အလယ်လူ

 

Myanmar B2B Management Magazine

 

အလယ်လူ
=======

ရေးသူ - ကောင်းလွန်း

ကိစ္စရပ်တော်တော် များများကို လွယ်ကူချော မွေ့စေဖို့ အလယ်လူဆိုတာ လိုအပ် ပါတယ်။ အလယ်လူတွေဟာ တာဝန်ကြီးမားတဲ့ အကျိုးဆောင် သူတွေဖြစ်ကြ ပါတယ်။ တချို့ အကျိုး ဆောင်က စေ့စပ်ညှိနှိုင်းသူဆိုပြီး နာမည်အမျိုးမျိုးနဲ့ ခေါ်တွင် ကြပေမဲ့ သူတို့ရဲ့ အဓိက အလုပ်ဟာ အလယ်ထဲမှာ မျှမျှတတ နေထိုင်ပြီး တစ်ဖက်နဲ့ တစ်ဖက် အဆင်ပြေ စေရေး အတွက် ဆောင်ရွက် ကြိုးပမ်းပေးကြ ရတာပဲ ဖြစ်ပါတယ်။ စီးပွားရေး လုပ်ငန်း ကြီးတွေ၊ အဖွဲ့အစည်းကြီးတွေ၊ ကုန် ထုတ် လုပ်ငန်းကြီးတွေမှာ အလယ်လူ တော်တော် များများ လိုအပ်ပါတယ်။ အဲဒီ လုပ်ငန်းတွေက အလယ်လူကိုတော့ ကြီးကြပ်ရေးမှူး (Supervisor) လို့ ခေါ်ကြပါတယ်။ Supervisor ၊ Foreman၊ Overseer၊ Honcho စတဲ့ အခေါ်အဝေါ် တွေ အများကြီး ရှိပေမဲ့ လုပ်ငန်းဆောင်တာ ကတော့ အတူတူပါပဲ။ သူတို့ဟာ အင်အား အများစုဖြစ်တဲ့ အခြေခံ လုပ်သားတွေနဲ့ အနည်းစု ဖြစ်တဲ့ အထက်ပိုင်း က စီမံခန့်ခွဲ သူတွေ၊ ဦးဆောင်သူတွေ၊ လုပ်ငန်းရှင်တွေရဲ့ကြားမှာ ပြေလည် အောင် ညှိနှိုင်းကွပ်ကဲ ကြီးကြပ်ရသူ တွေဖြစ်ပါတယ်။


အဲဒီလို ကြီးကြပ်ရာမှာ ပြေပြေလည်လည် ချောချောမွေ့မွေ့ လည်ပတ်စေရေးကို ဦးတည် ကြရပါတယ်။ အလယ်လူ ကောင်းတဲ့ အဖွဲ့အစည်းတွေဟာ ပျော်စရာ ကောင်းပြီး ညံ့ဖျင်းတဲ့ အလယ်လူတွေရှိတဲ့ အဖွဲ့အစည်းဟာ ရေရှည်မှာ ပြဿနာ တက်တတ်ပါတယ်။ ဒါကြောင့် Supervisor ဆိုတဲ့ အလယ်လူတွေဟာ အဖွဲ့ အစည်းတိုင်းအတွက် မရှိမဖြစ် လိုအပ်ပါ တယ်။ သူတို့ဟာ အောက်ခြေက တက် လာကြသူတွေ ဖြစ်ကြလို့ အောက်ခြေ လူတန်းစား ဘဝကိုလည်း ကောင်း ကောင်း နားလည် ကြသူတွေ ဖြစ်ကြပါတယ်။ အဲဒီကြီးကြပ်သူ တွေ ဟာ အောက် ခြေဘဝမှာ အကောင်းဆုံးလုပ်ဆောင်ခဲ့ကြ သူတွေဖြစ်ကြပါတယ်။ သူတို့ရဲ့ ဘဝ တစ်ဆင့် မြင့်လာဖို့အတွက် သူတို့ဟာ Supervisory Skills သင်တန်းကို တက် ရောက်ခဲ့ကြရပါတယ်။ အဲဒီသင်တန်းမှာ သူတို့ဟာ သူတို့အလုပ်ကို အကောင်း ဆုံး လုပ်နေရုံနဲ့ မပြီးတော့ဘဲ သူတို့လိုပဲ အကောင်းဆုံး လုပ်နိုင်သူတွေကို မွေးထုတ် ပေးကြရ မယ်ဆိုတာ သိလာကြသလို ဘယ်လိုမွေးထုတ်ကြမလဲ ဆိုတာကိုလည်း သင်ယူ ကြရပါ တယ်။

