သောက်ဂရုမစိုက်သူများရဲ့ ခြေရာများကောက်ကြောင်း

ဂီတအကြောင်း သောင်းပြောင်းထွေလာ

 

သောက်ဂရုမစိုက်သူများရဲ့ ခြေရာများကောက်ကြောင်း
(Big Bag တို့ရဲ့ IDGAF)
---------------------------

Big Bag တို့အခွေအသစ်လုပ်နေတယ်ဆိုကတည်းက စိတ်ဝင်တစားနဲ့နားစွင့်နေခဲ့မိပါတယ်။ ဒရမ်မာအပြောင်းအလဲဟာ အခွေအသစ်အပေါ်မှာ ဘယ်လိုထူးခြားလာမလဲဆိုတာလဲ သိချင်နေခဲ့တယ်။ ဒါတွေထက်ပိုပြီး အရေးကြီးတာကတော့ ၂၀၁၅ မှာ Big Bag တို့ဘယ်လိုသီချင်းတွေ သီဆိုဖန်တီးထားကြသလဲဆိုတာပါပဲ။ ဒါက အရေးကြီးတယ်။ ပတ်ဝန်းကျင်ရိုက်ခတ်မှု၊ Big Bagတို့ရဲ့ ရင့်ကျက်လာမှု နဲ့ စိန်ခေါ်မှုအသစ်တွေကိုဘယ်လိုကိုင်တွယ်ကြသလဲဆိုတာတွေ။ တကယ်တမ်းစပြီးနားထောင်တော့ အဲဒီမေးခွန်းတွေ တခုမှ သတိမရပါဘူး။ သီချင်းကိုသီချင်းလိုပဲ နားထောင်မိခဲ့တယ်။

ပထမဆုံးသီချင်းက ညနက်နက်။ တေးရေးမွန်းဘွဲ့။ ဒီအခွေမှာ ကျားပေါက်ရေးတာဖြစ်ပြီး ဒီတပုဒ်ကတော့ ချွင်းချက်ပေါ့။ ပန့်ခ်ရော့ခ်သီချင်းကောင်းလေးတပုဒ်နဲ့ဖွင့်လိုက်ခြင်းပါပဲ။ စကားပြောသံလေးတွေကလဲ အထာကျလှတယ်။ ဂစ်တာ Riff, Bass, Drum, Vocal အဲဒီအစီအစဉ်အတိုင်းဝင်လာတယ်။ ခပ်သွက်သွက်တိုင်မင်နဲ့ ဒီသီချင်းဟာ အဖွင့်သီချင်းအတော်ပီသတယ်။ ပထမဆုံးသတိထားမိတာကတော့ တီးဝိုင်းရဲ့ Cohesiveness လို့ခေါ်တဲ့ တီးဝိုင်းတဝိုင်းရဲ့ ကျစ်လစ်ခိုင်မာမှုပါပဲ။ ဂစ်တာ၊ ဘေ့စ်၊ ဒရမ်၊ အဆိုတို့ဟာ သမမျှတတယ်။ ကျားပေါက်ရဲ့ အသံပါးနပ်မှုကို အတိုင်းသားမြင်တွေ့ရတယ်။ ပထမတပုဒ်နဲ့တင် Big Bag ပရိတ်သတ်ကြီးကျေနပ်သွားလိမ့်မယ်လို့ ထင်မြင်မိတယ်။

နောက်တပုဒ်ကတော့ Nobody Cares ဖြစ်ပါတယ်။ သီချင်းနားမထောင်သေးပဲ စာသားတွေဖတ်ကြည့်ရင်ကိုပဲ ကျားပေါက်ရဲ့ပြောင်းလဲရင့်ကျက်မှုကို အတိုင်းသားမြင်တွေ့ရပါလိမ့်မယ်။ (ပူလောင်နေတဲ့အသည်းက ပေါက်လျက်ကြီး။ နံရံတောင်လက်သီးနဲ့ ခင်သွားပြီး) ဆိုတဲ့စာသားလေးက ရိုးရှင်းပေမယ့် အတော်လေးလှတယ်။ Chorus ကို English ဘာသာနဲ့ရေးထားတယ်။ သီချင်းစာအုပ်ထဲမှာနဲ့ တကယ်ဆိုထားတာနဲ့ စကားလုံးလွှဲထားတာလေးတွေရှိတာက တမင်လုပ်ထားဟန်တူပါတယ်။ ဆဲထားဆိုထားတာလေးတွေကို စာအဖြစ်မတင်ချင်တာမျိုးလို့ ယူဆမိပါတယ်။

