ဘရုစ်လီရဲ့ အောင်မြင်မှုလျှို့ဝှက်ချက်

 ဗန်းမော်သိန်းဖေရဲ့မျှဝေလိုသောအတွေးများ added 2 new photos.

#ဘရုစ်လီရဲ့ အောင်မြင်မှုလျှို့ဝှက်ချက်
ကမ္ဘာကျော် ကွန်ဖူးသိုင်းသမားနဲ့ ဟောလီးဝုဒ်ရုပ်ရှင်မင်းသား ဘရုစ်လီအကြောင်း ရေးထားတဲ့ စာအုပ်တွေမှာ သူဟာ Napoleon Hill ရေးခဲ့တဲ့ Think and Grow Rich စာအုပ်ကို ဖတ်ခဲ့တယ်လို့ ရေးပြထားကြတယ်။ သူဟာ သူများတကာလို စာအုပ်တွေ ဖတ်တယ်။ ပြီးရင် စာအုပ်ထဲက အကြောင်းအရာတွေကို မေ့သွားတတ်တဲ့ လူစားမျိုးမဟုတ်ဘူး။ သူ သဘောကျတဲ့ စာသားကို အသေမှတ်ထားပြီး လက်တွေ့ကျင့်သုံးလိုက်နာတတ်သူပါ။
သူဟာ Thank and Grow Rich စာအုပ်ထဲက တိကျသော ရည်မှန်းချက် (definiteness of purpose) ဆိုတဲ့ နည်းကို သဘောကျပြီး လက်တွေ့လိုက်နာကျင့်သုံးခဲ့တယ်။
အဲဒီနည်းက ရိုးရိုးရှင်းရှင်းလေးပါ။

