ဈေးအနည်းဆုံးနဲ့ အစွမ်းထက်ဆုံး Journal

 Bamaw Thein Pe added 4 new photos.

#ဈေးအနည်းဆုံးနဲ့ အစွမ်းထက်ဆုံး Journal
လူတစ်ယောက်ဟာ အလုပ်ထဲက ပြဿနာတစ်ခုကို ဖြေရှင်းဖို့ တနေ့လုံး ခေါင်းပူအောင် စဉ်းစားတယ်။ နေကုန်သွားပေမယ့် အဖြေမရပါဘူး။ နောက်နေ့မှ ဆက်အဖြေရှာမယ်ဆိုပြီး ရုံးဆင်း အိမ်ပြန်လာတယ်။ အိမ်ရောက်လို့ စောစောက ပြဿနာကို မေ့ပစ်လိုက်ပြီး ရေချိုးခန်းထဲမှာ စိမ်ပြေနပြေ ရေချိုးနေတယ်။ ဒီအချိန်မှာ တနေ့လုံး ရုံးမှာ ရှာနေတဲ့အဖြေဟာ ရုတ်တရက် သူ့ခေါင်းထဲ ပေါ်လာလို့ သူ အရမ်းပျော်သွားတယ်။

သင်လည်း ဒီလို အဖြစ်မျိုး ကြုံဖူးမှာပါ။ ရေချိုးနေတုန်းမဟုတ်ရင်လည်း အေးအေးဆေးဆေး ကားစီးနေတုန်း၊ ညနေခင်း အညောင်းပြေ လမ်းလျှောက်နေတုန်းတွေမှာ ပေါ်လာတတ်ပါတယ်။ ဒါဟာ စိတ်ကို အတင်းအလုပ်လုပ်ခိုင်းရင် မလုပ်ဘူး။ အလုပ်မခိုင်းတော့ရင် သူအလုပ်လုပ်တယ်ဆိုတဲ့ စိတ်ရဲ့ ထူးခြားဆန်းကြယ်မှုတစ်မျိုးပါ။ စောစောက လူဟာ တနေ့လုံး စိတ်ကို အနားမပေးဘဲ အဖြေရှာတယ်။ အဖြေမရဘူး။ အိမ်ပြန်ရေချိုးစဉ်မှာ စိတ်ကို အလုပ်မခိုင်းဘဲ အနားပေးလိုက်လို့ စိတ်က အဖြေကို ထုတ်ပေးလိုက်တယ်။
အခုပြောပြချင်တာက စောစောက ပြောသလို စိတ်ဆိုတာ သင် စိတ်အေးအေးဖြစ်နေချိန် မထင်မှတ်ဘဲ ပြဿနာရဲ့ အဖြေတွေ၊ အကြံဉာဏ်ကောင်းတွေ၊ စိတ်ကူးစိတ်ကူးစိတ်သန်းကောင်းတွေကို ထုတ်ပေးတတ်တယ်။ အဲဒါတွေဟာ ရုတ်တရက် ပေါ်လာတတ်သလို ခဏနေမေ့သွားပြီး နောင်ပြန်ပေါ်လာချင် ပေါ်လာမယ်။ လုံးဝပေါ်မလာတော့တာလဲရှိတယ်။ အဲဒီအခါမှာ သင်ဟာ စောစောက ပေါ်လာတဲ့ အကြံကို ငါ မှတ်မထားလိုက်ရဘူးဆိုပြီး နောင်တရနေလိမ့်မယ်။
အဲဒီအဖြစ်မျိုးကို ကာကွယ်ဖို့ Journal ထားသင့်ပါတယ်။ Journal ဆိုလို့ ကြီးကြီးကျယ်ကျယ် မထင်လိုက်ပါနဲ့။ Journal ထားဖို့ ဗလာစာအုပ်တစ်အုပ်နဲ့ ဘောပင်တစ်ချောင်းပဲ လိုပါတယ်။ Journal ဆိုတာ သင်လုပ်စရာတွေ၊ သင်ဖတ်တဲ့ စာအုပ်ထဲက ကြိုက်တဲ့စာသားလေးတွေ၊ သင့်ခေါင်းထဲမှာ ပေါ်လာတဲ့ အကြံ အတွေးတွေကို စာအုပ်မှာ ရေးမှတ်လိုက်ခြင်းပါ။ ခုလို ပြောလိုက်လို့ သင့်စိတ်ထဲမှာ Journal ဆိုတာ အပေါစားလို့ ထင်သွားပါလိမ့်မယ်။
