ေနာ္ေ၀က ကမာၻေက်ာ္လမ္းတစ္ခု (သုိ႔) အတၱလႏၱိသမုဒၵရာျဖတ္လမ္း

ဒီလမ္းကေတာ့ အတၱလႏၱိတ္သမုဒၵရာကို ျဖတ္ၿပီးတည္ေဆာက္ထားတယ္လုိ႔လူသိမ်ားတဲ့ အတၱလႏၱိတ္သမုဒၵရာျဖတ္လမ္း(Atlantic Ocean Road) ပဲျဖစ္ပါတယ္။ အရွည္ ၅.၂မုိင္ရွိတဲ့ ဒီလမ္းဟာ ေနာ္ေ၀းပင္မကုန္းေျမကေန Averøy ကြ်န္း ၊ Romsdalshalvøya ကြ်န္းဆြယ္တုိ႔ကုိ ဆက္သြယ္ေပးထားတဲ့လမ္း(တံတား)ျဖစ္ပါတယ္။ လမ္းအစအဆုံးၿမဳိ႕ႏွစ္ၿမဳိ႕ကေတာ့ Kristiansundၿမဳိ႕ နဲ႔ Molde ၿမဳိ႕တုိ႔ပဲျဖစ္ပါတယ္။ သမုဒၵရာျဖတ္လမ္းဆုိေပမယ့္ သမုဒၵရာေရျပင္ခ်ည္းပဲကို ျဖတ္ၿပီးတည္ေဆာက္ထားတာမဟုတ္ပဲ ေနာ္ေ၀းကမ္းရုိးတန္းအျပင္ဘက္ သမုဒၵရာထဲက ကြ်န္းေပါင္းမ်ားစြာကို ဆက္သြယ္ၿပီးတည္ေဆာက္ထားတာျဖစ္ပါတယ္။


၂၀ရာစုအေစာပိုင္းတုန္းက ဒီလမ္းကို မီးရထားသံလမ္းတစ္ခုအျဖစ္ေဆာက္ဖုိ႔ရည္ရြယ္ခဲ့ေပမယ့္ အဆင္မေျပတဲ့အတြက္ေၾကာင့္ ေဆာက္လုပ္ေရးကိုရပ္ဆုိင္းခဲ့ၿ႔ပီး စြန္႔ပစ္လမ္းတစ္ခုျဖစ္ခဲ့ပါေသးတယ္။ ၁၉၇၀မွာေတာ့ လမ္းအျဖစ္ျပန္လည္တည္ေဆာက္ဖုိ႔ စီစဥ္မႈေတြျပဳလုပ္ခဲ့ၿပီး ၁၉၈၃ခုႏွစ္ ၾသဂုတ္လ ၁ရက္ေန႔မွာ စတင္တည္ေဆာက္ခဲ့ပါတယ္။ ဒီလုိတည္ေဆာက္ခဲ့တဲ့အေတာအတြင္း လုပ္ငန္းခြင္မွာ စုစုေပါင္း ဆုိင္ကလုန္းမုန္တုိင္း ၁၂ခု တုိက္ခတ္ျခင္းကို ခံခဲ့ရပါတယ္။

လမ္းရဲ႕ထူးျခားခ်က္ကေတာ့ ပုံမွန္လမ္းတံတားေတြနဲ႔ မတူညီပဲ အနိမ့္အျမင့္ အေကြ႔အ၀ုိက္ေပါင္းမ်ားစြာကို ထည့္သြင္းတည္ေဆာက္ထားတာပဲျဖစ္ပါတယ္။ ဒီလုိတည္ေဆာက္ျခင္းအားျဖင့္ ျပင္းထန္္တဲ့ ပင္လယ္ေရလႈိင္းေတြရဲ႕ ရုိက္ခုိက္မႈဒါဏ္ကို ခံႏုိင္ရည္ရွိေစတယ္လုိ႔ သိရပါတယ္။ လမ္းတစ္ေလွ်ာက္မွာ စုစုေပါင္း အရွည္ ေပ ၃၀၀၀ နီးပါးရွိတဲ့ တံတား ၈စင္းကုိ ထည့္သြင္းတည္ေဆာက္ထားပါတယ္။ ၁၉၈၉ခုႏွစ္ ဇူလုိင္လ ၇ ရက္ေန႔မွ စတင္ဖြင့္လွစ္ႏုိင္ခဲ့တာပဲျဖစ္ပါတယ္။

