Blocking အနုပညာ

 Min Di Min

Blocking အနုပညာ
==========
Facebook မှာ သူငယ်ချင်းစာရင်း ငါးထောင်အထိသာ မိတ်ဆွေဖွဲ့ခွင့်ရှိတဲ့အထဲ ကျွန်တော်က သူငယ်ချင်းစာရင်း (Friends list ) ၅၀၀၀ ထောင်ပြည့်လုနီးနီးရှိနေတဲ့ သူတစ်ယောက်ဖြစ်ပါတယ်။ အကြောင်းအမျိုးမျိုးနဲ့ သူငယ်ချင်းအဖြစ်ချိတ်ဆက်မိသူတွေထဲမှာ အများစုက ကလေးမြို့ရေဘေးကယ်ဆယ်ရေးဆောင်ရွက်စဉ်ကာလက သူငယ်ချင်းဖြစ်သူတွေအများဆုံးပါလိမ့်မယ်ထင်ပါတယ်။ သူတို့ချစ်ကြတဲ့မြို့ကလေးရဲ့သတင်း အစအနလေးမှရရ ကျွန်တော့်ကို ချိတ်ဆက်ကြတာဖြစ်မယ်ဆိုတဲ့အတွေးနဲ့ လာပြီးမိတ်ဖွဲ့သမျှကို မငြင်းဘဲ လက်ခံခဲ့မိတယ်။ ဒီတော့ လူမျိုးစုံ၊ စရိုက်မျိုးစုံပါလာတော့တာပေါ့။

ခုတော့ ကျွန်တော့်မှာ ထပ်ပြီးလက်ခံချင်သေးတဲ့ ဆရာသမားတွေရှိနေသေးတယ်။ လေးစားရသူတွေကျန်နေသေးတယ်။ ဒါတွေကြောင့် သူငယ်ချင်းအရေအတွက် ကန့်သတ်ချက်မပြည့်စေရေးက အထူးအလေးထားဆောင်ရွက်ရမယ့် ကိစ္စကြီးဖြစ်လာပြီမို့ ကျွန်တော် သူငယ်ချင်းတွေရဲ့ ဆောင်ရွက်မှုတွေကို လိုက်ကြည့်ပြီး အချို့ကို သူငယ်ချင်းအဖြစ်က ဖယ်ထုတ် ( Unfriend) ခြင်း၊ အချို့ကို လုံးဝအဆက်အသွယ်မဖြစ်အောင် ပိတ်ဆို့တားမြစ်လိုက်ခြင်း( block ) တွေ မလွဲမသွေဆောင်ရွက်နေရပါတော့တယ်။
18+ ပြဿနာ
--------------
လူမှုကွန်ရက်ကိုသုံးတဲ့လူတွေတိုင်း မလွဲမသွေကြုံရတတ်တဲ့ပြဿနာတစ်ခုဖြစ်မှာပါ။ ညစ်ညမ်းစာပေနဲ့ ညစ်ညမ်းပုံတွေဟာ အင်တာနက်ပေါ်မှာ စာလုံးလေးတစ်လုံးရိုက်ထည့်တာနဲ့ အရေအတွက် သန်းနဲ့ချီပြီး ကျလာတတ်ပါတယ်။ ဒါတွေကို စာရိတ္တနိမ့်ကြတဲ့ လူစုတ်တစ်ချို့က မိန်းကလေးတွေဆီကို အတင်းပို့ပေး( Taging ) တတ်ကြတယ်။ အဲဒီအခါမျိုးမှာ ကိုယ့်စာမျက်နှာမှာပါ အဲဒါတွေလာပေါ်ပြီး ကိုယ်နဲ့ထိစပ်သမျှလူတွေ ( ရဟန်းသံဃာ၊မိဘ၊ဆရာတွေအပါအ၀င်) ရှေ့ရောက်ကုန်တော့တာပါပဲ။ ဒီအတွက် ဒီလိုလူတွေကို စိစစ်ပြီး ဘလော့( block)လုပ်ရပါတယ်။ မိဘများအနေနဲ့လည်း ကိုယ့်သားသမီးများ လူမှုကွန်ရက်ကိုသုံးနေပြီဆို စာရိတ္တမဏ္ဍိုင်မပြိုလဲခင် အချိန်မီ သတိပေးတာ၊ အသိပညာပေးတာတွေဆောင်ရွက်သင့်ပါတယ်။
