နှစ်သက်မိတဲ့ ဆွေးနွေးငြင်းခုံပွဲလေး

by Seaman Nayminthu on Thursday, October 25, 2012 at 6:42am

(တဦးက တပ်မတော်အရာရှိငယ်၊ နောက်တဦးက နိုင်ငံရေးအကျဉ်းသားဟောင်း.. သူတို့နှစ်ဦး အသက်အရွယ် မတိမ်းမယိမ်း… တဦးနဲ့တဦး မတူညီတဲ့ ရပ်တည်ချက်အမြင်နှစ်ခုကို ဆွေးနွေးငြင်းခုံကြရာမှာ ကိုယ်မြင်တာကို မြင်တဲ့အတိုင်း ရိုးရိုးရှင်းရှင်းနဲ့ နွေးနွေးထွေးထွေး အေးဆေးတည်ငြိမ်စွာ အကျေအလည် ဆွေးနွေး ငြင်းခုံနိုိင် သော သူတို့ရဲ့ပွင့်လင်းရိုးသားမှုကို ကျနော် နှစ်သက်လေးစားမိသလို ဒီလိုမျိုး ဆွေးနွေးငြင်းခုံမှုပုံစံလေးတွေ တိုးတက်များပြားလာစေချင်တဲ့ စိတ်စေတနာလည်း ဖြစ်ပေါ်လာလို့… ဖော်ပြပေး လိုက်တာပါ…)

ရုပ် ဆိုး ။ ဒီမိုကရေစီကို မြတ်နိုးသူတွေကို ဓမ္မဝါဒီ ၊ ဒီမိုကရေစီ ကိုသဘောမတွေ့သူတွေကို အဓမ္မဝါဒီ အဖြစ် ဆွဲသွင်းပုံဖော်တာတော့ သိပ်လက်မခံချင်ဘူးဗျ ။

ဒီမိုကရေစီသည် ဒီမိုကရေစီသာဖြစ်ပြီး ၊ ဓမ္မကတော့ ဓမ္မသာလျှင်ဖြစ်ပါတယ် ။

ရောယှက်လို့မရပါဘူး ။ ဓမ္မဆိုတာက သူ့သဘောသူသာဆောင်ပြီး ~~~ သဘာဝစစ်စစ်ဖြစ်ပါတယ် ။ ဒီမိုကရေစီဆိုတာကတော့ လူတွေရဲ့ အတွေးခေါ်ကနေ လူထုအခြေပြုပြီးဆင်းသက်လာတဲ့ အယူအဆ သက်သက်ဖြစ်ပါတယ် ။

ဒီမိုကရေစီမြတ်နိုးသူ ဆိုတဲ့ထဲတွေမှာ ယုတ်မာစုတ်ပဲ့ နေတာတွေရှိသလို ၊ ဒီမိုကရေစီဆိုတာ ရှိမှန်းတောင်မသိပဲ လူသားအကျိုးဆောင်ခဲ့တဲ့ သူတွေအများကြီးရှိခဲ့ပါတယ် ။ ဓမ္မ နဲ့ ဒီမိုကရေစီဟာ ဘယ်လိုမှမညီပါဘူး ။

Iron Min ။ ဟုတ်ကဲ့...ဒီမိုကရေစီက လူတွေရဲ့ အတွေးခေါ်ကနေ ဆင်းသက်လာ တာပါ.. ဒါပေမယ့်..ဒီမိုကရေစီနဲ့ တရားမျှတမှု ဘာမှ မပတ်သက်ဘူးဆိုတာကိုတော့.. ကျနော်လက်မခံ ပါဘူး...ဒီမိုကရေစီဆိုတဲ့ စနစ်ကို ဘာကြောင့် လူအဖွဲ့စည်းအတွင်းမှာ ကျင့်သုံးဖို့ တွေးခေါ်ကြသလဲ ဆိုတာရှင်းပါတယ်..ဒီစနစ်က ဓမ္မနဲ့ အနီးစပ်ဆုံးမို့ဆိုတာ သိသာပါတယ်..

