"မှော်ဆရာရဲ့ဆေးကြိမ်လုံးနဲ့ထိတို့ခံရတဲ့ကလေးရဲ့သင်ယူမှုအရည်အချင်းကထက်မြက်တယ်" 2

 

Nine Nine Sanay @ နိုင်းနိုင်းစနေ

(တစ်နေ့က အဆက်...)

ခင်ခင်ရဲ့ဖေဖေက ခင်ခင်နေ့တိုင်းစာကြိုးစားတာတောင် အဆင့်က အလယ်အလတ်မှာပဲရှိတယ်။ တကယ်လို့ ကျောင်းပြင်ပစာပေးဖတ်လိုက်ရင် အဆင့်ကျသွားရင် ဘယ်လိုလုပ်မလဲလို့ပြောတယ်။

မောင်မောင်ရဲ့မိခင်က မောင်မောင်ကိုကျောင်းပြင်ပစာပေးဖတ်လိုက်ရင် သင်ယူမှုမှာဝန်ပိုပိလာနိုင်တယ်၊ မောင်မောင်က တစ်ပတ်မှာ ကျောင်းပြင်ပသင်တန်း ၆ခုနဲ့ ဂီတသင်တန်းတစ်ခုတက်ရသေးတယ်၊ တစ်ပတ်လုံး အားလပ်ရက်မရှိဘူး၊ အိမ်ကလည်း ဝေးတာကြောင့် ဘတ်စ်ကားပေါ်မှာပဲ အသွားအပြန် ၂နာရီခွဲကျော်လောက် အချိန်သုံးနေရတယ်။ တစ်နေ့ကို သူ ၆နာရီလောက်ပဲအိပ်ရတယ်၊ ဒါကြောင့် မောင်မောင်ကို ဝန်ထပ်ပိစေလို့မဖြစ်ဘူးလို့ ဆိုပါတယ်။

ဒီကလေးတွေက အခုမှမူလတန်းတက်စရှိသေးတာမို့ စာမေးပွဲမှာ တစ်ခါတလေ အမှတ်အနည်းငယ်နိမ့်တာ၊ မြင့်တာတွေက အရေးမကြီးဘူးလို့ သူတို့ကိုကျွန်မပြောပြပါတယ်။ လောလောဆယ်ဖြစ်နေတဲ့ အဓိကပြဿနာက သူတို့မှာ သင်ယူအားမသန်စွမ်းဘူး၊ ဒါကမှ တကယ့်ပြဿနာဖြစ်တယ်။ ဒါဟာ သူတို့ရဲ့အနာဂတ်သင်ယူမှုကို ပြင်းပြင်းထန်ထန်ထိခိုက်စေတတ်ပါတယ်။ ကျောင်းပြင်ပသင်တန်းတွေ ဒီလောက်များများမတက်စေဘဲ၊ စာမေးပွဲအမှတ်စာရင်းကို အတင်းအကျပ်မကန့်သတ်ဘဲ၊ သူတို့ကို ကျောင်းပြင်ပစာတွေ များများပေးဖတ်စေတာဟာ သူတို့ရဲ့သင်ယူမှုဝန်ကို လျော့နည်းစေနိုင်ပြီး သင်ယူအားကို တိုးမြင့်စေပါတယ်။ နောင်တစ်ချိန်မှာ တကယ့်ရလဒ်ကောင်းတွေကို ရရှိစေမှာဖြစ်တယ်။

ပြဿနာကို ရှင်းလင်းမြင်သာအောင် ကျွန်မအတတ်နိုင်ဆုံးပြောပြပါတယ်။ ပြောနေချိန်မှာလည်း ကျွန်မရဲ့အကြံပေးချက်ကို သူတို့သဘောတူလက်ခံကြောင်းပြောပါတယ်။

ဒါပေမယ့် နောက်ပိုင်းမှာ ကလေးတွေကို ကျွန်မမေးကြည့်တော့ အရင်အတိုင်းမပြောင်းလဲဘူးလို့ ဆိုပါတယ်။ ခင်ခင်ရဲ့ဖေဖေက သတင်းစာမှာလို့ “ဖတ်စရာ” မဂ္ဂဇင်းလက်ဆောင်ရတာဟာ ကလေးကို သင်ယူမှုမှာစိတ်ပါဝင်စားမှုမရှိစေလို့ဆိုပြီး လက်ဆောင်မဂ္ဂဇင်းအစား နွားနို့ကိုပြောင်းလဲယူခဲ့ပါတယ်။

