တရုတ်ရုပ်ရှင်မင်းသမီး Ms. Xu Fan နှင့်တွေ့ဆုံခြင်း

မြန်မာနိုင်ငံမှာ အောက်တိုဘာ ၁၃ ရက်က (၁၁) ကြိမ်မြောက်ကျင်းပတဲ့ တရုတ်ရုပ်ရှင်ပွဲတော်ကို တရုတ်နိုင်ငံမှ မင်းသမီးရွီဖန်(Ms. Xu Fan) တက်ရောက်ခဲ့ပါတယ်။ မြန်မာနိုင်ငံမှာကျင်းပတဲ့ တရုတ်ရုပ်ရှင်ပွဲတော်ကို ပထမဆုံးတက်ရောက်တဲ့ တရုတ်ရုပ်ရှင်သရုပ်ဆောင်လည်းဖြစ်ပြီး သူမခေါင်းဆောင်ပါဝင်ထားတဲ့ After Shock ရုပ်ရှင်ဇာတ်ကားနဲ့ ရုပ်ရှင်ပွဲတော်ကို စတင်ဖွင့်လှစ်ပြသခဲ့တာပါ။
ငလျင်နောက်ခံမိသားစုဇာတ်ကားဖြစ်ပြီး မိခင်နေရာက သရုပ်ဆောင်တာပီပြင်လို့ နိုင်ငံတကာက ဆုတံဆိပ်တွေ၊ ပြည်တွင်းက ရုပ်ရှင်ထူးချွန်ဆုတွေ အများကြီးရရှိထားတဲ့ After Shock ဇာတ်ကားရဲ့ ခေါင်းဆောင်သရုပ်ဆောင်လည်း ဖြစ်ပါတယ်။ မြန်မာနိုင်ငံခရီးစဉ်အတွင်း ပုဂံဘုရားများ သွားရောက်ဖူးမြော်ဖို့အစီအစဉ်ရှိပြီး ရုပ်ရှင်ပွဲတော်ဖွင့်ပွဲတက်ရောက်လာတဲ့ သူမနဲ့ 7 Day News က ရရှိခဲ့တဲ့ အချိန်အနည်းငယ်အတွင်းမှာ တွေ့ဆုံမေးမြန်းခဲ့သည်များကို ဖော်ပြလိုက်ပါတယ်။
မြန်မာနိုင်ငံကို လာရောက်ရတဲ့ ခံစားချက်ကို ပြောပြပေးပါ။
မြန်မာနိုင်ငံကို ရောက်လာရတာ အခြားနိုင်ငံကိုသွားရတာနဲ့ ခံစားချက်က လုံးဝမတူဘူး။ ခင်မင်ရင်းနှီးမှုက အလိုအလျောက်ဖြစ်ပေါ်လာတယ်။ ဘာကြောင့်လဲဆို အိမ်နီးနားချင်းမိတ်ဆွေဆိုတဲ့ ခံစားချက်ကြောင့် ဒီခင်မင်ရင်းနှီးမှုက အလိုအလျောက်ဖြစ်ပေါ်လာခဲ့တာပါ။
ကျွန်မတို့နိုင်ငံမှာ ရုပ်ရှင်ရိုက်ရင် ဆင်ဆာအဆင့်ကို ဖြတ်သန်းနေရတုန်းပဲ။ တရုတ်ရုပ်ရှင်တွေကရော ဆင်ဆာကို ဖြတ်သန်းရပါသလား။
ကျွန်မတို့ တိုင်းပြည်မှာလည်း ဆင်ဆာစနစ်က ရှိတော့ရှိပါတယ်။ (ပြုံးလျက်) ဒါပေမဲ့ ကျွန်မတို့က ကန့်သတ်ထားတဲ့အတွင်း ရိုက်မယ်ဆိုရင်တော့ အဆင်ပြေပါတယ်။
မစ္စရွီဖန် သရုပ်ဆောင်ထားတဲ့ After Shock ရုပ်ရှင်ဇာတ်ကားမှာ သားနဲ့သမီးယှဉ်တော့ သားကို အသက်ဘေးက ကယ်လိုက်တာဟာ တရုတ်ပြည်ရဲ့ သားယောက်ျားလေးများအပေါ် ဦးစားပေးတဲ့ပုံရိပ်ကို ထင်ဟပ်စေပါသလား။