ဒီမိုကရေစီမှာ အားနည်းချက်တွေ ရှိတယ်ဆိုတာ ကျနော် လက်ခံပါတယ်..ဒါပေမယ့် ဒီမိုကရေစီထက် ကောင်းတဲ့ စနစ်တစ်ခု မပေါ်ပေါက်သေးသရွေ့တော့..ဓမ္မနဲ့ အနီးစပ်ဆုံး စနစ်..ဓမ္မကို ကိုယ်စားပြု နိုင်ဆုံး စနစ်တစ်ခုအဖြစ် ..လူအဖွဲ့ အစည်းအတွင်းမှာ ဆက်လက်ကျင့်သုံး နေကြရ အုံးမှာပါ....

ရုပ် ဆိုး ။ ဟုတ်ကဲ့ ကို Iron Min ခင်ဗျာ ... ပြုပြင်ပြောင်းလဲလို့ ရနေသမျှ ဓမ္မမဟုတ်ပါ ။ ဓမ္မဝါဒီ ဟူသည် ဓမ္မကိုသိသောသူ ၊ ဓမ္မကိုစောင့်ထိန်းလိုက်နာသူ လို့ မည်မယ်ထင်ပါတယ် ။ သူ့ဘာသာ အမြဲမပြတ်ဖြစ်ပျက်နေတဲ့ အနတ္တ ကို လွတ်လပ်စွာ လက်ခံနိုင်မှ သာလျှင် ဓမ္မဝါဒီဖြစ်ပါတယ် ။

ယုံကြည်ရာ ၊ နှစ်သက်ရာ အတ္တတစ်ခုခု နဲ့ ဘောင်ခတ်လိုက်မယ်ဆိုရင်တော့ အဲဒါ ဟာ ဓမ္မနဲ့သွေဖည်သွား ပါတယ် ။

လူ့သမိုင်းကြောင်းတစ်လျှောက်လေ့လာကြည့်တဲ့အခါ အရာတိုင်းဟာ Modeling

အသွင်ဆောင်ပါတယ် ။ လူသားတို့ရဲ့ စနစ်တစ်ခုခု ၊ အယူအဆတစ်ခုခုပေါ် ယုံကြည်သက်ဝင်မှု ဟာလည်း အမြဲတမ်းတသမတ်တည်းမရှိပါဘူး ။

ဒီမိုကရေစီ နှစ်သက်တဲ့ခေတ်တွေရှိခဲ့သလို ၊ ဘုရင်စနစ် ၊ အရင်းရှင်စနစ် ၊ ဆိုရှယ်လစ် ၊ ကွန်မြူနစ် စနစ်တွေ လိုလိုလားလားနှစ်သက်လက်ခံတဲ့ ခေတ်တွေရှိခဲ့ပါတယ် ။ စနစ်တွေမှာမှ မဟုတ်ပါ အဝတ်စားပဲ ကြည့်မလား ၊ ကိုယ်တုံးလုံးနေတဲ့ ခေတ်ကနေ ၂ ပိုင်းဖုန်းကိုနှစ်သက်ခဲ့ကြတယ် ၊ နှစ်ပိုင်းဖုံးကနေ အတိုပြတ်လေးတွေ နှစ်သက်ခဲ့ကြတယ် ၊ အတို ပြတ်ကနေ အရှည်ကြပ် ၊ အရှည်ပွ ၊ အခုခေတ် မှာ အတိုကွဲ နဲ့ ၂ ပိုင်းဖုံးလေးတွေ ပြန်နှစ်သက်လာကြတာ ဟာ Modeling တစ်ပါတ်လည်ခြင်းပါပဲ။ Power era အရပဲစဉ်းစားမလား Human Power ခေါ်တဲ့ လူခွန်လူအား အလေးထား အယူအဆကနေ ၊ ကျောက်ခဲလက်နက်ပါဝါ ပိုင်ဆိုင်သူက အားပိုကြီးတဲ့အယူအဆ ၊ နောက် သံလက်နက်တွေ ၊ ယမ်းလက်နက်တွေ ၊ နြူလက်နက်ပါဝါတွေ ဖြတ်သန်းပြီး