ဆင်ခြင်ဥာဏ်ချို့တဲ့မှုပြဿနာ
--------------------------------------
ဒီပုံလေးကို မိတ်ဆွေတွေဆီမျှဝေတာနဲ့ ငွေဝင်လာပါလိမ့်မယ်။ မျှဝေကြည့် (share)နော်။ ထူးခြားတဲ့ သတ္တ၀ါလေးပါ။ မြင်ဖူးတယ်ရှိအောင် ပြန်ရှဲလိုက်ပါတယ် … ။ ပုံလေးကို ထောက်ကြည့် ထူးခြားလာလိမ့်မယ် .. စတဲ့ ကိစ္စတွေချည်းပဲ အားစိုက်လုပ်နေတတ်သူတွေကလည်း လူမှုကွန်ရက်မှာ အတော်များတာတွေ့ရပါတယ်။ ဖြစ်နိုင်၏ မဖြစ်နိုင်၏ မစဉ်းစားဘဲ တွေ့သမျှကို လိုက်ဖြန့်နေသူတွေပါ။ ဒီလိုလူတွေရဲ့စာမျက်နှာတွေကို ၀င်စစ်ကြည့်လိုက်ရင် အနှစ်သာရရှိတာ ဘာတစ်ခုမှ မတွေ့ရဘဲ ဒါမျိုးတွေချည်းမို့ ကျွန်တော်တို့ရဲ့ အင်တာနက်အခကြေးငွေကုန်တာ၊ အချိန်ကုန်တာပဲရှိလို့ ဒီလိုလူတွေကိုလည်း ကျွန်တော် unfriend လုပ်ပါတယ်။
ဘာသာရေးအစွန်းရောက်များ
----------------------------------------
အကဲဆတ်လှတဲ့ ဘာသာရေးကိစ္စတွေမှာ အမုန်းတရားကိုရှေးရှုပြီး သွေးထိုးလှုံ့ဆော်တတ်တဲ့သူတွေကို ကျွန်တော် တစ်ခါတည်း ဘလော့(block) ပစ်လေ့ရှိပါတယ်။ လူတိုင်းက ကိုယ့်ဘာသာကို ချစ်မြတ်နိုးကြပါတယ်။ ဒီနိုင်ငံက ဘာသာတရားတွေ စုံနေတဲ့ ရောင်စုံနိုင်ငံကြီးဖြစ်ပါတယ်။ မိမိကိုးကွယ်ရာဘာသာတရားကို မိမိတို့ထိန်းသိမ်းရမှာဖြစ်ပေမယ့် သူများကို ထိုးနှက်ဝေဖန်တာ၊ အခြေအမြစ်မရှိတဲ့ သတင်းဓာတ်ပုံတွေကို အသိဥာဏ်နည်းစွာ ဖြန့်ဝေတာတွေလုပ်ကြသူတွေကို ဘယ်နည်းနဲ့မှ ကျွန်တော် အပေါင်းအသင်းမလုပ်လိုပါ။ မန္တလေးမြို့ အဓိကရုဏ်းကြီးဟာ ဒီလူမှုကွန်ရက်ကိုအသုံးချပြီး ဒီလိုသတင်းဖြန့်ဝေသူတွေကြောင့် ပိုကြီးထွားခဲ့ရခြင်းဖြစ်ပါတယ်။ ဒီလူတွေက သူတို့တင်ပြသမျှကို ` ဗုဒ္ဓဘာသာမှန်ရင် share ပါ´လို့တောင် ချောင်ပိတ်ပြီး တွန်းတက်ပါသေးတယ်။ အဲလိုလူတွေကို စိတ်ထဲကနေ တစ်ခွန်းလောက်ဆဲပြီး တစ်ခါတည်း block လုပ်ပစ်ပါတယ်။