မှန်ပါတယ်။ ဗလာစာအုပ်တစ်အုပ်နဲ့ ဘောပင်တစ်ချောင်းရဲ့ တန်ဖိုးဟာ မဖြစ်စလောက်လေးပါ။ ဒါပေမဲ့ သူ့ရဲ့ စွမ်းအားဟာ ကြီးမားလွန်းလှပါတယ်။ လွန်ခဲ့တဲ့ နှစ်ပေါင်းများစွာ ပေါ်ခဲ့တဲ့ ပန်းချီပန်းပုပညာရှင်ကြီး လီယိုနာဒိုဒါဗင်ချီကနေ တီထွင်ပညာရှင်ကြီး သောမတ်စ်အယ်ဒီဆင်၊ အခုခေတ်မှာ အောင်မြင်ကျော်ကြားနေတဲ့ ရစ်ချတ်ဘရင်ဆန်၊ အော်ပရာဝင်းဖရေး၊ နဲလ်ဆင်မန်ဒဲလား (ကွယ်လွန်)စသူတို့ဟာ Journal စာအုပ်ကို သူတို့ကိုယ်နဲ့မကွာထားပြီး သူတို့ အကြံ စိတ်ကူးစိတ်သန်းတွေကို မှတ်သားထားကြတယ်လို့ သူတို့အကြောင်း ရေးထားတဲ့ စာအုပ်တွေမှာ ရေးပြထားပါတယ်။
ဘီလျံနာသူဌေးကြီး ဆာရစ်ချတ်ဘရင်ဆန်က "ကျွန်တော့်ရဲ့ Virgin Group ထဲက အောင်မြင်နေကြတဲ့ ကုမ္ပဏီတွေဟာ ကျွန်တော် Journal မှတ်ထားတဲ့ အကြံအတိုင်း လုပ်ရင်း ပေါ်လာတာပါ" လို့ ပြောပါတယ်။
Oprah Winfrey Show ဆိုတဲ့ ရုပ်မြင်သံကြားအစီအစဉ်တွေနဲ့ မီလျံနာဖြစ်လာတဲ့ လူမည်းအမျိုးသမီး အော်ပရာဝင်းဖရေးက "Journal စာအုပ်ရေးမှတ်တဲ့ အကျင့်ကြောင့် ကျွန်မ ဘဝဟာ အကြီးအကျယ် ပြောင်းလဲသွားခဲ့ပါတယ်" လို့ ပြောပါတယ်။
အမေရိကန်နိုင်ငံက ပထမဆုံး မီလျံနာသူဌေးကြီး ဂျွန်ဒီရော့ဖဲလားဟာ သူ့စက်ရုံ အလုပ်ရုံတွေကို လိုက်လံကြည့်ရှုတဲ့အခါ သူတွေ့သမျှ မြင်သမျှကို သူ့ Journal စာအုပ်အနီလေးထဲမှာ ရေးမှတ်လေ့ရှိတယ်လို့ သူ့လုပ်ဖေါ်ကိုင်ဖက်တွေက ပြောပြကြတယ်။
သင့်စိတ်ထဲမှာ မေးချင်တာလေးတစ်ခုရှိနေပါလိမ့်မယ်။ အခုလို နည်းပညာတိုးတက်နေတဲ့ ခေတ်ကြီးမှာ Journal အဖြစ် စာအုပ်မှာ ရေးမှတ်နေမယ့်အစား ကွန်ပျူတာ၊ tablet, မိုဘိုင်းဖုန်းတွေ သုံးလို့ မရဘူးလားလို့ မေးချင်ပါလိမ့်မယ်။ သုံးလို့ရပေမယ့် စာအုပ်မှာ မှတ်တာလောက် အကျိုးမရှိဘူးဆိုတာကို ကျွန်တော့်ရဲ့ အတွေ့အကြုံနဲ့ ပြောပြပါမယ်။