Knowladge ပါဝါဆိုတဲ့ လူသားအခြေပြု ကို ပြန်လက်ခံလာခဲ့ကြတယ် ။

လူသားတွေ ရဲ့ နှစ်သက်လက်ခံမှု ၊ ယုံကြည်မှု အယူအဆတွေဟာ တစ်သမတ်တည်း ရှိမနေတတ်ဘူးဆိုတာ သမိုင်းကို ပြန်ကြည့်တဲ့ခါ သိသာနေပါလိမ့်မယ် ။ ထို့အတူ လူပုဂ္ဂိုလ် ၊ ကာလအပိုင်းခြားပေါ်မှာမူတည်ပြိးတော့လည်း ကွဲပြားတတ်တယ်။

ဓမ္မဆိုတာကတော့ အဲလိုမဟုတ် ။ သိသာမြင်လွယ်အောင်ဥပမာ ထုတ်ပြရရင် ဒုက္ခသစ္စာနယ်ကသေခြင်းတရား ဘယ်ခေတ်မှာဖြစ်ဖြစ် အသက်ရှိပြီးရင်သေကြရတယ် ။ အရင်ကလည်းသေခဲ့ကြသလို ၊ ခုလည်းသေကြရတယ် ၊ နောင်လည်းသေကြရဦးမယ် ။ ဒါသည်ဘယ်သောအခါမှ ပြောင်းလဲမှာမဟုတ်ဘူး ။ ဖြစ်ပြီးရင် ပျက်တတ်တဲ့ သဘောသက်သက် ဖြစ်ပါတယ် ။ ဖန်တီးထာတာ ၊ လုပ်ယူထားတာ ၊ တွေးခေါ်ယူဆထားတာ မဟုတ်ပဲ ~~ ဒါသည် ကိုယ်က သဘာဝဓမ္မ လို့ လက်ခံတတ်မှသာလျှင် ဓမ္မဝါဒီဖြစ်ပါတယ် ။

Iron Min ။ ဟုတ်ကဲ့ အစ်ကို..အစ်ကိုပြောတဲ့ သဘာအတိုင်း ဖန်းတီးလုပ်ယူထားတာ

မဟုတ်ပဲ.. သဘာဝအတိုင်းလက်ခံတတ်မှသာ ဓမ္မဝါဒီဖြစ်တယ်ဆိုတာကို ကျနော်..နားမလည်ပါဘူး.. ဒါဆိုရင် အဓမ္မဝါဒီဆိုတာကရော..ဘယ်လိုဟာမျိုးပါလဲ..ဒုက္ခသစ္စာနယ်က သေခြင်းတရားကို အစ်ကိုလက်ခံရင်..ဖြစ်ပြီးရင်ပျက်တတ်တာကို အစ်ကိုလက်ခံရင်..အဲဒီ ဒုက္ခသစ္စာနယ်က ဖောက်ထွက်ဖို့ ကြိုးစားတဲ့၊ ဖြစ်ပျက်သံသရာကို ဖြတ်တောက်ဖို့ ကြိုးစားတဲံ့.. ဗုဒ္ဒဝါဒကိုရော.. အစ်ကိုဘယ်လိုမြင်ပါသလဲ။

ကျနော်မြင်တာကတော့ကျနော်တို့ ဟာ လူအဖွဲ့စည်းအတွင်းမှာ နေထိုင်နေသ၍ လူအဖွဲ့အစည်းနဲ့ အတူလိုက်ပါရှင်သန်နေကြရလိမ့်မယ်.. အဲလိုရှင်သန်နေထိုင် ကြရာမှာ..လူနဲ့လူချင်းမှာ၊ ဒါမှမဟုတ် ကိုယ်နေထိုင်ရာ လူ့အသိုင်းအဝိုင်းမှာ. ဘယ်လိုတရားမျှတအောင် နေထိုင်မလဲ၊ သူတပါးအပေါ်မှာ.. အချောင်ကြံ အဖျက်ကြံချင်တဲ့စိတ်တွေကို ဘယ်လို ထိန်းကွပ်မလဲ..အဲလို တရားမျှတအောင်နေထိုင် တဲံ့သူကိုမှ ကျနော့်အနေနဲ့ ဓမ္မဝါဒီအဖြစ်သတ်မှတ်ပါတယ်..လူ့အဖွဲ့အစည်းကို ဒုက္ခပေးနှောက်ယှက်သူ မတရားမှုကျူးလွန်သူတွေကိုတော့ အဓမ္မဝါဒီအဖြစ်သတ်မှတ်ပါတယ်။

