အချစ်ကိုချစ်ခဲ့မိတဲ့ ကောင်မလေး

 

Nine Nine Sanay @ နိုင်းနိုင်းစနေ

 

အချစ်ကိုချစ်ခဲ့မိတဲ့ ကောင်မလေး
------------------------------------
တစ်စုံတစ်ယောက်အတွက်နဲ့ ကိုယ့်ကိုယ်ကိုယ်မေ့သွားတာမျိုး လူ့ဘဝတစ်သက်မှာ တစ်ခါတော့ရှိသင့်ပါတယ်။ ပေါင်းစပ်ခွင့်ရဖို့ မမျှော်လင့်ဘူး၊ ဘဝကိုအတူလျှောက်လှမ်းဖို့ မမျှော်ကိုးဘူး၊ ပိုင်ဆိုင်ရဖို့ မတောင်းဆိုဘူး၊ "ကျွန်မကို ချစ်ပါ"လို့ ပိုလို့တောင် မတောင်းဆိုပါဘူး။ ကျွန်မရဲ့ အလှပဆုံးနေ့ရက်မှာ ရှင်နဲ့တွေ့ဆုံခွင့်ရဖို့ကိုပဲ တောင်းဆိုပါတယ်။ အတိတ်ကို ပြန်အောင်းမေ့မိတဲ့အခါ လူအ,မလေးတစ်ယောက် ရှင်ကိုချစ်ခဲ့ဖူးကြောင်းကိုတော့ မမေ့ပါနဲ့....

****************
ကျွန်မ အသက်(၂၆)နှစ် ....
နိုင်ငံခြားကုန်သွယ်ရေး ကုမ္ပဏီတစ်ခုမှာ အလုပ်လုပ်တယ်။ ကျွန်မရဲ့ရာထူးက အရောင်းမြှင့်တင်ရေး စီမံညွှန်ကြားရေးမှူးဖြစ်တယ်။ ကျွန်မဟာ အပြင်ပန်းဖော်ရွေသလောက် အတွင်းစိတ် အထီးကျန်တဲ့အပြင် စိတ်ကူးယဉ်ဆန်တတ်သူဖြစ်တယ်။ အချစ်ဝတ္ထုဖတ်ရတာကိုနှစ်ခြိုက်ပြီး တစ်နေ့နေ့မှာ ဝတ္ထုတွေထဲကလို ကျွန်မကိုအရမ်းချစ်တဲ့လူတစ်ယောက်နဲ့ တွေ့ဆုံဖို့ကို အမြဲစိတ်ကူးယဉ်လေ့ရှိတယ်။ အဲဒီလိုအချစ်အတွက် အသက်အရွယ်၊ အကွာအဝေးကို ကျွန်မဂရုမစိုက်ခဲ့ဘူး။
.
တိမ်လွှာ အသက်(၃၅)နှစ်....
သူ့ကိုမသိခင် သူ့နောက်ကြောင်းတွေကို ကျွန်မ မသိခဲ့ဘူး။ သူဟာ စာရေးဆရာတစ်ဦးဆိုတာကိုပဲ ကျွန်မခေါင်းမာမာနဲ့ထင်ခဲ့တယ်။ သူရေးတဲ့စာတွေက ဆွဲဆောင်မှုရှိပြီး မြို့ပြနေ ယောက်ျား၊ မိန်းမတို့ရဲ့ အထီးကျန်စိတ်ကို ထင်ဟပ်စေလွန်းပါတယ်။ သူ့ရဲ့စာအများက နာကျင်ခံစားမှုတွေအပြင် ဝမ်းနည်းခြင်းတွေ ပိုများခဲ့တယ်။ သူ့စာကို လူတော်တော်များများ နှစ်သက်ကြတယ်။ အဲဒီထဲမှာ ကျွန်မအပါအဝင်ဖြစ်တယ်။
.
ကျွန်မဟာ သူ့ရဲ့ပရိသတ်ပါလို့ ကျွန်မအမြဲပြောလေ့ရှိတယ်။ သူရေးတဲ့ စာတစ်ပုဒ်တိုင်းကို ကျွန်မအလေးထားဖတ်လေ့ရှိတယ်။ ပြီးတော့ ရင်ထဲခံစားမိတာကို ကော်မန့်ချရေးခဲ့တတ်တယ်။ သူ့စာတွေက အနုစိတ်တယ်၊ ဆွဲဆောင်မှုပြည့်တယ်၊ လတ်ဆတ်တယ်၊ နာကျင်စေတယ်၊ ဝမ်းနည်းစေတယ်၊ အကူအညီမဲ့စေတယ်။
.
မက်စင်ဂျာQQမှာ ၃၆ကြိမ်တိတိသူ့ကိုaddမှ နောက်ဆုံးမှာ ကျွန်မရဲ့တောင်းဆိုမှုကို သူလက်ခံခဲ့တယ်။ သူ့ကို addတဲ့ တောင်းဆိုမှုမှာ "ကျွန်မရဲ့ဇာတ်လမ်းကို ကျွန်မပြောပြချင်ပါတယ်။ ရှင်ရဲ့နောက်ဝတ္ထုမှာ ကျွန်မရဲ့နာမည်ပါစေဖို့ မျှော်လင့်ပါတယ်"လို့ "ဖြားယောင်း"ခဲ့မှ သူနဲ့ခင်မင်ရင်းနှီးဖို့ ကျွန်မအခွင့်အရေးရခဲ့တယ်။
.
ညသန်းခေါင် အင်တာနက်သုံးတဲ့မိန်းကလေးက အထီးကျန်တဲ့မိန်းကလေးဆိုရင် ညသန်းခေါင် အင်တာနက်သုံးတဲ့ ယောက်ျားလေးကရော ပိုအထီးကျန်လေမလား၊ တိမ်လွှာက အထီးကျန်ခြင်းတွေကို စကားလုံးအဖြစ်နဲ့ အသက်သွင်းခဲ့ပါတယ်။ အထီးကျန်တဲ့ ယောက်ျားလေးတွေက ဆေးလိပ်ကြိုက်တယ်၊ အထီးကျန်တဲ့ မိန်းကလေးတွေက ကော်ဖီကြိုက်တယ်လို့ ကြားဖူးတယ်။ ကျွန်မကတော့ ချိုမွှေးမွှေးCappuccinoကို နှစ်သက်သူပါ။ ဖွေးဖွေးဖြူခရင်မ်မြှုပ်တွေက ကော်ဖီပေါ်အထပ်ထပ်ရစ်ပတ်လို့.. ဒါဟာ သူ့အပေါ်ထားတဲ့ မရေမရာ ကျွန်မရဲ့ခံစားချက်နဲ့တူတယ်။ နှစ်သက်တာလဲဖြစ်နိုင်သလို ဒါမှမဟုတ် ချစ်မိတာလည်း ဖြစ်နိုင်ပါတယ်။
.