အဲဒီအဆင့်မှာ သင်ယူကြရတာ တွေကတော့- ဦးတည်ရာ ပန်းတိုင် သတ်မှတ် နည်း (Goal Setting) ၊ ပြဿနာ ဖြေရှင်းနည်း (Problem Solving Skills)၊ ဆုံး ဖြတ်ချက်ချနည်း (Decision Making)၊ ပဋိပက္ခ အဖြေရှာနည်း (Conflict Resolution)၊ ဆက်သွယ် ဆက် ဆံ ပြောဆိုနည်း (Communication Skills)၊ သင်းဖွဲ့ ငယ်တွေ ဖွဲ့စည်းခြင်း (Team Building) ၊ အချိန်ကို ကျွမ်းကျွမ်းကျင်ကျင် စီမံခြင်း (Time Management Skills)၊ လက် အောက်ငယ်သားတွေ လုပ်ချင် ကိုင်ချင်စိတ်ကို မြှင့်တင်ပေးခြင်း (Motivation)၊ အပြောင်း အလဲကို စီမံခြင်း (Managing Change) စတာတွေ ဖြစ်ပါတယ်။ အလယ်လူတွေဟာ အဖွဲ့ အစည်းတိုင်းအတွက် မရှိမဖြစ် လိုအပ်ပါတယ်။ သူတို့ဟာ သူတို့အလုပ်ကို ကောင်းကောင်း သိသူတတ်သူတွေ ဖြစ်ကြပါတယ်။ ဒါကြောင့် သူတို့ရဲ့အရည်အချင်းမျိုးကို နောက်လူ တွေ ပြည့်မီအောင် လက်ဆင့်ကမ်း သင်ကြားပေးကြရ ပါတယ်။ သူတို့ရဲ့ဘဝဟာ မန်နေဂျာတွေ လောက် မချောမွေ့ပါဘူး။ သူတို့ဟာ လက်အောက် ငယ်သားမျိုးစုံနဲ့ ထိတွေ့ ဆက်ဆံရ သူတွေဖြစ်ပြီး ကျောက်ခဲ ဆီ ကြိတ်ရသူတွေ ဖြစ်ကြပါတယ်။ သူတို့ဟာ အဖွဲ့အစည်းရဲ့ အကြီးအကဲတွေ ဆုံး ဖြတ်ချမှတ်တဲ့ ရလဒ်ကို ပြည့်မီအောင် ကြိုးပမ်းကြရသူတွေ ဖြစ်ကြ ပါတယ်။ သူတို့ရဲ့ လက်အောက်မှာ လုပ်ငန်းကို အမှန်တကယ် အကောင်အထည်ဖော် မယ့်သူတွေ ရှိပြီးတော့ သူတို့ရဲ့ အထက်မှာတော့ သူတို့ကို တာဝန်ယူမယ့် မန်နေဂျာတွေ ရှိကြပါတယ်။ သူတို့ဟာ လုပ်ငန်းအတတ်ပညာကို ကောင်းစွာ ကျွမ်းကျင် တတ်မြောက် ကြလို့ အလယ်လူ (Supervisor) အဖြစ် ချီးမြှောက်ခံကြ ရတာဖြစ်သလို သူတို့အလုပ်ကို သူတို့ သေသေချာချာ နားလည် ကျွမ်းကျင် ကြပါ တယ်။ သူတို့ဟာ ငယ်သားဘဝမှာ အလုပ် ကြိုးစားခဲ့သူတွေ၊ သေသေချာချာ သင် ယူခဲ့ပြီး အမှားအယွင်း နည်းခဲ့သူတွေ၊ အလုပ်ခွင် ကနေ ရလဒ်ကောင်းတွေ၊ ထုတ် ပေးနိုင်ခဲ့သူတွေ ဖြစ်ခဲ့ကြပါတယ်။ အဲဒီလို ကျွမ်းကျွမ်း ကျင်ကျင်ရှိမှလည်း သူတို့ရဲ့ လက်ရှိရာထူးမှာ တာဝန် ထမ်းဆောင်ကြတဲ့အခါ ငယ်သားတွေ လုပ်မိနိုင်တဲ့၊ လုပ်မိ တတ်တဲ့ အမှားတွေကို ကြိုတင်သိရှိထားပြီး ကာကွယ် နိုင်ကြမှာဖြစ် ပါတယ်။ ဒီနေ့ အဲဒီလို ကျွမ်းကျွမ်းကျင်ကျင် တာဝန်ယူနိုင်တဲ့ အလယ်လူ (Supervisor) တွေ ရှားပါးနေပါတယ်။ ရာထူး တိုးပေးလိုက်တာနဲ့ တာဝန်ခံလို စိတ် (Accountability) လျော့သွားကြတာကို တွေ့နေရ ပါတယ်။ အဲဒါ ဘာကြောင့်များ ပါလိမ့်လို့ သေသေချာချာ ဆန်းစစ်ကြည့်တဲ့အခါမှာ သူတို့မှာ သင် ပေးမယ့်သူ မရှိတာကိုတွေ့ရပါတယ်။