နောက် ကျနော်ယုံကြည်တာက ဓမ္မဆိုတဲံ့စကားလုံးကို ဗုဒ္ဒက လောကုတ္တရာနယ်အတွက်ပဲ ဟောခဲ့ တာမဟုတ်တာသေချာပါတယ်..လူဆိုတာ ဇာတိပြီးရင် ဇရာ ဗျာတိ မရဏာဆိုသလို .အရာရာတိုင်း ဟာလည်း ဖြစ်ပြီးရင်ပျက်သွားကြတာကို ကျနော်လက်ခံပါတယ်..အဲတော့ မသေခင် ကိုယ်ရှင်သန်ရာ ပတ်ဝန်းကျင် လူ့အဖွဲ့စည်းမှာ တရားမျှတတဲံ့ကျင့်သုံးမှုတွေ တရားမျှတအောင်နေထိုင်မှုတွေဆိုတာ လိုလာပါပြိ ..

အစ်ကိုပြောသလို."လူ့သမိုင်းကြောင်းတစ်လျှောက်လေ့လာကြည့်တဲ့အခါ အရာတိုင်းဟာ Modeling အသွင်ဆောင်ပါတယ် ။ လူသားတို့ရဲ့ စနစ်တစ်ခုခု ၊ အယူအဆတစ်ခုခုအပေါ် ယုံကြည်သက်ဝင်မှု ဟာလည်း အမြဲတမ်းတသမတ်တည်းမရှိပါဘူး ။ ဒီမိုကရေစီ နှစ်သက်တဲ့ခေတ်တွေရှိခဲ့သလို ၊ ဘုရင်စနစ် ၊ အရင်းရှင်စနစ် ၊ ဆိုရှယ်လစ် ၊ ကွန်မြူနစ် စနစ်တွေ လိုလိုလားလားနှစ်သက်လက်ခံ တဲ့ ခေတ်တွေရှိခဲ့ပါတယ်"..ဆိုိရင်..ကျနော်တို့ဟာရပ်နေလို့တော့မရဘူး..အရာရာတိုင်းဟာလှုပ်ရှားပြောင်းလဲနေကြတယ်..စနစ်တွေလည်းတစ်ခုပြီးတစ်ခုပြောင်းလဲနေကြတယ်..လူတွေလည်း တရားအမျှတဆုံးဖြစ်မယ့် ပတ်ဝန်ကျင်မျိုးတွေကို လိုလားကြတယ်..အဲတော့ ကျနော်ပြောတာက စံနစ်တွေ..စံနစ်တွေထဲမှာ တရားမျှတမှုနဲ့ အနီးစပ်ဆုံး ဓမ္မနဲ့ အနီးစပ်ဆုံးစနစ်အဖြစ်ယနေ့ ဒီမိုကရေစီကို ကျင့်သုံးနေကြတာပါပဲ..

နိဂုံးချုပ်ရရင်တော့..ဓမ္မဆိုတာ လောကုတ္တရာနယ်အတွက်ပဲ သုံနှုန်းတဲ့စကားလုံးမဟုတ်ပါဘူး..ဓမ္မနဲ့ အဓမ္မဆိုတာကို တရားမှု နဲ့ မတရားမှုအဖြစ်ကျနော် နားလည်ပါတယ်..ဗုဒ္ဓပြောတဲ့ ဓမ္မဆိုတာဟာ လောကီက လွတ်မြောက်ရေးတရားသက်သက်မဟုတ်လို့ ကျနော်ယုံကြည်ပါတယ်...

