ဂျာနယ်ပေါ်မှ ဂုဏ်သိက္ခာ

By သက္က မိုးညို on Thursday, November 22, 2012 at 6:09pm

၁။ လူသားအားလုံးသည် တူညီ၍ လွတ်လပ်သော ဂုဏ်သိက္ခာ၊အခွင့်အရေးများဖြင့် မွေးဖွားလာသော သူများဖြစ်ကြသည်။ All human beings are born free and equal in dignity and rights. (အပြည်ပြည်ဆိုင်ရာ လူ့အခွင့်အရေး ကြေညာစာတမ်း၊ ၁၉၄၈ အာတီကယ်-၁)

၂။ အင်မတန် စိတ်မကောင်း ဖြစ်ရသော ကိစ္စ ဖြစ်ပါသည်။ ဟိုတယ်တစ်ခု၏ ပွဲတစ်ခုတွင်ဖြစ်သည်။ မည်သည့်ပွဲမှန်းမသိပါ။ အ၀တ်အစားနွမ်းနွမ်း၊ ရာဘာဖိနပ်လေးစီးထားသူ ဦးလေးကြီးတစ်ဦးက သူ့ကိုယ်တာ အဖြစ်ရသော စားဖွယ်မုန့်လေးကို တစ်ရှူးပေပါလေးနှင့်ထုတ်၍ ဟိုတယ်ဝန်ထမ်းလေးများ၏ ရှေ့မှာပင် အိတ်ထဲထည့်ယူဆောင်သွားသည်။ ဂျာနယ်လစ်တို့၏ ဘိုးအေဟုပင်ဆိုရမည့် သူတစ်ဦးက ဂျာနယ် မျက်နှာဖုံးတွင် မျက်နှာကိုမဖျက်၊ သုံးလေးပုံဆက်၍ထည့်ကာ ဤသို့သော သူများကြောင့် ဂုဏ်သိက္ခာထိခိုက်ရပါသည်ဟု စွပ်စွဲပြောဆိုသည်။ သူ၏ ဖေ့ဘုတ်စာမျက်နှာတွင် တင်လာသည်။ အို……လောကဟူ၍သာ ညည်းတွားလိုက်ချင်သည်။ လူတစ်ယောက်၏ ဂုဏ်သိက္ခာဟူသည် အဘယ်ပါနည်း။

၃။ ဦးလေးကြီး လုပ်ရပ်သည် မှန်ကန်သော လုပ်ရပ်ဟု မပြောလိုပါ။ သို့သော် သူ၏ ဂုဏ်သိက္ခာကို အပွန်းပဲ့ခံ၍ သူချစ်သော မိသားစုဝင် သားဖြစ်စေ၊ ဇနီးဖြစ်စေ၊ မြေးဖြစ်စေ တစ်ဦးဦးကို ကျွေးမွေးလိုသော စေတနာကို မြင်ရနိုင်ပါသည်။ အဆင့်မြင့်ဟော်တယ်တစ်ခုမှ အစားအစာကို ရောက်ရှိစားခွင့်ကြုံရန် ခဲယဉ်းသူ မိသားစုဝင်တစ်ဦးအား စားစေချင်သော စိတ်ကို နားလည်နိုင်ပါသည်။ မိမိကိုယ်တာကို မိမိအိမ်သို့ ထည့်သွင်းယူဆောင်ခြင်းသည် ကျင့်ဝတ်ဖောက်ဖျက်မှု မဟုတ်ပါ။ ခိုးဝှက်မှုမဟုတ်ပါ။ ထပ်၍ ဆိုရပါဦးမည်။ ငွေကြေး ထောင်းသောင်းချီ၍ တန်သော အရာမဟုတ်ပါ။ သို့ပါလျှက် ဂျာနယ်စာမျက်နှာပေါ်ဝယ် ကိုယ့်မျက်နှာပြူးပြူးကြီးတင်လျှက် စော်ကားခံရပါသည်။ လူတစ်ယောက်၏ ဂုဏ်သိက္ခာဟူသည် အဘယ်နည်း။