ကြီးကြပ်သူ (Supervisor) အများစုဟာ ကိုယ့်အဖွဲ့အစည်းအတွင်းမှာပဲ ရာထူး တိုးလာ ကြသူတွေ ဖြစ်ကြပါတယ်။ ဒါကြောင့် ဦးဆောင်သူတွေက သူတို့ကို ရာထူးတိုးပေး လိုက် တာနဲ့တင် ပြီးသွားပြီလို့ ထင်တတ်ကြပါတယ်။ ဒီလိုမဟုတ် ပါဘူး။ သူတို့ဟာ လုပ်ငန်း ကျွမ်းကျင် သူတွေ ဖြစ်ကြတာမှန်ပေမဲ့ Supervisory Skill ဆိုတဲ့ ကြီးကြပ်သူတို့ လိုက်နာ ဆောင်ရွက်ရန်တွေကို သိဖို့လိုအပ်ပါ သေးတယ်။ အဲဒီလိုသင် ပေးသင်ယူမှု မရှိရင် သူတို့ဟာ သူတို့ရဲ့ရာထူးမှာ ဘာလုပ်ရမှန်း မသိကြတဲ့ အတွက် အရင်တုန်းက လုပ်ခဲ့တဲ့ အလုပ်တွေကိုပဲ လက်အောက် ငယ်သားတွေနဲ့ အတူတူရော ပြီးလုပ်နေတတ်ကြတယ်။ ဒါကြောင့် ကိုယ့်လုပ်ငန်းခွင်ထဲက တစ်ယောက်ယောက်ကို Supervisor ရာထူးတိုး ပေး တော့မယ်ဆိုရင် Supervisory Skills Training တက် ခိုင်းပြီးမှ တိုးပေးသင့် ပါတယ်။ သူတို့ဟာ ရှေ့တန်း တိုက်စစ်မှူးတွေ ဖြစ်ကြတဲ့အတွက် လက်အောက် ငယ်သားတွေဆီက အကောင်းဆုံး စွမ်းဆောင်ရည် တွေ ထုတ်ယူနိုင်ကြဖို့ လိုပါတယ်။ စွမ်းဆောင်ရည် အားနည်းနေသူ တွေကို အားကောင်းလာအောင် လုပ်ပေး နိုင်တာ သူတို့ပဲဖြစ်ပါတယ်။ လုပ်ငန်း လိုအပ်ချက်အရ သတ်မှတ် ထားတဲ့ စံချိန်စံညွှန်း ပြည့်မီရေးဟာ အလယ်လူတွေ အပေါ်မှာ အများကြီး မူတည် ပါတယ်။ သူတို့ရဲ့သင်ပြမှု၊ သူတို့ရဲ့ လမ်းညွှန် ထိန်းကျောင်း မှုကောင်းရင် ကောင်း သလို အမှားအယွင်း အပျက်အစီး နည်းပြီး ရလဒ်ကောင်းနိုင်သလို သူတို့ ကိုယ်တိုင်အား နည်းရင် လုပ်ငန်းတစ်ခုလုံးရဲ့ ထုတ်လုပ်နိုင်စွမ်း ကျဆင်း သွားတတ် ပါတယ်။ ဒါကြောင့် အဖွဲ့အစည်းတိုင်း လုပ်ငန်းတိုင်းမှာ ဦးဆောင်သူ လုပ်ငန်းရှင်နဲ့ လုပ်ငန်း ကို အမှန်တကယ် ကြိုးပမ်းဆောင် ရွက်ပေးကြတဲ့ လုပ်အားရှင်တို့ကြားမှာ အငယ်တန်း စီမံခန့်ခွဲရေး သမားတွေဖြစ်ကြတဲ့ အလယ်လူ Supervisor တွေဟာ မရှိမဖြစ်လိုအပ်လှ ပါတယ်။