ဒီမှာမေးစရာရှိတာက English ဘာသာစကားနဲ့ သံပြိုင်အပိုဒ်ကိုဘာလို့ဆိုထားတာလဲပေါ့။ အဲဒီလိုမေးခွန်းမျိုးမေးတဲ့သူရှိနိုင်ပါတယ်။ ပြန်မေးလို့ရတာက ဘာဖြစ်လို့မဆိုစေချင်တာတုန်းပေါ့။ ခေတ်ရဲ့ရိုက်ခတ်မှုအထဲမှာ ဘာသာဗေဒအလှတရားလေးတွေ ပါလာတတ်ပါတယ်။ အထူးသဖြင့် ကျားပေါက်က ဘာသာစကား (၂) မျိုးပြောတတ်သူဖြစ်တော့ English ဘာသာစကားနဲ့အဆင်ပြေတဲ့ဟာမျိုးဆို သီချင်းထဲမှာထည့်ချင်ထည့်မှာပေါ့ဗျာ။ ဒါက သူ့သဘောကိုး။ ကျွန်တော်တို့ကြည့်ရမှာက အနုပညာအလှပိုအားကောင်းသွားသလားဆိုတာပါပဲ။ ပိုအားကောင်းသွားရင် ကြိုဆိုကြဖို့ပါပဲ။

တတိယအပုဒ်ဟာ လူလား။ Acoustic Guitar အသားပေးထားတဲ့ တန်ပိုအနှေးသီချင်းလေးဖြစ်ပါတယ်။ သတိထားမိတာတခုကတော့ Music Production အပိုင်းပါပဲ။ အတော်လေးသပ်ရပ်တယ်။ ဘေ့စ်ဂစ်တာအလုံးတွေကို ချစ်စဖွယ်ရှေ့တန်းတင်ထားတယ်။

နောက်တပုဒ်က ခြောက်သွေ့ ဖြစ်ပါတယ်။ လူလား သီချင်းလိုပဲ အကူးစတစ်ဦးစားပေးပါတယ်။ plucking လုပ်ပြီးတီးတဲ့ ဟော်လိုဂစ်တာသံလေးနဲ့ရေးဖွဲ့ထားတော့ တယောက်တည်းထိုင်ဆွေးနေသူတယောက်ရဲ့ ခံစားချက်တွေကိုယ့်မှာ ကူးစက်လာရောပဲ။ မင်းမကြိုက်တဲ့ရုပ်ရှင်ကားတွေ အပြားလိုက်သေနေတယ် ဆိုတဲ့ဖွဲ့နွဲ့မှုက အတော်လေးရိုးရှင်းပြီး အားကောင်းမောင်းသန်ရှိလှတယ်။

ခလုပ်ထိမှ လို့အမည်ပေးထားတဲ့သီချင်းဟာ နံပတ် (၅) ဖြစ်ပါတယ်။ အခွေထဲမှာ အကြိုက်ဆုံးပါပဲ။ Big Bag တို့ရဲ့ဖန်တီးမှု၊ အရဲစွန့်စိန်ခေါ်မှုတွေ အထွဋ်အထိပ်ရောက်ခဲ့တယ်။ လိုက်ဖ်ရှိုးတွေမှာ အရှင်လတ်လတ်ကြည့်လိုက်ရရင် သွေးတွေပွက်ပွက်ဆူထွက်သွားနိုင်တယ်။ အင်ထရိုမှာ ဝင်လာတဲ့ guitar riff ကအားအင်အပြည့်နဲ့။ သီချင်းစာသားနဲ့ ကွက်တိပဲ။ Chorus မှာ တစ်၊ နှစ်၊ သုံး လို့နောက်ကနေအော်ထားတာလေးနဲ့ ပရိတ်သတ်နဲ့ ကွက်တိဖြစ်မှာ အသေအချာပဲ။ ဒီသီချင်းမှာ ကျားပေါက်ရဲ့သီချင်းဆိုသံကို အကြိုက်ဆုံးပဲ။ အားအရဆုံးပဲ။ (ဒီသီချင်းအကြောင်းရေးရရင် စာမျက်နှာ ၂၀ လောက်ဖြစ်တော့မယ်)