မောင်မောင်က နဂိုတည်းက စာဖတ်ဝါသနာမပါတာကြောင့် သူ့မေမေကလည်း သူ့ဝါသနာကိုပျိုးထောင်မနေခဲ့တော့ပါဘူး။ ကလေးကို တိုက်ကွန်ဒိုသင်တန်း ထပ်တိုးတက်စေခဲ့ပါတယ်။ အကြောင်းရင်းက မောင်မောင်တစ်နေ့ကုန်သင်ယူနေလို့ ကိုယ်လက်လှုပ်ရှားမှုနည်းတယ်၊ တိုက်ကွန်ဒိုသင်တန်းတက်ရင် အားကစားလုပ်နိုင်သလို ကိုယ့်ကိုယ်ကိုလည်း ကာကွယ်နိုင်တယ်လို့ဆိုတယ်။ မောင်မောင်အတွက် ဘယ်ကနေဘယ်လို ဒီသင်တန်းတက်ဖို့ သူအချိန်ဖဲ့ယူခဲ့သလဲဆိုတော့ကိုတော့ ကျွန်မလည်း မသိတော့ပါဘူး။ မောင်မောင်တက်တဲ့သင်တန်းတွေထဲမှာ စာစီစာကုံးရေးသားနည်း သင်တန်းတစ်ခုပါတယ်ဆိုတာကို ကျွန်မသိလိုက်ရပါတယ်။

ခင်ခင်၊ မောင်မောင်နဲ့ နှိုင်းစာကြည့်ရင် အောင်အောင်နဲ့သူရတို့ရဲ့ စာစီစာကုံးအရေးအသားက အရမ်းကောင်းမွန်တာကို တွေ့ရတယ်။ စာစီစာကုံးတစ်ပုဒ်လုံးမှာ စာလုံးပေါင်းအမှား၊ ညံ့တဲ့အသုံးအနှုန်း မတွေ့ရသလောက်ပါပဲ။ အောင်အောင်ရဲ့ အရေးအသားက သပ်ရပ်သန့်ရှင်းပြီး စာပုဒ်ထဲမှာ တမူထူးခြားတဲ့ ရှုထောင့်နဲ့အတွေးအမြင်တွေကို တွေ့ရတယ်။ သူရရဲ့အရေးအသားက သိပ်မသပ်ရပ်၊ မသန့်ရှင်းဘူးဆိုပေမယ့် သူ့စာစီစာကုံးတစ်ပုဒ်တိုင်းက သိသာထင်ရှားတဲ့အရေးအသားတွေပါပဲ။ တစ်ခါတလေမှာ သူစိတ်ပါဝင်တစားရေးတာမဟုတ်မှန်း ဖတ်ကြည့်တာနဲ့သိပေမယ့် တချို့အပုဒ်တွေက သူလေးလေးနက်နက်ရေးထားတာတွေပါ။ မသပ်ရပ်တဲ့ လက်ရေးလက်သားကနေ ဂရုတစိုက်ဖတ်ကြည့်ရင်း သူ့ရဲ့ပါရမီကို ခံစားမိနိုင်ပါတယ်။ ဖတ်ပြီးရင်လည်း ရင်ထဲကနေ လှိုက်လှိုက်လှဲလှဲဖြစ်စေပါတယ်။

ဒီကလေးနှစ်ယောက်နဲ့လည်း ကျွန်မတွေ့ဆုံဆွေးနွေးခဲ့ပါတယ်။ သူတို့က ကျောင်းပြင်ပစာတွေဖတ်ရတာကို အရမ်းနှစ်သက်သူတွေဖြစ်မှန်း သိလိုက်ရပါတယ်။ အောင်အောင်ရဲ့အိမ်မှာ စာအုပ်တွေ အများအပြားစုဆောင်းထားပြီး နာမည်ကြီးတဲ့စာပေတွေ၊ သမိုင်း၊ သဘာဝဆိုင်ရာစာအုပ်တွေကို သူတော်တော်များများဖတ်ပြီးနေပြီဖြစ်ပါတယ်။ သူနဲ့ရွယ်တူကလေးတွေထက် သူ့စာဖတ်နှုန်းက ကျော်လွန်နေခဲ့ပါတယ်။

သူရရဲ့မိဘနှစ်ပါးက စီးပွားရေးသမားတွေမို့ အိမ်မှာသိပ်မရှိပါဘူး။ သူက အဘိုးအဘွားနဲ့ နေသူပါ။ အဘိုးအဘွားရဲ့အိမ်မှာ ကွန်ပျုတာမရှိသလို၊ တီဗွီလည်း သိပ်မကြည့်ဖြစ်ကြဘူး။ ဒါကြောင့် သူဟာ စာအုပ်တွေပဲ ဝယ်ဖတ်ဖြစ်ခဲ့တယ်။ သူရက စာအစုံဖတ်သူပါ။ တိရစ္ဆာန်အကြောင်း၊ သိပံ္ပ၊ စုံထောက်၊ သိုင်းဝတ္ထုတွေ အကုန်ဖတ်ပါတယ်။ လက်လှမ်းမိတဲ့စာအုပ်မှန်သမျှ သူဖတ်ပါတယ်။