တိမ်လွှာနဲ့ ကျွန်မမှာ တူညီတဲ့အရာတွေ များလွန်းတယ်။ ဂီတနှစ်သက်တာချင်းလည်း တူတယ်၊ အစားအစာနှစ်သက်တာချင်းလည်း တူတယ်၊ စာအုပ်နှစ်သက်တာချင်းလည်း တူတယ်။ ကျွန်မတို့အချင်းချင်း ချက်တင်(chatting)ပြောတဲ့စကားကြားမှာတောင် "တွေ့ဆုံချိန် နောက်ကျခဲ့တယ်"လို့ ဆိုနေသယောင်ရှိခဲ့တယ်။
.
တကယ့်လက်တွေ့ဘဝကို ရှောင်လွှဲချင်တဲ့လူတွေ အတော်များခဲ့တယ်။ အဲဒီထဲမှာ ကျွန်မနဲ့ တိမ်လွှာလည်းပါတယ်။ ကျွန်မတို့ကြားမှာ ရည်မွန်လှပတဲ့စကားတွေပဲ ကျွန်မတို့ပြောခဲ့ကြတယ်။ လက်တွေ့ဘဝ၊ လက်တွေ့အခြေအနေကို ကျွန်မတို့ စကားမဟခဲ့ကြဘူး။ သူ ရန်ကုန်မှာနေတယ်လို့ပဲ ကျွန်မသိထားတယ်။ ကျွန်မတို့ ဝက်ကမ်(webcam) မပြဘူး။ မိုက်ခရိုဖုန်းနဲ့ မပြောဘူး။ စိတ် စိတ်ချင်းနားလည်တဲ့လူလို့ပဲ ကျွန်မတို့ ခံယူထားကြတယ်။
.
ပြောသာပြောရတယ်... တစ်ခါတလေ ကျွန်မရဲ့ ခံစားချက်ကို ကျွန်မ မထိန်းချုပ်နိုင်ခဲ့ဘူး။ သူ့ပုံစံ၊ သူ့သဏ္ဌာန်ကို မကြာခဏ ကျွန်မစိတ်ကူးယဉ်ကြည့်ခဲ့တယ်။ အဖြူရောင်ရှပ်အင်္ကျီကို ဝတ်ထားမယ်၊ နွေးထွေးနူးညံတဲ့ အကြည့်ရှိမယ်၊ ဂရုစိုက်ညှာတာပြီး တွေးခေါ်ဆင်ခြင်တတ်မယ်..... ကျွန်မရဲ့စွဲလမ်းခြင်းက ကျွန်မကို မကြာခဏနှိပ်စက်တယ်... "မဖြစ်ဘူး.. မဖြစ်ဘူး"လို့ခေါင်းခါပြီး ကျွန်မကိုယ်ကျွန်မ အသိပေးမိပါတယ်။
.
အထီးကျန်တဲ့ည... ကော်ဖီ... သီချင်း... ပြီးတော့ တိမ်လွှာ.. ဒါဟာ ကျွန်မရဲ့အကျင့်တစ်ခုလို ဖြစ်နေခဲ့ပါပြီ။ အကျင့်ဆိုတဲ့အရာကလည်း ကြောက်စရာကောင်းလွန်းပါတယ်။ ဆေးစွဲသလိုပဲ ခုခံနေရတာ စိတ်လှုပ်ရှားတယ်၊ အဲဒီနောက် ဖယ်ခွာလို့မရတော့ပါဘူး။ သူဟာ ကျွန်မရဲ့ဆေးပါ။ ကျွန်မကရော သူ့အတွက် ဖြေဆေးဖြစ်နိုင်မလား။ ကျွန်မကို သူ အဖြေမပေးခဲ့ပါဘူး။ မပြတ်သားတဲ့အချစ်က မပျက်စီးတတ်လို့ နေမှာပေါ့။
.
အဲဒီလိုနဲ့ ကျွန်မတို့ဟာ အင်တာနက်ပေါ်မှာပဲ သုံးနှစ်သုံးမိုးတိုင်ခဲ့တယ်။ ညအချိန်တွေ တိုတောင်းလွန်းတယ်လို့ ကျွန်မ တဖြည်းဖြည်းခံစားလာမိတယ်။ တိမ်လွှာနဲ့ချက်တင်ပြောတဲ့အချိန် အိပ်ရမှာကိုတောင် ကျွန်မနှမြောခဲ့တယ်။ အဲဒီလိုအချိန်မျိုးမှာ ကလေးလေးတစ်ယောက်ကို ချော့သိပ်သလို ကျွန်မကို သူချော့တတ်တယ်။ နောက်ဆုံးနှုတ်ဆက်တဲ့ စကားလုံးမှာ kiss :-* ဆိုတဲ့ သင်္ကေတမျိုး သူပြတတ်တယ်။ ဒါဟာ ညအိပ်ရာဝင်အနမ်းလို့ ကျွန်မတို့ စိတ်ထဲကိုယ်စီ သတ်မှတ်ထားကြတယ်။ ဒါပေမယ့် ကျွန်မရဲ့စိတ်ခံစားချက်က အဲဒီသင်္ကေတထက် ပိုသာလွန်နေခဲ့ပါတယ်။ ကျွန်မတို့နှစ်ယောက် မရေရာလိုက်... မပြတ်သားလိုက်... ဟိုလိုလို ဒီလိုလို.....
************
ဒီနေ့က တခြားနေ့တွေနဲ့ မတူဘူး။ တိမ်လွှာက ညအိပ်ရာဝင် နှုတ်ဆက်ပြီးနောက် စာတိုလေးတစ်ကြောင်း ပို့လာပြန်တယ်။
.
