အမြဲတမ်း နေထုိုင်ခွင့် (PR) ကြီးကြပ်ရေး ကော်မတီ အသစ်ပြန်ဖွဲ့

အမြဲတမ်းနေထုိုင်ခွင့်ရ PR ကတ်။ (ဓာတ်ပုံ-ဧရာဝတီ)

သမ္မတဦးထင်ကျော်အစုိုးရက မြန်မာနိုင်ငံသားဟောင်းများနှင့် နိုင်ငံခြားသားများအတွက် အမြဲတန်း နေထိုင်ခွင့် (PR) ကြီးကြပ်ရေး ကော်မတီတခု ပြန်လည်ဖွဲ့စည်းလိုက်ပြီ ဖြစ်သဖြင့် ပြည်ပရောက် မြန်မာနုိုင်ငံသားများ၊ နုိုင်ငံခြားသားများ ပြည်တွင်းသို့ ဥပဒေအရ ပြန်လည် နေထိုင်ခွင့် ရရှိရေး လျှောက်ထားနိုင်ပြီ ဖြစ်ကြောင်း သိရသည်။
အစိုးရသစ်ကာလတွင် နိုင်ငံခြားသား အမြဲနေထိုင်ခွင့်စနစ် စီမံခန့်ခွဲမှု ဗဟိုကော်မတီ၊ နိုင်ငံခြားသား အမြဲနေထိုင်ခွင့် ပြုခြင်းဆိုင်ရာ အ ကောင် အထည်ဖော်ရေး ဗဟိုကော်မတီကို ပြန်လည်ဖွဲ့စည်းလိုက်ပြီး ဗဟိုကော်မတီ၏ လုပ်ငန်း တာဝန်ကို အထောက်အကူပြုရန် နိုင်ငံခြားသား အမြဲနေထိုင်ခွင့်ဆိုင်ရာ အကောင်အထည်ဖော်ရေး လုပ်ငန်းကော်မတီကိုလည်း ဖွဲ့စည်းပြီး ဖြစ်ကြောင်း အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာန ၀န်ကြီး ဦးသိန်းဆွေက ပြောသည်။