- ၁) သင် ဘာဖြစ်ချင်လဲ။ သင်ဘာလိုချင်သလဲ
- ၂) အဲဒါကို ဘယ်နေ့မှာ ရချင်သလဲ
- ၃) အဲဒါတွေရဖို့ ဘာတွေ ပေးဆပ်မလဲ
- အဲဒါတွေကို စာရွက်တစ်ရွက်ပေါ်မှာ ချရေးပြီး မနက်အိပ်ယာထစ တစ်ကြိမ်နဲ့ ညမအိပ်ခင် တစ်ကြိမ် နေ့တိုင်း အသံထွက် မပျက်မကွက် ဖတ်ပါ။ စာရွက်ထဲက သင် ဖြစ်ချင်တာ တကယ်ဖြစ်လာပါလိမ့်မယ်တဲ့။
ဘရုစ်လီဟာ ၁၉၆၉ုနှစ်မှာ သူ့ရဲ့ တိကျတဲ့ ရည်မှန်းချက်ကို သူ့လက်ရေးနဲ့ခုလို ရေးခဲ့တယ်။
- "ငါ ဘရုစ်လီဟာ အမေရိကန်နိုင်ငံမှာ ဝင်ငွေအကောင်းဆုံး အရှေ့တိုင်းသား ရုပ်ရှင်မင်းသား ဖြစ်ရမယ်။ အဲဒီလို ဖြစ်ဖို့ ငါ့ရဲ့အကောင်းဆုံး သိုင်းပြကွက်တွေနဲ့ အကောင်းဆုံး သရုပ်ဆောင်ပြမယ်။ ၁၉၇၀ ခုနှစ်ကစပြီး ငါ့နာမည် ကျော်ကြားလာရမယ်။ ၁၉၈၀ နှစ်ကုန်မှာ ငါဟာ ဒေါ်လာ ၁၀ သန်းကို ပိုင်ဆိုင်နေရမယ်။ ငါလိုချင်တဲ့ဘဝမှာ ပျော်ပျော်ရွှင်ရွှင်နေထိုင်သွားမယ်"
- ဘရုစ်လီ (၁၉၆၉ ခုနှစ် ဇန်နဝါရီလ)
သူရေးထားတဲ့ တိကျတဲ့ ရည်မှန်းချက်စာရွက်လေးကို သူ ကွယ်လွန်သွားပြီးမှ တွေ့ရတာပါ။
ဒီမှာ စိတ်ဝင်စားစရာတစ်ခုကို တွေ့ရပါတယ်။
သူအဲဒီစာကို ရေးခဲ့တဲ့ ၁၉၆၉ ခုနှစ်မှာ ဘရုစ်လီဟာ ဟောလီးဝုဒ်ရုပ်ရှင်မင်းသားအဖြစ် နာမည်ကြီးဖို့နေနေသာသာ ရုပ်ရှင်ကားတစ်ကားတောင်မှ မရိုက်ဖူးသေးဘူး။ နောက်ပြီး သူဟာ ဒုက္ခသုက္ခပေါင်းစုံနဲ့ ကြုံတွေ့နေချိန်ပါ။ သူ့ရဲ့ ခါရိုးအကြော ဒဏ်ရာရလို့ တစ်ကိုယ်လုံး မလှုပ်ရှားနိုင်ဘဲ အမေရိကန်ဆေးရုံတစ်ခုရဲ့ ကုတင်ပေါ် လဲလျောင်းနေရတယ်။ ကွန်ဖူးသိုင်းလေ့ကျင့်ခန်း မလုပ်နိုင်ဘူး။ သူ့မိသားစုကို မထောက်ပံ့ပေးနိင်ဘူး။ အိမ်ခန်းငှားခ ပေးစရာမရှိဘူး။ သူငယ်ချင်းတွေဆီက ချေးထားတဲ့ ပိုက်ဆံတွေ မဆပ်နိုင်ဘူး။
ဒါပေမဲ့ သူဟာ ဝင်ငွေကောင်းတဲ့ ဟောလီးဝုဒ်ရုပ်ရှင်မင်းသားဖြစ်ဖို့နဲ့ ၁၀ နှစ်အကြာ ၁၉၈၀ မှာ ဒေါ်လာ ၁၀ သန်းပိုင်ဖို့ သူ့ရည်မှန်းချက်ကို လက်မလျှော့ဘူး။
၁၉၈၁ ခုနှစ်မှာ ဟောင်ကောင်က Golden Harvest ရုပ်ရှင်ကုမ္ပဏီကရိုက်ကူးတဲ့ The Big Boss ကွန်ဖူးသိုင်းကားနဲ့ စတင်နာမည်ကြီးသွားတယ်။ နောက်ပိုင်းမှာ ဟောလီးဝုဒ်က Warner Brothers ရုပ်ရှင်ကုမ္ပဏီက သူ့ကို မင်းသားတင်ရိုက်လို့ ကွန်ဖူးမင်းသားအဖြစ် ကမ္ဘာကျော်သွားခဲ့တယ်။ သူဟာ အသက် ၃၂ နှစ်အရွယ် ၁၉၇၃ ခုနှစ်မှာ ကွယ်လွန်သွားခဲ့တယ်။ သူ မကွယ်လွန်ခင်မှာပဲ ၁၉၈၀ ခုနှစ်မှာ ရဖို့ မျှော်မှန်းထားတဲ့ ဒေါ်လာ ၁၀ သန်းထက် ငွေကြေးအဆပေါင်းများစွာကို ပိုင်ဆိုင်နေခဲ့ပြီးပါပြီ။
Think and Grow Rich စာအုပ်ရေးသားတဲ့ Napoleon Hill က ဟောပြောပွဲမှာ ပြောပြခဲ့ဖူးတယ်။ လူတွေဟာ စာအုပ်တွေတော့ ဖတ်ကြပါရဲ့။ ဒါပေမဲ့ စာအုပ်ထဲက နည်းနာတွေကို လက်တွေ့ကျင့်သုံးကြသူတွေဟာ ၂ ရာခိုင်နူန်းပဲ ရှိကြတယ်တဲ့။ ဒါကြောင့်လည်း ကမ္ဘာကြီးရဲ့ လူဦးရေ ၂ ရာခိုင်နူန်းသာ အောင်မြင်သူတွေ ဖြစ်နေကြတာပါတဲ့။

မှတ်ချက်။
(၁) motivationalmemo.com ဝက်ဆိုက်မှာ Joe Barnes ရေးထားတဲ့ "Want Success? Get a Definite Chief Aim" ဆောင်းပါးကို မီုငြမ်းထားတာပါ။
(၂) Think and Grow Rich စာအုပ်ဟာ ၁၉၃၇ ခုနှစ်ကတဲက ထုတ်ဝေခဲ့ပြီး ယနေ့အထိ အုပ်ရေသန်းပေါင်းများစွ ရောင်းနေရတဲ့ ကြီးပွားအောင်မြင်ရေး self-help တက်ကျမ်းစာအုပ်ပါ။ ဆရာကြီး ရွှေဥဒေါင်းက အဲဒီစာအုပ်ကို "အကြံဉာဏ်ဖြင့် ကြီးပွားရေး" လို့ မြန်မာလို ရေးထားပါတယ်။
ဗန်းမော်သိန်းဖေ
၂၅-၁၀-၂၀၁၇