[ ငြင်းပယ်မှုတွေကို ဘယ်လိုရင်ဆိုင်မလဲ ]

 

Sai Kham Leng

 

[ ငြင်းပယ်မှုတွေကို ဘယ်လိုရင်ဆိုင်မလဲ ]
===========================

လူတွေ လက်ရှိလုပ်နေတဲ့၊ ကိုင်နေတဲ့ အခြေအနေတခု၊ အလုပ်အကိုင်တခုကနေ ပြောင်းလဲပြီး လုပ်တော့မယ်ဆိုရင် ပထမဦးဆုံး ရင်ဆိုင်ရတာက ငြင်းပယ်မှုတွေပါ။ ဒါမဖြစ်နိုင်ပါဘူး၊ ဒါမင်းဘယ်လိုလုပ်နိုင်မှာလဲ၊ ဒါကိုလုပ်ရင် အခက်အခဲတွေတွေ့မှာပေါ့၊ ဒါလုပ်လိုက်ရင် အခုရနေတဲ့ အခွင့်အရေးတွေ ပျက်ဆီးသွား မှာပေါ့ စသဖြင့် ပြောခံရမှာပါ။ ဒီစကားတွေကို ကြားရဖန်များလာတော့ ကျွန်တော်တို့ တခုခု အသစ်လုပ်တော့မယ်၊ ပြောင်းလဲတော့မယ်ဆိုရင် ဒီလိုပြောခံရမှာကြောက်ပြီး မလုပ်ရဲကြတော့ပါဘူး၊ မလုပ်ချင်ကြတော့ပါဘူး။ သူများတွေကိုယ့်ကို အထင်သေးတဲ့ မျက်လုံးနဲ့ကြည့်မှာ၊ ကိုယ့်ရဲ့အတွေးတွေကို ငြင်းလိုက်မှာ၊ ကိုယ့်ရဲ့ စိတ်တက်ကြွမှုတွေကို ရိုက်ချိုးပစ်လိုက်မှာကို ကြောက်ပြီး ဆက်မပြောရဲ၊ မကြံစည်ရဲ၊ မလုပ်ရဲဖြစ်ကုန်ကြပါတယ်။

ကျွန်တော်လည်း ဒီလို ကြုံခဲ့ရပါတယ်။ အကြံတခုခုထွက်လာလို့ အကြံပြုတိုင်း သူများတွေဘာပြောမလဲ၊ ဘယ်လိုငြင်းလိုက်မလဲ။ ကိုယ့်အိပ်မက်တွေကို ဘယ်လို ပျက်ရယ်ပြုလိုက်မလဲ စသဖြင့်တွေးပူပြီး ဘယ်လိုမှ ဆက်မလုပ်ဖြစ်တော့ပါဘူး။ လူတွေရဲ့ ငြင်းမယ်မှုဒဏ်၊ ကြည့်နေမယ့်မျက်လုံးတွေ၊ ပြောလိုက်မယ့် စကားလုံးတွေကို မခံနိုင်တာနဲ့ အမြဲတမ်း အချိန်ရွှေ့ရွှေ့ပြီး မလုပ်ဖြစ်ခဲ့တာတွေ အများကြီးဖြစ်လာပါတယ်။ စိတ်ထဲမှာတော့ ဒါလေးတွေ မလုပ်မိလေခြင်း၊ သတ္တိမရှိလေခြင်း ဆိုပြီး ကိုယ့်ကိုကိုယ်သာ အမြဲတမ်း အပြစ်တင်နေမိပါတယ်။

ဒီလိုနဲ့ ဘာမှ မယ်မယ်ရရ ဘဝမှာ မပြောင်းလဲခဲ့ဘဲ ရှေ့ဆက်လာခဲ့ပါတယ်။ တနေ့တော့ ကျွန်တော့်ဆရာရဲ့ သင်ကြားပေးမှုနဲ့ လူတွေရဲ့ ငြင်းပယ်မှု သဘောတရားတွေ သိလာရပါတယ်။ လောကမှာ ကိုယ့်ကို ငြင်းပယ်တဲ့လူအရေအတွက်က လူ ၇ ယောက်လောက်ပဲရှိနိုင်ပါတယ်တဲ့။ ကျန်တဲ့ ကိုယ်တွေ့သမျှ၊ သိသမျှလူတွေက ကိုယ့်ကို ခင်မင်ပြီး၊ ကိုယ့်ရဲ့ အယူအဆတွေ၊ အတွေးအခေါ်တွေကို နားထောင် လက်ခံ အားပေးတတ်ကြပါတယ်တဲ့။ ဒီတော့မှ ကျွန်တော်ပြန်စဉ်းစားမိပါတယ်။ ဟုတ်သားပဲ။ ငါ လုပ်မယ်တွေးလိုက်တိုင်း ဒီ အနည်းငယ်သော လူတွေရဲ့ မျက်နှာ၊ အကြည့်တွေ၊ စကားတွေကို မြင်ယောင်ပြီး နောက်တွန့်ပြီးဆက်မလုပ်ဖြစ်တာပဲ။ ငါ့ကို ထောက်ခံပေးနေတဲ့၊ အားပေးနေတဲ့ သူငယ်ချင်းတွေ၊ မိတ်ဆွေတွေက အများကြီးပါလား။ ငါက ဘာလို့ ကိုယ့်ကိုငြင်းပယ်နေတဲ့လူနည်းနည်းလေးကို အာရုံစိုက်ပြီး ရာကျော်ရှိတဲ့ အခြားသောလူတွေကိုတော့ ဥပေက္ခာ ပြုထားရတာလဲ။ ဒီလူအုပ်ကြီးနဲ့သာ တက်ဖိလိုက်ရင် ကိုယ့်ကို ငြင်းနေတဲ့ လူနည်းနည်းလေး ဘာဖြစ်သွားမယ် ထင်လဲ။ :)

