***ညပိုင်း ကားဖြင့်ခရီးသွားသူများ အထူးသတိထားကြရန် ***

 

U Phey Seyn added 4 new photos — with Kmmp John and 42 others.

=======================================
***ညပိုင်း ကားဖြင့်ခရီးသွားသူများ အထူးသတိထားကြရန် ***
=======================================
(ဖတ်ကြည့်ပါ။ ပြီးရင် share ပေးကြပါ။)
(7.10.15) ဗုဒ္ဓဟူးညက ပြင်ဦးလွင်ကနေ တောင်ကြီးမှာပြောင်းပြီးလာနေတဲ့ဆွေမျိုး
တစ်ယောက်ဆုံးပါးသွားခဲ့ပါတယ်။ ကွယ်လွန်သူနဲ့ကျန်ရစ်သူမိသားစုတွေရဲ့ ဆန္ဒအရ
ပြင်ဦးလွင်မှာ ပြန်ပြီးသင်္ဂြီုလ်ဖို့အတွက် ညတွင်းချင်းသယ်သွားပေးမဲ့ နာရေးယာဉ်တစ်စီး
အမြန်စီစဉ်ခဲ့ကြပါတယ်။ မြတ်မေတ္တာလူမျိုးဘာသာမရွေး နာရေးကူညီမှုအသင်းရဲ့
ကူညီပံ့ပိုးမှုကြောင့် (ပုံ-၁ ပါ) နာရေးယာဉ် ( Hiace ခေါင်မြင့်) တစ်စီးနဲ့ အဲဒီည၁၀နာရီမှာ
တောင်ကြီးကထွက်ခွါနိုင်ခဲ့ပါတယ်။
ကျွန်တော့ရဲ့အဒေါ်ဆရာဝန်ဖြစ်သူ Daw Hnin Yi Aye လည်းကွယ်လွန်သူမိသားစုနဲ့အတူ အဖေါ်အဖြစ်လိုက်ပါသွားခဲ့ပါတယ်။ အမြန်လမ်းက မသွားဘဲ ရန်ကုန်-မန္တလေးလမ်းဟောင်းက သွားခဲ့ကြတာပါ။
ညသန်းခေါင် ၂နာရီခန့်မှာ သာစည်မှ သပြေဝ(မိတ္ထီလာ-မန္တလေးအထွက်)ကို ဆက်သွယ်
ထားတဲ့ ရွှေရင်မျှော်လမ်းခွဲပေါ်မှာ ဇာတ်လမ်းက စပါတော့တယ်။ လမ်းခွဲမှ လမ်းမကြီးသို့
ရောက်ခါနီးမှာ ကားပေါ်မှ သံထည်ပစ္စည်းတစ်ခုကျခဲ့တဲ့အသံကျယ်ကြီးတစ်သံကြားလို့
ကားမောင်းသူက ကားကိုရပ်ပြီး နောက်နည်းနည်းပြန်ဆုတ်ကြည့်တော့ လမ်းပေါ်မှာ
ဒီဇယ်တွေထွက်ကျပြီး အိုင်နေတာကိုတွေ့လိုက်ရပါတယ်။ ဒါနဲ့ ကားဆရာလည်းအမြန်
ဆင်းပြီး ဓါတ်မီးနဲ့ထိုးကြည့်တော့ ကားရဲ့ဆီတိုင်ကီပေါက်ပြီး ဒီဇယ်တွေပန်းထွက်နေပြီ။
အဲဒီအပေါက်ထဲကို ကားဆရာက လက်ညိုးနဲ့ထိုးကြည့်တော့ အသာလေးဝင်သွားလို့၊
လက်မနဲ့ပြောင်းထိုးတော့မှ ယိုပေါက်ပိတ်သွားတယ်။ ဒါနဲ့ ကားဆရာက အဖေါ်ပါသူတွေကိုလက်မလောက်အရွယ်သစ်ကိုင်းနဲ့ ထုစရာကျောက်ခဲ ရှာခိုင်းလိုက်တယ်။ ရှာတဲ့သူတွေကကားလမ်းနောက်ကြောင်းပြန်လျှောက်ကြည့်တော့ မလှမ်းမကမ်းမှာ (ပုံ-၂ ပါ) လက်ကိုင်ရိုးမပါတဲ့ တစ်မိုက်လောက်ရှိတဲ့ ၁၂ပေါင်တူနဲ့ တစ်တောင်လောက်ရှည်တဲ့ ဓါးမတစ်ချောင်းတို့ကိုတွေ့လိုက်ကြတယ်။ သူတို့လည်း အဲဒီဓါးမကိုသုံးပြီး သစ်ကိုင်းကိုဖြတ်၊ စနိုးတာဝါနဲ့ပါတ်၊ အပေါ်က ကြွတ်ကြွတ်အိပ်နဲ့ထပ်ပါတ်ပြီး အပေါက်ထဲကို သံတူနဲ့ရိုက်ထည့်လိုက်မှ ဆီကျရပ်သွားတော့တယ်။ အဲဒီလိုနဲ့ဘဲ ပြင်ဦးလွင်အထိရောက်အောင်မောင်းနိုင်ခဲ့ပါတယ်။