"လူအ,မလေး... မိန်းကလေးတွေက ညအိပ်ရေးပျက်ရင် ရုပ်ကျလွယ်တယ်။ ရုပ်ဆိုးသွားရင် ယူမယ့်လူမရှိဘဲနေမယ်နော်"
.
"ရှင်ရော.... ကျွန်မကို ရှင်ယူနိုင်မလား" သူ့စာတိုရရချင်း ကျွန်မ ချက်ချင်းစာပြန်လိုက်တယ်။
.
သူ့ဘက်က ပြန်ပို့လာမယ့်စာကို စောင့်ရတာ ကြာလွန်းလှတယ်။ ကျွန်မရဲ့စိတ်တွေ လှုပ်ရှားလွန်းနေတယ်။ သီချင်းနဲ့ ဖွင့်ထားတဲ့ဝက်ဆိုက်တွေကို ကျွန်မပိတ်ချလိုက်တယ်။ ကီးဘုတ်ပေါ်တင်ထားတဲ့ ကျွန်မရဲ့လက်ချောင်းတွေ တဆတ်ဆတ် တုန်ခါနေတယ်။ ရာစုတစ်စုလောက် စောင့်လိုက်ရပြီးမှ သူ့ဆီက ပို့လာတဲ့စာတိုကို ကျွန်မရတယ်။
.
"ဖြစ်နိုင်ရင်... ကိုယ့်ကိုယ်ကိုယ် မစောင့်ရှောက်တတ်တဲ့ မင်းလိုမိန်းကလေးကို တကယ့်လက်တွေ့ဘဝမှာ ငါဂရုစိုက်မြတ်နိုးချင်ပါတယ်"
.
အချစ်ပင်လယ်ထဲမျောလွှင့်နေတဲ့ မိန်းကလေးက ပိုရူးသွပ်သတဲ့။ သူ့ရဲ့အဲဒီစကားတစ်ခွန်းက ကျွန်မကို ပိုကလေးဆန်စေခဲ့တယ်။ သူနဲ့အပြင်မှာ လူချင်းဆုံဖို့ ကျွန်မဆုံးဖြတ်လိုက်တယ်။ ဧပြီလ... ရန်ကုန်ကို ကျွန်မအရောက်သွားခဲ့တယ်။ အနက်ရောင်ဝတ်စုံက ကျွန်မရဲ့နဂိုကိုယ်လုံးကို ပိုသွယ်လျစေခဲ့တယ်။
.
ကျွန်မ ခပ်ဆိုးဆိုးလေး ပြုံးလိုက်မိတယ်။ တိမ်လွှာရေ... ရှင် ထင်မှတ်မထားတဲ့ အံ့သြဝမ်းသာခြင်းတွေ ရှင့်ဆီ လာနေပါပြီ....
တက္ကစီဆရာရေ... ကျွန်မကို ဆေးရုံအမြန်ပို့ပြီး ကယ်တင်ပါ... ကျွန်မကို အချစ်မြားစူးသွားလို့ပါ..
.
ရုံးပိတ်ရက်တိုင်း တိမ်လွှာ ဘိုးလင်းသွားကစားတတ်တာကို ကျွန်မသိထားတယ်။ ဒါကို သူတစ်ခါပဲ ပြောဖူးပေမယ့် ကျွန်မသေသေချာချာ မှတ်ထားပါတယ်။ ဘိုးလင်းရုံထဲ ကျွန်မဝင်လိုက်တယ်။ အမျိုးသားတစ်ယောက်ကို ကျွန်မတွေ့လိုက်တယ်။ အဲဒီအမျိုးသားက ရှေ့ကိုခြေလှမ်းအသာရွေ့ပြီး ညာခြေထောက်ကို နောက်ပစ်လိုက်တယ်။ ညာလက်ကိုနောက်လွှဲပြီး ခါးကိုကွေးညွှတ်လိုက်တယ်။ ညင်သာလှပတဲ့ပုံစံနဲ့ ဘောလုံးကို ရှေ့ပစ်ထုတ်လိုက်တယ်။
.
"ဘုန်း"ဆိုတဲ့ အသံနဲ့အတူ ထောင်ထားတဲ့ဘိုးလင်းတွေ အကုန်လဲကျကုန်တယ်။ သူဟာ ကျွန်မရှာနေတဲ့လူဆိုတာကို ကျွန်မရဲ့သိစိတ်ကနေ သိလိုက်တယ်။ သူ့ကိုယ်ကိုလှည့်လိုက်တဲ့ တခဏမှာ ကျွန်မရဲ့အပြုံးမျက်လုံးက သူ့အကြည့်နဲ့ မတော်တဆသွားဆုံတယ်။ သူ့ဆီကို ကျွန်မ ခြေလှမ်းကျဲကျဲလျှောက်သွားပြီး ခပ်စွာစွာလေး မေးလိုက်တယ်။
.
"ကျွန်မ ဘယ်သူလဲ သိလား"
"မြတ်နိုးငယ်.... "
.
တွေဝေခြင်းမရှိ သူချက်ချင်းပြန်ဖြေတယ်။ ပထမအကြည့်နဲ့တင် ကျွန်မတို့ တစ်ယောက်ကိုတစ်ယောက် မှတ်မိကြလိမ့်မယ်လို့ ကျွန်မထင်မထားခဲ့မိပါဘူး။
.
ကျွန်မလည်း ဘိုးလင်းနည်းနည်းပါးပါး ကစားတတ်တာကို တိမ်လွှာသိတယ်။ ဘိုးလင်းကို သူနှစ်သက်လို့ ကျွန်မတမင်သင်ထားကြောင်းလည်း သူသိတယ်။ ကျွန်မတို့ ခဏလောက် ဘိုးလင်းကစားလိုက်ကြသေးတယ်။ အဲဒီနောက် ကျွန်မပင်ပန်းမှာစိုးလို့ဆိုပြီး နားလိုက်ကြတယ်။ ကျွန်မကို သူ့အိမ်ခေါ်မသွားဘဲ တည်းခိုခန်းတစ်ခုမှာတည်းဖို့ သူစီစဉ်ပေးတယ်။ ကျွန်မ ထွေထွေထူးထူး စဉ်းစားမနေဘဲ သူစိမ်းတစ်ယောက်ကို အိမ်ခေါ်လည်တဲ့အကျင့် သူ့မှာမရှိလို့ပဲလို့ ထင်လိုက်တယ်။
.