ရုပ် ဆိုး ။ ကျွန်တော်ပေးခဲ့တဲ့ ကွန့်မန့်ကိုပြန်ကောက်ပါ့မယ် ။ အပေါ်ဆောင်းပါးမှာဆိုလိုခဲ့တဲ့

ဒီမိုကရေစီကို မနှစ်သက်သူဟာ အဓမ္မဝါဒီ ၊ ဒီမိုကရေစီကို နှစ်သူသူများသာလျှင်ဓမ္မဝါဒီ ဆိုတဲ့ အဆိုကို ကျွန်တော်လက်မခံတာဖြစ်ပါတယ် ။

ဓမ္မဝါဒီတိုင်းဟာ ပညာရှိသူတော်ကောင်းများ ဖြစ်ပါတယ် ။ ဒီမိုကရေစီနှစ်သက်သူတိုင်း၊ လက်ခံကျင့်သုံးနေကြသူတွေတိုင်း ပညာရှိသူတော်ကောင်းတွေပါလို့ အကို အာမခံရဲပါသလား ။ ကျွန်တော့်ကို မဖြေချင်ရင်တောင် အကို့ဘာသာ ဖြေကြည့်ပါ ။ အဲဒါဆိုရင် ဓမ္မ နဲ့ ဒီမိုကရေစီ ညီ၏မညီ၏ ကိုယ်တိုင် သိပါလိမ့်မယ် ။

သမိုင်းမှာသာဓက တွေရှိခဲ့တယ်။ ဆိုကရေးတီး ၊ ကမ္ဘာကြီး နေကိုလှည့်နေတယ်လို့ ပြောခဲ့တဲ့ ကိုးပါးနီးကပ်စ်တို့ဟာ ဒီမိုကရေစီ နည်းကျပဲ အသတ်ခံခဲ့ရတယ် ။ ဆိုကရေတီးရဲ့ မြေးတပည့်ကြီး အရစ္စတိုတယ်လ်က ဒီမိုကရေစီ ဆိုတာကြီးကိုခါးခါးသီးသီး ငြင်းဆန်ခဲ့တယ် ။ သူတို့ဟာ ဒီမိုကရေစီ ကိုမမြတ်နိုးခဲ့ကြပါဘူး ။ သူတို့ကို အဓမ္မဝါဒီ လို့ အကို ပြောရဲသလား။

နာဇီရဲ့ဟစ်တလာ ဒီမိုကရေစီ နည်းကျပဲ အာဏာရှင်ဖြစ်လာရတယ် ။ သူတို့ကိုရော ဓမ္မဝါဒီပါလို့ အကိုအာမခံနိုင်ပါရဲ့လား ။ ဒီမိုကရေစီသည် အယူအဆ ၊ စနစ်သာဖြစ် ပြီး ဓမ္မသည်ကား ဓမ္မသာဖြစ်ပါတယ် ။

လောကုတ္တရာ ဓမ္မပဲဖြစ်ဖြစ် လောက ဓမ္မပဲဖြစ်ဖြစ် အမြဲမပြတ် ဒရစပ် တည်ရှိနေပါတယ် ။ အရင်းရှင်စနစ်မှာလည်း ဓမ္မရှိတယ် ၊ ကွန်မြူနစ်ခေတ်မှာလည်း ဓမ္မ ရှိတယ် ၊ ဆိုရှယ်လစ် စနစ် မှာလည်း ဓမ္မရှိနေတယ် ၊ ကိုလိုနီခေတ်မှာလည်း ဓမ္မဆိုတာရှိတယ် ။ အဲဒီခေတ်တွေမှာ ဒီမိုကရေစီ ဆိုတာ မရှိပေမဲ့ ဓမ္မဆိုတာသည် အမြဲရှိနေတာဖြစ်ပါတယ် ။ ဒီမိုကရေစီ နဲ့ ဓမ္မသည်ဘယ်သောခါမှ ညီမှာမဟုတ်ပါ ။