ရုပ်ရှင်ထဲမှာတော့ အဲဒီအတိုင်း ဟုတ်တော့ဟုတ်ပါတယ်။ ဒါပေမဲ့ ကျွန်မကမိခင်တစ်ယောက်ပါ။ ရှင်လည်း မိခင်တစ်ယောက်ဆိုရင်တော့ ဒီခံစားချက်ကို သိမှာပါ။ စကားပြောနိုင်တဲ့လူကို အရင်ဦးစားပေးကယ်ဆယ်ဖို့က အရေးကြီးတာပဲ မဟုတ်ဘူးလားရှင့်။ မိန်းကလေးကို ကယ်ဖြစ်ရင်တော့ ယောက်ျားလေးကို မကယ်ဖြစ်လိုက်တဲ့အတွက် မိခင်တစ်ယောက်အနေနဲ့က စိတ်ထဲမှာ ကောင်းနိုင်မှာမဟုတ်ပါဘူး။ ဒီရုပ်ရှင်ကားကောင်းတာက လူတစ်ယောက်တည်းပိုင်တာလည်း မဟုတ်ဘူး။ နိုင်ငံတစ်ခုခုက ပိုင်တာလည်းမဟုတ်ဘူး။ ဒါလောကရဲ့ လုပ်ထုံးလုပ်နည်းပဲ ဖြစ်လို့ပါ။
မြန်မာနိုင်ငံမှာ တရုတ်ဇာတ်လမ်းတွဲတွေက တစ်ခေတ်ဖြစ်ဖူးတယ်။ အခုတော့ ကိုရီးယားဇာတ်လမ်းတွဲတွေက နေရာယူလာတယ်။ ဒါဘာကြောင့်လို့ မစ္စရွီဖန် သုံးသပ်မိပါသလဲ။
တကယ်ကတော့ မြန်မာပြည်သူ၊ ပြည်သားတွေဟာ တရုတ်လူမျိုးတွေရဲ့ ယဉ်ကျေးမှုကို သိရှိနားလည်မှု ပိုပြီးရှိကြမယ်ဆိုရင် တရုတ်ပြည်ရဲ့ ရုပ်ရှင်ဇာတ်ကားတွေကိုလည်း ပိုပြီးနှစ်ခြိုက်လာမယ်လို့ ယူဆပါတယ်။ အခုကတော့ လှလှပပ၀တ်စားဆင်ယင်မှုမျိုးကို နှစ်သက်နေကြပါတယ်။ တရုတ်လူမျိုးတွေကတော့ စိတ်ပိုင်းယဉ်ကျေးမှုကို ပိုပြီးအလေးထားပါတယ်။ ဒါပေမဲ့ တရုတ်ရဲ့ရုပ်ရှင်ကို ပြည်ပပရိသတ်တွေ ပိုပြီးကြိုက်နှစ်သက်အောင်၊ ပြန့်ပွားအောင် နည်းလမ်းတွေအများကြီး ရှာဖွေနေပါတယ်။
တရုတ်ရုပ်ရှင်သရုပ်ဆောင်တွေအတွက် အခုလက်ရှိဈေးကွက်မှာ ရင်ဆိုင်နေရတဲ့ အကြီးမားဆုံးစိန်ခေါ်မှုက ဘာများဖြစ်မလဲ။
ရိုးသားဖြူစင်မှုကတော့ ပထမဆုံးဦးစားပေးပါ။ အခုခေတ်ရဲ့ နောက်ဆုံးပေါ် နည်းပညာတွေ ဘယ်လိုပဲသုံးသုံး ရိုးသားဖြူစင်မှုကိုပဲ အလေးထားရမှာပါ။
တရုတ်နိုင်ငံမှာ ရုပ်ရှင်ရုံပေါင်းတစ်သောင်းကျော်ရှိတော့ ကိုယ့်ဇာတ်ကားတစ်ကားကို ပရိသတ်လာကြည့်ဖို့ ဘယ်အရာက အကြီးမားဆုံး ဆွဲဆောင်မှုဖြစ်နေပြီလဲ။
ရုပ်ရှင်ကားကောင်းမယ်ဆိုလို့ကတော့ ဘယ်ရုံပဲဖြစ်ဖြစ် လာကြည့်ကြမှာပါ။
ကျေးဇူးတင်ပါတယ်။

http://7daynewsjournal.com/article/8073