မြန်မာပြည်မှာ လူဖြစ်ခဲ့ရတဲ့ဒုက္ခ

 

Kyawthu Soe

 

မြန်မာပြည်မှာ လူဖြစ်ခဲ့ရတဲ့ဒုက္ခ
------------------------------------

ဒီဇင်ဘာလ နှစ်သစ်ကူး အလုပ်အားရက် ကျောင်းပိတ်ရက်တွေမှာ
နိုင်ငံရပ်ခြားကနေ မြန်မာပြည် ခဏအလည်ပြန်ကြမဲ့ သူတွေများပါတယ်။
ကျနော့် ပတ်ဝန်းကျင်မှာကို အတော်များများ ပြန်ကြဖို့ ရှိပါတယ်။
ဒီအတောအတွင်းမှာ-
မြန်မာပတ်စပို့စ် အမျိုးအစားတွေပြောင်းလဲရမယ်ဆိုတဲ့
သတင်းတွေကလည်း ထွက်နေပြန်ပါတယ်။

ဘာတွေလဲ--။

လုံးဝမကြားမိ မသိသေးသူတွေလည်း အတော်များများရှိလိမ့်မယ်လို့ လည်း
ထင်မိပါတယ်။
ဒါကြောင့် ကျနော်သိထားသလောက်လေးကို ပြန်ပြောပြချင်ပါတယ်။
ယခုနှစ်ဒီဇင်ဘာမှာမြန်မာပြည်ပြန်သွားပြီး ရှေ့ နှစ် ဇန်န၀ါရီလထဲ ပြန်လာမဲ့ သူတွေ အားလုံးအကျုံးဝင်ပါတယ်။

ကိုယ့် PP ဟာ PV လား PJလားဆိုတာ အရင်ဆုံးကြည့်လိုက်ပါ။
ဓါတ်ပုံပါရှေ့ ဆုံးစာမျက်နှာ PP Type မှာရေးထားပါတယ် ။

အဲ့လို PJ PP ဆိုရင်တော့ အမျိုးအစားပြောင်းစရာမလိုဘူးလို့ ဆိုပါတယ်။

ကိုယ့် PP က PV ဆိုရင်တော့ ပြောင်းကိုပြောင်းမှ ရမဲ့သဘောမျိုး
ပါပဲ။
သံရုံးက W S မှာတော့ တရားဝင် ဘာမှကြေငြာထားတာမျိုးတော့ မတွေ့ ရသေးပါဘူး။
ဒါပေမဲ့
သံရုံးအတွင်းဝန်တစ်ယောက်ကတော့ ဒီလို ဆိုထားပါတယ်။

ဖတ်ကြည့်ပါ။

PV TO PJ OR PE

PV (အလည်အပတ်ပတ်စ်ပို့ ) ကနေ PE (ကျောင်းသားပတ်စ်ပို့) နဲ့  PJ (အလုပ် လုပ်ကိုင်သူ ပတ်စ်ပို) ကို ပြောင်းလို သူတွေက မိမိထံ မေးမြန်း လာကျ တဲ့ အတွက် လက်ရှိ မိမိသိထားသမျှ မျှဝေပါရစေ။ မိမိသိထားသမျှ ကို အသိပေး လိုခြင်း နဲ့ အကြံပြုခြင်းသာ ဖြစ်ပါတယ်။ တရားဝင် ပြောကြားခြင်း မဟုတ်ပါ။ အသေးစိတ်ကို မြန်မာသံရုံး ဖုန်းနံပါတ် ၀၃-၃၄၄၁-၉၂၉၁ ကို ဆက် သွယ်မေးမြန်း နိုင်ပါတယ်။

Tokyo ရှိ မြန်မာသံရုံးမှာ Passport ကို အမျိုးအစား ပြောင်းဖို့ အခုလောလော ဆယ် လိုအပ်တဲ့ စာရွက်စာတမ်း များ ဖြစ်ပါ တယ်။ နောက် ပိုင်းမှာ အပြောင်း အလဲ ရှိနိုင်ပါတယ်။ သံရုံးမှာ လာရောက် လျှောက်ထား သူတွေကို သံရုံးက Passport Type ပြောင်းဖို့ တင်ထားကြောင်း ဖြတ်ပိုင်း ထုတ်ပေး မှာ ဖြစ်ပါ တယ်။ သံရုံးက မြန်မာ နိုင်ငံကူး လက်မှတ် ထုတ်ပေးရေး အဖွဲ့ ကို တင်ပြ လုပ်ဆောင်ရမှာ ဖြစ်တဲ့အတွက် အချိန်ကြာမြင့် နိုင်ပါတယ်။