တည်းခိုခန်းမှာ ပစ္စည်းတွေချ၊ ဖြီးလိမ်းပြင်ဆင်ပြီး တိမ်လွှာက ကျွန်မကို စားသောက်ဆိုင်တစ်ဆိုင်ခေါ်သွားတယ်။ စားစရာ၊ သောက်စရာ၊ အချိုပွဲတွေ၊ ကျွန်မကြိုက်တတ်တဲ့အရာတွေကို သူဂရုတစိုက်မှာပေးတယ်။ ရိုမန်တစ်ဆန်ပြီး နွေးထွေးလှပတဲ့ အခင်းအကျင်းတွေကြားမှာ ကျွန်မတို့ဟာ ပထမဆုံးအကြိမ်တွေ့ကြတဲ့ သူငယ်ချင်းမိတ်ဆွေတွေနဲ့ မတူကြဘဲ နှစ်ပေါင်းများစွာ ချစ်ခင်ရင်းနှီးခဲ့ကြတဲ့ ဇနီးမောင်နှံနဲ့ တူနေခဲ့တယ်။ (ပြောရရင် သူကျွေးမွေးခဲ့တဲ့ညနေစာက ကျွန်မရဲ့လခ နှစ်လစာလောက်ရှိတယ်)
.
ကမ်းစပ်နားက ညရူခင်းကလည်း စွဲမက်ဖွယ်ရာအတိ၊ ကြော်ငြာဆိုင်ဘုတ်တွေတောင် ဆန်းသစ်မှုအပြည့်နဲ့ လှပနေသလိုပါပဲ။ ညလေညင်းက ကျွန်မရဲ့ဆံနွှယ်တွေကို ဆော့ကစားနေတယ်။ ကျွန်မရဲ့မျက်နှာကို ကလူကျီစယ်နေတယ်။ မီးရောင်နဲ့ တိမ်လွှာရဲ့အပြုအမူကို ကျွန်မအမိအရ ဖမ်းယူနေမိတယ်။ တိမ်လွှာက ကျွန်မနောက်ကျောဖက် ခပ်ပြုံးပြုံးလေးနဲ့ရပ်နေတယ်။ သူ့လက်အစုံကိုဆွဲပြီး ကျွန်မခါးပေါ်တင်လိုက်တယ်။ မျက်လုံးအစုံကိုမှိတ် ပခုံးကို ကျွန်မစွင့်ကားလိုက်တယ်။ အဖြူရောင်စကပ်ရဲ့ အနားသတ်တွေက လေညင်းတွေကြားမှာ ကခုန်နေတယ်။
.
"တိမ်လွှာ... တိုင်တန်းနစ်ဇာတ်ကားထဲက ရိုစ့်နဲ့ဂျက်တို့ သဘောင်္ဦးမှာရပ်နေတဲ့ ခံစားမှုမျိုး ရှင်ခံစားဖူးသလား" လို့ စိတ်လှုပ်ရှားစွာနဲ့ တိမ်လွှာကို ကျွန်မမေးမိတယ်။
.
ကျွန်မရဲ့ခံစားမှုထဲနစ်ဝင်နေတဲ့ ချစ်စရာ့ပုံစံက တိမ်လွှာကိုလည်း စိတ်လှုပ်ရှားသွားစေမယ် ထင်ပါရဲ့.. သူ ဘာမှပြန်မဖြေခဲ့ပေမယ့် ကျွန်မနောက်ကျောဖက်ကနေ သူခေါင်းညိတ်နေမယ်ဆိုတာကို ကျွန်မခံစားမိပါတယ်။ အဲဒီလိုပွေ့ဖက်ပြီး လှပတဲ့ညနေဆည်းဆာနဲ့ မှိတ်တုတ်မှိတ်တုတ် လင်းလက်နေတဲ့ ကောင်းကင်ပေါ်က ကြယ်ပွင့်တွေကို ကျွန်မတို့ငေးမောခဲ့ကြတယ်။
.
တည်းခိုခန်းပြန်ရောက်ပြီးနောက် တိမ်လွှာက ကျွန်မအတွက် တကယ့်အိပ်ရာဝင်အနမ်းတစ်ခုကို ပေးပါတယ်။ အဲဒီအနမ်းက ကျွန်မနှုတ်ခမ်းနှစ်လွှာပေါ်ကျခဲ့မယ်လို့ ကျွန်မထင်ခဲ့ပေမယ့် တကယ်တမ်းတော့ ကျွန်မနှဖူးပေါ်မှာပဲ ကျခဲ့တာပါ။
.
"ဂွတ်နှိုက်... မြတ်နိုးငယ်... မနက်ဖြန်ကျရင် ကိုယ်လာခေါ်မယ်။ မြတ်နိုးငယ် သွားလည်ချင်တဲ့နေရာတွေကို လိုက်ပို့ပေးမယ်"
.
သုန်မှုန်တဲ့အရိပ်တချို့က ကျွန်မမျက်နှာပေါ် ခပ်ပါးပါးလေး လာထင်ဟပ်တယ်။ ဆုံးရှုံးခြင်းတချို့နဲ့ သူ့ကို လက်ဝှေ့ယမ်းနှုတ်ဆက်လိုက်တယ်။ တကယ်တမ်းဆိုရရင် ကျွန်မကိုအဖော်ပြုဖို့ ဘာကြောင့်မနေခဲ့သလဲလို့ မေးလိုက်ချင်ပါတယ်။ မိန်းကလေးရဲ့သိက္ခာကြောင့် အဲဒီလိုမေးခွန်းကို ကျွန်မအလွယ်တကူ မမေးခဲ့တော့ပါဘူး။
.
နောက်တစ်နေ့မှာ မနက်အစောကြီး ကျွန်မကို တိမ်လွှာလာကြိုခဲ့တယ်။ ကျွန်မ မြင်းစီးသင်ချင်တယ်လို့ ပြောထားဖူးတော့ ကျွန်မကို မြင်းစီးကွင်းထဲ သူခေါ်သွားတယ်။ ကျွန်မပြောခဲ့ဖူးသမျှကို သူအသေးစိတ်မှတ်မိနေတာမို့ ကျွန်မကြည်နူးမိပါတယ်။ မြင်းပေါ်က တိမ်လွှာက ရာဇဝင်ပုံပြင်ထဲက မင်းသားတစ်ပါးလိုပါပဲ။ သူ့ရဲ့အားပေးမှုအောက်မှာ မြင်းပေါ်အရဲစွန့်ပြီး ကျွန်မတက်လိုက်တယ်။ မြင်းပေါ်ထိုင်ရတာ အရမ်းမြင့်တယ်လို့ ကျွန်မခံစားမိလို့ ခုန်ချဖို့ကြိုးစားသေးတယ်။
.