Selfie နဲ့ ထင်ပေါ်ကျော်ကြားလိုမှုပြဿနာ
-------------------------------- --------------------------------
ခုနောက်ပိုင်း ကမ္ဘာပေါ်မှာပါ ထိန်းမနိုင်သိမ်းမရ ခေတ်စားလာတဲ့ ၀ါသနာတစ်မျိုးက မိမိကိုယ်ကိုယ်မိမိ ဖုန်းနဲ့ ဓာတ်ပုံရိုက်ပြီး လူမှုကွန်ရက်မှာ တင်ကြခြင်းဖြစ်ပါတယ်။ ဒီလိုအလုပ်ကို မိန်းကလေးအချို့နဲ့ လူငယ်ယောက်ျားလေးတစ်ချို့ အပါအ၀င် အချို့အသက်ကြီးသူတွေတောင်ပါပါတယ်။ ``စမီးလှလားဟင် ၊ တစ်ခုခုတော့မန့်ခဲ့´၊ `ဒီလိုဆံပင်လေးပြောင်းလိုက်တယ်၊ ခရုရဲ့လား ၊ ပြောကြည့်´ `ဘော်ဒါတွေစုပြီး ယွစကီးထနေတာ´ ..စတဲ့ ခေါင်းစဉ်အမျိုးမျိုးတပ်ပြီး အခြားသူတွေကိုပါ ပူးတွဲ(Tag)ပြီးတင်ကြသူတွေပါ။ ဘယ်နေရာရောက်ရောက် တင်တတ်ကြပြီး ထမင်းစားပြီ၊ တီးဆိုင်မှာ၊ ရေချိုးခန်းထဲမှာ၊ အိမ်သာတက်နေပြီ … စတဲ့ အခြေအနေတွေအကုန် လျှောက်တင်ကြသူတွေကို ကျွန်တော် Unfriend လုပ်ပါတယ်။ ဘယ့်နှယ်ဗျာ … ကိုယ်ရွနေတာတောင် ထုတ်ပြောနေကြသတဲ့။ သူတို့တွေဆီက ဘာမှလည်း မရ ၊ ကိုယ့်ဆီလည်း ဘာမှဝင်မဆွေးနွေး ဆိုမှတော့ `ဘတို့က အသက်ကြီးပါပြီကွယ်´လို့ တစ်ခွန်းညည်းပြီး သူငယ်ချင်းအဖြစ်က ဖယ်ထုတ်ရပါတယ်။
ဟိုဘက်ကမ်းက လူများ
--------------------------------
လူမှုဝန်းကျင်ဆိုတာ မတူညီသူတွေစုနေတာမို့ တစ်ဦးနဲ့တစ်ဦး အမြင်မတူနိုင်ကြတာကို ကျွန်တော် လက်ခံပါတယ်။ ဒါပေမယ့် ဒီနိုင်ငံရဲ့လက်ရှိအခြေအနေ အရပ်ရပ်ကိုသုံးသပ်ကြည့်လိုက်ရင် ဒီအချိန်မှာ ကျွန်တော်တို့ တစ်ခုတော့ ပြောင်းလဲမှဖြစ်မယ်ဆိုတဲ့ အတွေးမျိုးတော့ ရှိသင့်တယ်လို့မြင်ပါတယ်။ အဲဒီအတွက် ကျွန်တော့်ကို နှစ်ဖက်မမြင်နိုင်ဘူးလို့ စွပ်စွဲရင်လည်း ကျွန်တော်ကျေနပ်ပါတယ်။ တစ်သက်လုံး မကောင်းခဲ့တာ ထင်ရှားနေတဲ့ လူတွေကို ဘယ်နည်းနဲ့မှ ကျွန်တော် မျှတစွာ မြင်မပေးနိုင်ပါ။ တကယ်တော့ လူဆိုတာ ဘက်လိုက်ရပါတယ်။ အမှန်တရားဘက်ကိုပါ။ လူထုဘက်ကိုလိုက်ရမှာပါ။ ကျွန်တော်တို့ ပါတီစွဲ၊ လူပုဂ္ဂိုလ်စွဲနဲ့ သွားနေတာမဟုတ်ပါဘူး။ တစ်ချိန်ချိန်မှာ တိုင်းပြည်အခြေအနေအရ ကျွန်တော်လည်း စိမ်းသင့်ရင်စိမ်းမယ်၊ ဖြူသင့်ရင်ဖြူပါမယ်။ ခုလိုအချိန်မျိုးမှာတော့ ကျွန်တော် ရဲရဲတောက် နီနေတဲ့သူတွေကိုပဲ ပေါင်းချင်ပါတယ်။ စိမ်းရခြင်းမှာလည်း အကြောင်းအမျိုးမျိုးရှိနေနိုင်ပေမယ့် သူတို့အကြောင်းနဲ့သူတို့ရှိပါစေလို့ စိတ်မကောင်းစွာနဲ့ Unfriend လုပ်ပါတယ်။ ပိုဆိုးတာက တစ်ဖက်သတ်အတွေး၊ အမြင်တွေနဲ့ အခြေအမြစ်မရှိတဲ့ သတင်းတွေနဲ့ လူထုခေါင်းဆောင်ကို ပုတ်ခတ်ဝေဖန်တဲ့သူတွေပါ။ ကျွန်တော့်အနေနဲ့ အဆင့်မြင့်တဲ့ပြိုင်ဘက်ကိုပဲ လေးစားချင်ပါတယ်။ အောက်လုံးထိုးတဲ့ ကလေကချေတွေအတွက် အချိန်၊ ငွေကြေးကုန်ခံပြီး၊ စိတ်အညစ်ခံပြီး ကျွန်တော့် စာမျက်နှာထဲမထားပါ။ ဒီအတွက် ဒီလိုလူတွေကို သိတာနဲ့ချက်ခြင်း ဖယ်ထုတ်ပါတယ်။
အဘလော်ဘီများ
----------------------
ကျွန်တော်တို့ရှေ့မှာတင် သူတို့ ရက်စက်ခဲ့ကြဖူးတယ်။ ယုတ်မာခဲ့ကြဖူးတယ်။ ကျွန်တော်တို့စားရမယ့် စားမြိန်စားလေးတွေကို ပုတ်ချခဲ့ဖူးတယ်။ ကျွန်တော်တို့အိမ်မှာ သုံးရမယ့် လျှပ်စစ်ဓာတ်အားတွေကို ရောင်းစားပစ်ခဲ့ကြဖူးတယ်။ ကျွန်တော်တို့မျက်စိရှေ့မှာတင် သံဃာတော်များကိုပါမချန်ဘဲ အကြမ်းဖက် ဖမ်းဆီးနှိပ်စက်ခဲ့ကြဖူးတယ်။ အဲသလိုပုဂ္ဂိုလ်တွေကို အမွှန်းတင်ပြီး သနားစရာကောင်းလောက်အောင် စာတွေရေးဖွဲ့ကြတယ်။ အဲသလိုရေထားတဲ့စာတွေကို မျှဝေသူတွေ၊ မျက်ရည်ကျပေးသူတွေ၊ ပရိုဖိုင်ပြောင်းပြီး ထောက်ခံသူတွေကိုလည်း ကျွန်တော် block ပါတယ်။ အမေရိကန်ကို တိုက်ဖို့ အစ္စရေးကို မဟာမိတ်သွားဖွဲ့ပြီဆိုတဲ့ သတင်းမျိုးကိုတောင် အားပါးတရမျှဝေပြီး စည်းရိုးထိုးဖို့အရိုးတွေတပြင်ပြင်နဲ့ ဇာတိမာန်ကြွပြသူတွေရဲ့ သည်းသည်းလှုပ်အကွက်ကို