ဆိုပြီးအရေးမဟုတ်တာအရာလုပ်မယ့် အစားတရားဝင် မီဒီယာတွေကစာလုံးပေါင်း၊ အသံထွက် အမှားတွေကိုစနစ်တကျ ပြုစုကာပညာပေးခြင်း၊ သင်တန်းပေးခြင်းတွေ လုပ်သင့်ပါတယ်။ မြန်မာစာဗဟုသုတစာအုပ်စာပေတွေကိုလူငယ်တွေနဲ့ ပိုနီးစပ်အောင်၊ လက်လှမ်းမီအောင် ဆောင်ရွက်သင့်ပါတယ်။ အခြေခံပညာရေးမှာလည်းြ့မန်မာစာဆရာတွေရဲ့ အရည်အသွေးကို မြှင့်တင်ခြင်း၊ သင်ကြားပုံနည်းစနစ်နဲ့ ပြဋ္ဌာန်းစာအုပ်တွေကိုလည်းခေတ်လူငယ်၊ ခေတ်စနစ်နဲ့ လိုက်လျောညီထွေတဲ့ ပြုပြင်ပြောင်းလဲမှုတွေ လုပ်သင့်ပါတယ်။

ဆိုတော့ကာ “မြန်မာစာကိုကယ်တင်ဖို့ရာလူကြီးများတွင်တာဝန်ပိုရှိသည်” လို့ ပဲတစ်ကြောင်းတည်းတိုတိုနိဂုံးချုပ် ဆိုလိုက်ချင်ကြောင်းပါ။

ငြိမ်းချမ်းအေး
၂၅ သြဂုတ်၊ ၂၀၁၆
(ဆက်သွယ်ရန်နှင့် ဝေဖန်ရန် - nyeinchanaye81@gmail.com)

Education Digest အတွဲ-၅၊ အမှတ်-၃၄