နောက်တစ်ခုပေါ့ ။ တရားမှု မတရားမှုကို အကိုဘယ်ပေတံ နဲ့ တိုင်းမလဲ ။ ဥပမာတစ်ခုပေါ့ဗျာ အိမ်ကလေးလှချင်လို့ ဆေးသုတ်ကြတယ်ဆိုပါတော့ ... တစ်ဖွဲ့က အပြာရောင်လေးက ကောင်းမယ်ထင်လို့ အပြာရောင်လေးသုတ်တယ် ၊ နောက်တစ်ဖွဲ့ ကတော့ အနီရောင်လေး ကောင်းမယ်ထင်လို့ အနီရောင်လေးသုတ်ကြတယ် ။ အယူအဆနှစ်ခု ထိပ်တိုက်ဖြစ်လာကြတဲ့ခါ

အပြာနဲ့ အနီ လု ပြီး ဆေးသုတ်ကြတယ် ။ ဘယ်သူက တရားပြီး ဘယ်သူကမတရားသလဲ ။ အော်ဟစ် ရန်ဖြစ်ပြီး ဆဲဆိုကြတယ် ... ခြေထောက်သန်တဲ့ အပြာအဖွဲ့က အနီအဖွဲ့ ကိုခြေနဲ့ ကန်တယ် ... လက်အားသန်တဲ့ အနီအဖွဲ့က အပြာအဖွဲ့ကို လက်သီးနဲ့ထိုးတယ် ... ဘယ်သူတွေကတရားပြီး ဘယ်သူတွေကမတရားတာလဲ ။

ငြိမ်းချမ်းခြင်းဆိုသူတွေက မငြိမ်းချမ်းခြင်းဆိုသူတွေကို တိုက်ဖျက်နေသမျှ က ဘယ်တော့ မှ ငြိမ်းချမ်းခြင်းအစစ်ကိုမရဘူး ။

ဓမ္မဝါဒီ ဆိုသူတွေက အဓမ္မဝါဒီဆိုပြီး တိုက်ခိုက်နေသမျှဟာလည်း ဘယ်တော့မှ စစ်မှန်တဲ့ ဓမ္မဝါဒီတွေ ဖြစ်လာကြမှာမဟုတ်ဘူး ။ ဓမ္မကို မြတ်နိုးလေးစားမှသာလျှင်ဓမ္မဝါဒီမည်ပြီး ၊ အဓမ္မကို တိုက်ဖျက်ခြင်း ကိုတော့ ဓမ္မဝါဒီမမည်ပါ ။

အကိုတို့ ချစ်လှပါတယ်ဆိုတဲ့ ဒီမိုကရေစီ ရဲ့ အနှစ်သာရမှာကိုက လွတ်လပ်စွာကွဲလွဲခွင့် ရှိနေတာပါ ။ ဒီမိုကရေစီကို နှစ်သက်ချင်သူက နှစ်သက်မှာဖြစ်သလို ၊ မနှစ်သက်သူဟာလည်း နှစ်သက်ချင်မှ နှစ်သက်မှာဖြစ်ပါတယ် ။ အဲဒီမတူညီမှုကို တန်ဖိုးထားလေးစားရတာကိုက စစ်မှန်တဲ့ အနှစ်သာရပါ ။

ဒီမိုကရေစီ မြတ်နိုးသူတွေကိုမှ ဓမ္မဝါဒီတွေဖြစ်တယ် ၊ မနှစ်သက်သူတွေက အဓမ္မဝါဒီတွေဖြစ်တယ် ။ ဒီမိုကရေစီ လက်ခံသူတွေ ဟာ သူတော်ကောင်း ၊ သူရဲကောင်းတွေဖြစ်တယ် ၊ ဒီမိုကရေစီ လက်မခံသူ တွေဟာ လူယုတ်မာတွေဖြစ်တယ် ... လို့ မှတ်ယူထားတာ ကို က ဒီမိုကရေစီ အနှစ်သာရကို အထာမကျစွာ နားလည်နေတာပါပဲ ။