"မကြောက်ပါနဲ့.. ဒီမြင်းက ဒီကွင်းမှာ အလိမ္မာဆုံးမြင်းပါ။ စိတ်ချလက်ချ စီးနိုင်ပါတယ်။ မြင်းကို ကိုယ်ထိန်းထားပါတယ်"လို့ သူ ကြင်ကြင်နာနာပြောမှ ကျွန်မမြင်းစီးရဲသွားတော့တယ်။
.
တတိယရက်မှာ ကျွန်မကို ဂေါ့ဖ်ကွင်းထဲ သူခေါ်သွားတယ်။ ကျွန်မအတွက် ဂရုတစိုက် သူပြင်ဆင်ပေးထားတဲ့ ဝတ်စုံတွေကြောင့် ကျွန်မပိုပေါ့ပါး၊ ကြည်နူးမိခဲ့တယ်။ အားကစားဝတ်စုံနဲ့ တိမ်လွှာရဲ့ပုံစံက ပိုခန့်ပိုချောလို့နေပါတယ်။ တကယ်တော့ သူ ဘာအလုပ်လုပ်တယ်ဆိုတာကို ကျွန်မအရမ်း မေးချင်နေခဲ့တယ်။
.
သူနှစ်သက်တဲ့အားကစားတွေက ငွေကြေးတတ်နိုင်သူတွေရဲ့ အားကစားပါ။ ဒါပေမယ့်လည်း ဒီလိုသင့်မြတ်နေတဲ့ အခြေအနေကို မဖျက်ဆီးချင်ခဲ့လို့ မေးချင်တဲ့မေးခွန်းတွေကို ကျွန်မပြန်မြိုချပစ်ခဲ့ပါတယ်။
.
ကျွန်မရဲ့နောက်ကျောမှာ တိမ်လွှာရပ်နေတယ်။ ပခုံးကိုစွင့်ကားပြီး ကျွန်မကိုသာသာလေး ပွေ့ထားတယ်။ သူ့လက်ဖဝါးကြီးနဲ့ ဂေါ့ဖ်တန်ပေါ်က ကျွန်မလက်ကိုဆုပ်ကိုင်ထားတယ်။ ကျွန်မရင်ထဲမှာ ခံစားချက်မျိုးစုံ ရောယှက်နေတယ်။ ကျွန်မရဲ့လက်ဖဝါးတွေ ချွေးစေးပြန်နေတာကို ခံစားမိတယ်။ တိမ်လွှာရဲ့အမူအရာအတိုင်း ဂေါ့ဖ်တန်ကို ကျွန်မလွှဲရိုက်လိုက်တယ်။ ဘောလုံးဖြူလေးက လေထဲမှာ လေးကိုင်းသဏ္ဌာန်ကွေးညွှတ်ပြီး အဝေးမှာ သွားကျတယ်။
.
ဂေါ့ဖ်ရိုက်ရတာ ထင်တာထက်တောင် လွယ်နေပါလားလို့ ကျွန်မထင်နေဆဲမှာ ချက်ချင်း နောင်တရလိုက်မိပြန်တယ်။ ဂေါ့ဖ်တန်ကို Nကြိမ်လွှဲရိုက်ခဲ့လည်း ဘောလုံးဖြူလေးကို ထိတောင်မထိခဲ့ပါဘူး။ စိတ်လှုပ်ရှားလွန်းရင် ဂေါ့ဖ်တန်ကိုပါ လွှဲထုတ်ပစ်လိုက်တတ်သေးတယ်။ တိမ်လွှာကတော့ မပျင်းမရိ စိတ်ရှည်လက်ရှည်နဲ့ ကျွန်မကို ခန္ဓာကိုယ်အနေအထား၊ လက်အနေအထား၊ ခြေထောက်အနေအထားတွေ သင်ပေးနေပါတယ်။ ဂေါ့ဖ်ရိုက်တာဟာ လက်ချည်းလွှဲနေတာမဟုတ်ဘဲ ခန္ဓာကိုယ်ပါလှုပ်ရှားနေကြောင်း သူက ပြောပါတယ်။ ရိုက်ချက်တွေလွဲရင်း ရိုက်ရင်း နောက်ဆုံးမှာ ဘောလုံးကိုရိုက်မိပါတယ်။ ကျွန်မဝမ်းသာအားရ ထခုန်ပြီး ကိုယ်ကိုနောက်ပြန်လှည့်ကြည့်တော့ တိမ်လွှာက မခို့တရိုနဲ့ ကျွန်မကို ရပ်ကြည့်နေတယ်။
.
"ရှင် ဘာဖြစ်လို့ ကျွန်မကိုပဲ စိုက်ကြည့်နေရတာလဲ" လို့ဆိုတော့ သူ အသံထွက်အောင်ရယ်ပြီး "မြတ်နိုးက ကိုယ့်ကိုမကြည့်ဘဲ ကိုယ်ကြည့်နေမှန်း ဘယ်လိုသိတာလဲ" တဲ့။ ကျွန်မ နေမသာထိုင်မသာဖြစ်သွားမိတယ်.... တုံးတုံးအအ မေးခွန်းကို ကျွန်မဘာဖြစ်လို့ မေးမိပါလိမ့်...
.