စာရေးချင်တဲ့ ကျွန်တော်ဟာ ပေါ်လာတဲ့ အတွေးတွေကို အရင်တုန်းက ကွန်ပျူတာပေါ် Microsoft Note မှာ ရေးမှတ်တဲ့ အကျင့်လုပ်တယ်။ တစ်ခါတလေ လမ်းပေါ်မှာ ကားစီးရင်း ပေါ်လာတဲ့ အတွေးကို မှတ်ချင်ပေမယ့် အနားမှာ ကွန်ပျူတာ မရှိလို့ မမှတ်ဖြစ်တော့ဘူး။ အိမ်မှာ အတွေးပေါ်လာရင် ကွန်ပျူတာကို ဖွင့်နေရတာကြာလို့ မမှတ်ဖြစ်တော့ဘူး။ ကွန်ပျူတာနဲ့ အလုပ်မဖြစ်လို့ နောက်တော့ ipad မှာ မှတ်တဲ့ အကျင့်လုပ်တယ်။ iPad ကို သွားလေရာ မသယ်နိုင်လို့ ဒါလည်း အလုပ်မဖြစ်ဘူး။ နောက်တော့ iPhone နဲ့ မှတ်တဲ့ အကျင့်လုပ်ပြန်တယ်။ ဒါလည်း အလုပ်မဖြစ်ဘူး။ အလုပ်မဖြစ်ဘူးဆိုတာက iPhone ကို သွားလေရာ သယ်နိုင်ပြီး ရေးမှတ်လို့ ရပေမယ့် ရေးထားတာတွေကို ပြန်မဖတ်ဖြစ်ဘူး။
Journal ဆိုတာ ပေါ်လာတဲ့ အကြံတွေ အတွေးတွေကို ရေးမှတ်ရုံအတွက် မဟုတ်ပဲ မကြာခဏ ပြန်ဖတ်ဖို့ လိုပါတယ်။ ဒါကြောင့်လည်း ကမ္ဘာပေါ်မှာ အောင်မြင်ကျော်ကြားနေသူတွေဟာ Journal ကို စာအုပ်အဖြစ် ရေးမှတ်နေကြဆဲပါ။ အခုရေးတဲ့ ပို့စ်ဟာလည်း တချိန်က ကျွန်တော့် Journal မှာ ရေးမှတ်ခဲ့တဲ့ အတွေးတစ်ခုပါ။
ဒီစာကို အော်ပရာဝင်းဖရေးပြောခဲ့တဲ့ စကားလေးနဲ့ပဲ နိဂုံးချုပ်ပါမယ်။
- "Journal စာအုပ်ရေးမှတ်တဲ့ အကျင့်ကြောင့် ကျွန်မ ဘဝဟာ အကြီးအကျယ် ပြောင်းလဲသွားခဲ့ပါတယ်"
သင့်ဘဝကို တိုးတက်ပြောင်းလဲချင်ရင် Journal စာအုပ်မှာ ရေးမှတ်တဲ့ အကျင့်လုပ်ပါ။ ဘယ်တော့လုပ်ရမှာလဲ။ ခက်ခဲတဲ့ အလုပ်မဟုတ်လို့ အခုပဲ စလုပ်ပါ။ သင့်ဘဝ တိုးတက်ပြောင်းလဲဖို့ တစ်ရက်လေးတောင် နောက်ကျမခံပါနဲ့။
မှတ်ချက်။ smartcompany.com.au ဝက်ဆိုက်က Jack Delosa ရဲ့ "The ritual used by some of world leaders including Oprah and Richard Branson" ဆောင်းပါးလေးကို မှီးရေးထားတာပါ။
ဗန်းမော်သိန်းဖေ
၂၆-၁၀-၂၀၁၇