ဒီကလေးနှစ်ယောက်က စာစီစာကုံးအရေးကောင်းသလို တခြားဘာသာ၊ တခြားသင်ခန်းစာတွေကိုလည်း ပေါ့ပေါ့ပါးပါးဖြတ်ကျော်နိုင်ကြသူတွေပါ။ အောင်အောင်က လိမ်မာတဲ့ကျောင်းသားတစ်ယောက်ဆိုပေမယ့် စာကြမ်းပိုးမဟုတ်ဘူး။ သူက ဘောလုံးကစားတာကို နှစ်သက်တယ်၊ အချိန်တော်တော်များများပေးပြီး ဘောလုံးကန်တယ်။ သူရက အဆင့်သိပ်မကောင်းခဲ့ဘူးဆိုပေမယ့် သူ့အတန်းပိုင်ဆရာမပြောသလိုပြောရရင် ဒီကလေးဉာဏ်သိပ်ကောင်းတယ်။ စာတွေကိုသုံးရက်လောက် စိတ်ပါဝင်စား သူကျက်မှတ်ရုံနဲ့ အတန်းထဲမှာ အဆင့်သုံးလောက်ကို သူရနိုင်တယ်။

အဲဒီအတန်းကို ကျွန်မဆက်မသင်ဖြစ်တော့တဲ့အခါ ကျောင်းသားတွေနဲ့ အမြဲဆက်သွယ်ရဖို့ ကျွန်မအီးမေးလ်ကို ပေးခဲ့ပါတယ်။ အခုချိန်ထိ ကျောင်းသားတချို့နဲ့ ကျွန်မအဆက်သွယ်ရှိနေတုန်းပါပဲ။ အခုချိန်မှာ သူတို့အလယ်တန်းရောက်နေကြပါပြီ။ မကြာခင် စာမေးပွဲဖြေရပါတော့မယ်။

အောင်အောင်က ကျွန်မဆီအီးမေးလ်မပို့ခဲ့ဖူးပေမယ့် သူ့မေမေက ကျွန်မနဲ့အမြဲအဆက်အသွယ်လုပ်ခဲ့ပါတယ်။ ကျွန်မတို့ အပြင်မှာမမြင်ဖူးခဲ့ကြပေမယ့် အီးမေးလ်ကနေတဆင့် ကလေးပညာပေးရေးတွေကို ဆွေးနွေးဖြစ်ခဲ့ကြပါတယ်။ အောင်အောင်က နာမည်ကြီးအလယ်တန်းကျောင်းတစ်ကျောင်းမှာ တက်နေပါတယ်။ သူ့မေမေရဲ့ပြောပြချက်အရ အောင်အောင်ဟာ အရင်လိုပဲ သင်ယူမှုမှာအားသန်နေပါတယ်။ သူ့ရဲ့ကျောင်းသင်ခန်းစာအမှတ်နဲ့ ဘောလုံးကစားခြင်းက တန်းတူပါလို့ဆိုတယ်။ အကောင်းဆုံးအထက်တန်းကျောင်းတစ်ကျောင်းမှာ တက်ရဖို့ သေချာနေပြီလို့လည်းဆိုပါတယ်။

ခင်ခင်က ကျွန်မနဲ့အမြဲအဆက်အသွယ်ရှိပါတယ်။ သာမန်အလယ်တန်းကျောင်းတစ်ကျောင်းမှာ သူတက်ရောက်နေပါတယ်။ ဆရာသမားကောင်းအရည်အချင်းသိပ်မပြည့်ဝတဲ့ ကျောင်းဖြစ်တယ်။ သူရနဲ့ မောင်မောင်ကလည်း ဒီကျောင်းမှာတက်ရောက်နေတယ်လို့ ဆိုပါတယ်။ သူနဲ့မောင်မောင်ရဲ့ သင်ယူမှုအရည်အချင်းက အလယ်အလတ်မှာလို့ဆိုတယ်။ အထက်တန်းကို အောင်အောင်ဖြေနိုင်မှာမဟုတ်ဘူးလို့ ပြောပါတယ်။ သူရက အထက်တန်းဖြေရတော့မယ်ဆိုတော့ သူ့ကိုယ်သူနည်းနည်းစိတ်ပူလာပါတယ်။ သင်ယူမှုပိုင်းမှာ ပိုအလေးအနက်ထားလာခဲ့လို့ အခုဆိုရင် အဆင့် တစ်၊ နှစ်၊ သုံးထဲမှာလို့ဆိုပါတယ်။ ခင်ခင်က ကြာလေကျောင်းမတက်ချင်လေ၊ ကြာလေစာတွေခက်လာပြီး သင်ယူရတာပင်ပန်းလေလို့ ပြောပါတယ်။

ကလေးတွေရဲ့ သင်ယူမှုအပိုင်းမှာ ဖွံ့ဖြိုးတိုးတက်နှုန်းက သိသာမြင်သာနေခဲ့ပါပြီ။

------
ဆက်ပါဦးမည်...