တိမ်လွှာရယ်ရင် နှုတ်ခမ်းထောင့်က အပေါ်ကိုကွေးတက်သွားပြီး တခြားလူနဲ့မတူတဲ့ မျက်ခုံးနှစ်ခုရဲ့ အပြုအမူက ကျွန်မကိုစွဲမက်စေပါတယ်။ ကျွန်မကို ၃ရက်တိတိ တိမ်လွှာအဖော်ပြုခဲ့တယ်။ ဒီ၃ရက်အတွင်းမှာ အချစ်ဧရိယာနယ်ပယ်လေးထဲ ကျွန်မတို့ခြေကျွံပြီးတောင် မဝင်ခဲ့ပါဘူး။ ၄ရက်နေ့မှာတော့ တိမ်လွှာဟာ လေတိုက်တာနဲ့ပျောက်သွားတဲ့ ကောင်းကင်ပေါ်ကတိမ်တွေလို အရိပ်အယောင်တောင် မတွေ့ခဲ့တော့ဘူး။ ကျွန်မဆီ သူမလာခဲ့တော့ပါဘူး။ အင်းလေ... ယောက်ျားလေးပဲလေ... သူ မငြင်းတိုင်း သူလက်ခံပြီလို့ မပြောနိုင်ပါဘူး... သူနဲ့အတူရှိခဲ့တဲ့ အမှတ်တရလေးတွေက ကျွန်မအတွေးထဲ တဝဲဝဲလည်နေခဲ့တယ်။
.
တကယ်တော့ အချစ်မှာ အန္တရာယ်အရှိဆုံးက အချစ်တွေအများကြီးပေးလိုက်ရလို့ မဟုတ်ဘူး၊ အချစ်ပြောင်းသွားလို့လည်း မဟုတ်ဘူး၊ သတင်းမကြား ဘာမကြား တိတ်တိတ်လေး ပျောက်သွားတာပဲဖြစ်တယ်။ စိတ်သက်သက်သာသာနေဖို့ ကျွန်မကိုယ်ကျွန်မ အသိပေးမိတယ်။
.
တည်းခိုခန်းကောင်တာက စာရင်းပေးတဲ့နေရာမှာ သူ့လိပ်စာကို ကျွန်မရလိုက်တယ်။ လိပ်စာရရင်ချင်း တည်းခိုခန်းအပြင်ဘက် ကျွန်မပြေးထွက်ပြီး တက္ကစီတစ်စီးပေါ် ခုန်တက်လိုက်တယ်။ တက္ကစီသမားကို လိပ်စာအတိုင်း မောင်းခိုင်းလိုက်တယ်။ ကားထဲကလွှင့်လာတဲ့ သီချင်းသံက ကျွန်မမျက်လုံးအိမ်ကို စွတ်စိုစေခဲ့တယ်။ ကားပြတင်းပေါက်အပြင်ဘက်က ကောင်းကင်ပြာဆီ ၉ဝဒီဂရီခေါင်းမော့ပြီး ကျွန်မကြည့်လိုက်တယ်။ ဒါမှ မျက်ရည်တွေက မျက်လုံးအိမ်ထဲကနေ ထွက်မကျမှာလေ.....
.
~~~တွ့ဆုံခြင်းက ကျိန်စာတစ်ခုလိုပါပဲ ~~ နင့်ရဲ့ ကိုယ်ရံတော်အဖြစ် ငါလိုလိုလားလားရှိနေခဲ့တယ် ~~ ဝေဒနာတွေ၊ ပေးဆပ်ခြင်းတွေ မင်းအတွက်ပါပဲ
~~ မင်းနဲ့တွေ့မှာ ဂုဏ်သိက္ခာတွေလည်း မဲ့ခဲ့ရတယ် ~~~ နင်ဟာ ငါ့ရဲ့သခင်၊ ငါ့ရဲ့ပျော်ရွှင်ခြင်းပါ ~~~ ငါ့နှလုံးသားက ဒဏ်ရာတွေကို နင်ကုစားပေးပါ
~~~ နင့်အတွက်ဆို ဂျိုကာလေးတစ်ယောက်လို ရယ်စရာတွေနဲ့ နင့်အပါးမှာ ငါအမြဲရှိမှာ ~~~~ ငါ မျက်ရည်ကျတိုင်း ငါဝမ်းနည်းနာကျင်တိုင်း ~~~~ခံစားချက်တွေကို ငါ ထုတ်မပြောရဲပါ ~~~ အဝေးကို မင်း ထွက်သွားမှာ ငါစိုးထိတ်လို့ပါ~~~
.
ကားရပ်ပြီး သီချင်းသံတိတ်သွားတယ်။ တိမ်လွှာနေတဲ့ နေရာကိုရောက်ပြီတဲ့။ ကားပေါ်က ဆင်းဆင်းချင်း ပတ်ဝန်းကျင်က တိုက်တာတွေက ကျွန်မကို မှင်တက်သွားစေခဲ့တယ်။ တိုက်ကြီးတွေ၊ ခြံဝင်းကျယ်ကြီးတွေက ကျွန်မမျက်စိရှေ့မှာ ခန့်ညားလို့နေတယ်။ လိပ်စာများမှားနေလားလို့ ကျွန်မတွေဝေနေချိန်မှာ တိမ်လွှာကို ကျွန်မတွေ့လိုက်မိတယ်။
.
ဘီးတပ်ကုလားထိုင်တစ်ခုကို ဖြည်းဖြည်းချင်းတွန်းရင်း ကျွန်မဘက်ကို သူဦးတည်လာနေတယ်။ ဘီးတပ်ကုလားထိုင်ပေါ်မှာ လှပချောမောတဲ့ အမျိုးသမီးတစ်ဦးထိုင်နေတယ်။ အမျိုးသမီးရဲ့မျက်နှာက ဖျော့တော့နေပေမယ့် နွမ်းလျမနေဘူး။ မျက်နှာပေါ်က ခပ်ပွင့်ပွင့်အပြုံးလေးက ကျွန်မကို ကရုဏာသက်စေပါတယ်။
.
ကျွန်မကိုတွေ့တော့ တိမ်လွှာရဲ့အပြုအမူက ရှုပ်ထွေးသွားပုံရတယ်။ သူ့စိတ်ထဲမှာ ချီတုံချတုံဖြစ်နေမယ် ထင်ပါတယ်။ ကျွန်မရှေ့ကို ခြေလှမ်းဆက်လှမ်းချိန် လက်မြှောက်ပြီး ရပ်တန့်တဲ့လက်ဟန်တစ်ခုကို သူလုပ်လိုက်တယ်။ နေရာမှာတင် ကျွန်မရပ်နေလိုက်တယ်။ တင်းတင်းဆုပ်ထားတဲ့ ကျွန်မရဲ့လက်ဖဝါးနှစ်ခုမှာ လက်သည်းတွေ ထိုးသွင်းဝင်နေပါတယ်။
.
