သီချင်းတိုင်းအတွက် လိပ်ပြာသန့်နေသူ “လေးဖြူ”

ဂီတအကြောင်း သောင်းပြောင်းထွေလာ

 

သီချင်းတိုင်းအတွက် လိပ်ပြာသန့်နေသူ “လေးဖြူ”
®®®®®®®®®®®®®®®®®®®®®®®®®®

နံနက်ခင်းရဲ့  နွေးထွေးတောက်ပနေတဲ့ “နေ” ...
နံနက်ခင်းရဲ့  လေနုအေးတို့ရဲ့  အထိအတို့...အကြား...
အပြာရောင်ရေပြင်ကြီးပေါ်မှာ လွန့်လူးရွေ့လျားနေတဲ့အရာများ ...
ဆောင်းဆိုတဲ့ အငွေ့အသက်တွေရဲ့ ကြားမှာ နွေလရာသီတစ်ခုဆီကို
အာရုံယူရင်း လှုပ်ရှားရိုက်ကူးနေကြတယ်။

ရေပြင်ပေါ်မှာရွက်ကုန်ဖွင့်ပြီး လိုရာခရီးဆီကို ရွက်လွှင့်ပြီး သွားနေကြတယ်။
ခန္ဓာကိုတိမ်း...ယိမ်းကြိုးယိမ်းလို့ လိုသလိုကြိုးဆွဲကာ ရွက်ဖွင့်ရင်း သွားလိုရာ
တစ်ခုဆီသို့ ...

မြေပြင်ပေါ်မှာလည်း လှုပ်ရှားရုန်းကန်နေကြတဲ့ ဘဝတွေ ... မြောက်မြားစွာ ...။

ကိုယ်လိုရာပန်းတိုင်တစ်ခုဆီသို့ ခံယူချက် ကြိုးပေါင်းများစွာကိုယိမ်းလို့
လိုသလို ကြိုးဆွဲကာ ပညာ၊ သတ္တိ၊ ဇွဲတေဆိုတဲ့ ရွက်ကိုဖွင့်ပြီး ဆန္ဒပေါင်းများစွာအတွက်
ဘဝရွက်လှေကြီးကို စီးနင်းနေကြတယ်။ ခန္ဓာတစ်ခု ချုပ်ငြိမ်းသည်အထိ ...။

“ IC အဖွဲ့နဲ့ ကျွန်တော်ဆိုတာက ရိုးရိုးသားသားပြောရရင်
ရည်ရွယ်ချက်ကြီးနဲ့ ကျွန်တော်တို့ တွေ့ဆုံခဲ့တာ မဟုတ်ဘူး။
အနေကြာမှ တစ်ယောက်နဲ့တစ်ယောက် လေးစားစိတ်ဓာတ်နဲ့
ခိုင်မာကြတာပါ။ ကျွန်တော်တို့ တတ်စွမ်းသလောက် ဂီတချစ်သူများကို
ဆက်ပြီးဖြည့်ဆည်းမယ်လို့ ရည်ရွယ်ထားကြပါတယ်။

Show ပွဲတိုင်းကို ခုထိတော့ တတ်နိုင်သလောက် ဝိုင်းပြီး
ကြိုးစားပြင်ဆင်ပါတယ်။ လိုအပ်ချက်တွေကတော့ အများကြီး
ကျန်ပါသေးတယ်။

နောက်ထပ်အယ်လ်ဘမ်သစ်ကတော့ နည်းနည်းကြာဦးမယ်ဗျာ...
Sorry ပါပဲ။ ”