ပဲခူးတိုင်း အမှတ် ၁၂ မှ အမျိုးသား လွှတ်တော် ကိုယ်စားလှယ် ဦးအောင်သိန်းက နိုင်ငံရေး၊ စီးပွားရေး၊ ပညာရေးတို့အရ ပြည်ပထွက်ခွာ မြန်မာနိုင်ငံသားများ ပြည်တွင်းသို့ ဥပဒေအရ ပြန်လည် နေထိုင်ခွင့် ရရှိရေး အတွက် မြန်မာနိုင်ငံသား ဥပဒေတချို့ကို ပြုပြင်ပြောင်းလဲ ဖြေလျှော့ပေးရေးနှင့် မြန်မာနိုင်ငံသားအဖြစ် ပြန်လည်လျှောက်ထားနိုင်ခွင့် ပေးထား၍ လျှောက်ထားရာ၌ စိစစ်ပြီး လက်ခံနိုင်ခြင်း ရှိ/မရှိ မေးခွန်းကို ယနေ့ ကျင်းပသည့် အမျိုးသား လွှတ်တော်တွင် မေးမြန်းခဲ့ရာ ဥပဒေနှင့်အညီ ခွင့်ပြုပေးမည်ဟု ၀န်ကြီး ဦးသိန်းဆွေက ပြန်လည် ဖြေကြားသည်။
ဝန်ကြီး ဦးသိန်းဆွေက“နိုင်ငံသားဟောင်းတွေအနေနဲ့ ပြည်တွင်းကို ဥပဒေအရ ပြန်လည် နေထိုင် ခွင့်ရဖို့ လျှောက်လာရင် ဥပဒေနဲ့အညီ စိစစ်ဆောင်ရွက်ပေးသွားပါမယ်”ဟု ပြောသည်။
နိုင်ငံ၏ ရေရှည် ဖွံ့ဖြိုးတိုးတက်မှုကို အထောက်အကူ ဖြစ်စေရန်အတွက် မြန်မာနိုင်ငံတွင် လာရောက် အခြေချနေထိုင်လိုသည့် ပြည်ပရှိ မြန်မာနိုင်ငံသားဟောင်းများ၊ နိုင်ငံခြားသား ကျွမ်းကျင်ပညာရှင်များ၊ ရင်းနှီးမြှပ်နှံလိုသူများ၊ မြန်မာနိုင်ငံသားနှင့် ဆက်စပ် နိုင်ငံခြား သားများမှ လျှောက်ထားလာပါက စိစစ်ခွင့်ပြုနိုင်ရန်အတွက် PR စနစ်ကို ၂၀၁၃ ခုနှစ်က စတင်ခဲ့ခြင်းဖြစ်သည်။
သမ္မတဟောင်း ဦးသိန်းစိန် လက်ထက်က ဖွဲ့စည်းခဲ့သည့် နိုင်ငံခြားသား အမြဲနေထိုင်ခွင့်ပြုခြင်းဆိုင်ရာ လုပ်ငန်းကော်မတီက ၂၀၁၅ ခုနှစ်၊ ဇန်န၀ါရီလ ၂၉ ရက်နေ့မှ ၂၀၁၆ ခုနှစ် သြဂုတ်လ ၃၀ ရက်နေ့အထိ သက်ဆိုင်ရာ အမျိုးအစားအလိုက် လျှောက်ထားသူ စုစုပေါင်း ၃၁၉ ဦးအနက် ၂၆၄ ဦးတို့ကုို နိုင်ငံခြားသား အမြဲနေထိုင်ခွင့်လက်မှတ် ထုတ်ပေးခဲ့ကြောင်း သိရသည်။
အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အား ၀န်ကြီးဌာနကလည်း ၂၀၁၃ ခုနှစ်မှ စ၍ မြန်မာနိုင်ငံသား အဖြစ် ပြန်လည် ခံယူခွင့်ပြုရန် လျှောက်ထားမှုများအား လက်ခံဆောင်ရွက်ခဲ့ရာ လျှောက်ထားသူ ၁၉၈ ဦးအနက် ၁၄၃ ဦးတို့အား ဥပဒေ လုပ်ထုံး လုပ်နည်းများနှင့်အညီ ကိုင်ဆောင်သင့်သည့် လက်မှတ်တမျိုးမျိုးအား စိစစ် ထုတ်ပေးခဲ့သည်ဟု ၀န်ကြီး ဦးသိန်းဆွေက ပြောသည်။
ဗြိတိန်နုိုင်ငံ၊ လန်ဒန်တွင် ၁၀ နှစ်ကြာ နေထိုင်ခဲ့ပြီး ၂၀၁၅ ခုနှစ်တွင် PR ရရှိခဲ့သူ နိုင်ငံရေး အကျဉ်းသားဟောင်း ဦးဇော်ဇော်အောင်က အစိုးရသစ် လက်ထက်တွင် PR လျှောက်ထားမှု လုပ်ငန်းစဉ်များကို ဖြေလျှော့ပေးရန် လိုအပ်သည်ဟု ပြောဆိုပြီး လက်ရှိ PR စည်းကမ်း ချက်များမှာ အနည်းငယ် တင်းကျပ်ကြောင်း ဧရာဝတီသို့ ပြောသည်။
“နိုင်ငံရေး လုပ်ချင်လို့ ပြန်လာတဲ့သူကို နိုင်ငံရေး လုပ်ခွင့်မပေးဘူး။ လိုအပ်ချက်တွေ ဒီလောက်များနေတဲ့ တိုင်းပြည်မှာ နိုင်ငံရေးရာ တွေမှာ ၀င်ပါလို့ မရဘူး။ ကျနော်တို့က ဒီမှာ ဘာပဲ လုပ်ပေးရရ လုပ်ပေးချင်တဲ့ ဆန္ဒရှိတယ်”ဟု ဦးဇော်ဇော်အောင်က ပြောသည်။
PR စည်းကမ်းချက်များတွင် မြန်မာနိုင်ငံ၏ ပြည်တွင်းရေးကို ၀င်ရောက် မစွက်ဖက်ရန်၊ နိုင်ငံရေး ပါတီများတွင် ပူးပေါင်း ပါဝင်ခြင်း မပြု ရန်၊ နိုင်ငံရေး လှုပ်ရှားမှုများတွင် မပါဝင်ရန်နှင် နိုင်ငံရေးအဖွဲ့အစည်းများသို့ ငွေကြေး လှူဒါန်းမှုများ မပြုလုပ်ရန်တို့ ပါဝင်သည်ဟု သိရ သည်။
ဦးဇော်ဇော်အောင်က ယခုအခါ မြန်မာနိုင်ငံတွင် တဆက်တစပ်တည်း ၅ နှစ် နေထိုင်ခွင့် PR ကတ်တခု ရရှိထားပြီး တနှစ်လျှင် အမေရိကန် ဒေါ်လာ ၅၀၀ ကို အစိုးရထံသို့ ပေးသွင်းနေရကြောင်း သိရှိရသည်။
 http://burma.irrawaddy.com/news/2016/09/23/123772.html