ဝေးသွားလဲသီချင်းဟာ ခပ်ဆူဆူသီချင်းတပုဒ်ဖြစ်တဲ့ ခလုပ်ထိမှ သီချင်းနဲ့မတူပဲ ခပ်အေးအေးသီချင်းတပုဒ်ဖြစ်ပါတယ်။ Big Bag တို့ဟာ အကူးစတစ်စတိုင်လ်တွေ အတော်လေးကြိုက်ကြဟန်တူပါတယ်။

ခေါင်းစဉ်တင်ထားတဲ့သီချင်းက အခုမှလာပါတယ်။ IDGAF (I don't give a fuck ရဲ့ အတိုကောက်)။ မြန်မာလိုတိုက်ရိုက်ဘာသာပြန်ရရင် သောက်ဂရုလုံးဝမစိုက် လို့ပြန်ချင်ပါတယ်။ IDGAF ဆိုတဲ့စကားလုံးကို သီချင်းစာသားတွေထဲမှာ တိုက်ရိုက်သုံးမထားပေမယ့် မြန်မာလိုအနက်ဆင်တူတွေကို အတိုင်းသားကြားရပါတယ်။ ပွင့်လင်းတဲ့ခေတ်ကြီးမှာ စောက်ချင်းစောက်ထပ်နေပေမယ့် သူ့ဒေါသနဲ့ သူ့ပြောချင်တဲ့အကြောင်းအချင်းကတောင်းဆိုလာတော့လဲ ရှောင်ရှားဖို့လိုမယ်မထင်တော့ပါဘူး။

နောက်ဆုံးတပုဒ်ကတော့ Go play the fucking video games လို့အမည်ရပါတယ်။ နောက်ဆုံးပိတ်သီချင်းလေးဟာ အကူးစတစ်ဦးစားပေးသီချင်းအနှေးဖြစ်ပါတယ်။ သီချင်းဖွဲ့စည်းမှုဟာ လွမ်းဆွတ်မှုအစိုင်အခဲကို ထပ်ဟပ်စေတယ်။ ထူးခြားမှုတခုအနေနဲ့ပြောရရင် ကျားပေါက်ရဲ့သီချင်းစာသားတွေဟာ အတော်ကြီးရင့်ကျက်လာတာပါပဲ။ ဥပမာ - ရင်ခွင်တစုံဟာ ကယ်သူမဲ့။ အရာရာဟာ အေးစက်စက်နဲ့ ပူနွေးဆဲ။ အဲဒီစာသားလေးဟာ တွေးကြည့်လေ ပိုလှလေပါပဲ။ သံစဉ်တွေသာမပါခဲ့ရင် အတိတ်ကချစ်သူအကြောင်းတခုတ်တရရေးထားတဲ့ ကဗျာလေးလို့ထင်မိကောင်းထင်မိပါလိမ့်မယ်။ အဲတခုတော့ရှိတယ်။ Go play the fucking video games ဆိုတဲ့ခေါင်းစဉ်နဲ့စာသားကိုတော့ ကျားပေါက်ကိုသာ မေးကြည့်ဗျာ။

IDGAF အခွေဟာ Big Bag တို့တသက်လုံးဂုဏ်ယူသင့်တဲ့သူတို့ရဲ့ သမိုင်းမှတ်တိုင်တတိုင်ဖြစ်ပါတယ်။ ဂီတအသစ်တွေကိုချဉ်းကပ်ထားမှုတွေမှာ အားရဖို့ကောင်းတယ်။ မူလလမ်းကြောင်းကနေသွေဖီတာမျိုးမဟုတ်ပဲ လက်ရှိလမ်းကြောင်းကနေပြီး ခေတ်ရဲ့ရိုက်ခတ်မှုတွေနဲ့တိုက်ရိုက်အချိုးကျကျ ဖန်တီးထားခြင်းဖြစ်သမို့ ပရိတ်သတ်လဲ ကျေနပ်အားရလိမ့်မယ်လို့ ထင်မြင်ယူဆမိပါကြောင်း။

ခင်တဲ့
ကိုဝီ

Credit - Scorpion Soup For Soul