ဒီအတွေးကို သဘောပေါက်လာပြီး အကြံဥာဏ်တွေကို တစ တစ ဖော်ထုတ်ရဲလာပါတယ်။ မပြတ်မသားပြောနေရတဲ့ စကားတွေပြတ်သားလာပါတယ်။ ပြောင်းလဲရမယ့် အရာတွေကို ပြောင်းလဲချင်စိတ်ပေါ်လာပါတယ်။ အလုပ်အကိုင်အသစ်တွေ လုပ်ရဲလာပါတယ်။ ကိုယ့်ကို ငြင်းမယ့်လူတွေအစား ကိုယ့်ကို အားပေးမယ့် လူတွေကို ပိုပြီး မြင်လာပါတယ်။ အော်...ငါ ဘာလို့များ အစောကတည်းက မသိခဲ့ရပါလိမ့်။

မိတ်ဆွေလည်း ဒီအထိ ဖတ်လာပြီးပြီဆိုရင် တခုခုကိုငြင်းပယ်ခံရမှာစိုးလို့ ကျွန်တော်လို့ အဖြေရှာနေတဲ့လူလို့ ထင်ပါတယ်။ ဒါဆိုရင် အထက်က အတွေးအခေါ်လေး လက်ဆောင်ပေးပါရစေ။ ကိုယ့်ကို အားပေးမယ့်လူတွေကို အာရုံပိုစိုက်ပါ။ ကြောက်နေတဲ့၊ ဝန်လေးနေတဲ့၊ စိုးရွံ့နေတဲ့ အတွေးတွေကို ပြောင်းလဲဖို့ အချိန်တန်ပါပြီဗျာ။ ဒီတော့ ဘဝကို အောင်မြင်ချင်တယ်၊ တိုးတက်ချင်တယ်ဆိုရင် တကယ် ကြိုးစားပါ။

---------------------------------

လူတွေ ဘာကြောင့်ငြင်းရတယ်ဆိုတဲ့ အချက် ၄ ချက်ရှိပါတယ်။

၁။ ကိုယ့်ကိုကိုယ် ပိုအထင်ကြီးလို့

တချို့လူတွေက သူများရဲ့ အယူအဆထက် ကိုယ့်အယူအဆကို ပိုကြိုက်နှစ်သက်တတ်ကြပါတယ်။ ဒီလိုလူကို သွားပြောမိရင် ကိုယ့်အယူအဆရဲ့ လိုအပ်ချက်တွေကို မရမက ထောက်ပြပြီး သူတို့ရဲ့ အယူအဆကိုသာ ရှေ့တန်းတင်ပြောသွားပါလိမ့်မယ်။ ဒီလိုလူတွေဆီက စကားကို အရေးမစိုက်ပါနဲ့။

၂။ ကိုယ့်ထက် တော်နေလို့

တချို့လူတွေက သူများတွေကိုယ့်ထက် အတွေးအခေါ်ပိုကောင်းနေတယ်၊ သတ္တိတွေပိုရှိနေတယ်ဆို မကြိုက်တတ်ကြပါဘူး။ ကိုယ့်ထက် သာသွားမှာ၊ အောင်မြင်သွားမှာ ကို မမြင်ချင်ပါဘူး။ သူတို့နဲ့ အဆင့်အတန်းတူတူပဲ ဖြစ်စေချင်ကြပါတယ်။ ဒါကြောင့်ကိုယ်တခုခု ပိုကောင်းအောင် လုပ်တော့မယ်ဆို တားတတ်ကြပါတယ်။ ဒီလိုလူတွေဆီက စကားကိုရော အရေးစိုက်ဖို့လိုလား။ ကျွန်တော်ကတော့ မလိုဘူးလို့ ယူဆပါတယ်။