၎။ ဤနိုင်ငံဝယ် အာဏာတည်မြဲရေးအတွက် ရဟန်းသံဃာပင် မရှောင် ရက်ရက်စက်စက် နှိပ်စက်ညှင်းပမ်းခဲ့သူများရှိပါသည်။ ပြည်သူပြည်သားတို့၏ အသက်သွေး ချွေးတို့ကိုနင်းခြေလျှက် စည်းစိမ်အပြည့်နှင့် ၀ိဘတ်တရား၏ နောက်ပိုးတက်မှုကို မကြုံရသေးသော သူများ များစွာ ကျန်နေပါသေးသည်။ ထိုသူများ၏ ပိုင်ဆိုင်ထားသောငွေကြေး၊ ရရှိထားသော စည်းစိမ်ဥစ္စာ၊ ကျူးလွန်ခဲ့သော ပြစ်မှုများကို ဤ ဦးလေးကြီး၏ မုန့်လေးတစ်ခု အိမ်ကိုထည့်ယူချင်မိသည့် ပြစ်မှုမမြည်သော ပြစ်မှုနှင့် နှိုင်းယှဉ်ကြည့်စေချင်ပါသည်။ ဂျာနယ်တရားခွင်ဝယ် ဓားစားခံဖြစ်ရရှာလေသော ဦးလေးကြီးအား ကြားထဲမှ ရှက်ကြောက် အားနာ ဖြစ်ရလွန်းပါသည်။ ရှက်ထိုက်သူက မရှက်သည့်တိုင် ကြားထဲမှ ပုံကိုကြည့်ရ၊ ဂျာနယ်ကို ဖတ်ရသည်ကိုပင် မျက်နှာပူရလွန်း၊ အားနာရလွန်းပါသည်။ ကာယကံရှင်ဆိုလျှင် မည်သို့ ခံစားရမည်နည်း။ ကာယကံရှင်မိသားစု လောကအလည်တွင် မည်သို့ မျက်နှာပြရမည်နည်း။

၅။ ဂျာနယ်တို့သည် အမှန်တရား၊ အမှန်တရား တွင်တွင်ပြောသည်။ အမှန်တရားထက် အရေးကြီးသော အကျိုးသက်ရောက်မှုကိ်ု အဘယ်ကြောင့် မကြည့်ကြပါသနည်း။ ပြည်သူလူထုအကျိုးရှိမှသာလျှင် အမှန်တရားကို ဖေါ်ပြရပေမည်။ နာမည်ကြီး အိမ်ထောင်ရှိ ရုပ်ရှင်မင်းသားတစ်ဦး တက်သစ်စ မင်းသမီးလေးနှင့် တိတ်တဆိတ်ခိုးတွေ့ခြင်းသည် လူစိတ်ဝင်စားမှုရှိမည့် သတင်းဖြစ်သော်လည်း ပြည်သူ့ အကျိုးစီးပွားအတွက်မူ သတင်းတန်ဖိုး အနည်းငယ်မျှမရှိပါ။ ဂျာနယ်တို့သည် ပြည်သူ့ အကျိုးကို ကြည့်ရမည်။ ထိုသို့ ကြည့်ရာတွင်လည်းမည်သူတစ်ဦးတစ်ယောက်ကိုမှ အကြောင်းမဲ့ ထိခိုက်နစ်နာစေခြင်း မရှိစေရန် ဂရုစိုက်ရပါသည်။ သို့သော် အနည်းဆုံး ဂျာနယ်တစ်စောင်ကတော့ဖြင့် မကြည့်လေပြီ ဖြစ်ခဲ့ပါသည်။ မုန့်ယူခြင်းနှင့် ဂုဏ်သိက္ခာကို မဆီမဆိုင်ဆွဲစပ်ပြလေသော ဂျာနယ်လစ်ဘိုးအေကြီး (စိတ်ဓာတ်ကိုမူ ဘိုးအေဟု မပြောနိုင်ပါ၊ လုပ်သက်အရသာ ပြောရပါသည်၊ အချို့သော ဂုဏ်သိက္ခာရှိသည့် ကလေးများကိုပင် စိတ်ဓာတ် အကျင့်အကြံမမှီပါ) အားလည်း အံ့သြရပါသည်။ မုန့်ယူခြင်းသည် သိန်းကျော်တန် ကင်မရာ လက်ဆောင်ယူခြင်းမဟုတ်ပါ။ ပုလင်းပေး၍ သတင်းရေးခြင်းလည်း မဟုတ်ပါ။