အခုလို ပတ်စပို့  အမျိုးအစား ပြောင်းတာကို တိုကျိုက သံရုံးမှာ မတင် ဘဲ မြန် မာနိုင်ငံရှိ မြန်မာနိုင်ငံကူး လက်မှတ်ထုတ်ပေးရေး အဖွဲ့ မှာလည်း တင်နိုင် ပါတယ်။ အောက်မှာဖေါ်ပြ ထားတဲ့ စာရွက်စာတမ်းများလည်း လိုမှာဖြစ် ပါတယ်။ မြန်မာနိုင်ငံကို အလည်ပြန်မဲ့သူတွေကို အကြံပြုလို တာကတော့ အလုပ်လုပ်သူတွေ အနေနဲ့  မိမိအလုပ် က ခွင့်စာ (Leave Letter) အင်္ဂလိပ် လို ယူသွားဖို့  တိုက်တွန်း လိုပါတယ်။ ကျောင်းတက်နေသူ သူတွေ အနေနဲ့  မိမိကျောင်းက ကျောင်းပိတ်လို ခွင့်နှင့် ပြန်လာကြောင်းစာ (Leave Letter) အင်္ဂလိပ်လို ယူသွားဖို့  တိုက်တွန်း လိုပါတယ်။ အလုပ် နဲ့ ကျောင်းက ဂျပန်လိုဘဲ ထုတ်ပေးရင် အင်္ဂလိပ်လို ဘာသာပြန်ဖို့  လိုပါမယ်။

Tokyo ရှိ မြန်မာသံရုံးမှာ Passport ကို အမျိုးအစား ပြောင်းဖို့ တင်မယ်ဆိုရင် လိုအပ်တဲ့ စာရွက်စာတမ်းများ

အလုပ်လုပ်နေသူများ

(၁) အလုပ်လုပ်နေတဲ့ ရုံးရဲ့ အလုပ်ခန့် စာ (Appointment Latter အင်္ဂလိပ်လိုဘာသာပြန်) (သို့ မဟုတ်) အလုပ်လုပ်နေကြောင်း ထောက်ခံစာ (အင်္ဂလိပ်လိုဘာသာပြန်)
(၂) အလုပ်လုပ်နေတဲ့ ရုံးရဲ့ ၀န်ထမ်းကဒ်မိတ္တူ၊
(၃) မြန်မာနိုင်ငံမှ သန်းခေါင်စာရင်းမိတ္တူ၊
(၄) မှတ်ပုံတင်မိတ္တူ၊
(၅) Passport မိတ္တူ

ကျောင်းတက်နေသူများ

(၁) တက်နေတဲ့ ကျောင်းရဲ့ ကျောင်းသားဖြစ်ကြောင်း ထောက်ခံစာ နှင့် အင်္ဂလိပ်လိုဘာသာပြန်
(၂) မြန်မာနိုင်ငံမှ သန်းခေါင်စာရင်းမိတ္တူ၊
(၃) မှတ်ပုံတင်မိတ္တူ၊
(၄) Passport မိတ္တူ
(၅) ကျောင်းသားကဒ် မိတ္တူ

ကိုကိုဇော်
TOKYO

လို့ ရေးသားထားပါတယ်။

ဒီတော့ PJ (PP) ကိုင်ထားတဲ့သူကလည်း အနဲဆုံးတော့ ဟိုးအရင်လို အင်္ဂလိပ်လိုရေးထားတဲ့
အလုပ်ခွင့်စာယူသွားရမယ်ဆိုတဲ့ သဘောပါပဲ။

ပြီးတော့ လိုရမယ်ရ သံရုံး အခွန်ဆောင်ထားတဲ့သူဆိုလည်း
မိတ္တူ သုံးလေးစောင်လောက်ကူးပြီး ယူသွားကြဖို့ 
အကြံပေးလိုပါတယ်။
နို့ မို့  အပြန်လေဆိပ်မှာ လေယာဉ်ချိန်နီးမှ စိတ်ဒုက္ခရောက်အောင်
မျိုးစုံ စစ်ဆေးမေးမြန်း ရစ်တာ..
စိတ်ဆင်းရဲခြင်းပေးတာကို ခံကြရဖို့ ရှိပါတယ်။
(ပိုက်ဆံပေါနေရင်တော့လည်း တစ်မျိုးပေါ့လေ)

( ဒေါ်အောင်ဆန်းစုကြည် ကတော့ စင်္ကာပူရောက်မြန်မာတွေနဲ့ 
တွေ့ ဆုံပွဲမှာ PJ ဖြစ်ဖြစ် PV ဖြစ်ဖြစ် PP သက်တမ်းကုန်တဲ့အထိတော့
ဘာမှမဖြစ် ဘာမှလုပ်စရာမလိုဘူးလို့ ပြောသွားပါတယ်။
ဒါပေမဲ့..ပြည်ထဲရေးကပြည်ထဲရေး အစိုးရကအစိုးရ သပ်သပ်စီ လို့ သဘောပေါက် နားလည်ထားဖို့ လည်း လိုအပ်ပါတယ် )

ကိုယ်က အခွန်ငွေအပြည့်အ၀လည်းဆောင်ထားတာပဲ..
သူတို့ ထုတ်ပေးထားတဲ့ သက်တန်းရှိ PP လည်းကိုင်ထားတာပဲ..
ဘာဖြစ်လဲ.. လို့ ပေါ့ပေါ့သဘောမထားသင့်ပါ။
ကျနော်ကိုယ်တိုင်အသားဆတ်ဆတ်တုန်အောင်
ခံခဲ့ရဖူးလို့ ပြောတာပါ။

လူဖြစ်ရတဲ့ ဒုက္ခကကြီးတယ်...တဲ့ ။
မှန်ပါတယ် ။

ဒီ့ထက်..

မြန်မာပြည်မှာ လူဖြစ်ရတဲ့ ဒုက္ခက ပိုကြီးပါတယ်။

ဒါပါပဲ။