ကျွန်တော် စိတ်ကုန်ပါတယ်။ တကယ့်လူမှုဝန်းကျင်မှာတော့ အဲဒီလိုလူတွေနဲ့ မလွဲမသွေ ကျွန်တော်ထိတွေ့ပေါင်းသင်းနေရပေမယ့် ကျွန်တော်ပိုင်တဲ့ ကျွန်တော့်ရဲ့ လူမှုကွန်ရက်စာမျက်နှာမှာတော့ သူတို့ကို ကျွန်တော်လက်မခံပါ။ သူတို့ဘာသာထောက်ခံတာ သူတို့လွတ်လပ်ခွင့်ြ့ဖစ်ပြီး ကျွန်တော့်ဘာသာ သူတို့ကို အပေါင်းအသင်းစာရင်းဖြတ်တာလည်း ကျွန်တော့်လွတ်လပ်ခွင့်ပဲလို့ခံယူပါတယ်။
အထွေထွေ
---------------------
ကိုယ့်ထက်အသက်အရွယ်ကြီးသလား၊ ငယ်သလားမသိဘဲ ၀င်ဝင်ဆဲတတ်သူတွေ၊ ခနဲ့တဲ့တဲ့ပြောတတ်သူတွေ၊ အွန်လိုင်း ဂိမ်းတစ်ချို့ကစားဖို့လာခေါ်တဲ့သူတွေ၊ ကိုယ်နဲ့လည်း ဘာမှမဆိုင်တဲ့အကြောင်းကိစ္စတွေ၊ ဓာတ်ပုံတွေကို အတင်းလာပြီး ( tag) တွဲတင်တတ်သူတွေ၊ ယောက်ျားကြီးဖြစ်ကြောင်း သေချာရေးပြထားပါလျက် boy လား၊ girl လားလို့လာလာမေးပြီး လျှောက်ပြောချင်တဲ့သူတွေ … ၊ မသုံးတာကြာနေပြီဖြစ်တဲ့ သေနေတဲ့ အကောင့်တွေ (Deactive account) … စတာတွေကိုလည်း unfriend လုပ်ရပါတယ်။
လေးစားစွာနဲ့ ခြွင်းချက်ပေးထားရသူတွေ
-------------------------------- --------------------------------
ကျွန်တော် ဘယ်လိုစံနှုန်းတွေနဲ့ပဲ အဆက်အသွယ်ဖြတ်ဖြတ် တစ်ချို့ကိုတော့ ခြွင်းချက်ထားပေးထားတာလည်းရှိပါတယ်။ အဲဒါကတော့ အောက်ခြေထုထည်က တပ်မတော်သားတွေပါ။ သူတို့ရဲ့အခြေအနေအရပ်ရပ်ကို လေးစားနားလည်စွာနဲ့ ကျွန်တော် အပေါင်းအသင်းဖွဲ့ထားပါတယ်။ သူတို့ဘာသာ စိမ်းချင်စိမ်းမယ်၊ နီချင်မှနီမယ် … ။ ကျွန်တော်နားလည်ပေးနိုင်ပါတယ်။ တစ်နေ့နေ့ သူတို့ဟာ ပြည်သူချစ်တဲ့ ၊ ဂုဏ်သိက္ခာရှိတဲ့ ခြေလှမ်းတွေ လှမ်းလာမယ်လို့မျှော်လင့်ယုံကြည်နေပါတယ်။ တကယ်တော့ ပြည်သူလူထုက တပ်မတော်သားတွေကို မုန်းနေတာမဟုတ်ဘဲ အာဏာအလွဲသုံးစားလုပ်တဲ့ ကိုယ်ကျိုးရှာ ခေါင်းဆောင်တစ်ချို့ကိုသာ မုန်းတာဖြစ်ကြောင်းလည်း သူတို့ခွဲခြားသိစေချင်ပါတယ်။
ပြောချင်တာက
