ထူးဆန်းသောခြေရာများ

 ဖြိုး သုတ added 2 new photos.

ထူးဆန်းသောခြေရာများ
=============
တစ်ခါက အလွန်ရိုးအပြီး အကြားအမြင်ဗဟုသုတနည်းတဲ့ သူတွေနေထိုင်တဲ့ရွာတစ်ရွာရှိပါသတဲ့..။ ရွာသားတွေဟာ ဗဟုသုတနည်းတဲ့အတွက် သူတစ်ဖက်သားပြောတာကိုလည်း အလွယ်တကူပဲ ယုံတတ်ကြတယ်။ အဲဒီလို သူတို့ရဲ့ ရိုးအမှုကို အခွင့်ကောင်းယူပြီး ဆရာလုပ်နေတဲ့ ပညာရှိ လို့အမည်တတ်ထားတဲ့ ဂုရုတစ်ဆူလည်း သူတို့ရွာမှာရှိတယ်။

ရွာသားတွေဟာ ပြသနာတစ်စုံတစ်ရာဖြစ်တိုင်း သူတို့ယုံကြည်အားကိုးတဲ့ ဂုရုကြီးရဲ့ အဆုံးအဖြတ်နဲ့ အဆုံးအမကို ခံလေ့ရှိတယ်။ ဂုရုပညာရှိကလည်း ရွာသားတွေကို ဟုတ်တာရော မဟုတ်တာရော အဖြီးအဖျန်းလေးနဲ့ ဆုံးမလေ့ရှိတယ်။ ရွာသားတွေကတော့ ဂုရုကြီးပြောသမျှဆိုရင် ဘာမဆို အဟုတ်ထင်ပြီး ပညာရှိပီသပါပေတယ် လို့ အမြဲတမ်းပဲ ချီးမွမ်းလေ့ရှိတယ်။
ကလေးတွေကို ဆိုဆုံးမရင်တောင် ဂုရုကြီးက အဆုံးအမက ဘယ်လိုရှိတယ်၊ ညာလိုရှိတယ်လို့ ညွှန်းဆိုပြီးဆုံးမရတဲ့အထိပဲ။
တစ်နေ့တော့ရွာသားတစ်ယောက်ဟာ သူ့တဲရှေ့က ဗွက်တောထဲမှာ အင်မတန်ကြီးမားတဲ့ ခြေရာကြီးတစ်ခုကိုတွေ့ခဲ့ပါသတဲ့။
"အောင်မငှီး.. ကြီးလိုက်တဲ့ခြေရာကြီးဟ၊ ဒါမျိုးတစ်ခါမှ မမြင်ဖူးဘူး၊ ဟေ့ သာအေးတို့၊ ဖိုးတေတို့၊ အောင်ဘုတို့၊ မဲကြီးတို့ လာကြည့်ကြပါအုန်းဟ"
လို့ အော်ဟစ်ခေါ်လိုက်တယ်။
အဲဒီအခါ ရွာထဲကလူတွေလည်း ၀ိုင်းဝန်းရောက်ရှိလာပြီး ကြီးမားလှတဲ့ခြေရာကြီးကို တစ်ယောက်တစ်ပေါက် ၀ိုင်းဝန်းဝေဖန်ကြတယ်။
"သချိုင်းက တစ္ဆေ ဖုတ်သဘက်တွေများလား၊ ဖျား..ဖျား"
"ဘယ်ကလာ.. ဘီလူးခြေရာကွ၊ ဘီလူးခြေရာ"
"သရဲပါကွ"
"သဘက်လည်းဖြစ်နိုင်တယ်"
"ဘီလူးဆိုရင်၊ လူခြေထောက်လိုခြေရာမျိုးဖြစ်မှာပေါ့ကွ၊ အခုက အ၀ိုင်းကြီး၊ မင်းတို့လို ငတုံးတွေထင်ရာပြောနေမယ့်အစား၊ ဂုရုကြီးကိုသွားပင့်တာမှ အဖြေမှန်သိရအုံးမယ်၊ လာကြ လာကြ၊ ဂုရုကြီးကို သွားပင့်ကြမယ်"
ရွာသားတွေဟာ အဲဂလို တစ်ယောက်တစ်ပေါက်ပြောဆိုညင်းခုန်ရင် ပညာရှိက၀ိကြီးကို သွားပင့်ကြတယ်။ ဂုရုကြီးရောက်ရှိလာတဲ့အခါ ရွာသားတွေက လမ်းရှဲပေးကြတယ်။ ပညာရှိကြီးက ခြေရာကို အနီးကြည့်ကြည့်၊ အဝေးကြည့်ကြည့် ကြော်ငြာထဲကလို.. အနီးကပ်ကြည့်တယ်၊ အဝေးကနေ လှမ်းကြည့်တယ်၊ လေးဘက်ကုန်းပြီး သုံးသပ်တယ် ပြီးတော့ တစ်ဖက်ခြောက်ပင်စီလောက်ပေါက်နေတဲ့ မုတ်ဆိတ်မွှေးကို အသာအယာပွတ်သတ်ပြီးဒီလိုပြောတယ်။
"မင်းတို့တော်တော်ညံ့ကြတာကို၊ တစ်ခုနဲ့တစ်ခု ဆက်စပ်ပြီးတွေးကြည့်ကြပေါ့ကွ၊ တစ်ကယ်တော့ အဲဒါတွေက သမင်ခြေရာတွေကွ"
အဲဒီလိုပြောလိုက်တော့ ရွာသားတွေက အကုန်အံ့သြကုန်ကြတယ်။
"ဟာ"
"ဟင်"
"ဟယ်"
"ဘယ်လို"
ဂုရုကြီးကဆက်ပြောတယ်-