ဘီးတပ်ကုလားထိုင်ကိုတွန်းပြီး ကျွန်မအနားနား သူဖြတ်ကျော်သွားချိန် ကျွန်မကို သူလုံးဝ မကြည့်ခဲ့ဘူး။ ကျွန်မရဲ့အကြည့်က အေးစက်စက်မြားတစ်စင်းလို သူ့နောက်ကျောဆီကို ဦးတည်လိုက်တယ်။ ကျွန်မတို့က အရင်းနှီးဆုံး သူစိမ်းတွေဖြစ်ခဲ့ကြပြီလား.. အမျိုးသမီးရဲ့ နူးညံချိုသာတဲ့အသံကို ကျွန်မကြားလိုက်မိတယ်။
.
"မိုးယံ ... အဲဒီကောင်မလေးကို မိုးယံသိသလား၊ သူဘာဖြစ်လို့ စန္ဒီတို့ကို လိုက်ကြည့်နေရတာလဲ"
.
အသံကတောင် ဒီလောက်ချိုသာနေတာ သူသာ တစ်ခုခုမချွတ်ယွင်းရင် အရမ်းလှပပြည့်စုံတဲ့ အမျိုးသမီးတစ်ဦးဖြစ်မယ်လို့ ကျွန်မထင်မိတယ်။
.
"မသိဘူး .. စန္ဒီ.. စန္ဒီက အရမ်းလှနေတော့ လူတွေလိုက်ကြည့်တာနေမှာပေါ့။ တောင်တောင်မြောက်မြောက် မတွေးပါနဲ့ စန္ဒီ။ စန္ဒီသိပ်ကျန်းမာသေးတာ မဟုတ်ဘူး။ မိုးယံတို့ ဆေးရုံကို အမြန်သွားကြရအောင်"
.
အမျိုးသမီးကို မော်ဒန်သစ်ကားတစ်စီးပေါ် သူပွေ့ချီတင်လိုက်တယ်။ အဲဒီနောက် ကျွန်မရဲ့မြင်ကွင်းရှေ့ကနေ သူတို့တဖြည်းဖြည်းပျောက်ကွယ်သွားခဲ့တယ်။ တစ်သက်မှာချစ်ရဆုံးသူက တခြားသူ ရင်ခွင်ထဲကလူဖြစ်နေခဲ့တယ်။ ထိန်းချုပ်ထားတာကြာပြီဖြစ်တဲ့ မျက်လုံးအိမ်ထဲက မျက်ရည်တွေက တာရိုးပေါက်သလို ကျွန်မပါးပြင်ပေါ် တရဟော စီးကျလာခဲ့တော့တယ်။
.
သူ့ဘဝထဲမှာ ကျွန်မထက်အရေးပါတဲ့အရာတွေက ကျွန်မအတွက်နဲ့ သူ့ခြေလှမ်းတွေကို ရပ်တန့်စေခဲ့မှာ မဟုတ်တော့ဘူး။ အိမ်ကို ကျွန်မဘယ်လိုပြန်ခဲ့မှန်း ကျွန်မ မသိတော့ဘူး။ ဘဝက ခါတိုင်းလိုပဲ ပုံမှန်လည်ပတ်နေတယ်။ ကျွန်မရဲ့နာကျင်ကြေကွဲခြင်းတွေကြောင့် လည်ပတ်မှုတွေ ရပ်တန့်သွားမှာတော့ မဟုတ်ဘူး။
.
အိမ်ပြန်ရောက်ပြီး နောက်တစ်နေ့... ကျွန်မရဲ့စိတ်ခံစားချက်အတိုင်း မိုးတွေအုံမည်းနေတယ်။ ခါတိုင်းလိုပဲ ဘတ်စ်ကားကိုတိုးဝှေ့စီးပြီး ကျွန်မရုံးတက်ခဲ့တယ်။ ကြည့်ခဲ့ဖူးတဲ့ "အချစ်ရဲ့ သွား"ဆိုတဲ့ ရုပ်ရှင်ကားကို ကျွန်မ သတိရလိုက်မိတယ်။ လောကမှာ ကိုယ်တိုင်နုတ်ယူလို့ မရတဲ့အရာမှာ "သွား"အပြင် အချစ်လည်းပါသေးတယ်တဲ့။
.
ရုံးဆင်းအိမ်ပြန်ရောက်တော့ ကွန်ပျူတာဖွင့်ပြီး လိုင်းပေါ် ကျွန်မတက်လိုက်တယ်။ offline စာတိုလေးတစ်ခုကို ကျွန်မတွေ့လိုက်တယ်.... "ကိုယ် အပ်ဒိတ်လုပ်တော့မှာ မဟုတ်ပါဘူး... ဆောရီးပါ.. စိတ်ကူးယဉ်ဆန်တဲ့ ကောင်မလေးရယ်"
.
စိတ်ကူးယဉ်ဆန်တဲ့ ကောင်မလေးဆိုတာ ကျွန်မကို ပြောတာလား..
သူ ဒီလောက်သံယောဇဉ်ပြတ်လိုက်မယ်လို့ ကျွန်မထင်မထားခဲ့မိဘူး။ သူ့နာမည်ရင်းနဲ့လိပ်စာကို အင်တာနက်ပေါ်ရိုက်ထည့်ပြီး ကျွန်မရှာကြည့်လိုက်မိတယ်။ တွေ့ပါပြီ.... သူ့ကုမ္ပဏီဝက်ဆိုက်မှာ သူ့ကိုယ်ရေးအကျဉ်းတချို့နဲ့ သတင်းဝက်ဆိုက်မှာ သူ့အကြောင်းတချို့...
.