**************************************************************
ဒီဖြစ်စဉ်ကိုပြန်သုံးသပ်ကြည့်တော့၊ အနီးနားက မသမာသူလူတစ်စုလက်ချက်ဆိုတာ
သိသာလှပါတယ်။ အရင်က အမြန်လမ်းပေါ်မှာ၊ ခဲလုံးကြီးတွေချထားတာတို့၊ သံချွန်တွေ
ချထားတာတို့ ကြားဖူး၊ ဖတ်ဖူးပေမဲ့ အခုတော့ သာမာန်လမ်းမှာတောင် ထောင်ချောက်ဆင်
တာတွေတွေ့နေရပါပြီ။ ဆင်ထားတဲ့ပုံကတော့ (ပုံ-၃ ပါ) သံတူအပေါက်ထဲကို ဓါးမထိုးစိုက်ထည့်ထားတာပါဘဲ။ အဲဒီတော့ ကတ္တရာလမ်းပေါ်မှာ (ပုံ-၄ ပါ) သံတူနဲ့ဓါး အမည်းရောင်ကိုကားဆရာတွေမမြင်နိုင်ပါဘူး။ ကားဘီးနဲ့နင်းမိရင် တာယာပွင့်ပြီးကားမှောက်အောင်ပါ။ မနင်းမိရင်လည်း အင်ဂျင်တို့ ဆီတိုင်ကီတို့ကို ဓါးနဲ့လှီးခွဲပြီး စက်ရပ်သွားအောင်ပါ။အဲဒီိအခါချောင်းမြှောင်းနေတဲ့ မသမာသူတစ်စုက ထွက်လာပြီးလုယက်ကြပါလိမ့်မယ်။
**************************************************************
အခုနာရေးကူညီမှုကားကတော့ ကံကောင်းလို့ကားဘီးနဲ့မနင်းမိဘဲ သံတူအစွန်းကိုကပ်
နင်းမိလို့၊ ဓါးမကခုန်ထွက်လာပြီး ဆီတိုင်ကီကို ဓါးမဖင်ပိုင်းနဲ့ ထိုးဖေါက်မိတဲ့ပုံပေါက်ပါတယ်။
နောက်ပြီး ကားဆရာက ကားရပ်လိုက်တဲ့အချိန်မှာ အတွင်းခန်းမီးချောင်းများနဲ့ ခေါင်မိုးပေါ်က
အရေးပေါ်(Ambulance) အချက်ပြမီးပါဖွင့်ထားလို့ အဝးကချောင်းနေသူ တစ်စုထွက်မလာတာဖြစ်မယ်လို့ ကောက်ချက်ချလို့ရပါတယ်။
သေချာတာကတော့ ညပိုင်း လမ်းမတွေပေါ်မှာ ဒီလိုထောင်ချောက်ဆင်ထားတွေ ဘယ်လောက် များများရှိနေလဲဆိုတာ ဘယ်သူမှမသိနိုင်ကြပါဘူး။ ခရီးသွားပြည်သူတွေနဲ့ ကားဆရာတွေအတွက် ဘေးအန္တရာယ်တွေကတော့ ကျွန်တော်တို့မြန်မာပြည်မှာကြောက်စရာကောင်းနေပါပြီ။
###‪#‎လူအချင်းချင်းဒုက္ခပေးခြင်းမှကင်းဝေးကြပါစေ‬…………
မှတ်ချက် ။ ။ (ကားဆရာဖြစ်သူ မြတ်မေတ္တာနာမှုကူညီရေးအသင်းမှ လူငယ်ခေါင်းဆောင် ကိုတင်ဝင်း(ခ)ကိုရာဂျား ၏ပြောပြချက် အတိုင်းပြန်လည် ဖေါ်ပြပေးပါသည်။ သူ ကောက်ယူလာသော
သံတူနှင့်ဓါးမပုံများပါပူးတွဲ ဖေါ်ပြထားပါသည်။) Credit to Ko Rajar