“ ကျွန်တော်ဆိုခဲ့ရတဲ့သီချင်းတွေ ခုဆိုတော်တော်များပါပြီ။
နားဆင်တဲ့လူတွေနဲ့ကျွန်တော် တစ်ခါတလေ တိုက်ဆိုင်တယ်။
တစ်ခါတလေ ကွဲလွဲတယ်။ ဒါပေမဲ့ ကျွန်တော်ဆက်ပြီး အခွေတွေ
ထပ်လုပ်နိုင်တဲ့ အဓိကအချက်ကတော့ ပြီးခဲ့တဲ့အခွေဟောင်းထဲက
သီချင်းတွေအတွက် ကျွန်တော်လိပ်ပြာသန့်တယ်။ ကျွန်တော်ဆိုပြီးခဲ့တဲ့
ကျွန်တော်ဆိုခဲ့ပြီးတဲ့ သီချင်းတစ်ပုဒ်စီတိုင်းကို ကောင်းရင်လည်း
လက်ခံတယ်။ ညံ့ရင်လည်း ညံ့တဲ့အတိုင်းပေါ့ဗျာ။ တာဝန်ကျေအောင်
ကြိုးစားခဲ့တယ်လို့ ခံယူပြီးရင် နောက်သီချင်းတွေဆက်ဆိုဖို့
ကျွန်တော်အဆင်သင့် ဖြစ်ခဲ့ပါတယ်။ ကျွန်တော့်သီချင်းတွေ
တစ်ပုဒ်စီတိုင်းကို ကျွန်တော်ချစ်ပါတယ်။ မြတ်မြတ်နိုးနိုးလည်း
ဆက်ဆိုနေဦးမှာပါ။

ကျန်တဲ့အနုပညာတွေကိုလည်း စိတ်ဝင်စားပါတယ်။ ဥပမာ -
ခုံလေးတစ်ခုံကအစ အနုပညာအရ လုပ်ထားမှ ကြည့်လို့ပိုကောင်းတယ်လေ။
သတိထားကြည့်ရင် အရာရာမှာ “အနုပညာ” ပါဝင်ပါတယ်။ ”

“ ပရိသတ်မသိခင်က ကျွန်တော်နဲ့ပရိသတ်သိတဲ့ “လေးဖြူ” ဆိုတဲ့နေရာမှာ
အနုပညာအပေါ်ပေးဆပ်မှု၊ ကြိုးစားခဲ့ရမှုတွေက သိပ်တော့မထူးဘူးဗျ ။
ကားမောင်းရသလိုပဲ။ နံပါတ်ဝမ်းဂီယာနဲ့ တခြားဂီယာ မောင်းရတာလိုပါပဲ။

Rock ကိုကြိုက်တဲ့ လူငယ်တွေက ကျွန်တော့်ကို Hero တစ်ယောက်လို...။
ကျွန်တော်တို့ ဒီလောကမှာ နေလာတာကြာလို့ ဖြစ်ပါလိမ့်မယ်။ ခုလို....
ခပ်ကြာကြာနေတဲ့အဖွဲ့ဆိုလို့ သိပ်မရှိကြလို့လေ။

Do's and Don'ts ကျင့်ဝတ်ဆိုတာ လူတိုင်းမှာ ရှိတယ်လို့ မြင်ပါတယ်။
အရာရာကို “စေတနာ” က ဦးဆောင်ဖို့ အရေးကြီးတယ်။ ”

“ လူငယ်နဲ့ ဂီတအပေါ်ကို...အင်း...ခုကာလပိုင်းမှာ အာရုံများကြတဲ့
ခေတ်ပေါ့ဗျာ။ “ဂီတ” ကတော့ တစ်ထောင့်တစ်နေရာမှာ အမြဲတမ်း
ရှိပါတယ်။ အရင်ကလည်း ဒီလိုပါပဲ။ နောင်များမှာလည်း လူငယ်တွေ
အတွက် အမြဲရှိနေမယ်လို့ ယုံကြည်ပါတယ်။ ”

IC အဖွဲ့သားတစ်ဦးဖြစ်တဲ့ အဆိုတော်လေးဖြူတစ်ယောက်လညး
ခံယူချက် ကြိုးပေါင်းများစွာကို ယိမ်းလို့ လိုသလိုကြိုး ဆွဲကာ
အဆိုပညာ၊ သတ္တိ၊ ဇွဲတွေဆိုတဲ့ ရွက်ကိုဖွင့်ပြီး ဆန္ဒပေါင်းများစွအတွက်
ဘဝရွက်လှေကြီးကို စီးနင်းနေပါတယ်။

ခန္ဓာတစ်ခု ချုပ်ငြိမ်းသည်အထိပေါ့...။

မြတ်စုလွင်(မဟာဝိဇ္ဇာ)
March , 2011
Perfect
(အောင်မြင်ခြင်းမဂ္ဂဇင်း)

credit ka lee & ko naing
Rock နှင့် ပတ်ဝန်းကျင် ဂရုမှ...