ဦးတိမ်မိုးယံ အသက်(၃၅)နှစ် .. "မျိုး"အိမ်ခြံမြေရောင်းဝယ်ရေးကုမ္ပဏီမှာ အသက်အငယ်ဆုံး CEO၊ လွန်ခဲ့တဲ့ ၁ဝနှစ်တုန်းက ယောက္ခမရဲ့ ကုမ္ပဏီသေးလေးတစ်ခုမှာ သူအလုပ်လုပ်ခဲ့တယ်။ အဲဒီကမှ နိုင်ငံပေါင်းစုံအထိ လုပ်ငန်းဖြန့်နိုင်ခဲ့တယ်။ သူနဲ့ သူ့အမျိုးသမီးက နိုင်ငံခြားမှာပညာသင်ယူတုန်း တွေ့ဆုံခဲ့တာဖြစ်တယ်။ အဲဒီနောက် ပြည်တော်ပြန်လက်ထပ်ခဲ့ပြီး ဒိုးတူပေါင်ဖက် အတူကြိုးစားခဲ့ကြတယ်။ လွန်ခဲ့တဲ့ ၃နှစ်ကျော်မှာ သူ့အမျိုးသမီး မတော်တဆကားတိုက်မှုနဲ့ ခြေတစ်ဖက် ဆုံးရှုံးသွားခဲ့တဲ့အပြင် နှလုံးရောဂါအခံကလည်းရှိတော့ နှလုံးရောဂါထပြန်တယ်။ ဦးတိမ်မိုးယံက သူ့အမျိုးသမီးကို မညည်းမညူ ပြုစုစောင့်ရှောက်တယ်။ အရွယ်ကောင်းသူမို့ ကွာရှင်းဖို့ မသန်စွမ်းတဲ့ဇနီးက ခွင့်ပေးခဲ့လည်း သူငြင်းဆန်ခဲ့တယ်။ သူ့ဘေးမှာ ငယ်ရွယ်တဲ့မိန်းမပျိုတွေရဲ့ တောင်းဆိုလိုက်လျောမှုကို သူလျစ်လျူရှုခဲ့တယ်။ သူ့ဇနီးအပါးမှာပဲ မခွဲမခွာ သူစောင့်ရှောက်ခဲ့တယ်၊ အဖော်ပြုခဲ့တယ်။
***************************
လွန်ခဲ့တဲ့၃နှစ်မှာ သူနဲ့ကျွန်မ ရင်းနှီးခဲ့ရင်၊ သူ့ဇနီး မတော်တဆမှုမဖြစ်ခဲ့ရင် သူနဲ့ကျွန်မတွေ့ဆုံဖို့ အခွင့်အရေးရှိနိုင်မလား......

သူနဲ့ရင်းနှီးခဲ့ပြီးတဲ့ ၃နှစ်မှာ တကယ်လို့ သူ့ဇနီး နှလုံးရောဂါမဖောက်ခဲ့ရင် ကျွန်မကို ထားခဲ့ပြီး သူပျောက်ကွယ်သွားနိုင်မလား.......
.
ကျွန်မရဲ့အချစ်မှာ အဆုံးသတ်မရှိခဲ့ပေမယ့် သူ့ကို ကျွန်မ မမုန်းခဲ့မိပါဘူး။ သူ့ရဲ့ချစ်မြတ်နိုးတတ်တဲ့စိတ်ကို ကျွန်မပိုလို့ လေးစားမိပါတယ်။
.
အချစ်ကြောင့် အချစ်ကိုချစ်တာက နတ်ဘုရားတဲ့။
အချစ်ခံရလို့ အချစ်ကိုချစ်တာက လူတဲ့။
သူသာ နတ်ဘုရားလုပ်နိုင်ခဲ့ရင် ကျွန်မလည်းအနည်းဆုံးတော့ လူဖြစ်အောင် လုပ်နိုင်ရလိမ့်မယ်။ သူဟာ ကျွန်မကို ချစ်ခဲ့ကောင်းချစ်ခဲ့မယ်။ တခြားချစ်နည်းနဲ့ သူချစ်ခဲ့တာလည်း ဖြစ်နိုင်တယ်။ သူဟာ ကျွန်မကောင်းကင်ပေါ် ခဏတာလာရောက်ခဲ့တဲ့ တိမ်စိုင်တိမ်ခဲတစ်ခုပါ။ စာတွေကို သူဆက်မရေးခဲ့တော့ပေမယ့် ကျွန်မက ကျွန်မခံစားချက်ကို စပြီး အဆက်မပြတ်ရေးနေခဲ့တော့တယ်။
.
လူ့ဘဝထဲမှာ လူတော်တော်များများဟာလည်း အချစ်ကြောင့် မပြတ်ပြောင်းလဲကြတယ်။ နေရာတွေ မပြတ်ပြောင်းရွေ့ကြတယ်။ တချို့က အတူနေကြရပြီး တချို့က လှည့်ထွက်လိုက်တာနဲ့ တစ်သက်လုံး ပြန်မဆုံနိုင်အောင် ဝေးခဲ့ကြတယ်။
.
အချစ်ထဲမျောလွင့်နေတဲ့ မိန်းကလေးတွေက တုံးအတတ်တယ်လို့ လူတွေကဆိုကြတယ်။ ဒီလိုဆိုရင် အချစ်ထဲမျောလွင့်နေတဲ့ ယောက်ျားလေးတွေကရော...

ကျွန်မအထင်တော့ ယောက်ျားလေးတွေက တုံးအတဲ့မိန်းကလေးဘေးမှာ အဖော်ပြုသူပေါ့။ တချို့အရာတွေက ရှေ့ဆက်လို့ မရနိုင်တော့ပေမယ့် အမှတ်တရအဖြစ်နဲ့ ဘဝမှာ တစ်သက်လုံးထင်ကျန်ရစ်ခဲ့ပါတယ်။
.အဲဒီအဖြစ်အပျက်နောက်ပိုင်း ကျွန်မဘဝထဲမှာ၊ သူ့ဘဝထဲမှာ ကျွန်မတို့ ထပ်မဆုံခဲ့ကြတော့ပါဘူး... အင်တာနက်ပေါ်မှာဖြစ်ဖြစ်၊ တကယ့်လက်တွေ့ဘဝမှာဖြစ်ဖြစ် ကျွန်မတို့ လုံးဝ ထပ်မဆုံခဲ့ကြတော့ပါဘူး...
.
*** လူနာမည်၊ နေရပ်ကို ဖတ်ရလွယ်အောင် မြန်မာမှုပြုပါသည်။ တိုက်ဆိုင်မှုရှိလျှင် ခွင့်လွှတ်ပါရန်...
.
မူရင်း--- http://www.duwenzhang.com/.../aiqing.../20110726/194171.html
.
နိုင်းနိုင်းစနေ (Tuesday, January 03, 2012)