သူတို့ဟာ သူတို့လုပ်ငန်းကို ကျွမ်းကျွမ်းကျင်ကျင် လုပ်တတ်ပြီး ဖြစ်နေတဲ့အတွက် လုပ်ငန်း အတတ်ကို သင်ပေးစရာ မလိုတော့ပါဘူး။ ဒါပေမဲ့ သူတို့လိုက်နာရမယ့် ကျင့်ဝတ်တွေ၊ စည်း မျဉ်းစည်းကမ်းတွေနဲ့ နေထိုင်ပြုမူပြောဆိုပုံတွေပြင်ရတော့ မှာဖြစ်ပါတယ်။ အဲဒါတွေကို သင်ယူရမှာပါ။ အထူးသဖြင့် ငယ်သားဘဝမှာ အကြီးအကဲက ခိုင်းသမျှ လုပ်ခဲ့ရသူတွေ ဖြစ်ကြလို့ ကိုယ်ခိုင်းရမယ့်အလှည့်မှာ စနစ်တကျ မခိုင်းတတ်မှာ စိုးရိမ်ရပါတယ်။ အဲဒီလို စနစ်တကျ မခိုင်းတတ်ရင် သူတို့ဟာ သူတို့ကိုယ်တိုင် ဝင်လုပ်တတ်ကြပါတယ်။ မခိုင်း တတ်သူ တွေရဲ့ လက်သုံးစကားက (အားမရဘူး) လို့ ဖြစ်ပါတယ်။ သူတို့ရဲ့အားမရ တာတွေကို ဖြေရှင်းတဲ့ နည်းလမ်းကတော့ သူတို့ကို သင်ပေးဖို့ပါပဲ။

Supervisor တွေဟာ လက်အောက်ငယ်သားကို ထိန်းသိမ်းရုံ၊ ကြီးကြပ်ရုံ၊ အလုပ် ပြီးမြောက် စေရုံတို့အပြင် အဲဒီလုပ်ငန်းစဉ်တွေကို ချောချောမွေ့မွေ့ လုပ်နိုင် အောင်လည်း သင်ပေးရပါတယ်။ အလယ်လူတွေရဲ့ သင်ပေးပုံ သင်ပေး နည်း အမျိုးမျိုးရှိကြပါတယ်။ ဒါကို သုတေသန လုပ်ကြည့်ကြတဲ့အခါ ဒီလိုတွေ့ရပါ တယ်။

၁။ သူတို့ဟာ သူတို့လက်အောက် ငယ်သားတွေကို အတွေ့အကြုံ ရှိပြီးသား ကျွမ်းကျင် ဝန်ထမ်း တွေနဲ့ အတူတူရောနှောပြီး လုပ်ကိုင်လေ့ကျင့်စေတဲ့နည်း ၉၀ ရာခိုင်နှုန်း။
၂။ သင်ယူစရာရှိတာတွေကို ကိုယ်တိုင် သီးခြားလေ့ကျင့်ပေးတဲ့နည်း ၅၇ ရာခိုင်နှုန်း။
၃။ ကုမ္ပဏီရဲ့သင်တန်းဌာနမှာ တက် ရောက်သင်ယူစေတဲ့နည်း ၄၂ ရာခိုင် နှုန်း။
၎။ ကုမ္ပဏီရဲ့ပြင်ပကသင်တန်းတွေမှာ အပ်နှံသင်ကြားစေတဲ့နည်း ၂၇ ရာခိုင် နှုန်း။
၅။ ဘာကိုမှ သီးခြားသင်မပေးပါဘူး (ကြည့်ရင်းလိုက်လုပ်ရင်း တတ်ရတာ) ၅ ရာခိုင်နှုန်း။