၆။ ပြောရလျှင် မြန်မာပြည် ဂျာနယ်တစ်ခုမှ လူ့သိက္ခာ အခွင့်အရေးကို အရက်စက်ဆုံး ချိုးဖောက်လိုက်ခြင်းဖြစ်ပါသည်။ ကာယကံရှင်နှင့် ပတ်သက် ဆက်နွယ်နေသော မိသားစုဝင်များ ပတ်ဝန်းကျင်ဝယ် မျက်နှာမပြရဲအောင် လူသားဂုဏ်သိက္ခာကို ချနင်းလိုက်ခြင်းပင်ဖြစ်ပါသည်။ လူ့ အခွင့်အရေးအတွက် တိုက်ပွဲဝင်ရမည့် မီဒီယာတစ်ခုမှ လုပ်ဆောင်လိုက်ခြင်းဖြစ်၍ ပို၍ ရင်နာရပါသည်။ ဖတ်သူလည်းအကျိုးမရှိ၊ မှန်လည်းမမှန်ကန်၊ ဖတ်ရသည်ကိုလည်း နှစ်သက်ဖွယ်မရှိသော သတင်းမဟုတ်သည့် သတင်းတစ်ပုဒ်ကြောင့် မိသားစု ဆွေစဉ်မျိုးဆက် ထိခိုက်နာကျင်မှုများကို မည်သို့ ဖြေဆည်စေနိုင်ပါမည်နည်း။

၇။ အခြားသော မီဒီယာများကလည်း ဤကိစ္စကို ကန့်ကွက်ပေးစေချင်ပါသည်။ လူသားတစ်ဦး၏ ဂုဏ်သိက္ခာကို အစော်ကားခံရခြင်းမှာ ရာဘာဖိနပ်အနွမ်းလေးကြောင့်လော၊ ဆီကင်းဝေးနေသည့် ဆံပင်ကြောင့်လော၊ နွမ်းပါးသည့် အ၀တ်အစားကြောင့်လော။ အမှားမဟုတ်ပါပဲနှင့် လူပေါင်းသန်းနှင့်ချီ၍ ဖတ်သော ပရင့်မီဒီယာပေါ်တင်၍ စော်ကားခံရခြင်းကို အခြားသော စတုတ္ထမဏ္ဍိုင်မှ ပုဂ္ဂိုလ်များ ကြည့်နေရန် မသင့်ပါ။ မှားသူက မှားသည့်တိုင် မှန်သူက လူသားဂုဏိသိက္ခာကို ဖြည့်တင်းပေးရပါမည်။ ဤကိစ္စသည် အသရေဖျက်မှုဖြစ်ပါသည်။ လူ့အခွင့်အရေး ချိုးဖောက်မှုဖြစ်ပါသည်။ လူ့အခွင့်အရေးချိုးဖောက်မှုတွင် ထိပ်ဆုံးမှ တင်ထားရသော လူသားဂုဏ်သိက္ခာကို ထိပါးမှုဖြစ်သည်။

၈။ ဤကိစ္စသည် အသရေဖျက်မှုနှင့် တရားရုံးသို့ ဦးတိုက် လျောက်ထား၍ ရသောကိစ္စဖြစ်သည်။ လူ့အခွင့်အရေး ချိုးဖောက်မှုနှင့် ကော်မရှင်ရုံးသို့ တိုင်ကြား၍ ရသော အရာဖြစ်သည်။ ငါဂျာနယ်လစ်၊ ငါ့လက်ထဲမှာ ကလောင်ရှိတယ်ဆို၍ ရေးချင်ရာရေးခွင့်၊ လူတစ်ဦးအား အကြောင်းမဲ့ စော်ကားခွင့် မရှိပါ။ အခြားမှန်ကန်စွာနေကြသော ဂျာနယ်လစ်များလည်း သိက္ခာကျပါသည်။ ငါးခုံးမတစ်ကောင်ကြောင့် တစ်လှေလုံး အနံ့ မထွက်စေချင်ပါ။ အဖိုးမတန်သော မုန့်လေးအတွက် လူသားသိက္ခာကို ထိပါးစော်ကားခံရသော ဦးလေးကြီးအား ဂျာနယ်စာမျက်နှာပေါ်မှ တရားဝင် တောင်းပန်ပေးရန် ဤနေရာမှ လေးနက်စွာတောင်းဆိုပါသည်။ အခြားသော မီဒီယာများလည်း ကူညီပေးကြပါရန် တောင်းဆိုပါသည်။ ဒီအတိုင်းတော့ ကြည့်မနေနိုင်ပါ။

၉။ ထပ်၍ ဆိုပါမည်။ ဒီအတိုင်းတော့ ကြည့်မနေနိုင်ပါ။ ။

ခရက်ဒစ် မော်နီတာဂျာနယ်