Iron Min ။ ကဲ ကျနော်တို့ အပြန်အလှန် အမြင်ချင်းဖလှယ်ကြတာလဲ တော်တော်လေး ..ကောင်းပါတယ်...မတူတာတွေကို လက်ခံနိုင်တာမှ ဒီမိုကရေစီရဲ့ အနှစ်သာရ ဆိုတာ ကို ကျနော်လက်ခံပါတယ်..ကျနော်က ဒီမိုကရေစီသာ အကောင်းဆုံး ၊ ဒီမိုကရေစီသာ အပြည့်စုံဆုံးလို့ ဆိုလိုခဲ့တာမဟုတ်ပါ..ဒီမိုကရေစီမှာလည်း အားနည်းချက်တွေရှီတယ် ဆိုတာ ကျနော်အပေါ်မှာ ပြောခဲ့ပါတယ်။ ဥပမာ အနေနဲ့ (Tyranny of majority )ပေါ့ဗျာ..

ဒါပေမယ့် ကွန်မြူနစ် စနစ်မှာပဲဖြစ်ဖြစ်၊ ဆိုရှယ်လစ်စနစ်မှာပဲ ဖြစ်ဖြစ် သူ့ဓမ္မနဲ့ သူရှိတယ်ဆိုတာ အစ်ကိုလက်ခံရင် ဒီမိုကရေစီစနစ်မှာလည်း ဓမ္မ ရှိတယ်ဆိုတာ အစ်ကိုလက်ခံရလိမ့်မယ်..နောက်ပြီး ဟစ်တလာကို ဒီမိုကရေစီနည်းကျရွေးချယ်ခဲ့တယ် ဆိုတာမှန်ပါတယ်..ဒါပေမယ့် သူအရွေးချယ်ခံခဲ့ရတဲ့နောက်ပိုင်း သူ့လုပ်ရပ်တွေက ဒီမိုကရေစီနည်းမကျခဲ့တာပါ..လောကမှာ အမှန်တရားနဲ့ မမှန်တရားတို့တွေ့တဲံ့အခါ ဘယ်တော့မှ သင့်မြတ်လေ့မရှိပါဘူး..

( ခုကျနော်ဆိုလိုချင်တာက ဒိမိုကရေစီမြတ်နိုးသူမှသာ ဓမ္မဝါဒီမည်တယ်၊ ဒီမိုကရေစီမမြတ်နိုးသူက ဓမ္မဝါဒီမမည်ဘူးလို့ဆိုလိုတာ မဟုတ်ပါ လူတိုင်းမှာ လွတ်လပ်စွာ တွေးခေါ်ယုံကြည်ခွင့်ရှိပါတယ်.ဒါက မွေးရာပါ အခွင့်အရေးတစ်ရပ်ပါ..)

ကျနော်တို့ တိုင်းပြည်မှာ ဦးသန်းရွှေ မကောင်းတာလုပ်နေမှန်းသိသိနဲ့ ဘာမှမပြောပဲ နေတာကို ဓမ္မ ဝါဒီလို့ ခေါ်နိုင်ပါ့မလား..ကိုပါးနီးကပ်စ် အသတ်ခံခဲ့ရတာ၊ ဆောခရတ္တိ အသတ်ခံခဲံ့ရတာတွေက အဲဒီကာလက တကယ်ရော ဒီမိုကရေစီနည်ကျ အသတ်ခံခဲ့ရတာ အစ်ကိုသေချာ ပြော၇ဲလား.. ကျနော်သိသလောက်တော့ အဲဒီခေတ်မှာ ..လူတိုင်းမဲပေးခွင့်မရှိပါဘူး..ဆော့ခရတ္တိနဲ့ ကော့ပါးနိကပ်စ် ကို သတ်ခြင်းဟာ တကယ်ရော ပြည်သူအားလုံးရဲ့ ဆန္ဒကို ကိုယ်စားပြုရဲ့လားဆိုတာ မသေချာပါဘူး..ဘာပဲပြောပြော အစ်ကိုနဲ့ဆွေးနွေးရတာ ကျနော့်အတွက် အကျိုးရှိပါတယ်...