တည္ေဆာက္ခ်ိန္ ၆ႏွစ္နီးပါးၾကာျမင့္ခဲ့ၿပီး ကုန္က်စရိတ္အေနနဲ႔ အဲဒီတုန္းက ေနာ္ေ၀းေငြ ၁၂၂သန္း (ေဒၚလာ ၁၅သန္းခန္႔) ကုန္က်ခဲ့ပါတယ္။ ဒီကုန္က်စရိတ္ကုိ ကာမိဖုိ႔အတြက္ တံတာလမ္းအခြန္ကို ၁၅ႏွစ္ၾကာေကာက္ဖုိ႔ စီစဥ္ထားေပမယ့္ ၁၀ႏွစ္အၾကာ(၁၉၉၉) အထိသာေကာက္ခဲ့ၿပီး ေနာက္ပုိင္းမွာပယ္ဖ်က္ခဲ့ပါတယ္။ ဒီလမ္းဟာ ကားနဲ႔ဆုိင္တဲ့ ရုပ္ရွင္ကားေတြရုိက္ကူးဖုိ႔အတြက္ ကမာၻ႔အေကာင္းဆုံးလမ္းအျဖစ္သတ္မွတ္ခံခဲ့ရသလုိ ေနာ္ေ၀းလူမ်ဳိးတုိ႔ရဲ႕ ရာစုႏွစ္အေကာင္းဆုံး ေဆာက္လုပ္ေရးသေကၤတအျဖစ္လည္း သတ္မွတ္ခံထားရတဲ့ လမ္းလည္းျဖစ္ပါတယ္။