Supervisor တွေက လုပ်ငန်း အတတ်ပညာကို လက်အောက်ငယ်သား တွေ တတ်မြောက် အောင် သေသေချာချာ မသင်ပေးဘဲ သူများလုပ်တာကြည့်ရင်းလိုက် လုပ်ရင်းနဲ့ တတ်လာ တာမျိုးကို Monkey See ၊ Monkey Do လို့ပြောလေ့ ရှိပါ တယ်။ မျောက်တွေဟာ အတု ခိုးမြန်ပါတယ်။ တစ်ကောင် လုပ်နေတာကိုကြည့်ပြီး နောက်တစ်ကောင်က အတုယူပြီးလိုက် လုပ်တာမျိုးပါ။


အလယ်လူ Supervisor တွေဟာ စွန့်စားလိုစိတ် ရှိသူတွေ ဖြစ်တတ်ကြပြီး အန္တရာယ်ရှိတဲ့ အလုပ်တွေအတွက် သူတို့ ကိုယ်တိုင် ဦးဆောင် ပါဝင်ကြလေ့ ရှိပါ တယ်။ သူတို့မှာရှိရမယ့် ကျွမ်းကျင်မှုတွေထဲက တချို့ကတော့ Adaptability ၊ Positive Attitude၊ Supportive ၊ Planning၊ Team Development ဆိုတာ တွေ ဖြစ်ပါတယ်။ ပြီးတော့ သူတို့ဟာ စိတ်ရှည် သီးခံ တတ်သူတွေ ဖြစ်ဖို့လည်း လိုသလို ကိုယ်ချင်း စာတတ်သူတွေလည်း ဖြစ်ဖို့လိုပါတယ်။ ဆုံးဖြတ်ချက် တစ်ခုရပြီးရင် မတွေဝေဖို့နဲ့ မြန်မြန်ဆန်ဆန် လုပ်တတ်ဖို့လိုပါတယ်။ Supervisor တွေဟာ အောက်ခြေ လုပ်သားတွေနဲ့ အများဆုံး ထိတွေ့ ကြရသူတွေဖြစ်လို့ ဘက်လိုက်မှု ကင်းဖို့ သိပ်ကိုအရေးကြီးပါတယ်။ ကိုယ့်လက်အောက် ငယ်သားတွေရဲ့ အောင်မြင်မှုကို ကိုယ်တိုင် ပါဝင်ခံစားပြီး ချီးကျူးပြောဆို တတ်ဖို့လည်း လိုအပ်ပါတယ်။ အလုပ်ခွင်မှာ ပြဿနာတစ်ခုခု ဖြစ်လာရင် အရင်ဆုံး သိနိုင်တာကလည်း အဲဒီ Supervisor တွေပဲဖြစ်လို့ ပြဿနာကို အမြန်ဆုံး ဖြေရှင်းနိုင်ဖို့ လိုပါတယ်။ Supervisor ကောင်းတွေ ဟာ အလုပ်လုပ်ရာမှာ စေ့စပ်လွန်းလို့ အပြစ်ရှာသူတွေအဖြစ် အမြင်ခံရတတ်ပါတယ်။ ဒါကြောင့် ဦး ဆောင်သူတွေ၊ ခေါင်းဆောင် တွေ က သူတို့ ကို Accuracy အတွက် လေ့ကျင့်ပေးရမှာ ဖြစ်ပြီး Nitpicking ဆိုတဲ့ အရာရာလိုက်ကြည့်ပြီး အပြစ်တင်နေတာမျိုး မဖြစ်အောင် ထိန်းကျောင်း ပေးဖို့လည်း လိုပါတယ်။

#MyanmarB2BManagementMagazine,September2017