--------------------------------
ဒီလိုစံနှုန်းတွေနဲ့ ကျွန်တော့် လူမှုကွန်ရက်စာမျက်နှာကို သန့်ရှင်းရေးလုပ်လိုက်တာ လူအတော်များများ လျော့ကျသွားပါပြီ။ ထူးခြားတဲ့တိုက်ဆိုင်မှုတွေက အဲဒီသတ်မှတ်ထားတဲ့အချက်တွေဟာ တစ်ခုနဲ့ငြိတာနဲ့ ကျန်တာတွေပါ တွဲငြိနေတတ်တာမျိုးပါ။ လော်ဘီတွေရဲ့ စာမျက်နှာကိုသွားကြည့်ရင် ကျန်တဲ့ လုပ်ရပ်တွေကိုပါ တစ်ထွေးကြီးတွေ့ရတတ်တာပါပဲ။
တကယ်တော့ လူမှုကွန်ရက် facebook ဆိုတာ ခင်မင်ရတဲ့၊ လေးစားရတဲ့ မိတ်ဆွေရင်းခြာ ၊ မိသားစုတွေအချင်းချင်း မိတ်ဖွဲ့တဲ့ ကွန်ရက်ကြီးဖြစ်ပါတယ်။ အသိဥာဏ်ပညာတွေ၊ ဗဟုသုတတွေအများကြီး ရှိနေတဲ့ စာကြည့်တိုက်ကြီးလည်းဖြစ်ပါတယ်။ နယ်ပယ်အသီးသီးက ကမ္ဘာကျော်၊ မြန်မာကျော် ပုဂ္ဂိုလ်တွေနဲ့ တွေ့ထိဆွေးနွေးခွင့်ရတဲ့နေရာလည်းဖြစ်ပါတယ်။ ပရဟိတအသင်းသားတွေ စုပေါင်းဆွေးနွေးနေနိုင်တဲ့နေရာ၊ ကျောင်းသားဟောင်းတွေ စုထားနိုင်တဲ့နေရာ၊ … အဝေးရောက် နိုင်ငံသားတွေအတွက် ကိုယ့်အိမ်ကိုယ့်ယာနဲ့ အမြဲနီးစပ်အောင် ချိတ်ဆက်ထားနိုင်တဲ့နေရာဖြစ်ပါတယ်။ ဒါကို အကျိုးရှိအောင် အသုံးပြုသူများက ရွေးချယ်သုံးသင့်တဲ့ ကွန်ရက်ဖြစ်ပါတယ်။
လူမှုကွန်ရက်မှာ ကျွန်တော့်ရဲ့ blocking နည်းလမ်းတွေကို တင်ပြခဲ့ပါတယ်။ အပြင်လောကမှာတော့ အဲဒီလို block လုပ်ပစ်လို့မရနိုင်ပါ။ သည်းခံပေါင်းသင်းကြရပါတယ်။ တကယ်တော့ ကျွန်တော်တို့ကိုယ်တိုင်က သံသရာကွန်ရက်ကြီးထဲက မိတ်ဆွေတွေပါပဲ။ ဘယ်သူတွေက ခင်ဗျားကို အဆက်ဖြတ်ချင်နေပြီလဲဆိုတာ ပြန်ဆန်းစစ်ကြည့်စေချင်ပါတယ်။ ခင်ဗျား … အများပြည်သူတွေရဲ့ဆန္ဒနဲ့ တစ်သားထဲ ရှိနေသေးရဲ့လား။ ဆင်းရဲနိမ့်ကျလှတဲ့ဘ၀ကနေလွတ်မြောက်ဖို့ ပြောင်းလဲချင်နေတဲ့ လူထုကို ကျောခိုင်းနေပြီလား။ ကိုယ့်ကိုယ်ကိုယ် ဝေဖန်ကြည့်ပါဦး။
တစ်ခါတစ်ခါ ပြဿနာတွေရဲ့အဖြေက ကိုယ်ကိုယ်တိုင်ဖြစ်နေတတ်လွန်းလို့ပါ …. ။
အောင်ဆန်းလင်း(မြန်မာစာ)
ကလေးမြို့ဂျာနယ် ၊ အမှတ် ၉"