ကမာၻလွည့္ခရီးသြားေတြကုိ ဆြဲေဆာင္တဲ့ေနရာတစ္ခုျဖစ္သလုိ အႏၱရာယ္အရွိဆုံးလမ္းတစ္ခုဆုိရင္လည္း မမွားပါဘူး။ အေၾကာင္းကေတာ့ ဒီလမ္းရဲ႕ တခ်ဳိ႕ေနရာေတြမွာ ရာသီဥတုအေျပာင္းအလဲျမန္ျခင္း ၊ ရုတ္တရက္အပူခ်ိန္က်ဆင္းတတ္ျခင္း နဲ႔ ရံဖန္ရံခါ မုန္တုိင္းေတြတုိက္ခတ္ေလ့ရွိလုိ႔ပဲျဖစ္ပါတယ္။
—————–
နော်ဝေက ကမ္ဘာကျော်လမ်းတစ်ခု (သို့) အတ္တလန္တိသမုဒ္ဒရာဖြတ်လမ်း (unicode)
ဒီလမ်းကတော့ အတ္တလန္တိတ်သမုဒ္ဒရာကို ဖြတ်ပြီးတည်ဆောက်ထားတယ်လို့လူသိများတဲ့ အတ္တလန္တိတ်သမုဒ္ဒရာဖြတ်လမ်း(Atlantic Ocean Road) ပဲဖြစ်ပါတယ်။ အရှည် ၅.၂မိုင်ရှိတဲ့ ဒီလမ်းဟာ နော်ဝေးပင်မကုန်းမြေကနေ Averøy ကျွန်း ၊ Romsdalshalvøya ကျွန်းဆွယ်တို့ကို ဆက်သွယ်ပေးထားတဲ့လမ်း(တံတား)ဖြစ်ပါတယ်။ လမ်းအစအဆုံးမြို့နှစ်မြို့ကတော့ Kristiansundမြို့ နဲ့ Molde မြို့တို့ပဲဖြစ်ပါတယ်။ သမုဒ္ဒရာဖြတ်လမ်းဆိုပေမယ့် သမုဒ္ဒရာရေပြင်ချည်းပဲကို ဖြတ်ပြီးတည်ဆောက်ထားတာမဟုတ်ပဲ နော်ဝေးကမ်းရိုးတန်းအပြင်ဘက် သမုဒ္ဒရာထဲက ကျွန်းပေါင်းများစွာကို ဆက်သွယ်ပြီးတည်ဆောက်ထားတာဖြစ်ပါတယ်။
၂ဝရာစုအစောပိုင်းတုန်းက ဒီလမ်းကို မီးရထားသံလမ်းတစ်ခုအဖြစ်ဆောက်ဖို့ရည်ရွယ်ခဲ့ပေမယ့် အဆင်မပြေတဲ့အတွက်ကြောင့် ဆောက်လုပ်ရေးကိုရပ်ဆိုင်းခဲ့ၿ႔ပီး စွန့်ပစ်လမ်းတစ်ခုဖြစ်ခဲ့ပါသေးတယ်။ ၁၉၇ဝမှာတော့ လမ်းအဖြစ်ပြန်လည်တည်ဆောက်ဖို့ စီစဉ်မှုတွေပြုလုပ်ခဲ့ပြီး ၁၉၈၃ခုနှစ် ဩဂုတ်လ ၁ရက်နေ့မှာ စတင်တည်ဆောက်ခဲ့ပါတယ်။ ဒီလိုတည်ဆောက်ခဲ့တဲ့အတောအတွင်း လုပ်ငန်းခွင်မှာ စုစုပေါင်း ဆိုင်ကလုန်းမုန်တိုင်း ၁၂ခု တိုက်ခတ်ခြင်းကို ခံခဲ့ရပါတယ်။ လမ်းရဲ့ထူးခြားချက်ကတော့ ပုံမှန်လမ်းတံတားတွေနဲ့ မတူညီပဲ အနိမ့်အမြင့် အကွေ့အဝိုက်ပေါင်းများစွာကို ထည့်သွင်းတည်ဆောက်ထားတာပဲဖြစ်ပါတယ်။ ဒီလိုတည်ဆောက်ခြင်းအားဖြင့် ပြင်းထန်တဲ့ ပင်လယ်ရေလှိုင်းတွေရဲ့ ရိုက်ခိုက်မှုဒါဏ်ကို ခံနိုင်ရည်ရှိစေတယ်လို့ သိရပါတယ်။ လမ်းတစ်လျှောက်မှာ စုစုပေါင်း အရှည် ပေ ၃၀၀၀ နီးပါးရှိတဲ့ တံတား ၈စင်းကို ထည့်သွင်းတည်ဆောက်ထားပါတယ်။ ၁၉၈၉ခုနှစ် ဇူလိုင်လ ၇ ရက်နေ့မှ စတင်ဖွင့်လှစ်နိုင်ခဲ့တာပဲဖြစ်ပါတယ်။
တည်ဆောက်ချိန် ၆နှစ်နီးပါးကြာမြင့်ခဲ့ပြီး ကုန်ကျစရိတ်အနေနဲ့ အဲဒီတုန်းက နော်ဝေးငွေ ၁၂၂သန်း (ဒေါ်လာ ၁၅သန်းခန့်) ကုန်ကျခဲ့ပါတယ်။ ဒီကုန်ကျစရိတ်ကို ကာမိဖို့အတွက် တံတာလမ်းအခွန်ကို ၁၅နှစ်ကြာကောက်ဖို့ စီစဉ်ထားပေမယ့် ၁၀နှစ်အကြာ(၁၉၉၉) အထိသာကောက်ခဲ့ပြီး နောက်ပိုင်းမှာပယ်ဖျက်ခဲ့ပါတယ်။ ဒီလမ်းဟာ ကားနဲ့ဆိုင်တဲ့ ရုပ်ရှင်ကားတွေရိုက်ကူးဖို့အတွက် ကမ္ဘာ့အကောင်းဆုံးလမ်းအဖြစ်သတ်မှတ်ခံခဲ့ရသလို နော်ဝေးလူမျိုးတို့ရဲ့ ရာစုနှစ်အကောင်းဆုံး ဆောက်လုပ်ရေးသင်္ကေတအဖြစ်လည်း သတ်မှတ်ခံထားရတဲ့ လမ်းလည်းဖြစ်ပါတယ်။ ကမ္ဘာလှည့်ခရီးသွားတွေကို ဆွဲဆောင်တဲ့နေရာတစ်ခုဖြစ်သလို အန္တရာယ်အရှိဆုံးလမ်းတစ်ခုဆိုရင်လည်း မမှားပါဘူး။ အကြောင်းကတော့ ဒီလမ်းရဲ့ တချို့နေရာတွေမှာ ရာသီဥတုအပြောင်းအလဲမြန်ခြင်း ၊ ရုတ်တရက်အပူချိန်ကျဆင်းတတ်ခြင်း နဲ့ ရံဖန်ရံခါ မုန်တိုင်းတွေတိုက်ခတ်လေ့ရှိလို့ပဲဖြစ်ပါတယ်။
Credit... http://thutazone.net