"မင်းတို့အံ့သြမယ်ဆိုလည်း၊ အံ့သြစရာပေါ့လေ၊ တကယ်တော့ သမင်တွေက သူတို့ခြေထောက်မှာ ကျောက်တုံးဝိုင်းဝိုင်းကြီးတွေကို ချည်ပြီး မင်းတို့ကို ကျီစားနေတာကွ၊ သေချာမှတ်ထားကြ၊ နောက်တစ်ခါ ဒါမျိုးတွေ့ရင် သမင်ခြေရာပဲလို့ အတတ်သိလိုက်ကြ"
လို့ ဆုံးမတယ်။ ရွာသားတွေလည်း
"သြော်.... ဒီလိုကိုး...၊ တော်တော်နောက်တဲ့သမင်တွေပဲ၊ ဂုရုကြီး ပညာရှိပါပေတယ်"
လို့ဝိုင်းဝန်းချီးမြောက်ကြတယ်။
အဲဒီလိုနဲ့ နောက်တစ်နေ့မှာလည်း ရွာသားတွေအိပ်မောကျနေတုန်း၊ သူတို့ရွာနားက ဆင်အုပ်ဖြတ်သွားပြန်တယ်။ နောက်တစ်နေ့မှာလည်း ရွာသားတွေက ဆင်ခြေရာတွေကို တွေ့ကြပြန်တယ်။ ဒါပေမယ့် သူတို့ အံ့သြခြင်းတော့မဖြစ်တော့ဘူး။ သမင်တွေက သူတို့ကို ထပ်ပြီး ကျီစားပြန်ပြီလို့ သူတို့ ထင်နေကြပြန်တယ်။
--------------------------------
ဒီပုံပြင်လေးဟာ အိန္ဒိယ ရိုးရာပုံပြင်တစ်ပုဒ်ဖြစ်တယ်။ ဒီပုံပြင်လေးက ကျနော်တို့ကို "ဗဟုသုတ" နည်းခြင်းအကြောင်းကို ပြောပြနေတယ်။
တစ်ခါတရံမှာတော့ ကျနော်တို့ဟာ တစ်စုံတစ်ရာဆုံးဖြတ်စရာ၊ ရွေးချယ်စရာ၊ ဆင်ခြင်သုံးသပ်စရာတွေ ပေါ်လာတတ်ကြတယ်။ အဲဒီလို အခိုက်အတန့်မှာတော့ ဗဟုသုတအကြားအမြင် ပြည့်စုံတဲ့သူတွေဟာ. ကိုယ့်ဥာဏ်စွမ်းဥာဏ်စနဲ့ ဆုံးဖြတ်နိုင်လေ့ရှိတယ်။ ဗဟုသုတ နည်းပါးတဲ့သူတွေကျပြန်တော့ ကိုယ့်ထက် အကြားအမြင်များတယ်လို့ ထင်ရတဲ့သူတွေကို အားကိုးအားထား ပြုကြရတယ်။ အားကိုးအားထားပြုတဲ့သူဟာ မှန်ကန်တဲ့လမ်းကြောင်းကို သိမြင်သူ၊ စိတ်ကောင်းရှိသူ၊ ဥာဏ်ပညာရှိသူ ဖြစ်ရင်တော့ ကိုယ့်အတွက် မထိခိုက်နိုင်ပေမယ်၊ ညာဝါးဖြီးဖျန်းသူ တစ်ယောက်ဖြစ်ရင်တော့ နစ်နာသူဟာ မိမိကိုယ်တိုင်ပဲဖြစ်လာမှာ သေချာတယ်လို့ဆိုတယ်။
တစ်ခါတစ်ရံမှာ အမှန်တရားတစ်ချို့တစ်ဝက်ကို လိမ်ညာမှုတွေနဲ့ ရောထွေးပြီးပြောတတ်တဲ့ ဂုရုကြီးလို လူစားမျိုးတွေကိုလည်း ကျနော်တို့ပတ်ဝန်းကျင်မှာတွေ့ကြရမှာ ဧကန်ပဲဖြစ်တယ်။ ဂုရုကြီးဟာ ရွာသားတွေရဲ့ ကြည်ညိုမှုကို ဟုတ်တာရော မဟုတ်တာရော ရောထွေးပြီး လိမ်ညာယူတတ်သလိုမျိုး၊ half-truth message တွေပေးပြီး လိမ်ညာတတ်တဲ့ဝါဒဖြန့်သမားတွေဟာလည်း ရှိနေတတ်ကြသေးတယ်။
သူတို့တွေဟာ လူကြည်ညိုမှုနဲ့ ဂုဏ်သိက္ခာအတွက် ဒါမှမဟုတ် စည်းစိမ်ဥစ္စာ တစ်စုံတစ်ရာအတွက် အမှန်တရားသကာရည်တွေ လိမ်းကြံထားတဲ့ လိမ်ညာမုသားတွေကို ပြောကြမှာပဲဖြစ်တယ်။ အဲဒီလို လှည့်ဖျားခြင်းကို ရင်ဆိုင်ရတဲ့အခါမျိုးမှာ ဗဟုသုတနဲ့ အကြားအမြင်ဟာ ကိုယ့်အတွက် အင်မတန်ခိုင်ခန့်တဲ့ သံချပ်ကာဝတ်စုံဖြစ်သလို၊ အင်မတန်ထက်မြတဲ့ ဓါးတစ်လက်လဲဖြစ်ပြန်တယ်။
ဗဟုသုတအကြားအမြင်များကြပါစေ
(ဖြိုးသုတ) https://web.facebook.com/ko.phyo.3363