၃။ ကိုယ့်အကြောင်းကို မသိလို့

တချို့လူတွေကတော့ ကိုယ့်အကြောင်းကိုလည်း မသိ၊ ကိုယ့်အယူအဆကိုလည်း သေချာနားမထောင်တဲ့အတွက် ငြင်းပယ်ကြတာပါ။ ဒီတော့ ကိုယ့်အကြောင်းကိုလည်း သေချာမသိ၊ ကိုယ်ဘယ်လောက် အစွမ်းရှိတယ်ဆိုတယ်ဆိုတာကိုလည်း မသိတဲ့လူဆီက ငြင်းပယ်စကားကို အရေးစိုက်နေဖို့သင့်ပါ့မလား။

၎။ ကိုယ့်ကို လမ်းမမှားစေချင်လို့

ဒီလို လူတွေကတော့ ကိုယ့်ရဲ့ မိသားစုဝင်တွေ၊ ကိုယ့်နဲ့ အရင်းနှီးဆုံး လူတွေပါ။ ကိုယ့်ကို အခုလက်ရှိ ရှိနေတဲ့ အခြေအနေကနေ ပြောင်းသွားမှာ ၊ လမ်းမှားသွားမှာ စိုးကြတဲ့လူတွေပါ။ ဒါပေမယ့် ဒီလူတွေ မသိလိုက်တဲ့အချက်က၊ ဒီလို လုပ်လိုက်ချင်းအားဖြင့် ကိုယ့်ရဲ့ စွန့်စားလိုစိတ်၊ ဖန်တီးလိုစိတ်တွေကို ရိုက်ချိုးလိုက်မိတယ်ဆိုတာမျိုးပါ။ ဒီလို လူတွေရဲ့ စကားကို သည်းခံနားထောင်ပေးပါ။ ကိုယ့်ရဲ့ စိတ်ခွန်အားနဲ့ အစီအစဉ်တွေရှင်းပြပါ။ သူတို့ကို သနားပါ။ ကိုယ့်ကို မနစ်နာစေချင်တဲ့ သူတို့ရဲ့စေတနာကို အသိအမှတ်ပြုပါ။ ငြင်းပယ်မှုကို ကိုယ့်ရဲ့ စိတ်ခွန်အားတွေ၊ စိတ်ကူးအိပ်မက်တွေ၊ အစီအစဉ်တွေနဲ့ ဖယ်ရှားပါ။

မိတ်ဆွေတို့ကို ဖြစ်စေချင်တာက ကိုယ့်ရဲ့ စိတ်ကူးတွေ၊ အိပ်မက်တွေ လောကကို လွတ်လွတ်လပ်လပ် ဖွင့်ဟရဲဖို့ပါ။ ကိုယ့်ရဲ့ မွေးကတည်းက ပါလာတဲ့ ပါရမီတွေကို အပြည့်အဝ အသုံးချဖို့ပါ။ ကိုယ်နေချင်တဲ့ ဘဝကို ကိုယ့်ကိုကိုယ် ပုံဖော်ပါ။ ကိုယ်မြင်ချင်တဲ့ ပန်းချီကားကို ကိုယ်ကိုတိုင် ရေးဆွဲပါ။ ကိုယ်ဖြစ်စေချင်တဲ့ ဆန္ဒတွေကို ကိုယ်ကိုတိုင် အကောင်အထည်ဖေါ်လိုက်ပါ။ ကိုယ်တဦးတည်းသာ လုပ်နိုင်တဲ့ အလုပ်တွေကို လုပ်ပြီး လောကကို အလှဆင်လိုက်ပါ။

အခုသိသွားပြီ ဆိုတော့ ဘာဆက်လုပ်ကြမလဲ....

ငြင်းတဲ့သူက ကိုယ့်အရည်အချင်းကို တကယ်သိမသိ စဉ်းစားပါ။ ဝေဖန်မှုကို နားထောင်ပါ။ ကိုယ့်ရဲ့ စိတ်အားထက်သန်မှုတွေနဲ့ စိတ်ကူးတွေကိုသေချာ ရှင်းပြဖို့ မမေ့ပါနဲ့။ နောက်ဆုံး လက်ခံမခံ ကိုယ့်စိတ်ကို စမ်းစစ်ကြည့်ပါ။ ငြင်းပယ်မှုတခုထဲနဲ့ ကိုယ့်ရဲ့ ပုန်းကွယ်နေတဲ့ ပါရမီတွေ မပျက်သုန်းသွားပါစေနဲ့။

Credit - successupsize